Devi Aswadhati (Amba Stuti)

devI ashvadhATI (ambA stuti)

shloka 1

(kAlidAsa kRRitam)

cheTI bhavannikhila kheTI kadambavana vATIShu nAki paTalI

koTIra chArutara koTI maNIkiraNa koTI karambita padA |

pATIragandhi kuchashATI kavitva paripATImagAdhipa sutA

ghoTIkhurAdadhika dhATImudAra mukha vITIrasena tanutAm || 1 || shA ||

dvaipAyana prabhRRiti shApAyudha tridiva sopAna dhUli charaNA

pApApaha svamanu jApAnulIna jana tApApanoda nipuNA |

nIpAlayA surabhi dhUpAlakA duritakUpAdudanchayatumAm

rUpAdhikA shikhari bhUpAla vaMshamaNi dIpAyitA bhagavatI || 2 || shA ||

yAlIbhi rAtmatanutAlInakRRitpriyaka pAlIShu khelati bhavA

vyAlI nakulyasita chUlI bharA charaNa dhUlI lasanmaNigaNA |

yAlI bhRRiti shravasi tAlI dalaM vahati yAlIka shobhi tilakA

sAlI karotu mama kAlI manaH svapada nAlIka sevana vidhau || 3 || shA ||

bAlAmRRitAMshu nibha phAlAmanA garuNa chelA nitamba phalake

kolAhala kShapita kAlAmarAkushala kIlAla shoShaNa raviH |

sthUlAkuche jalada nIlAkache kalita vIlA kadamba vipine

shUlAyudha praNati shIlA dadhAtu hRRidi shailAdhi rAja tanayA || 4 || shA ||

kambAvatIva saviDambA galena nava tumbAbha vINa savidhA

bimbAdharA vinata shambAyudhAdi nikurumbA kadamba vipine |

ambA kura~Nga madajambAla rochi riha lambAlakA dishatu me

shaM bAhuleya shashi bimbAbhi rAma mukha sambAdhitA stana bharA || 5 || shA ||

dAsAyamAna sumahAsA kadambavana vAsA kusumbha sumano

vAsA vipa~nchi kRRita rAsA vidhUta madhu mAsAravinda madhurA |

kAsAra sUna tati bhAsAbhirAma tanu rAsAra shIta karuNA

nAsA maNi pravara bhAsA shivA timira mAsAye duparatim || 6 || shA ||

nyaNkAkare vapuShi kaNkAla rakta puShi ka~NkAdi pakShi viShaye

tvaM kAmanA mayasi kiM kAraNaM hRRidaya pa~NkAri me hi girijAm |

shaNkAshilA nishita TaNkAyamAna pada sa~NkAshamAna sumano

jhaNkAri bhRRiNgatati maNkAnupeta shashi saNkAsha vaktra kamalAm || 7 || shA ||

jambhAri kumbhi pRRithu kumbhApahAsi kucha sambhAvya hAra latikA

rambhA karIndra kara dambhApahorugati DimbhAnura~njita padA |

shambhA udAra parirambhA~Nkurat pulaka dambhAnurAga pishunA

shaM bhAsurAbharaNa gumbhA sadA dishatu shumbhAsura praharaNA || 8 || shA ||

dAkShAyaNI danuja shikShA vidhau vikRRita dIkShA manohara guNA

bhikShAshino naTana vIkShA vinoda mukhi dakShAdhvara praharaNA |

vIkShAM vidhehi mayi dakShA svakIya jana pakShA vipakSha vimukhI

yakShesha sevita nirAkShepa shakti jaya lakShAvadhAna kalanA || 9 || shA ||

vandAru loka vara sandhAyinI vimala kundAvadAta radanA

bRRindAru bRRinda maNi bRRindAravinda makarandAbhiShikta charaNA |

mandAnilA kalita mandAra dAmabhiramandAbhirAma makuTA

mandAkinI javana bhindAna vAchamaravindAnanA dishatu me || 10 || shA ||

yatrAshayo lagati tatrAgajA bhavatu kutrApi nistula shukA

sutrAma kAla mukha satrAsakaprakara sutrANa kAri charaNA |

ChatrAnilAtiraya pattrAbhibhirAma guNa mitrAmarI sama vadhUH

ku trAsahIna maNi chitrAkRRiti sphurita putrAdi dAna nipuNA || 11 || shA ||

kUlAtigAmi bhaya tUlAvalijvalanakIlA nijastuti vidhA

kolAhalakShapita kAlAmarI kushala kIlAla poShaNa ratA |

sthUlAkuche jalada nIlAkache kalita lIlA kadamba vipine

shUlAyudha praNati shIlA vibhAtu hRRidi shailAdhirAja tanayA || 12 || shA ||

indhAna kIra maNibandhA bhave hRRidayabandhA vatIva rasikA

sandhAvatI bhuvana sandhAraNe pyamRRita sindhAvudAra nilayA |

gandhAnubhAva muhurandhAli pIta kacha bandhA samarpayatu me

shaM dhAma bhAnumapi rundhAna mAshu pada sandhAna mapyanugatA || 13 || shA ||