Damodara Ashtakam

dAmodara aSTakaM

zloka 1

namAmIzvaraM saccidAnandarUpaM

lasatkuNDalaM gokule bhrAjamAnam |

yazodAbhiyolUkhalAddhAvamAnaM

parAmRSTamatyantato drutya gopyA || 1 ||

rudantaM muhurnetrayugmaM mRjantaM

karAmbhojayugmena sAtaGkanetram |

muhuH zvAsakampatrirekhAGkakaNTha-

sthitagraiva-dAmodaraM bhaktibaddham || 2 ||

itIdRk svalIlAbhirAnandakuNDe

svaghoSaM nimajjantamAkhyApayantam |

tadIyeSitAjJeSu bhaktairjitatvaM

punaH prematastaM zatAvRtti vande || 3 ||

varaM deva mokSaM na mokSAvadhiM vA

na cAnyaM vRNe'haM vareSAdapIha |

idaM te vapurnAtha gopAlabAlaM

sadA me manasyAvirAstAM kimanyaiH || 4 ||

idaM te mukhAmbhojamatyantanIlair-

vRtaM kuntalaiH snigdha-raktaizca gopyA |

muhuzcumbitaM bimbaraktadharaM me

manasyAvirAstAM alaM lakSalAbhaiH || 5 ||

namo deva dAmodarAnanta viSNo

prasIda prabho duHkhajAlAbdhimagnam |

kRpAdRSTivRSTyAtidInaM batAnu

gRhANeza mAM ajJamedhyakSidRzyaH || 6 ||

kuberAtmajau baddhamUrtyaiva yadvat

tvayA mocitau bhaktibhAjau kRtau ca |

tathA premabhaktiM svakaM me prayaccha

na mokSe graho me'sti dAmodareha || 7 ||

namaste'stu dAmne sphuraddIptidhAmne

tvadIyodarAyAtha vizvasya dhAmne |

namo rAdhikAyai tvadIyapriyAyai

namo'nantalIlAya devAya tubhyam || 8 ||

iti zrImadpadmapurANe zrI dAmodarASTAkaM sampUrNam ||