Dakshina Murthy Stotram

দক্ষিণা মূর্তি স্তোত্রম্

শ্লোক 1

শান্তিপাঠঃ

ওঁ যো ব্রহ্মাণং বিদধাতি পূর্বং

যো বৈ বেদাংশ্চ প্রহিণোতি তস্মৈ ।

তং হ দেবমাত্মবুদ্ধিপ্রকাশং

মুমুক্ষুর্বৈ শরণমহং প্রপদ্যে ॥

ধ্যানম্

ওঁ মৌনব্যাখ্যা প্রকটিত পরব্রহ্মতত্ত্বং যুবানং

বর্ষিষ্ঠান্তে বসদৃষিগণৈরাবৃতং ব্রহ্মনিষ্ঠৈঃ ।

আচার্যেন্দ্রং করকলিত চিন্মুদ্রমানন্দমূর্তিং

স্বাত্মারামং মুদিতবদনং দক্ষিণামূর্তিমীডে

শ্লোক 2

বটবিটপিসমীপেভূমিভাগে নিষণ্ণং

সকলমুনিজনানাং জ্ঞানদাতারমারাত্ ।

ত্রিভুবনগুরুমীশং দক্ষিণামূর্তিদেবং

জননমরণদুঃখচ্ছেদদক্ষং নমামি

॥ 1 ॥

শ্লোক 3

চিত্রং বটতরোর্মূলে বৃদ্ধাঃ শিষ্যা গুরুর্যুবা ।

গুরোস্তু মৌনং ব্যাখ্যানং শিষ্যাস্তুচ্ছিন্নসংশযাঃ

॥ 2 ॥

শ্লোক 4

নিধযে সর্ববিদ্যানাং ভিষজে ভবরোগিণাম্ ।

গুরবে সর্বলোকানাং দক্ষিণামূর্তযে নমঃ

॥ 3 ॥

শ্লোক 5

ওঁ নমঃ প্রণবার্থায শুদ্ধজ্ঞানৈকমূর্তযে ।

নির্মলায প্রশান্তায দক্ষিণামূর্তযে নমঃ

॥ 4 ॥

শ্লোক 6

চিদ্ঘনায মহেশায বটমূলনিবাসিনে ।

সচ্চিদানন্দরূপায দক্ষিণামূর্তযে নমঃ

॥ 5 ॥

শ্লোক 7

ঈশ্বরো গুরুরাত্মেতি মূর্তিভেদবিভাগিনে ।

ব্যোমবদ্ব্যাপ্তদেহায দক্ষিণামূর্তযে নমঃ

॥ 6 ॥

শ্লোক 8

অঙ্গুষ্ঠতর্জনী যোগমুদ্রা ব্যাজেনযোগিনাম্ ।

শৃত্যর্থং ব্রহ্মজীবৈক্যং দর্শযন্যোগতা শিবঃ

॥ 7 ॥

শ্লোক 9

ওঁ শান্তিঃ শান্তিঃ শান্তিঃ ॥

স্তোত্রম্

বিশ্বং দর্পণ-দৃশ্যমান-নগরী তুল্যং নিজান্তর্গতং

পশ্যন্নাত্মনি মাযযা বহিরিবোদ্ভূতং যথা নিদ্রযা ।

যস্সাক্ষাত্কুরুতে প্রবোধসমযে স্বাত্মানমে বাদ্বযং

তস্মৈ শ্রীগুরুমূর্তযে নম ইদং শ্রী দক্ষিণামূর্তযে

॥ 8 ॥

শ্লোক 10

বীজস্যান্তরি-বাঙ্কুরো জগদিতং প্রাঙ্নির্বিকল্পং পুনঃ

মাযাকল্পিত দেশকালকলনা বৈচিত্র্যচিত্রীকৃতম্ ।

মাযাবীব বিজৃম্ভযত্যপি মহাযোগীব যঃ স্বেচ্ছযা

তস্মৈ শ্রীগুরুমূর্তযে নম ইদং শ্রী দক্ষিণামূর্তযে

॥ 1 ॥

শ্লোক 11

যস্যৈব স্ফুরণং সদাত্মকমসত্কল্পার্থকং ভাসতে

সাক্ষাত্তত্বমসীতি বেদবচসা যো বোধযত্যাশ্রিতান্ ।

