Chaurashtakam (Sri Chauragraganya Purushashtakam)

chaurAShTakam (shrI chaurAgragaNya puruShAShTakam)

shloka 1

vraje prasiddhaM navanItachauraM

gopA~NganAnAM cha dukUlachauram |

anekajanmArjitapApachauraM

chaurAgragaNyaM puruShaM namAmi || 1||

shrIrAdhikAyA hRRidayasya chauraM

navAmbudashyAmalakAntichauram |

padAshritAnAM cha samastachauraM

chaurAgragaNyaM puruShaM namAmi || 2||

aki~nchanIkRRitya padAshritaM yaH

karoti bhikShuM pathi gehahInam |

kenApyaho bhIShaNachaura IdRRig-

dRRiShTaHshruto vA na jagattraye.api || 3||

yadIya nAmApi haratyasheShaM

giriprasArAn api pAparAshIn |

AshcharyarUpo nanu chaura IdRRig

dRRiShTaH shruto vA na mayA kadApi || 4||

dhanaM cha mAnaM cha tathendriyANi

prANAMshcha hRRitvA mama sarvameva |

palAyase kutra dhRRito.adya chaura

tvaM bhaktidAmnAsi mayA niruddhaH || 5||

Chinatsi ghoraM yamapAshabandhaM

bhinatsi bhImaM bhavapAshabandham |

Chinatsi sarvasya samastabandhaM

naivAtmano bhaktakRRitaM tu bandham || 6||

manmAnase tAmasarAshighore

kArAgRRihe duHkhamaye nibaddhaH |

labhasva he chaura! hare! chirAya

svachauryadoShochitameva daNDam || 7||

kArAgRRihe vasa sadA hRRidaye madIye

madbhaktipAshadRRiDhabandhananishchalaH san |

tvAM kRRiShNa he! pralayakoTishatAntare.api

sarvasvachaura! hRRidayAn na hi mochayAmi || 8||

iti shrIbilvama~NgalaThAkUravirachitaM chaurAShTakaM sampUrNam |

chauragragaNya puruShAShTakam |