Devi Mahatmyam Durga Saptasati Chapter 12

devI mAhAtmyaM durgA saptazati dvAdazo'dhyAyaH

zloka 1

phalazrutirnAma dvAdazo'dhyAyaH ||

dhyAnaM

vidhyuddhAma samaprabhAM mRgapati skandha sthitAM bhISaNAM|

kanyAbhiH karavAla kheTa vilasaddastAbhi rAsevitAM

hastaizcakra gadhAsi kheTa vizikhAM guNaM tarjanIM

vibhrANa manalAtmikAM zizidharAM durgAM trinetrAM bhaje

devyuvAca||1||

ebhiH stavaizca mA nityaM stoSyate yaH samAhitaH|

tasyAhaM sakalAM bAdhAM nAzayiSyAmya saMzayam ||2||

madhukaiTabhanAzaM ca mahiSAsuraghAtanam|

kIrtiyiSyanti ye ta dvadvadhaM zumbhanizumbhayoH ||3||

aSTamyAM ca caturdhazyAM navamyAM caikacetasaH|

zroSyanti caiva ye bhaktyA mama mAhAtmyamuttamam ||4||

na teSAM duSkRtaM kiJcid duSkRtotthA na cApadaH|

bhaviSyati na dAridryaM na cai veSTaviyojanam ||5||

zatrubhyo na bhayaM tasya dasyuto vA na rAjataH|

na zastrAnalato yaughAt kadAcit sambhaviSyati ||6||

tasmAnmamaitanmAhatmyaM paThitavyaM samAhitaiH|

zrotavyaM ca sadA bhaktyA paraM svastyayanaM hi tat ||7||

upa sargAna zeSAMstu mahAmArI samudbhavAn|

tathA trividha mutpAtaM mAhAtmyaM zamayenmama ||8||

yatraita tpaThyate samyaGnityamAyatane mama|

sadA na tadvimokSyAmi sAnnidhyaM tatra mesthitam ||9||

bali pradAne pUjAyAmagni kArye mahotsave|

sarvaM mamaitanmAhAtmyaM uccAryaM zrAvyamevaca ||10||

jAnatAjAnatA vApi bali pUjAM tathA kRtAm|

pratIkSiSyAmyahaM prItyA vahni homaM tathA kRtam ||11||

zaratkAle mahApUjA kriyate yAca vArSikI|

tasyAM mamaitanmAhAtmyaM zrutvA bhaktisamanvitaH ||12||

sarvabAdhAvinirmukto dhanadhAnyasamanvitaH|

manuSyo matprasAdena bhaviSyati na saMzayaH||13||

zrutvA mamaitanmAhAtmyaM tathA cotpattayaH zubhAH|

parAkramaM ca yuddheSu jAyate nirbhayaH pumAn||14||

ripavaH saGkSayaM yAnti kalyANAM copapadhyate|

nandate ca kulaM puMsAM mahAtmyaM mamazRNvatAm||15||

zAntikarmANi sarvatra tathA duHsvapnadarzane|

grahapIDAsu cogrAsu mahAtmyaM zRNuyAnmama||16||

upasargAH zamaM yAnti grahapIDAzca dAruNAH

duHsvapnaM ca nRbhirdRSTaM susvapnamupajAyate||17||

bAlagrahAbhibhUtAnaM bAlAnAM zAntikArakam|

saGghAtabhede ca nRNAM maitrIkaraNamuttamam||18||

durvRttAnAmazeSANAM balahAnikaraM param|

rakSobhUtapizAcAnAM paThanAdeva nAzanam||19||

sarvaM mamaitanmAhAtmyaM mama sannidhikArakam|

pazupuSpArghyadhUpaizca gandhadIpaistathottamaiH||20||

viprANAM bhojanairhomaiH pròkSaNIyairaharnizam|

anyaizca vividhairbhogaiH pradAnairvatsareNa yA||21||

prItirme kriyate sAsmin sakRduccarite zrute|

zrutaM harati pApAni tathArogyaM prayacchati||22||

rakSAM karoti bhUtebhyo janmanAM kIrtinaM mama|

yuddeSu caritaM yanme duSTa daitya nibarhaNam||23||

tasmiJchRte vairikRtaM bhayaM puMsAM na jAyate|

yuSmAbhiH stutayo yAzca yAzca brahmarSibhiH kRtAH||24||

brahmaNA ca kRtAstAstu prayacchantu zubhAM matim|

araNye prAntare vApi dAvAgni parivAritaH||25||

dasyubhirvA vRtaH zUnye gRhIto vApi zatRbhiH|

siMhavyAghrAnuyAto vA vanevA vana hastibhiH||26||

rAjJA kruddena cAjJapto vadhyo banda gato'pivA|

AghUrNito vA vAtena sthitaH pote mahArNave||27||

patatsu cApi zastreSu saGgrAme bhRzadAruNe|

sarvAbAdhAzu ghorAsu vedanAbhyardito'pivA||28||

smaran mamaitaccaritaM naro mucyeta saGkaTAt|

mama prabhAvAtsiMhAdyA dasyavo vairiNa stathA||29||

dUrAdeva palAyante smaratazcaritaM mama||30||

RSiruvAca||31||

ityuktvA sA bhagavatI caNDikA caNDavikramA|

pazyatAM sarva devAnAM tatraivAntaradhIyata||32||

te'pi devA nirAtaGkAH svAdhikArAnyathA purA|

yajJabhAgabhujaH sarve cakrurvi nihatArayaH||33||

daityAzca devyA nihate zumbhe devaripa'u yudhi

jagadvidhvaMsake tasmin mahogre'tula vikrame||34||

nizumbhe ca mahAvIrye zeSAH pAtAlamAyayuH||35||

evaM bhagavatI devI sA nityApi punaH punaH|

sambhUya kurute bhUpa jagataH paripAlanam||36||

tayaitanmohyate vizvaM saiva vizvaM prasUyate|

sAyAcitA ca vijJAnaM tuSTA RddhiM prayacchati||37||

vyAptaM tayaitatsakalaM brahmANDaM manujezvara|

mahAdevyA mahAkAlI mahAmArI svarUpayA||38||

saiva kAle mahAmArI saiva sRStirbhavatyajA|

sthitiM karoti bhUtAnAM saiva kAle sanAtanI||39||

bhavakAle nRNAM saiva lakSmIrvRddhipradA gRhe|

saivAbhAve tathA lakSmI rvinAzAyopajAyate||40||

stutA sampUjitA puSpairgandhadhUpAdibhistathA|

dadAti vittaM putrAMzca matiM dharme gatiM zubhAM||41||

|| iti zrI mArkaNDeya purANe sAvarnike manvantare devI mahatmye phalazrutirnAma dvAdazo'dhyAya samAptam ||

Ahuti

OM klIM jayantI sAGgAyai sazaktikAyai saparivArAyai savAhanAyai varapradhAyai vaiSNavI devyai ahAhutiM samarpayAmi namaH svAhA ||