Chandrasekhara Ashtakam

chandrashekharAShTakam

shloka 1

chandrashekhara chandrashekhara chandrashekhara pAhimAm |

chandrashekhara chandrashekhara chandrashekhara rakShamAm || (2)

ratnasAnu sharAsanaM rajatAdri shRRi~Nga niketanaM

shi~njinIkRRita pannageshvara machyutAnala sAyakam |

kShipradagda puratrayaM tridashAlayai-rabhivanditaM

chandrashekharamAshraye mama kiM kariShyati vai yamaH || 1 ||

pa~nchapAdapa puShpagandha padAmbuja dvayashobhitaM

phAlalochana jAtapAvaka dagdha manmadha vigraham |

bhasmadigdha kalebaraM bhavanAshanaM bhava mavyayaM

chandrashekhara chandrashekhara chandrashekhara rakShamAm || 2 ||

mattavAraNa mukhyacharma kRRitottarIya manoharaM

paNkajAsana padmalochana pUjitANghri saroruham |

deva sindhu tara~Nga shrIkara sikta shubhra jaTAdharaM

chandrashekhara chandrashekhara chandrashekhara pAhimAm || 3 ||

yakSha rAjasakhaM bhagAkSha haraM bhuja~Nga vibhUShaNam

shailarAja sutA pariShkRRita chAruvAma kalebaram |

kShela nIlagalaM parashvadha dhAriNaM mRRigadhAriNam

chandrashekhara chandrashekhara chandrashekhara pAhimAm || 4 ||

kuNDalIkRRita kuNDalIshvara kuNDalaM vRRiShavAhanaM

nAradAdi munIshvara stutavaibhavaM bhuvaneshvaram |

andhakAntaka mAshritAmara pAdapaM shamanAntakaM

chandrashekhara chandrashekhara chandrashekhara rakShamAm || 5 ||

bheShajaM bhavarogiNA makhilApadA mapahAriNaM

dakShayaj~na vinAshanaM triguNAtmakaM trivilochanam |

bhakti mukti phalapradaM sakalAgha sa~Ngha nibarhaNaM

chandrashekhara chandrashekhara chandrashekhara rakShamAm || 6 ||

bhaktavatsala-marchitaM nidhimakShayaM haridambaraM

sarvabhUta patiM parAtpara-maprameya manuttamam |

somavArina bhUhutAshana soma pAdyakhilAkRRitiM

chandrashekhara chandrashekhara chandrashekhara pAhimAm || 7 ||

vishvasRRiShTi vidhAyakaM punarevapAlana tatparaM

saMharaM tamapi prapa~ncha masheShaloka nivAsinam |

krIDayanta maharnishaM gaNanAtha yUtha samanvitaM

chandrashekhara chandrashekhara chandrashekhara rakShamAm || 8 ||

mRRityubhIta mRRikaNDusUnukRRitastavaM shivasannidhau

yatra kutra cha yaH paThenna hi tasya mRRityubhayaM bhavet |

pUrNamAyurarogatAmakhilArthasampadamAdaraM

chandrashekhara eva tasya dadAti muktimayatnataH || 9 ||