Chaurashtakam (Sri Chauragraganya Purushashtakam)

ଚୌରାଷ୍ଟକମ୍ (ଶ୍ରୀ ଚୌରାଗ୍ରଗଣ୍ଯ ପୁରୁଷାଷ୍ଟକମ୍)

ଶ୍ଲୋକ 1

ଵ୍ରଜେ ପ୍ରସିଦ୍ଧଂ ନଵନୀତଚୌରଂ

ଗୋପାଙ୍ଗନାନାଂ ଚ ଦୁକୂଲଚୌରମ୍ ।

ଅନେକଜନ୍ମାର୍ଜିତପାପଚୌରଂ

ଚୌରାଗ୍ରଗଣ୍ଯଂ ପୁରୁଷଂ ନମାମି

ଶ୍ଲୋକ 2

ଶ୍ରୀରାଧିକାଯା ହୃଦଯସ୍ଯ ଚୌରଂ

ନଵାମ୍ବୁଦଶ୍ଯାମଲକାନ୍ତିଚୌରମ୍ ।

ପଦାଶ୍ରିତାନାଂ ଚ ସମସ୍ତଚୌରଂ

ଚୌରାଗ୍ରଗଣ୍ଯଂ ପୁରୁଷଂ ନମାମି

॥ 1॥

ଶ୍ଲୋକ 3

ଅକିଞ୍ଚନୀକୃତ୍ଯ ପଦାଶ୍ରିତଂ ଯଃ

କରୋତି ଭିକ୍ଷୁଂ ପଥି ଗେହହୀନମ୍ ।

କେନାପ୍ଯହୋ ଭୀଷଣଚୌର ଈଦୃଗ୍-

ଦୃଷ୍ଟଃଶ୍ରୁତୋ ଵା ନ ଜଗତ୍ତ୍ରଯେଽପି

॥ 2॥

ଶ୍ଲୋକ 4

ଯଦୀଯ ନାମାପି ହରତ୍ଯଶେଷଂ

ଗିରିପ୍ରସାରାନ୍ ଅପି ପାପରାଶୀନ୍ ।

ଆଶ୍ଚର୍ଯରୂପୋ ନନୁ ଚୌର ଈଦୃଗ୍

ଦୃଷ୍ଟଃ ଶ୍ରୁତୋ ଵା ନ ମଯା କଦାପି

॥ 3॥

ଶ୍ଲୋକ 5

ଧନଂ ଚ ମାନଂ ଚ ତଥେନ୍ଦ୍ରିଯାଣି

ପ୍ରାଣାଂଶ୍ଚ ହୃତ୍ଵା ମମ ସର୍ଵମେଵ ।

ପଲାଯସେ କୁତ୍ର ଧୃତୋଽଦ୍ଯ ଚୌର

ତ୍ଵଂ ଭକ୍ତିଦାମ୍ନାସି ମଯା ନିରୁଦ୍ଧଃ

॥ 4॥

ଶ୍ଲୋକ 6

ଛିନତ୍ସି ଘୋରଂ ଯମପାଶବନ୍ଧଂ

ଭିନତ୍ସି ଭୀମଂ ଭଵପାଶବନ୍ଧମ୍ ।

ଛିନତ୍ସି ସର୍ଵସ୍ଯ ସମସ୍ତବନ୍ଧଂ

ନୈଵାତ୍ମନୋ ଭକ୍ତକୃତଂ ତୁ ବନ୍ଧମ୍

॥ 5॥

ଶ୍ଲୋକ 7

ମନ୍ମାନସେ ତାମସରାଶିଘୋରେ

କାରାଗୃହେ ଦୁଃଖମଯେ ନିବଦ୍ଧଃ ।

ଲଭସ୍ଵ ହେ ଚୌର! ହରେ! ଚିରାଯ

ସ୍ଵଚୌର୍ଯଦୋଷୋଚିତମେଵ ଦଣ୍ଡମ୍

॥ 6॥

ଶ୍ଲୋକ 8

କାରାଗୃହେ ଵସ ସଦା ହୃଦଯେ ମଦୀଯେ

ମଦ୍ଭକ୍ତିପାଶଦୃଢବନ୍ଧନନିଶ୍ଚଲଃ ସନ୍ ।

ତ୍ଵାଂ କୃଷ୍ଣ ହେ! ପ୍ରଲଯକୋଟିଶତାନ୍ତରେଽପି

ସର୍ଵସ୍ଵଚୌର! ହୃଦଯାନ୍ ନ ହି ମୋଚଯାମି

॥ 7॥

ଶ୍ଲୋକ 9

ଇତି ଶ୍ରୀବିଲ୍ଵମଙ୍ଗଲଠାକୂରଵିରଚିତଂ ଚୌରାଷ୍ଟକଂ ସମ୍ପୂର୍ଣମ୍ ।

ଚୌରଗ୍ରଗଣ୍ଯ ପୁରୁଷାଷ୍ଟକମ୍ ।