Devi Mahatmyam Durga Saptasati Chapter 12

දේවී මාහාත්ම්යං දුර්ගා සප්තශති ද්වාදශෝ(අ)ධ්යායඃ

ශ්ලොක 1

ඵලශ්රුතිර්නාම ද්වාදශෝ(අ)ධ්යායඃ ..

ධ්යානං

විධ්යුද්ධාම සමප්රභාං මෘගපති ස්කන්ධ ස්ථිතාං භීෂණාං.

කන්යාභිඃ කරවාල ඛේට විලසද්දස්තාභි රාසේවිතාං

හස්තෛශ්චක්ර ගධාසි ඛේට විශිඛාං ගුණං තර්ජනීං

විභ්රාණ මනලාත්මිකාං ශිශිධරාං දුර්ගාං ත්රිනේත්රාං භජේ

දේව්යුවාච..1..

ඒභිඃ ස්තවෛශ්ච මා නිත්යං ස්තෝෂ්යතේ යඃ සමාහිතඃ.

තස්යාහං සකලාං බාධාං නාශයිෂ්යාම්ය සංශයම් ..2..

මධුකෛටභනාශං ච මහිෂාසුරඝාතනම්.

කීර්තියිෂ්යන්ති යේ ත ද්වද්වධං ශුම්භනිශුම්භයෝඃ ..3..

අෂ්ටම්යාං ච චතුර්ධශ්යාං නවම්යාං චෛකචේතසඃ.

ශ්රෝෂ්යන්ති චෛව යේ භක්ත්යා මම මාහාත්ම්යමුත්තමම් ..4..

න තේෂාං දුෂ්කෘතං කිඤ්චිද් දුෂ්කෘතෝත්ථා න චාපදඃ.

භවිෂ්යති න දාරිද්ර්යං න චෛ වේෂ්ටවියෝජනම් ..5..

ශත්රුභ්යෝ න භයං තස්ය දස්යුතෝ වා න රාජතඃ.

න ශස්ත්රානලතෝ යෞඝාත් කදාචිත් සම්භවිෂ්යති ..6..

තස්මාන්මමෛතන්මාහත්ම්යං පඨිතව්යං සමාහිතෛඃ.

ශ්රෝතව්යං ච සදා භක්ත්යා පරං ස්වස්ත්යයනං හි තත් ..7..

උප සර්ගාන ශේෂාංස්තු මහාමාරී සමුද්භවාන්.

තථා ත්රිවිධ මුත්පාතං මාහාත්ම්යං ශමයේන්මම ..8..

යත්රෛත ත්පඨ්යතේ සම්යඞ්නිත්යමායතනේ මම.

සදා න තද්විමෝක්ෂ්යාමි සාන්නිධ්යං තත්ර මේස්ථිතම් ..9..

බලි ප්රදානේ පූජායාමග්නි කාර්යේ මහෝත්සවේ.

සර්වං මමෛතන්මාහාත්ම්යං උච්චාර්යං ශ්රාව්යමේවච ..10..

ජානතාජානතා වාපි බලි පූජාං තථා කෘතාම්.

ප්රතීක්ෂිෂ්යාම්යහං ප්රීත්යා වහ්නි හෝමං තථා කෘතම් ..11..

ශරත්කාලේ මහාපූජා ක්රියතේ යාච වාර්ෂිකී.

තස්යාං මමෛතන්මාහාත්ම්යං ශ්රුත්වා භක්තිසමන්විතඃ ..12..

සර්වබාධාවිනිර්මුක්තෝ ධනධාන්යසමන්විතඃ.

මනුෂ්යෝ මත්ප්රසාදේන භවිෂ්යති න සංශයඃ..13..

ශ්රුත්වා මමෛතන්මාහාත්ම්යං තථා චෝත්පත්තයඃ ශුභාඃ.

පරාක්රමං ච යුද්ධේෂු ජායතේ නිර්භයඃ පුමාන්..14..

රිපවඃ සඞ්ක්ෂයං යාන්ති කල්යාණාං චෝපපධ්යතේ.

නන්දතේ ච කුලං පුංසාං මහාත්ම්යං මමශෘණ්වතාම්..15..

ශාන්තිකර්මාණි සර්වත්ර තථා දුඃස්වප්නදර්ශනේ.

ග්රහපීඩාසු චෝග්රාසු මහාත්ම්යං ශෘණුයාන්මම..16..

උපසර්ගාඃ ශමං යාන්ති ග්රහපීඩාශ්ච දාරුණාඃ

දුඃස්වප්නං ච නෘභිර්දෘෂ්ටං සුස්වප්නමුපජායතේ..17..

බාලග්රහාභිභූතානං බාලානාං ශාන්තිකාරකම්.

සඞ්ඝාතභේදේ ච නෘණාං මෛත්රීකරණමුත්තමම්..18..

දුර්වෘත්තානාමශේෂාණාං බලහානිකරං පරම්.

රක්ෂෝභූතපිශාචානාං පඨනාදේව නාශනම්..19..

සර්වං මමෛතන්මාහාත්ම්යං මම සන්නිධිකාරකම්.

