Devi Mahatmyam Durga Saptasati Chapter 12

ଦେଵୀ ମାହାତ୍ମ୍ଯଂ ଦୁର୍ଗା ସପ୍ତଶତି ଦ୍ଵାଦଶୋଽଧ୍ଯାଯଃ

ଶ୍ଲୋକ 1

ଫଲଶ୍ରୁତିର୍ନାମ ଦ୍ଵାଦଶୋଽଧ୍ଯାଯଃ ॥

ଧ୍ଯାନଂ

ଵିଧ୍ଯୁଦ୍ଧାମ ସମପ୍ରଭାଂ ମୃଗପତି ସ୍କନ୍ଧ ସ୍ଥିତାଂ ଭୀଷଣାଂ।

କନ୍ଯାଭିଃ କରଵାଲ ଖେଟ ଵିଲସଦ୍ଦସ୍ତାଭି ରାସେଵିତାଂ

ହସ୍ତୈଶ୍ଚକ୍ର ଗଧାସି ଖେଟ ଵିଶିଖାଂ ଗୁଣଂ ତର୍ଜନୀଂ

ଵିଭ୍ରାଣ ମନଲାତ୍ମିକାଂ ଶିଶିଧରାଂ ଦୁର୍ଗାଂ ତ୍ରିନେତ୍ରାଂ ଭଜେ

ଦେଵ୍ଯୁଵାଚ

ଶ୍ଲୋକ 2

ଏଭିଃ ସ୍ତଵୈଶ୍ଚ ମା ନିତ୍ଯଂ ସ୍ତୋଷ୍ଯତେ ଯଃ ସମାହିତଃ।

ତସ୍ଯାହଂ ସକଲାଂ ବାଧାଂ ନାଶଯିଷ୍ଯାମ୍ଯ ସଂଶଯମ୍

॥1॥

ଶ୍ଲୋକ 3

ମଧୁକୈଟଭନାଶଂ ଚ ମହିଷାସୁରଘାତନମ୍।

କୀର୍ତିଯିଷ୍ଯନ୍ତି ଯେ ତ ଦ୍ଵଦ୍ଵଧଂ ଶୁମ୍ଭନିଶୁମ୍ଭଯୋଃ

॥2॥

ଶ୍ଲୋକ 4

ଅଷ୍ଟମ୍ଯାଂ ଚ ଚତୁର୍ଧଶ୍ଯାଂ ନଵମ୍ଯାଂ ଚୈକଚେତସଃ।

ଶ୍ରୋଷ୍ଯନ୍ତି ଚୈଵ ଯେ ଭକ୍ତ୍ଯା ମମ ମାହାତ୍ମ୍ଯମୁତ୍ତମମ୍

॥3॥

ଶ୍ଲୋକ 5

ନ ତେଷାଂ ଦୁଷ୍କୃତଂ କିଞ୍ଚିଦ୍ ଦୁଷ୍କୃତୋତ୍ଥା ନ ଚାପଦଃ।

ଭଵିଷ୍ଯତି ନ ଦାରିଦ୍ର୍ଯଂ ନ ଚୈ ଵେଷ୍ଟଵିଯୋଜନମ୍

॥4॥

ଶ୍ଲୋକ 6

ଶତ୍ରୁଭ୍ଯୋ ନ ଭଯଂ ତସ୍ଯ ଦସ୍ଯୁତୋ ଵା ନ ରାଜତଃ।

ନ ଶସ୍ତ୍ରାନଲତୋ ଯୌଘାତ୍ କଦାଚିତ୍ ସମ୍ଭଵିଷ୍ଯତି

॥5॥

ଶ୍ଲୋକ 7

ତସ୍ମାନ୍ମମୈତନ୍ମାହତ୍ମ୍ଯଂ ପଠିତଵ୍ଯଂ ସମାହିତୈଃ।

ଶ୍ରୋତଵ୍ଯଂ ଚ ସଦା ଭକ୍ତ୍ଯା ପରଂ ସ୍ଵସ୍ତ୍ଯଯନଂ ହି ତତ୍

॥6॥

ଶ୍ଲୋକ 8

ଉପ ସର୍ଗାନ ଶେଷାଂସ୍ତୁ ମହାମାରୀ ସମୁଦ୍ଭଵାନ୍।

ତଥା ତ୍ରିଵିଧ ମୁତ୍ପାତଂ ମାହାତ୍ମ୍ଯଂ ଶମଯେନ୍ମମ

॥7॥

ଶ୍ଲୋକ 9

ଯତ୍ରୈତ ତ୍ପଠ୍ଯତେ ସମ୍ଯଙ୍ନିତ୍ଯମାଯତନେ ମମ।

