ദക്ഷിണാ മൂര്തി സ്തോത്രമ്

ദക്ഷിണാ മൂര്തി സ്തോത്രമ്

ശ്ലോക 1

ശാന്തിപാഠഃ

ഓം യോ ബ്രഹ്മാണം വിദധാതി പൂര്വം

യോ വൈ വേദാംശ്ച പ്രഹിണോതി തസ്മൈ ।

തം ഹ ദേവമാത്മബുദ്ധിപ്രകാശം

മുമുക്ഷുര്വൈ ശരണമഹം പ്രപദ്യേ ॥

ധ്യാനമ്

ഓം മൌനവ്യാഖ്യാ പ്രകടിത പരബ്രഹ്മതത്ത്വം യുവാനം

വര്ഷിഷ്ഠാന്തേ വസദൃഷിഗണൈരാവൃതം ബ്രഹ്മനിഷ്ഠൈഃ ।

ആചാര്യേന്ദ്രം കരകലിത ചിന്മുദ്രമാനന്ദമൂര്തിം

സ്വാത്മാരാമം മുദിതവദനം ദക്ഷിണാമൂര്തിമീഡേ

ശ്ലോക 2

വടവിടപിസമീപേഭൂമിഭാഗേ നിഷണ്ണം

സകലമുനിജനാനാം ജ്ഞാനദാതാരമാരാത് ।

ത്രിഭുവനഗുരുമീശം ദക്ഷിണാമൂര്തിദേവം

ജനനമരണദുഃഖച്ഛേദദക്ഷം നമാമി

॥ 1 ॥

ശ്ലോക 3

ചിത്രം വടതരോര്മൂലേ വൃദ്ധാഃ ശിഷ്യാ ഗുരുര്യുവാ ।

ഗുരോസ്തു മൌനം വ്യാഖ്യാനം ശിഷ്യാസ്തുച്ഛിന്നസംശയാഃ

॥ 2 ॥

ശ്ലോക 4

നിധയേ സര്വവിദ്യാനാം ഭിഷജേ ഭവരോഗിണാമ് ।

ഗുരവേ സര്വലോകാനാം ദക്ഷിണാമൂര്തയേ നമഃ

॥ 3 ॥

ശ്ലോക 5

ഓം നമഃ പ്രണവാര്ഥായ ശുദ്ധജ്ഞാനൈകമൂര്തയേ ।

നിര്മലായ പ്രശാന്തായ ദക്ഷിണാമൂര്തയേ നമഃ

॥ 4 ॥

ശ്ലോക 6

ചിദ്ഘനായ മഹേശായ വടമൂലനിവാസിനേ ।

സച്ചിദാനന്ദരൂപായ ദക്ഷിണാമൂര്തയേ നമഃ

॥ 5 ॥

ശ്ലോക 7

ഈശ്വരോ ഗുരുരാത്മേതി മൂര്തിഭേദവിഭാഗിനേ ।

വ്യോമവദ്വ്യാപ്തദേഹായ ദക്ഷിണാമൂര്തയേ നമഃ

॥ 6 ॥

ശ്ലോക 8

അങ്ഗുഷ്ഠതര്ജനീ യോഗമുദ്രാ വ്യാജേനയോഗിനാമ് ।

ശൃത്യര്ഥം ബ്രഹ്മജീവൈക്യം ദര്ശയന്യോഗതാ ശിവഃ

॥ 7 ॥

ശ്ലോക 9

ഓം ശാന്തിഃ ശാന്തിഃ ശാന്തിഃ ॥

സ്തോത്രമ്

വിശ്വം ദര്പണ-ദൃശ്യമാന-നഗരീ തുല്യം നിജാന്തര്ഗതം

പശ്യന്നാത്മനി മായയാ ബഹിരിവോദ്ഭൂതം യഥാ നിദ്രയാ ।

യസ്സാക്ഷാത്കുരുതേ പ്രബോധസമയേ സ്വാത്മാനമേ വാദ്വയം

തസ്മൈ ശ്രീഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 8 ॥

ശ്ലോക 10

ബീജസ്യാന്തരി-വാങ്കുരോ ജഗദിതം പ്രാങ്നിര്വികല്പം പുനഃ

മായാകല്പിത ദേശകാലകലനാ വൈചിത്ര്യചിത്രീകൃതമ് ।

മായാവീവ വിജൃമ്ഭയത്യപി മഹായോഗീവ യഃ സ്വേച്ഛയാ

തസ്മൈ ശ്രീഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 1 ॥

ശ്ലോക 11

യസ്യൈവ സ്ഫുരണം സദാത്മകമസത്കല്പാര്ഥകം ഭാസതേ

സാക്ഷാത്തത്വമസീതി വേദവചസാ യോ ബോധയത്യാശ്രിതാന് ।

യസ്സാക്ഷാത്കരണാദ്ഭവേന്ന പുനരാവൃത്തിര്ഭവാമ്ഭോനിധൌ

