Devi Aparadha Kshamapana Stotram

ଦେଵ୍ଯପରାଧ କ୍ଷମାପଣ ସ୍ତୋତ୍ରମ୍

ଶ୍ଲୋକ 1

ନ ମନ୍ତ୍ରଂ ନୋ ଯନ୍ତ୍ରଂ ତଦପି ଚ ନ ଜାନେ ସ୍ତୁତିମହୋ

ନ ଚାହ୍ଵାନଂ ଧ୍ଯାନଂ ତଦପି ଚ ନ ଜାନେ ସ୍ତୁତିକଥାଃ ।

ନ ଜାନେ ମୁଦ୍ରାସ୍ତେ ତଦପି ଚ ନ ଜାନେ ଵିଲପନଂ

ପରଂ ଜାନେ ମାତସ୍ତ୍ଵଦନୁସରଣଂ କ୍ଲେଶହରଣମ୍

ଶ୍ଲୋକ 2

ଵିଧେରଜ୍ଞାନେନ ଦ୍ରଵିଣଵିରହେଣାଲସତଯା

ଵିଧେଯାଶକ୍ଯତ୍ଵାତ୍ତଵ ଚରଣଯୋର୍ଯା ଚ୍ଯୁତିରଭୂତ୍ ।

ତଦେତତ୍ କ୍ଷନ୍ତଵ୍ଯଂ ଜନନି ସକଲୋଦ୍ଧାରିଣି ଶିଵେ

କୁପୁତ୍ରୋ ଜାଯେତ କ୍ଵଚିଦପି କୁମାତା ନ ଭଵତି

॥ 1 ॥

ଶ୍ଲୋକ 3

ପୃଥିଵ୍ଯାଂ ପୁତ୍ରାସ୍ତେ ଜନନି ବହଵଃ ସନ୍ତି ସରଲାଃ

ପରଂ ତେଷାଂ ମଧ୍ଯେ ଵିରଲତରଲୋଽହଂ ତଵ ସୁତଃ ।

ମଦୀଯୋଽଯଂ ତ୍ଯାଗଃ ସମୁଚିତମିଦଂ ନୋ ତଵ ଶିଵେ

କୁପୁତ୍ରୋ ଜାଯେତ କ୍ଵଚିଦପି କୁମାତା ନ ଭଵତି

॥ 2 ॥

ଶ୍ଲୋକ 4

ଜଗନ୍ମାତର୍ମାତସ୍ତଵ ଚରଣସେଵା ନ ରଚିତା

ନ ଵା ଦତ୍ତଂ ଦେଵି ଦ୍ରଵିଣମପି ଭୂଯସ୍ତଵ ମଯା ।

ତଥାପି ତ୍ଵଂ ସ୍ନେହଂ ମଯି ନିରୁପମଂ ଯତ୍ପ୍ରକୁରୁଷେ

କୁପୁତ୍ରୋ ଜାଯେତ କ୍ଵଚିଦପି କୁମାତା ନ ଭଵତି

॥ 3 ॥

ଶ୍ଲୋକ 5

ପରିତ୍ଯକ୍ତା ଦେଵାନ୍ଵିଵିଧଵିଧିସେଵାକୁଲତଯା

ମଯା ପଞ୍ଚାଶୀତେରଧିକମପନୀତେ ତୁ ଵଯସି ।

ଇଦାନୀଂ ଚେନ୍ମାତସ୍ତଵ ଯଦି କୃପା ନାପି ଭଵିତା

ନିରାଲମ୍ବୋ ଲମ୍ବୋଦରଜନନି କଂ ଯାମି ଶରଣମ୍

॥ 4 ॥

ଶ୍ଲୋକ 6

ଶ୍ଵପାକୋ ଜଲ୍ପାକୋ ଭଵତି ମଧୁପାକୋପମଗିରା

ନିରାତଙ୍କୋ ରଙ୍କୋ ଵିହରତି ଚିରଂ କୋଟିକନକୈଃ ।

