Dakshina Murthy Stotram

දක්ෂිණා මූර්ති ස්තෝත්රම්

ශ්ලොක 1

ශාන්තිපාඨඃ

ඕං යෝ බ්රහ්මාණං විදධාති පූර්වං

යෝ වෛ වේදාංශ්ච ප්රහිණෝති තස්මෛ .

තං හ දේවමාත්මබුද්ධිප්රකාශං

මුමුක්ෂුර්වෛ ශරණමහං ප්රපද්යේ ..

ධ්යානම්

ඕං මෞනව්යාඛ්යා ප්රකටිත පරබ්රහ්මතත්ත්වං යුවානං

වර්ෂිෂ්ඨාන්තේ වසදෘෂිගණෛරාවෘතං බ්රහ්මනිෂ්ඨෛඃ .

ආචාර්යේන්ද්රං කරකලිත චින්මුද්රමානන්දමූර්තිං

ස්වාත්මාරාමං මුදිතවදනං දක්ෂිණාමූර්තිමීඩේ .. 1 ..

වටවිටපිසමීපේභූමිභාගේ නිෂණ්ණං

සකලමුනිජනානාං ජ්ඤානදාතාරමාරාත් .

ත්රිභුවනගුරුමීශං දක්ෂිණාමූර්තිදේවං

ජනනමරණදුඃඛච්ඡේදදක්ෂං නමාමි .. 2 ..

චිත්රං වටතරෝර්මූලේ වෘද්ධාඃ ශිෂ්යා ගුරුර්යුවා .

ගුරෝස්තු මෞනං ව්යාඛ්යානං ශිෂ්යාස්තුච්ඡින්නසංශයාඃ .. 3 ..

නිධයේ සර්වවිද්යානාං භිෂජේ භවරෝගිණාම් .

ගුරවේ සර්වලෝකානාං දක්ෂිණාමූර්තයේ නමඃ .. 4 ..

ඕං නමඃ ප්රණවාර්ථාය ශුද්ධජ්ඤානෛකමූර්තයේ .

නිර්මලාය ප්රශාන්තාය දක්ෂිණාමූර්තයේ නමඃ .. 5 ..

චිද්ඝනාය මහේශාය වටමූලනිවාසිනේ .

සච්චිදානන්දරූපාය දක්ෂිණාමූර්තයේ නමඃ .. 6 ..

ඊශ්වරෝ ගුරුරාත්මේති මූර්තිභේදවිභාගිනේ .

ව්යෝමවද්ව්යාප්තදේහාය දක්ෂිණාමූර්තයේ නමඃ .. 7 ..

අඞ්ගුෂ්ඨතර්ජනී යෝගමුද්රා ව්යාජේනයෝගිනාම් .

ශෘත්යර්ථං බ්රහ්මජීවෛක්යං දර්ශයන්යෝගතා ශිවඃ .. 8 ..

ඕං ශාන්තිඃ ශාන්තිඃ ශාන්තිඃ ..

ස්තෝත්රම්

විශ්වං දර්පණ-දෘශ්යමාන-නගරී තුල්යං නිජාන්තර්ගතං

පශ්යන්නාත්මනි මායයා බහිරිවෝද්භූතං යථා නිද්රයා .

යස්සාක්ෂාත්කුරුතේ ප්රබෝධසමයේ ස්වාත්මානමේ වාද්වයං

තස්මෛ ශ්රීගුරුමූර්තයේ නම ඉදං ශ්රී දක්ෂිණාමූර්තයේ .. 1 ..

බීජස්යාන්තරි-වාඞ්කුරෝ ජගදිතං ප්රාඞ්නිර්විකල්පං පුනඃ

මායාකල්පිත දේශකාලකලනා වෛචිත්ර්යචිත්රීකෘතම් .

මායාවීව විජෘම්භයත්යපි මහායෝගීව යඃ ස්වේච්ඡයා

තස්මෛ ශ්රීගුරුමූර්තයේ නම ඉදං ශ්රී දක්ෂිණාමූර්තයේ .. 2 ..

