Dashavatara Stuti

dashAvatAra stuti

shloka 1

nAmasmaraNAdanyopAyaM na hi pashyAmo bhavataraNe |

rAma hare kRRiShNa hare tava nAma vadAmi sadA nRRihare ||

vedoddhAravichAramate somakadAnavasaMharaNe |

mInAkArasharIra namo bhaktaM te paripAlaya mAm || 1 ||

manthAnAchaladhAraNaheto devAsura paripAla vibho |

kUrmAkArasharIra namo bhaktaM te paripAlaya mAm || 2 ||

bhUchorakahara puNyamate krIDoddhRRitabhUdevahare |

kroDAkArasharIra namo bhaktaM te paripAlaya mAm || 3 ||

hiraNyakashipuchChedanaheto prahlAdA.abhayadhAraNaheto |

narasiMhAchyutarUpa namo bhaktaM te paripAlaya mAm || 4 ||

bhavabandhanahara vitatamate pAdodakavihatAghatate |

vaTupaTuveShamanoj~na namo bhaktaM te paripAlaya mAm || 5 ||

kShitipativaMshakShayakaramUrte kShitipatikartAharamUrte |

bhRRigukularAma paresha namo bhaktaM te paripAlaya mAm || 6 ||

sItAvallabha dAsharathe dasharathanandana lokaguro |

rAvaNamardana rAma namo bhaktaM te paripAlaya mAm || 7 ||

kRRiShNAnanta kRRipAjaladhe kaMsAre kamalesha hare |

kAliyamardana lokaguro bhaktaM te paripAlaya mAm || 8 ||

dAnavasatimAnApahara tripuravijayamardanarUpa |

buddhaj~nAya cha bauddha namo bhaktaM te paripAlaya mAm || 9 ||

shiShTajanAvana duShTahara khagaturagottamavAhana te |

kalkirUpaparipAla namo bhaktaM te paripAlaya mAm || 10 ||

nAmasmaraNAdanyopAyaM na hi pashyAmo bhavataraNe |

rAma hare kRRiShNa hare tava nAma vadAmi sadA nRRihare ||

iti dashAvatAra stutiH |