Devi Aparadha Kshamapana Stotram

দেব্যপরাধ ক্ষমাপণ স্তোত্রম্

শ্লোক 1

ন মন্ত্রং নো যন্ত্রং তদপি চ ন জানে স্তুতিমহো

ন চাহ্বানং ধ্যানং তদপি চ ন জানে স্তুতিকথাঃ ।

ন জানে মুদ্রাস্তে তদপি চ ন জানে বিলপনং

পরং জানে মাতস্ত্বদনুসরণং ক্লেশহরণম্

শ্লোক 2

বিধেরজ্ঞানেন দ্রবিণবিরহেণালসতযা

বিধেযাশক্যত্বাত্তব চরণযোর্যা চ্যুতিরভূত্ ।

তদেতত্ ক্ষন্তব্যং জননি সকলোদ্ধারিণি শিবে

কুপুত্রো জাযেত ক্বচিদপি কুমাতা ন ভবতি

॥ 1 ॥

শ্লোক 3

পৃথিব্যাং পুত্রাস্তে জননি বহবঃ সন্তি সরলাঃ

পরং তেষাং মধ্যে বিরলতরলোঽহং তব সুতঃ ।

মদীযোঽযং ত্যাগঃ সমুচিতমিদং নো তব শিবে

কুপুত্রো জাযেত ক্বচিদপি কুমাতা ন ভবতি

॥ 2 ॥

শ্লোক 4

জগন্মাতর্মাতস্তব চরণসেবা ন রচিতা

ন বা দত্তং দেবি দ্রবিণমপি ভূযস্তব মযা ।

তথাপি ত্বং স্নেহং মযি নিরুপমং যত্প্রকুরুষে

কুপুত্রো জাযেত ক্বচিদপি কুমাতা ন ভবতি

॥ 3 ॥

শ্লোক 5

পরিত্যক্তা দেবান্বিবিধবিধিসেবাকুলতযা

মযা পঞ্চাশীতেরধিকমপনীতে তু বযসি ।

ইদানীং চেন্মাতস্তব যদি কৃপা নাপি ভবিতা

নিরালম্বো লম্বোদরজননি কং যামি শরণম্

॥ 4 ॥

শ্লোক 6

শ্বপাকো জল্পাকো ভবতি মধুপাকোপমগিরা

নিরাতঙ্কো রঙ্কো বিহরতি চিরং কোটিকনকৈঃ ।

তবাপর্ণে কর্ণে বিশতি মনুবর্ণে ফলমিদং

জনঃ কো জানীতে জননি জপনীযং জপবিধৌ

॥ 5 ॥

শ্লোক 7

চিতাভস্মালেপো গরলমশনং দিক্পটধরো

জটাধারী কণ্ঠে ভুজগপতিহারী পশুপতিঃ ।

কপালী ভূতেশো ভজতি জগদীশৈকপদবীং

ভবানী ত্বত্পাণিগ্রহণপরিপাটী ফলমিদম্

॥ 6 ॥

শ্লোক 8

ন মোক্ষস্যাকাঙ্ক্ষা ন চ বিভববাঞ্ছাপি চ ন মে

ন বিজ্ঞানাপেক্ষা শশিমুখি সুখেচ্ছাপি ন পুনঃ ।

অতস্ত্বাং সংযাচে জননি জননং যাতু মম বৈ

মৃডানী রুদ্রাণী শিব শিব ভবানীতি জপতঃ

॥ 7 ॥

শ্লোক 9

নারাধিতাসি বিধিনা বিবিধোপচারৈঃ

কিং রূক্ষচিন্তনপরৈর্ন কৃতং বচোভিঃ ।

শ্যামে ত্বমেব যদি কিঞ্চন ময্যনাথে

ধত্সে কৃপামুচিতমম্ব পরং তবৈব

॥ 8 ॥

শ্লোক 10

আপত্সু মগ্নঃ স্মরণং ত্বদীযং

করোমি দুর্গে করুণার্ণবে শিবে ।

নৈতচ্ছঠত্বং মম ভাবযেথাঃ

ক্ষুধাতৃষার্তাঃ জননীং স্মরন্তি

॥ 9 ॥

শ্লোক 11

জগদম্ব বিচিত্রমত্র কিং

পরিপূর্ণা করুণাস্তি চেন্মযি ।

অপরাধপরম্পরাবৃতং

ন হি মাতা সমুপেক্ষতে সুতম্

॥ 10 ॥

শ্লোক 12

মত্সমঃ পাতকী নাস্তি পাপঘ্নী ত্বত্সমা ন হি ।

এবং জ্ঞাত্বা মহাদেবী যথা যোগ্যং তথা কুরু

॥ 11 ॥

শ্লোক 13

ইতি শ্রীমচ্ছঙ্করাচার্য বিরচিতং দেব্যপরাধক্ষমাপণ স্তোত্রম্ ।