ତଵାପର୍ଣେ କର୍ଣେ ଵିଶତି ମନୁଵର୍ଣେ ଫଲମିଦଂ

ଜନଃ କୋ ଜାନୀତେ ଜନନି ଜପନୀଯଂ ଜପଵିଧୌ

॥ 5 ॥

ଶ୍ଲୋକ 7

ଚିତାଭସ୍ମାଲେପୋ ଗରଲମଶନଂ ଦିକ୍ପଟଧରୋ

ଜଟାଧାରୀ କଣ୍ଠେ ଭୁଜଗପତିହାରୀ ପଶୁପତିଃ ।

କପାଲୀ ଭୂତେଶୋ ଭଜତି ଜଗଦୀଶୈକପଦଵୀଂ

ଭଵାନୀ ତ୍ଵତ୍ପାଣିଗ୍ରହଣପରିପାଟୀ ଫଲମିଦମ୍

॥ 6 ॥

ଶ୍ଲୋକ 8

ନ ମୋକ୍ଷସ୍ଯାକାଙ୍କ୍ଷା ନ ଚ ଵିଭଵଵାଞ୍ଛାପି ଚ ନ ମେ

ନ ଵିଜ୍ଞାନାପେକ୍ଷା ଶଶିମୁଖି ସୁଖେଚ୍ଛାପି ନ ପୁନଃ ।

ଅତସ୍ତ୍ଵାଂ ସଂଯାଚେ ଜନନି ଜନନଂ ଯାତୁ ମମ ଵୈ

ମୃଡାନୀ ରୁଦ୍ରାଣୀ ଶିଵ ଶିଵ ଭଵାନୀତି ଜପତଃ

॥ 7 ॥

ଶ୍ଲୋକ 9

ନାରାଧିତାସି ଵିଧିନା ଵିଵିଧୋପଚାରୈଃ

କିଂ ରୂକ୍ଷଚିନ୍ତନପରୈର୍ନ କୃତଂ ଵଚୋଭିଃ ।

ଶ୍ଯାମେ ତ୍ଵମେଵ ଯଦି କିଞ୍ଚନ ମଯ୍ଯନାଥେ

ଧତ୍ସେ କୃପାମୁଚିତମମ୍ବ ପରଂ ତଵୈଵ

॥ 8 ॥

ଶ୍ଲୋକ 10

ଆପତ୍ସୁ ମଗ୍ନଃ ସ୍ମରଣଂ ତ୍ଵଦୀଯଂ

କରୋମି ଦୁର୍ଗେ କରୁଣାର୍ଣଵେ ଶିଵେ ।

ନୈତଚ୍ଛଠତ୍ଵଂ ମମ ଭାଵଯେଥାଃ

କ୍ଷୁଧାତୃଷାର୍ତାଃ ଜନନୀଂ ସ୍ମରନ୍ତି

॥ 9 ॥

ଶ୍ଲୋକ 11

ଜଗଦମ୍ବ ଵିଚିତ୍ରମତ୍ର କିଂ

ପରିପୂର୍ଣା କରୁଣାସ୍ତି ଚେନ୍ମଯି ।

ଅପରାଧପରମ୍ପରାଵୃତଂ

ନ ହି ମାତା ସମୁପେକ୍ଷତେ ସୁତମ୍

॥ 10 ॥

ଶ୍ଲୋକ 12

ମତ୍ସମଃ ପାତକୀ ନାସ୍ତି ପାପଘ୍ନୀ ତ୍ଵତ୍ସମା ନ ହି ।

ଏଵଂ ଜ୍ଞାତ୍ଵା ମହାଦେଵୀ ଯଥା ଯୋଗ୍ଯଂ ତଥା କୁରୁ

॥ 11 ॥

ଶ୍ଲୋକ 13

ଇତି ଶ୍ରୀମଚ୍ଛଙ୍କରାଚାର୍ଯ ଵିରଚିତଂ ଦେଵ୍ଯପରାଧକ୍ଷମାପଣ ସ୍ତୋତ୍ରମ୍ ।