Devi Aswadhati (Amba Stuti)

devI azvadhATI (ambA stuti)

zloka 1

(kAlidAsa kRtam)

ceTI bhavannikhila kheTI kadambavana vATISu nAki paTalI

koTIra cArutara koTI maNIkiraNa koTI karambita padA |

pATIragandhi kucazATI kavitva paripATImagAdhipa sutA

ghoTIkhurAdadhika dhATImudAra mukha vITIrasena tanutAm || 1 || zA ||

dvaipAyana prabhRti zApAyudha tridiva sopAna dhUli caraNA

pApApaha svamanu jApAnulIna jana tApApanoda nipuNA |

nIpAlayA surabhi dhUpAlakA duritakUpAdudancayatumAm

rUpAdhikA zikhari bhUpAla vaMzamaNi dIpAyitA bhagavatI || 2 || zA ||

yAlIbhi rAtmatanutAlInakRtpriyaka pAlISu khelati bhavA

vyAlI nakulyasita cUlI bharA caraNa dhUlI lasanmaNigaNA |

yAlI bhRti zravasi tAlI dalaM vahati yAlIka zobhi tilakA

sAlI karotu mama kAlI manaH svapada nAlIka sevana vidhau || 3 || zA ||

bAlAmRtAMzu nibha phAlAmanA garuNa celA nitamba phalake

kolAhala kSapita kAlAmarAkuzala kIlAla zoSaNa raviH |

sthUlAkuce jalada nIlAkace kalita vIlA kadamba vipine

zUlAyudha praNati zIlA dadhAtu hRdi zailAdhi rAja tanayA || 4 || zA ||

kambAvatIva saviDambA galena nava tumbAbha vINa savidhA

bimbAdharA vinata zambAyudhAdi nikurumbA kadamba vipine |

ambA kuraGga madajambAla roci riha lambAlakA dizatu me

zaM bAhuleya zazi bimbAbhi rAma mukha sambAdhitA stana bharA || 5 || zA ||

dAsAyamAna sumahAsA kadambavana vAsA kusumbha sumano

vAsA vipaJci kRta rAsA vidhUta madhu mAsAravinda madhurA |

kAsAra sUna tati bhAsAbhirAma tanu rAsAra zIta karuNA

nAsA maNi pravara bhAsA zivA timira mAsAye duparatim || 6 || zA ||

nyaGkAkare vapuSi kaGkAla rakta puSi kaGkAdi pakSi viSaye

tvaM kAmanA mayasi kiM kAraNaM hRdaya paGkAri me hi girijAm |

zaGkAzilA nizita TaGkAyamAna pada saGkAzamAna sumano

jhaGkAri bhRGgatati maGkAnupeta zazi saGkAza vaktra kamalAm || 7 || zA ||

jambhAri kumbhi pRthu kumbhApahAsi kuca sambhAvya hAra latikA

rambhA karIndra kara dambhApahorugati DimbhAnuraJjita padA |

zambhA udAra parirambhAGkurat pulaka dambhAnurAga pizunA

zaM bhAsurAbharaNa gumbhA sadA dizatu zumbhAsura praharaNA || 8 || zA ||

dAkSAyaNI danuja zikSA vidhau vikRta dIkSA manohara guNA

bhikSAzino naTana vIkSA vinoda mukhi dakSAdhvara praharaNA |

vIkSAM vidhehi mayi dakSA svakIya jana pakSA vipakSa vimukhI

yakSeza sevita nirAkSepa zakti jaya lakSAvadhAna kalanA || 9 || zA ||

vandAru loka vara sandhAyinI vimala kundAvadAta radanA

bRndAru bRnda maNi bRndAravinda makarandAbhiSikta caraNA |

mandAnilA kalita mandAra dAmabhiramandAbhirAma makuTA

mandAkinI javana bhindAna vAcamaravindAnanA dizatu me || 10 || zA ||

yatrAzayo lagati tatrAgajA bhavatu kutrApi nistula zukA

sutrAma kAla mukha satrAsakaprakara sutrANa kAri caraNA |

chatrAnilAtiraya pattrAbhibhirAma guNa mitrAmarI sama vadhUH

ku trAsahIna maNi citrAkRti sphurita putrAdi dAna nipuNA || 11 || zA ||

kUlAtigAmi bhaya tUlAvalijvalanakIlA nijastuti vidhA

kolAhalakSapita kAlAmarI kuzala kIlAla poSaNa ratA |

sthUlAkuce jalada nIlAkace kalita lIlA kadamba vipine

zUlAyudha praNati zIlA vibhAtu hRdi zailAdhirAja tanayA || 12 || zA ||

indhAna kIra maNibandhA bhave hRdayabandhA vatIva rasikA

sandhAvatI bhuvana sandhAraNe pyamRta sindhAvudAra nilayA |

gandhAnubhAva muhurandhAli pIta kaca bandhA samarpayatu me

zaM dhAma bhAnumapi rundhAna mAzu pada sandhAna mapyanugatA || 13 || zA ||