Chaurashtakam (Sri Chauragraganya Purushashtakam)

චෞරාෂ්ටකම් (ශ්රී චෞරාග්රගණ්ය පුරුෂාෂ්ටකම්)

ශ්ලොක 1

ව්රජේ ප්රසිද්ධං නවනීතචෞරං

ගෝපාඞ්ගනානාං ච දුකූලචෞරම් .

අනේකජන්මාර්ජිතපාපචෞරං

චෞරාග්රගණ්යං පුරුෂං නමාමි .. 1..

ශ්රීරාධිකායා හෘදයස්ය චෞරං

නවාම්බුදශ්යාමලකාන්තිචෞරම් .

පදාශ්රිතානාං ච සමස්තචෞරං

චෞරාග්රගණ්යං පුරුෂං නමාමි .. 2..

අකිඤ්චනීකෘත්ය පදාශ්රිතං යඃ

කරෝති භික්ෂුං පථි ගේහහීනම් .

කේනාප්යහෝ භීෂණචෞර ඊදෘග්-

දෘෂ්ටඃශ්රුතෝ වා න ජගත්ත්රයේ(අ)පි .. 3..

යදීය නාමාපි හරත්යශේෂං

ගිරිප්රසාරාන් අපි පාපරාශීන් .

ආශ්චර්යරූපෝ නනු චෞර ඊදෘග්

දෘෂ්ටඃ ශ්රුතෝ වා න මයා කදාපි .. 4..

ධනං ච මානං ච තථේන්ද්රියාණි

ප්රාණාංශ්ච හෘත්වා මම සර්වමේව .

පලායසේ කුත්ර ධෘතෝ(අ)ද්ය චෞර

ත්වං භක්තිදාම්නාසි මයා නිරුද්ධඃ .. 5..

ඡිනත්සි ඝෝරං යමපාශබන්ධං

භිනත්සි භීමං භවපාශබන්ධම් .

ඡිනත්සි සර්වස්ය සමස්තබන්ධං

නෛවාත්මනෝ භක්තකෘතං තු බන්ධම් .. 6..

මන්මානසේ තාමසරාශිඝෝරේ

කාරාගෘහේ දුඃඛමයේ නිබද්ධඃ .

ලභස්ව හේ චෞර! හරේ! චිරාය

ස්වචෞර්යදෝෂෝචිතමේව දණ්ඩම් .. 7..

කාරාගෘහේ වස සදා හෘදයේ මදීයේ

මද්භක්තිපාශදෘඪබන්ධනනිශ්චලඃ සන් .

ත්වාං කෘෂ්ණ හේ! ප්රලයකෝටිශතාන්තරේ(අ)පි

සර්වස්වචෞර! හෘදයාන් න හි මෝචයාමි .. 8..

ඉති ශ්රීබිල්වමඞ්ගලඨාකූරවිරචිතං චෞරාෂ්ටකං සම්පූර්ණම් .

චෞරග්රගණ්ය පුරුෂාෂ්ටකම් .