ସଦା ନ ତଦ୍ଵିମୋକ୍ଷ୍ଯାମି ସାନ୍ନିଧ୍ଯଂ ତତ୍ର ମେସ୍ଥିତମ୍

॥8॥

ଶ୍ଲୋକ 10

ବଲି ପ୍ରଦାନେ ପୂଜାଯାମଗ୍ନି କାର୍ଯେ ମହୋତ୍ସଵେ।

ସର୍ଵଂ ମମୈତନ୍ମାହାତ୍ମ୍ଯଂ ଉଚ୍ଚାର୍ଯଂ ଶ୍ରାଵ୍ଯମେଵଚ

॥9॥

ଶ୍ଲୋକ 11

ଜାନତାଜାନତା ଵାପି ବଲି ପୂଜାଂ ତଥା କୃତାମ୍।

ପ୍ରତୀକ୍ଷିଷ୍ଯାମ୍ଯହଂ ପ୍ରୀତ୍ଯା ଵହ୍ନି ହୋମଂ ତଥା କୃତମ୍

॥10॥

ଶ୍ଲୋକ 12

ଶରତ୍କାଲେ ମହାପୂଜା କ୍ରିଯତେ ଯାଚ ଵାର୍ଷିକୀ।

ତସ୍ଯାଂ ମମୈତନ୍ମାହାତ୍ମ୍ଯଂ ଶ୍ରୁତ୍ଵା ଭକ୍ତିସମନ୍ଵିତଃ

॥11॥

ଶ୍ଲୋକ 13

ସର୍ଵବାଧାଵିନିର୍ମୁକ୍ତୋ ଧନଧାନ୍ଯସମନ୍ଵିତଃ।

ମନୁଷ୍ଯୋ ମତ୍ପ୍ରସାଦେନ ଭଵିଷ୍ଯତି ନ ସଂଶଯଃ

॥12॥

ଶ୍ଲୋକ 14

ଶ୍ରୁତ୍ଵା ମମୈତନ୍ମାହାତ୍ମ୍ଯଂ ତଥା ଚୋତ୍ପତ୍ତଯଃ ଶୁଭାଃ।

ପରାକ୍ରମଂ ଚ ଯୁଦ୍ଧେଷୁ ଜାଯତେ ନିର୍ଭଯଃ ପୁମାନ୍

॥13॥

ଶ୍ଲୋକ 15

ରିପଵଃ ସଙ୍କ୍ଷଯଂ ଯାନ୍ତି କଲ୍ଯାଣାଂ ଚୋପପଧ୍ଯତେ।

ନନ୍ଦତେ ଚ କୁଲଂ ପୁଂସାଂ ମହାତ୍ମ୍ଯଂ ମମଶୃଣ୍ଵତାମ୍

॥14॥

ଶ୍ଲୋକ 16

ଶାନ୍ତିକର୍ମାଣି ସର୍ଵତ୍ର ତଥା ଦୁଃସ୍ଵପ୍ନଦର୍ଶନେ।

ଗ୍ରହପୀଡାସୁ ଚୋଗ୍ରାସୁ ମହାତ୍ମ୍ଯଂ ଶୃଣୁଯାନ୍ମମ

॥15॥

ଶ୍ଲୋକ 17

ଉପସର୍ଗାଃ ଶମଂ ଯାନ୍ତି ଗ୍ରହପୀଡାଶ୍ଚ ଦାରୁଣାଃ

ଦୁଃସ୍ଵପ୍ନଂ ଚ ନୃଭିର୍ଦୃଷ୍ଟଂ ସୁସ୍ଵପ୍ନମୁପଜାଯତେ

॥16॥

ଶ୍ଲୋକ 18

ବାଲଗ୍ରହାଭିଭୂତାନଂ ବାଲାନାଂ ଶାନ୍ତିକାରକମ୍।

ସଙ୍ଘାତଭେଦେ ଚ ନୃଣାଂ ମୈତ୍ରୀକରଣମୁତ୍ତମମ୍

॥17॥

ଶ୍ଲୋକ 19

ଦୁର୍ଵୃତ୍ତାନାମଶେଷାଣାଂ ବଲହାନିକରଂ ପରମ୍।

ରକ୍ଷୋଭୂତପିଶାଚାନାଂ ପଠନାଦେଵ ନାଶନମ୍

॥18॥

ଶ୍ଲୋକ 20

ସର୍ଵଂ ମମୈତନ୍ମାହାତ୍ମ୍ଯଂ ମମ ସନ୍ନିଧିକାରକମ୍।

ପଶୁପୁଷ୍ପାର୍ଘ୍ଯଧୂପୈଶ୍ଚ ଗନ୍ଧଦୀପୈସ୍ତଥୋତ୍ତମୈଃ

