Chaurashtakam (Sri Chauragraganya Purushashtakam)

চৌরাষ্টকম্ (শ্রী চৌরাগ্রগণ্য পুরুষাষ্টকম্)

শ্লোক 1

ব্রজে প্রসিদ্ধং নবনীতচৌরং

গোপাঙ্গনানাং চ দুকূলচৌরম্ ।

অনেকজন্মার্জিতপাপচৌরং

চৌরাগ্রগণ্যং পুরুষং নমামি

শ্লোক 2

শ্রীরাধিকাযা হৃদযস্য চৌরং

নবাম্বুদশ্যামলকান্তিচৌরম্ ।

পদাশ্রিতানাং চ সমস্তচৌরং

চৌরাগ্রগণ্যং পুরুষং নমামি

॥ 1॥

শ্লোক 3

অকিঞ্চনীকৃত্য পদাশ্রিতং যঃ

করোতি ভিক্ষুং পথি গেহহীনম্ ।

কেনাপ্যহো ভীষণচৌর ঈদৃগ্-

দৃষ্টঃশ্রুতো বা ন জগত্ত্রযেঽপি

॥ 2॥

শ্লোক 4

যদীয নামাপি হরত্যশেষং

গিরিপ্রসারান্ অপি পাপরাশীন্ ।

আশ্চর্যরূপো ননু চৌর ঈদৃগ্

দৃষ্টঃ শ্রুতো বা ন মযা কদাপি

॥ 3॥

শ্লোক 5

ধনং চ মানং চ তথেন্দ্রিযাণি

প্রাণাংশ্চ হৃত্বা মম সর্বমেব ।

পলাযসে কুত্র ধৃতোঽদ্য চৌর

ত্বং ভক্তিদাম্নাসি মযা নিরুদ্ধঃ

॥ 4॥

শ্লোক 6

ছিনত্সি ঘোরং যমপাশবন্ধং

ভিনত্সি ভীমং ভবপাশবন্ধম্ ।

ছিনত্সি সর্বস্য সমস্তবন্ধং

নৈবাত্মনো ভক্তকৃতং তু বন্ধম্

॥ 5॥

শ্লোক 7

মন্মানসে তামসরাশিঘোরে

কারাগৃহে দুঃখমযে নিবদ্ধঃ ।

লভস্ব হে চৌর! হরে! চিরায

স্বচৌর্যদোষোচিতমেব দণ্ডম্

॥ 6॥

শ্লোক 8

কারাগৃহে বস সদা হৃদযে মদীযে

মদ্ভক্তিপাশদৃঢবন্ধননিশ্চলঃ সন্ ।

ত্বাং কৃষ্ণ হে! প্রলযকোটিশতান্তরেঽপি

সর্বস্বচৌর! হৃদযান্ ন হি মোচযামি

॥ 7॥

শ্লোক 9

ইতি শ্রীবিল্বমঙ্গলঠাকূরবিরচিতং চৌরাষ্টকং সম্পূর্ণম্ ।

চৌরগ্রগণ্য পুরুষাষ্টকম্ ।