Damodara Ashtakam

dAmodara aShTakaM

shloka 1

namAmIshvaraM sachchidAnandarUpaM

lasatkuNDalaM gokule bhrAjamAnam |

yashodAbhiyolUkhalAddhAvamAnaM

parAmRRiShTamatyantato drutya gopyA || 1 ||

rudantaM muhurnetrayugmaM mRRijantaM

karAmbhojayugmena sAta~Nkanetram |

muhuH shvAsakampatrirekhA~NkakaNTha-

sthitagraiva-dAmodaraM bhaktibaddham || 2 ||

itIdRRik svalIlAbhirAnandakuNDe

svaghoShaM nimajjantamAkhyApayantam |

tadIyeShitAj~neShu bhaktairjitatvaM

punaH prematastaM shatAvRRitti vande || 3 ||

varaM deva mokShaM na mokShAvadhiM vA

na chAnyaM vRRiNe.ahaM vareShAdapIha |

idaM te vapurnAtha gopAlabAlaM

sadA me manasyAvirAstAM kimanyaiH || 4 ||

idaM te mukhAmbhojamatyantanIlair-

vRRitaM kuntalaiH snigdha-raktaishcha gopyA |

muhushchumbitaM bimbaraktadharaM me

manasyAvirAstAM alaM lakShalAbhaiH || 5 ||

namo deva dAmodarAnanta viShNo

prasIda prabho duHkhajAlAbdhimagnam |

kRRipAdRRiShTivRRiShTyAtidInaM batAnu

gRRihANesha mAM aj~namedhyakShidRRishyaH || 6 ||

kuberAtmajau baddhamUrtyaiva yadvat

tvayA mochitau bhaktibhAjau kRRitau cha |

tathA premabhaktiM svakaM me prayachCha

na mokShe graho me.asti dAmodareha || 7 ||

namaste.astu dAmne sphuraddIptidhAmne

tvadIyodarAyAtha vishvasya dhAmne |

namo rAdhikAyai tvadIyapriyAyai

namo.anantalIlAya devAya tubhyam || 8 ||

iti shrImadpadmapurANe shrI dAmodarAShTAkaM sampUrNam ||