Dashavatara Stuti

dazAvatAra stuti

zloka 1

nAmasmaraNAdanyopAyaM na hi pazyAmo bhavataraNe |

rAma hare kRSNa hare tava nAma vadAmi sadA nRhare ||

vedoddhAravicAramate somakadAnavasaMharaNe |

mInAkArazarIra namo bhaktaM te paripAlaya mAm || 1 ||

manthAnAcaladhAraNaheto devAsura paripAla vibho |

kUrmAkArazarIra namo bhaktaM te paripAlaya mAm || 2 ||

bhUcorakahara puNyamate krIDoddhRtabhUdevahare |

kroDAkArazarIra namo bhaktaM te paripAlaya mAm || 3 ||

hiraNyakazipucchedanaheto prahlAdA'bhayadhAraNaheto |

narasiMhAcyutarUpa namo bhaktaM te paripAlaya mAm || 4 ||

bhavabandhanahara vitatamate pAdodakavihatAghatate |

vaTupaTuveSamanojJa namo bhaktaM te paripAlaya mAm || 5 ||

kSitipativaMzakSayakaramUrte kSitipatikartAharamUrte |

bhRgukularAma pareza namo bhaktaM te paripAlaya mAm || 6 ||

sItAvallabha dAzarathe dazarathanandana lokaguro |

rAvaNamardana rAma namo bhaktaM te paripAlaya mAm || 7 ||

kRSNAnanta kRpAjaladhe kaMsAre kamaleza hare |

kAliyamardana lokaguro bhaktaM te paripAlaya mAm || 8 ||

dAnavasatimAnApahara tripuravijayamardanarUpa |

buddhajJAya ca bauddha namo bhaktaM te paripAlaya mAm || 9 ||

ziSTajanAvana duSTahara khagaturagottamavAhana te |

kalkirUpaparipAla namo bhaktaM te paripAlaya mAm || 10 ||

nAmasmaraNAdanyopAyaM na hi pazyAmo bhavataraNe |

rAma hare kRSNa hare tava nAma vadAmi sadA nRhare ||

iti dazAvatAra stutiH |