යස්යෛව ස්ඵුරණං සදාත්මකමසත්කල්පාර්ථකං භාසතේ

සාක්ෂාත්තත්වමසීති වේදවචසා යෝ බෝධයත්යාශ්රිතාන් .

යස්සාක්ෂාත්කරණාද්භවේන්න පුනරාවෘත්තිර්භවාම්භෝනිධෞ

තස්මෛ ශ්රීගුරුමූර්තයේ නම ඉදං ශ්රී දක්ෂිණාමූර්තයේ .. 3 ..

නානාච්ඡිද්ර ඝටෝදර ස්ථිත මහාදීප ප්රභාභාස්වරං

ජ්ඤානං යස්ය තු චක්ෂුරාදිකරණ ද්වාරා බහිඃ ස්පන්දතේ .

ජානාමීති තමේව භාන්තමනුභාත්යේතත්සමස්තං ජගත්

තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ .. 4 ..

දේහං ප්රාණමපීන්ද්රියාණ්යපි චලාං බුද්ධිං ච ශූන්යං විදුඃ

ස්ත්රී බාලාන්ධ ජඩෝපමාස්ත්වහමිති භ්රාන්තාභෘශං වාදිනඃ .

මායාශක්ති විලාසකල්පිත මහාව්යාමෝහ සංහාරිණේ

තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ .. 5 ..

රාහුග්රස්ත දිවාකරේන්දු සදෘශෝ මායා සමාච්ඡාදනාත්

සන්මාත්රඃ කරණෝප සංහරණතෝ යෝ(අ)භූත්සුෂුප්තඃ පුමාන් .

ප්රාගස්වාප්සමිති ප්රභෝදසමයේ යඃ ප්රත්යභිජ්ඤායතේ

තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ .. 6 ..

බාල්යාදිෂ්වපි ජාග්රදාදිෂු තථා සර්වාස්වවස්ථාස්වපි

ව්යාවෘත්තා ස්වනු වර්තමාන මහමිත්යන්තඃ ස්ඵුරන්තං සදා .

ස්වාත්මානං ප්රකටීකරෝති භජතාං යෝ මුද්රයා භද්රයා

තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ .. 7 ..

විශ්වං පශ්යති කාර්යකාරණතයා ස්වස්වාමිසම්බන්ධතඃ

ශිෂ්යචාර්යතයා තථෛව පිතෘ පුත්රාද්යාත්මනා භේදතඃ .

ස්වප්නේ ජාග්රති වා ය ඒෂ පුරුෂෝ මායා පරිභ්රාමිතඃ

තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ .. 8 ..

භූරම්භාංස්යනලෝ(අ)නිලෝම්බර මහර්නාථෝ හිමාංශුඃ පුමාන්

ඉත්යාභාති චරාචරාත්මකමිදං යස්යෛව මූර්ත්යෂ්ටකම් .

නාන්යත්කිඤ්චන විද්යතේ විමෘශතාං යස්මාත්පරස්මාද්විභෝ

තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ .. 9 ..

සර්වාත්මත්වමිති ස්ඵුටීකෘතමිදං යස්මාදමුෂ්මින් ස්තවේ

තේනාස්ව ශ්රවණාත්තදර්ථ මනනාද්ධ්යානාච්ච සඞ්කීර්තනාත් .

සර්වාත්මත්ව මහාවිභූතිසහිතං ස්යාදීශ්වරත්වං ස්වතඃ

සිද්ධ්යේත්තත්පුනරෂ්ටධා පරිණතං චෛශ්වර්ය-මව්යාහතම් .. 10 ..

.. ඉති ශ්රීමච්ඡඞ්කරාචාර්යවිරචිතං දක්ෂිණාමූර්තිස්තෝත්රං සම්පූර්ණම් ..