॥19॥

ଶ୍ଲୋକ 21

ଵିପ୍ରାଣାଂ ଭୋଜନୈର୍ହୋମୈଃ ପ୍ରॊକ୍ଷଣୀଯୈରହର୍ନିଶମ୍।

ଅନ୍ଯୈଶ୍ଚ ଵିଵିଧୈର୍ଭୋଗୈଃ ପ୍ରଦାନୈର୍ଵତ୍ସରେଣ ଯା

॥20॥

ଶ୍ଲୋକ 22

ପ୍ରୀତିର୍ମେ କ୍ରିଯତେ ସାସ୍ମିନ୍ ସକୃଦୁଚ୍ଚରିତେ ଶ୍ରୁତେ।

ଶ୍ରୁତଂ ହରତି ପାପାନି ତଥାରୋଗ୍ଯଂ ପ୍ରଯଚ୍ଛତି

॥21॥

ଶ୍ଲୋକ 23

ରକ୍ଷାଂ କରୋତି ଭୂତେଭ୍ଯୋ ଜନ୍ମନାଂ କୀର୍ତିନଂ ମମ।

ଯୁଦ୍ଦେଷୁ ଚରିତଂ ଯନ୍ମେ ଦୁଷ୍ଟ ଦୈତ୍ଯ ନିବର୍ହଣମ୍

॥22॥

ଶ୍ଲୋକ 24

ତସ୍ମିଞ୍ଛୃତେ ଵୈରିକୃତଂ ଭଯଂ ପୁଂସାଂ ନ ଜାଯତେ।

ଯୁଷ୍ମାଭିଃ ସ୍ତୁତଯୋ ଯାଶ୍ଚ ଯାଶ୍ଚ ବ୍ରହ୍ମର୍ଷିଭିଃ କୃତାଃ

॥23॥

ଶ୍ଲୋକ 25

ବ୍ରହ୍ମଣା ଚ କୃତାସ୍ତାସ୍ତୁ ପ୍ରଯଚ୍ଛନ୍ତୁ ଶୁଭାଂ ମତିମ୍।

ଅରଣ୍ଯେ ପ୍ରାନ୍ତରେ ଵାପି ଦାଵାଗ୍ନି ପରିଵାରିତଃ

॥24॥

ଶ୍ଲୋକ 26

ଦସ୍ଯୁଭିର୍ଵା ଵୃତଃ ଶୂନ୍ଯେ ଗୃହୀତୋ ଵାପି ଶତୃଭିଃ।

ସିଂହଵ୍ଯାଘ୍ରାନୁଯାତୋ ଵା ଵନେଵା ଵନ ହସ୍ତିଭିଃ

॥25॥

ଶ୍ଲୋକ 27

ରାଜ୍ଞା କ୍ରୁଦ୍ଦେନ ଚାଜ୍ଞପ୍ତୋ ଵଧ୍ଯୋ ବନ୍ଦ ଗତୋଽପିଵା।

ଆଘୂର୍ଣିତୋ ଵା ଵାତେନ ସ୍ଥିତଃ ପୋତେ ମହାର୍ଣଵେ

॥26॥

ଶ୍ଲୋକ 28

ପତତ୍ସୁ ଚାପି ଶସ୍ତ୍ରେଷୁ ସଙ୍ଗ୍ରାମେ ଭୃଶଦାରୁଣେ।

ସର୍ଵାବାଧାଶୁ ଘୋରାସୁ ଵେଦନାଭ୍ଯର୍ଦିତୋଽପିଵା

॥27॥

ଶ୍ଲୋକ 29

ସ୍ମରନ୍ ମମୈତଚ୍ଚରିତଂ ନରୋ ମୁଚ୍ଯେତ ସଙ୍କଟାତ୍।

ମମ ପ୍ରଭାଵାତ୍ସିଂହାଦ୍ଯା ଦସ୍ଯଵୋ ଵୈରିଣ ସ୍ତଥା

॥28॥

ଶ୍ଲୋକ 30

ଦୂରାଦେଵ ପଲାଯନ୍ତେ ସ୍ମରତଶ୍ଚରିତଂ ମମ

॥29॥

ଶ୍ଲୋକ 31

ଋଷିରୁଵାଚ

॥30॥

ଶ୍ଲୋକ 32

ଇତ୍ଯୁକ୍ତ୍ଵା ସା ଭଗଵତୀ ଚଣ୍ଡିକା ଚଣ୍ଡଵିକ୍ରମା।

ପଶ୍ଯତାଂ ସର୍ଵ ଦେଵାନାଂ ତତ୍ରୈଵାନ୍ତରଧୀଯତ

