Devi Mahatmyam Devi Kavacham
Devi Mahatmyam Devi Kavacham
Devi Mahatmyam Devi Kavacham
devI mAhAtmyaM devi kavacham
shloka 1
OM namashchaNDikAyai
nyAsaH
asya shrI chaNDI kavachasya | brahmA RRiShiH | anuShTup ChandaH |
chAmuNDA devatA | aNganyAsokta mAtaro bIjam | navAvaraNo mantrashaktiH | digbandha devatAH tatvam | shrI jagadambA prItyarthe saptashatI pAThANgatvena jape viniyogaH ||
OM namashchaNDikAyai
mArkaNDeya uvAcha |
OM yadguhyaM paramaM loke sarvarakShAkaraM nRRiNAm |
yanna kasyachidAkhyAtaM tanme brUhi pitAmaha || 1 ||
brahmovAcha |
asti guhyatamaM vipra sarvabhUtopakArakam |
devyAstu kavachaM puNyaM tachChRRiNuShva mahAmune || 2 ||
prathamaM shailaputrI cha dvitIyaM brahmachAriNI |
tRRitIyaM chandraghaNTeti kUShmANDeti chaturthakam || 3 ||
pa~nchamaM skandamAteti ShaShThaM kAtyAyanIti cha |
saptamaM kAlarAtrIti mahAgaurIti chAShTamam || 4 ||
navamaM siddhidAtrI cha navadurgAH prakIrtitAH |
uktAnyetAni nAmAni brahmaNaiva mahAtmanA || 5 ||
agninA dahyamAnastu shatrumadhye gato raNe |
viShame durgame chaiva bhayArtAH sharaNaM gatAH || 6 ||
na teShAM jAyate kinchidashubhaM raNasaNkaTe |
nApadaM tasya pashyAmi shokaduHkhabhayaM na hi || 7 ||
yaistu bhaktyA smRRitA nUnaM teShAM vRRiddhiH prajAyate |
ye tvAM smaranti deveshi rakShase tAnnasaMshayaH || 8 ||
pretasaMsthA tu chAmuNDA vArAhI mahiShAsanA |
aindrI gajasamArUDhA vaiShNavI garuDAsanA || 9 ||
mAheshvarI vRRiShArUDhA kaumArI shikhivAhanA |
lakShmIH padmAsanA devI padmahastA haripriyA || 10 ||
shvetarUpadharA devI IshvarI vRRiShavAhanA |
brAhmI haMsasamArUDhA sarvAbharaNabhUShitA || 11 ||
ityetA mAtaraH sarvAH sarvayogasamanvitAH |
nAnAbharaNAshobhADhyA nAnAratnopashobhitAH || 12 ||
dRRishyante rathamArUDhA devyaH krodhasamAkulAH |
sha~NkhaM chakraM gadAM shaktiM halaM cha musalAyudham || 13 ||
kheTakaM tomaraM chaiva parashuM pAshameva cha |
kuntAyudhaM trishUlaM cha shAr~NgamAyudhamuttamam || 14 ||
daityAnAM dehanAshAya bhaktAnAmabhayAya cha |
dhArayantyAyudhAnItthaM devAnAM cha hitAya vai || 15 ||
namaste.astu mahAraudre mahAghoraparAkrame |
mahAbale mahotsAhe mahAbhayavinAshini || 16 ||
trAhi mAM devi duShprekShye shatrUNAM bhayavardhini |
prAchyAM rakShatu mAmaindrI AgneyyAmagnidevatA || 17 ||
dakShiNe.avatu vArAhI nairRRityAM khaDgadhAriNI |
pratIchyAM vAruNI rakShedvAyavyAM mRRigavAhinI || 18 ||
udIchyAM pAtu kaumArI aishAnyAM shUladhAriNI |
UrdhvaM brahmANI me rakShedadhastAdvaiShNavI tathA || 19 ||
evaM dasha disho rakShechchAmuNDA shavavAhanA |
jayA me chAgrataH pAtu vijayA pAtu pRRiShThataH || 20 ||
ajitA vAmapArshve tu dakShiNe chAparAjitA |
shikhAmudyotinI rakShedumA mUrdhni vyavasthitA || 21 ||
mAlAdharI lalATe cha bhruvau rakShedyashasvinI |
trinetrA cha bhruvormadhye yamaghaNTA cha nAsike || 22 ||
sha~NkhinI chakShuShormadhye shrotrayordvAravAsinI |
kapolau kAlikA rakShetkarNamUle tu shA~NkarI || 23 ||
nAsikAyAM sugandhA cha uttaroShThe cha charchikA |
adhare chAmRRitakalA jihvAyAM cha sarasvatI || 24 ||
dantAn rakShatu kaumArI kaNThadeshe tu chaNDikA |
ghaNTikAM chitraghaNTA cha mahAmAyA cha tAluke || 25 ||
kAmAkShI chibukaM rakShedvAchaM me sarvama~NgalA |
grIvAyAM bhadrakAlI cha pRRiShThavaMshe dhanurdharI || 26 ||
nIlagrIvA bahiH kaNThe nalikAM nalakUbarI |
