Chandra Kavacham

chandra kavacham

shloka 1

asya shrI chandra kavachasya | gautama RRiShiH | anuShTup ChandaH | shrI chandro devatA | chandra prItyarthe jape viniyogaH ||

dhyAnaM

samaM chaturbhujaM vande keyUra makuTojvalam |

vAsudevasya nayanaM sha~Nkarasya cha bhUShaNam ||

evaM dhyAtvA japennityaM shashinaH kavachaM shubham ||

atha chandra kavacham

shashI pAtu shirodeshaM bhAlaM pAtu kalAnidhiH |

chakShuShI chandramAH pAtu shrutI pAtu nishApatiH || 1 ||

prANaM kShapakaraH pAtu mukhaM kumudabAndhavaH |

pAtu kaNThaM cha me somaH skandhe jaivAtRRikastathA || 2 ||

karau sudhAkaraH pAtu vakShaH pAtu nishAkaraH |

hRRidayaM pAtu me chandro nAbhiM sha~NkarabhUShaNaH || 3 ||

madhyaM pAtu surashreShThaH kaTiM pAtu sudhAkaraH |

UrU tArApatiH pAtu mRRigA~Nko jAnunI sadA || 4 ||

abdhijaH pAtu me ja~Nghe pAtu pAdau vidhuH sadA |

sarvANyanyAni chA~NgAni pAtu chandrokhilaM vapuH || 5 ||

phalashrutiH

etaddhi kavachaM divyaM bhukti mukti pradAyakam |

yaH paThechChRRiNuyAdvApi sarvatra vijayI bhavet || 6 ||

|| iti shrIchandra kavachaM sampUrNam ||