തസ്മൈ ശ്രീഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 2 ॥

ശ്ലോക 12

നാനാച്ഛിദ്ര ഘടോദര സ്ഥിത മഹാദീപ പ്രഭാഭാസ്വരം

ജ്ഞാനം യസ്യ തു ചക്ഷുരാദികരണ ദ്വാരാ ബഹിഃ സ്പന്ദതേ ।

ജാനാമീതി തമേവ ഭാന്തമനുഭാത്യേതത്സമസ്തം ജഗത്

തസ്മൈ ശ്രീ ഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 3 ॥

ശ്ലോക 13

ദേഹം പ്രാണമപീന്ദ്രിയാണ്യപി ചലാം ബുദ്ധിം ച ശൂന്യം വിദുഃ

സ്ത്രീ ബാലാന്ധ ജഡോപമാസ്ത്വഹമിതി ഭ്രാന്താഭൃശം വാദിനഃ ।

മായാശക്തി വിലാസകല്പിത മഹാവ്യാമോഹ സംഹാരിണേ

തസ്മൈ ശ്രീ ഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 4 ॥

ശ്ലോക 14

രാഹുഗ്രസ്ത ദിവാകരേന്ദു സദൃശോ മായാ സമാച്ഛാദനാത്

സന്മാത്രഃ കരണോപ സംഹരണതോ യോഽഭൂത്സുഷുപ്തഃ പുമാന് ।

പ്രാഗസ്വാപ്സമിതി പ്രഭോദസമയേ യഃ പ്രത്യഭിജ്ഞായതേ

തസ്മൈ ശ്രീ ഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 5 ॥

ശ്ലോക 15

ബാല്യാദിഷ്വപി ജാഗ്രദാദിഷു തഥാ സര്വാസ്വവസ്ഥാസ്വപി

വ്യാവൃത്താ സ്വനു വര്തമാന മഹമിത്യന്തഃ സ്ഫുരന്തം സദാ ।

സ്വാത്മാനം പ്രകടീകരോതി ഭജതാം യോ മുദ്രയാ ഭദ്രയാ

തസ്മൈ ശ്രീ ഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 6 ॥

ശ്ലോക 16

വിശ്വം പശ്യതി കാര്യകാരണതയാ സ്വസ്വാമിസമ്ബന്ധതഃ

ശിഷ്യചാര്യതയാ തഥൈവ പിതൃ പുത്രാദ്യാത്മനാ ഭേദതഃ ।

സ്വപ്നേ ജാഗ്രതി വാ യ ഏഷ പുരുഷോ മായാ പരിഭ്രാമിതഃ

തസ്മൈ ശ്രീ ഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 7 ॥

ശ്ലോക 17

ഭൂരമ്ഭാംസ്യനലോഽനിലോമ്ബര മഹര്നാഥോ ഹിമാംശുഃ പുമാന്

ഇത്യാഭാതി ചരാചരാത്മകമിദം യസ്യൈവ മൂര്ത്യഷ്ടകമ് ।

നാന്യത്കിഞ്ചന വിദ്യതേ വിമൃശതാം യസ്മാത്പരസ്മാദ്വിഭോ

തസ്മൈ ശ്രീ ഗുരുമൂര്തയേ നമ ഇദം ശ്രീ ദക്ഷിണാമൂര്തയേ

॥ 8 ॥

ശ്ലോക 18

സര്വാത്മത്വമിതി സ്ഫുടീകൃതമിദം യസ്മാദമുഷ്മിന് സ്തവേ

തേനാസ്വ ശ്രവണാത്തദര്ഥ മനനാദ്ധ്യാനാച്ച സങ്കീര്തനാത് ।

സര്വാത്മത്വ മഹാവിഭൂതിസഹിതം സ്യാദീശ്വരത്വം സ്വതഃ

സിദ്ധ്യേത്തത്പുനരഷ്ടധാ പരിണതം ചൈശ്വര്യ-മവ്യാഹതമ്

॥ 9 ॥

ശ്ലോക 19

॥ ഇതി ശ്രീമച്ഛങ്കരാചാര്യവിരചിതം ദക്ഷിണാമൂര്തിസ്തോത്രം സമ്പൂര്ണമ് ॥