যস্সাক্ষাত্করণাদ্ভবেন্ন পুনরাবৃত্তির্ভবাম্ভোনিধৌ

তস্মৈ শ্রীগুরুমূর্তযে নম ইদং শ্রী দক্ষিণামূর্তযে

॥ 2 ॥

শ্লোক 12

নানাচ্ছিদ্র ঘটোদর স্থিত মহাদীপ প্রভাভাস্বরং

জ্ঞানং যস্য তু চক্ষুরাদিকরণ দ্বারা বহিঃ স্পন্দতে ।

জানামীতি তমেব ভান্তমনুভাত্যেতত্সমস্তং জগত্

তস্মৈ শ্রী গুরুমূর্তযে নম ইদং শ্রী দক্ষিণামূর্তযে

॥ 3 ॥

শ্লোক 13

দেহং প্রাণমপীন্দ্রিযাণ্যপি চলাং বুদ্ধিং চ শূন্যং বিদুঃ

স্ত্রী বালান্ধ জডোপমাস্ত্বহমিতি ভ্রান্তাভৃশং বাদিনঃ ।

মাযাশক্তি বিলাসকল্পিত মহাব্যামোহ সংহারিণে

তস্মৈ শ্রী গুরুমূর্তযে নম ইদং শ্রী দক্ষিণামূর্তযে

॥ 4 ॥

শ্লোক 14

রাহুগ্রস্ত দিবাকরেন্দু সদৃশো মাযা সমাচ্ছাদনাত্

সন্মাত্রঃ করণোপ সংহরণতো যোঽভূত্সুষুপ্তঃ পুমান্ ।

প্রাগস্বাপ্সমিতি প্রভোদসমযে যঃ প্রত্যভিজ্ঞাযতে

তস্মৈ শ্রী গুরুমূর্তযে নম ইদং শ্রী দক্ষিণামূর্তযে

॥ 5 ॥

শ্লোক 15

বাল্যাদিষ্বপি জাগ্রদাদিষু তথা সর্বাস্ববস্থাস্বপি

ব্যাবৃত্তা স্বনু বর্তমান মহমিত্যন্তঃ স্ফুরন্তং সদা ।

স্বাত্মানং প্রকটীকরোতি ভজতাং যো মুদ্রযা ভদ্রযা

তস্মৈ শ্রী গুরুমূর্তযে নম ইদং শ্রী দক্ষিণামূর্তযে

॥ 6 ॥

শ্লোক 16

বিশ্বং পশ্যতি কার্যকারণতযা স্বস্বামিসম্বন্ধতঃ

শিষ্যচার্যতযা তথৈব পিতৃ পুত্রাদ্যাত্মনা ভেদতঃ ।

স্বপ্নে জাগ্রতি বা য এষ পুরুষো মাযা পরিভ্রামিতঃ

তস্মৈ শ্রী গুরুমূর্তযে নম ইদং শ্রী দক্ষিণামূর্তযে

॥ 7 ॥

শ্লোক 17

ভূরম্ভাংস্যনলোঽনিলোম্বর মহর্নাথো হিমাংশুঃ পুমান্

ইত্যাভাতি চরাচরাত্মকমিদং যস্যৈব মূর্ত্যষ্টকম্ ।

নান্যত্কিঞ্চন বিদ্যতে বিমৃশতাং যস্মাত্পরস্মাদ্বিভো

তস্মৈ শ্রী গুরুমূর্তযে নম ইদং শ্রী দক্ষিণামূর্তযে

॥ 8 ॥

শ্লোক 18

সর্বাত্মত্বমিতি স্ফুটীকৃতমিদং যস্মাদমুষ্মিন্ স্তবে

তেনাস্ব শ্রবণাত্তদর্থ মননাদ্ধ্যানাচ্চ সঙ্কীর্তনাত্ ।

সর্বাত্মত্ব মহাবিভূতিসহিতং স্যাদীশ্বরত্বং স্বতঃ

সিদ্ধ্যেত্তত্পুনরষ্টধা পরিণতং চৈশ্বর্য-মব্যাহতম্

॥ 9 ॥

শ্লোক 19

॥ ইতি শ্রীমচ্ছঙ্করাচার্যবিরচিতং দক্ষিণামূর্তিস্তোত্রং সম্পূর্ণম্ ॥