පශුපුෂ්පාර්ඝ්යධූපෛශ්ච ගන්ධදීපෛස්තථෝත්තමෛඃ..20..

විප්රාණාං භෝජනෛර්හෝමෛඃ ප්රොක්ෂණීයෛරහර්නිශම්.

අන්යෛශ්ච විවිධෛර්භෝගෛඃ ප්රදානෛර්වත්සරේණ යා..21..

ප්රීතිර්මේ ක්රියතේ සාස්මින් සකෘදුච්චරිතේ ශ්රුතේ.

ශ්රුතං හරති පාපානි තථාරෝග්යං ප්රයච්ඡති..22..

රක්ෂාං කරෝති භූතේභ්යෝ ජන්මනාං කීර්තිනං මම.

යුද්දේෂු චරිතං යන්මේ දුෂ්ට දෛත්ය නිබර්හණම්..23..

තස්මිඤ්ඡෘතේ වෛරිකෘතං භයං පුංසාං න ජායතේ.

යුෂ්මාභිඃ ස්තුතයෝ යාශ්ච යාශ්ච බ්රහ්මර්ෂිභිඃ කෘතාඃ..24..

බ්රහ්මණා ච කෘතාස්තාස්තු ප්රයච්ඡන්තු ශුභාං මතිම්.

අරණ්යේ ප්රාන්තරේ වාපි දාවාග්නි පරිවාරිතඃ..25..

දස්යුභිර්වා වෘතඃ ශූන්යේ ගෘහීතෝ වාපි ශතෘභිඃ.

සිංහව්යාඝ්රානුයාතෝ වා වනේවා වන හස්තිභිඃ..26..

රාජ්ඤා ක්රුද්දේන චාජ්ඤප්තෝ වධ්යෝ බන්ද ගතෝ(අ)පිවා.

ආඝූර්ණිතෝ වා වාතේන ස්ථිතඃ පෝතේ මහාර්ණවේ..27..

පතත්සු චාපි ශස්ත්රේෂු සඞ්ග්රාමේ භෘශදාරුණේ.

සර්වාබාධාශු ඝෝරාසු වේදනාභ්යර්දිතෝ(අ)පිවා..28..

ස්මරන් මමෛතච්චරිතං නරෝ මුච්යේත සඞ්කටාත්.

මම ප්රභාවාත්සිංහාද්යා දස්යවෝ වෛරිණ ස්තථා..29..

දූරාදේව පලායන්තේ ස්මරතශ්චරිතං මම..30..

ඍෂිරුවාච..31..

ඉත්යුක්ත්වා සා භගවතී චණ්ඩිකා චණ්ඩවික්රමා.

පශ්යතාං සර්ව දේවානාං තත්රෛවාන්තරධීයත..32..

තේ(අ)පි දේවා නිරාතඞ්කාඃ ස්වාධිකාරාන්යථා පුරා.

යජ්ඤභාගභුජඃ සර්වේ චක්රුර්වි නිහතාරයඃ..33..

දෛත්යාශ්ච දේව්යා නිහතේ ශුම්භේ දේවරිප(අ)උ යුධි

ජගද්විධ්වංසකේ තස්මින් මහෝග්රේ(අ)තුල වික්රමේ..34..

නිශුම්භේ ච මහාවීර්යේ ශේෂාඃ පාතාලමායයුඃ..35..

ඒවං භගවතී දේවී සා නිත්යාපි පුනඃ පුනඃ.

සම්භූය කුරුතේ භූප ජගතඃ පරිපාලනම්..36..

තයෛතන්මෝහ්යතේ විශ්වං සෛව විශ්වං ප්රසූයතේ.

සායාචිතා ච විජ්ඤානං තුෂ්ටා ඍද්ධිං ප්රයච්ඡති..37..

ව්යාප්තං තයෛතත්සකලං බ්රහ්මාණ්ඩං මනුජේශ්වර.

මහාදේව්යා මහාකාලී මහාමාරී ස්වරූපයා..38..

සෛව කාලේ මහාමාරී සෛව සෘෂ්තිර්භවත්යජා.

ස්ථිතිං කරෝති භූතානාං සෛව කාලේ සනාතනී..39..

භවකාලේ නෘණාං සෛව ලක්ෂ්මීර්වෘද්ධිප්රදා ගෘහේ.

සෛවාභාවේ තථා ලක්ෂ්මී ර්විනාශායෝපජායතේ..40..

ස්තුතා සම්පූජිතා පුෂ්පෛර්ගන්ධධූපාදිභිස්තථා.

දදාති විත්තං පුත්රාංශ්ච මතිං ධර්මේ ගතිං ශුභාං..41..

.. ඉති ශ්රී මාර්කණ්ඩේය පුරාණේ සාවර්නිකේ මන්වන්තරේ දේවී මහත්ම්යේ ඵලශ්රුතිර්නාම ද්වාදශෝ(අ)ධ්යාය සමාප්තම් ..

ආහුති

ඕං ක්ලීං ජයන්තී සාඞ්ගායෛ සශක්තිකායෛ සපරිවාරායෛ සවාහනායෛ වරප්රධායෛ වෛෂ්ණවී දේව්යෛ අහාහුතිං සමර්පයාමි නමඃ ස්වාහා ..