skandhayoH khaDginI rakShedbAhU me vajradhAriNI || 27 ||
hastayordaNDinI rakShedambikA chA~NgulIShu cha |
nakhA~nChUleshvarI rakShetkukShau rakShetkuleshvarI || 28 ||
stanau rakShenmahAdevI manaHshokavinAshinI |
hRRidaye lalitA devI udare shUladhAriNI || 29 ||
nAbhau cha kAminI rakShedguhyaM guhyeshvarI tathA |
pUtanA kAmikA meDhraM gude mahiShavAhinI || 30 ||
kaTyAM bhagavatI rakShejjAnunI vindhyavAsinI |
ja~Nghe mahAbalA rakShetsarvakAmapradAyinI || 31 ||
gulphayornArasiMhI cha pAdapRRiShThe tu taijasI |
pAdA~NgulIShu shrI rakShetpAdAdhastalavAsinI || 32 ||
nakhAn daMShTrakarAlI cha keshAMshchaivordhvakeshinI |
romakUpeShu kaumArI tvachaM vAgIshvarI tathA || 33 ||
raktamajjAvasAmAMsAnyasthimedAMsi pArvatI |
antrANi kAlarAtrishcha pittaM cha mukuTeshvarI || 34 ||
padmAvatI padmakoshe kaphe chUDAmaNistathA |
jvAlAmukhI nakhajvAlAmabhedyA sarvasandhiShu || 35 ||
shukraM brahmANi! me rakShechChAyAM ChatreshvarI tathA |
aha~NkAraM mano buddhiM rakShenme dharmadhAriNI || 36 ||
prANApAnau tathA vyAnamudAnaM cha samAnakam |
vajrahastA cha me rakShetprANaM kalyANashobhanA || 37 ||
rase rUpe cha gandhe cha shabde sparshe cha yoginI |
sattvaM rajastamashchaiva rakShennArAyaNI sadA || 38 ||
AyU rakShatu vArAhI dharmaM rakShatu vaiShNavI |
yashaH kIrtiM cha lakShmIM cha dhanaM vidyAM cha chakriNI || 39 ||
gotramindrANi! me rakShetpashUnme rakSha chaNDike |
putrAn rakShenmahAlakShmIrbhAryAM rakShatu bhairavI || 40 ||
panthAnaM supathA rakShenmArgaM kShemakarI tathA |
rAjadvAre mahAlakShmIrvijayA sarvataH sthitA || 41 ||
rakShAhInaM tu yat-sthAnaM varjitaM kavachena tu |
tatsarvaM rakSha me devi! jayantI pApanAshinI || 42 ||
padamekaM na gachChettu yadIchChechChubhamAtmanaH |
kavachenAvRRito nityaM yatra yatraiva gachChati || 43 ||
tatra tatrArthalAbhashcha vijayaH sArvakAmikaH |
yaM yaM chintayate kAmaM taM taM prApnoti nishchitam || 44 ||
paramaishvaryamatulaM prApsyate bhUtale pumAn |
nirbhayo jAyate martyaH sa~NgrAmeShvaparAjitaH || 45 ||
trailokye tu bhavetpUjyaH kavachenAvRRitaH pumAn |
idaM tu devyAH kavachaM devAnAmapi durlabham || 46 ||
yaH paThetprayato nityaM trisandhyaM shraddhayAnvitaH |
daivIkalA bhavettasya trailokyeShvaparAjitaH | 47 ||
jIvedvarShashataM sAgramapamRRityuvivarjitaH |
nashyanti vyAdhayaH sarve lUtAvisphoTakAdayaH || 48 ||
sthAvaraM ja~NgamaM chaiva kRRitrimaM chaiva yadviSham |
abhichArANi sarvANi mantrayantrANi bhUtale || 49 ||
bhUcharAH khecharAshchaiva julajAshchopadeshikAH |
sahajA kulajA mAlA DAkinI shAkinI tathA || 50 ||
antarikShacharA ghorA DAkinyashcha mahAbalAH |
grahabhUtapishAchAshcha yakShagandharvarAkShasAH || 51 ||
brahmarAkShasavetAlAH kUShmANDA bhairavAdayaH |
nashyanti darshanAttasya kavache hRRidi saMsthite || 52 ||
mAnonnatirbhavedrAj~nastejovRRiddhikaraM param |
yashasA vardhate so.api kIrtimaNDitabhUtale || 53 ||
japetsaptashatIM chaNDIM kRRitvA tu kavachaM purA |
yAvadbhUmaNDalaM dhatte sashailavanakAnanam || 54 ||
tAvattiShThati medinyAM santatiH putrapautrikI |
dehAnte paramaM sthAnaM yatsurairapi durlabham || 55 ||
prApnoti puruSho nityaM mahAmAyAprasAdataH |
labhate paramaM rUpaM shivena saha modate || 56 ||
|| iti vArAhapurANe hariharabrahma virachitaM devyAH kavachaM sampUrNam ||