॥31॥

ଶ୍ଲୋକ 33

ତେଽପି ଦେଵା ନିରାତଙ୍କାଃ ସ୍ଵାଧିକାରାନ୍ଯଥା ପୁରା।

ଯଜ୍ଞଭାଗଭୁଜଃ ସର୍ଵେ ଚକ୍ରୁର୍ଵି ନିହତାରଯଃ

॥32॥

ଶ୍ଲୋକ 34

ଦୈତ୍ଯାଶ୍ଚ ଦେଵ୍ଯା ନିହତେ ଶୁମ୍ଭେ ଦେଵରିପଽଉ ଯୁଧି

ଜଗଦ୍ଵିଧ୍ଵଂସକେ ତସ୍ମିନ୍ ମହୋଗ୍ରେଽତୁଲ ଵିକ୍ରମେ

॥33॥

ଶ୍ଲୋକ 35

ନିଶୁମ୍ଭେ ଚ ମହାଵୀର୍ଯେ ଶେଷାଃ ପାତାଲମାଯଯୁଃ

॥34॥

ଶ୍ଲୋକ 36

ଏଵଂ ଭଗଵତୀ ଦେଵୀ ସା ନିତ୍ଯାପି ପୁନଃ ପୁନଃ।

ସମ୍ଭୂଯ କୁରୁତେ ଭୂପ ଜଗତଃ ପରିପାଲନମ୍

॥35॥

ଶ୍ଲୋକ 37

ତଯୈତନ୍ମୋହ୍ଯତେ ଵିଶ୍ଵଂ ସୈଵ ଵିଶ୍ଵଂ ପ୍ରସୂଯତେ।

ସାଯାଚିତା ଚ ଵିଜ୍ଞାନଂ ତୁଷ୍ଟା ଋଦ୍ଧିଂ ପ୍ରଯଚ୍ଛତି

॥36॥

ଶ୍ଲୋକ 38

ଵ୍ଯାପ୍ତଂ ତଯୈତତ୍ସକଲଂ ବ୍ରହ୍ମାଣ୍ଡଂ ମନୁଜେଶ୍ଵର।

ମହାଦେଵ୍ଯା ମହାକାଲୀ ମହାମାରୀ ସ୍ଵରୂପଯା

॥37॥

ଶ୍ଲୋକ 39

ସୈଵ କାଲେ ମହାମାରୀ ସୈଵ ସୃଷ୍ତିର୍ଭଵତ୍ଯଜା।

ସ୍ଥିତିଂ କରୋତି ଭୂତାନାଂ ସୈଵ କାଲେ ସନାତନୀ

॥38॥

ଶ୍ଲୋକ 40

ଭଵକାଲେ ନୃଣାଂ ସୈଵ ଲକ୍ଷ୍ମୀର୍ଵୃଦ୍ଧିପ୍ରଦା ଗୃହେ।

ସୈଵାଭାଵେ ତଥା ଲକ୍ଷ୍ମୀ ର୍ଵିନାଶାଯୋପଜାଯତେ

॥39॥

ଶ୍ଲୋକ 41

ସ୍ତୁତା ସମ୍ପୂଜିତା ପୁଷ୍ପୈର୍ଗନ୍ଧଧୂପାଦିଭିସ୍ତଥା।

ଦଦାତି ଵିତ୍ତଂ ପୁତ୍ରାଂଶ୍ଚ ମତିଂ ଧର୍ମେ ଗତିଂ ଶୁଭାଂ

॥40॥

ଶ୍ଲୋକ 42

॥ ଇତି ଶ୍ରୀ ମାର୍କଣ୍ଡେଯ ପୁରାଣେ ସାଵର୍ନିକେ ମନ୍ଵନ୍ତରେ ଦେଵୀ ମହତ୍ମ୍ଯେ ଫଲଶ୍ରୁତିର୍ନାମ ଦ୍ଵାଦଶୋଽଧ୍ଯାଯ ସମାପ୍ତମ୍ ॥

ଆହୁତି

ଓଁ କ୍ଲୀଂ ଜଯନ୍ତୀ ସାଙ୍ଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଵରପ୍ରଧାଯୈ ଵୈଷ୍ଣଵୀ ଦେଵ୍ଯୈ ଅହାହୁତିଂ ସମର୍ପଯାମି ନମଃ ସ୍ଵାହା ॥