Daridrya Dahana Ganapati Stotram

dāridrya dahana gaṇapati stotram

Śloka 1

suvarṇa varṇa sundaraṃ sitaika danta-bandhuraṃ

gṛhīta pāśa-maṅkuśaṃ varapradā-'bhayapradham |

caturbhujaṃ trilocanaṃ bhujaṅga-mopavītinaṃ

praphulla vārijāsanaṃ bhajāmi sindhurānanam ||

kirīṭa hāra kuṇḍalaṃ pradīpta bāhu bhūṣaṇaṃ

pracaṇḍa ratna kaṅkaṇaṃ praśobhitāṅghri-yaṣṭikam |

prabhāta sūrya sundarāmbara-dvaya pradhāriṇaṃ

saratna hemanūpura praśobhitāṅghri-paṅkajam ||

suvarṇa daṇḍa maṇḍita pracaṇḍa cāru cāmaraṃ

gṛha pratīrṇa sundaraṃ yugakṣaṇa pramoditam |

kavīndra cittarañjakaṃ mahā vipatti bhañjakaṃ

ṣaḍakṣara svarūpiṇaṃ bhajedgajendra rūpiṇam ||

viriñci viṣṇu vanditaṃ virupalocana stutiṃ

girīśa darśanecchayā samārpitaṃ parāśāyā |

nirantaraṃ surāsuraiḥ suputra vāmalocanaiḥ

mahāmakheṣṭa-miṣṭa-karmanu bhajāmi tundilam ||

madaugha lubdha cañcalārka mañju guñjitā ravaṃ

prabuddha cittarañjakaṃ pramoda karṇacālakam |

ananya bhakti mānanaṃ pracaṇḍa mukti dāyakaṃ

namāmi nitya-mādareṇa vakratuṇḍa nāyakam ||

dāridrya vidrāvaṇa māśu kāmadaṃ

stotraṃ paṭhèdeta-dajasra-mādarāt |

putrī kalatra svajaneṣu maitrī

pumān-bhave-dekadanta varaprāsādāt ||

iti śrīmacchaṅkarācārya viracitaṃ dāridrya dahana gaṇapati stotraṃ sampūrṇam ||