Chandra Kavacham

candra kavacam

zloka 1

asya zrI candra kavacasya | gautama RSiH | anuSTup chandaH | zrI candro devatA | candra prItyarthe jape viniyogaH ||

dhyAnaM

samaM caturbhujaM vande keyUra makuTojvalam |

vAsudevasya nayanaM zaGkarasya ca bhUSaNam ||

evaM dhyAtvA japennityaM zazinaH kavacaM zubham ||

atha candra kavacam

zazI pAtu zirodezaM bhAlaM pAtu kalAnidhiH |

cakSuSI candramAH pAtu zrutI pAtu nizApatiH || 1 ||

prANaM kSapakaraH pAtu mukhaM kumudabAndhavaH |

pAtu kaNThaM ca me somaH skandhe jaivAtRkastathA || 2 ||

karau sudhAkaraH pAtu vakSaH pAtu nizAkaraH |

hRdayaM pAtu me candro nAbhiM zaGkarabhUSaNaH || 3 ||

madhyaM pAtu surazreSThaH kaTiM pAtu sudhAkaraH |

UrU tArApatiH pAtu mRgAGko jAnunI sadA || 4 ||

abdhijaH pAtu me jaGghe pAtu pAdau vidhuH sadA |

sarvANyanyAni cAGgAni pAtu candrokhilaM vapuH || 5 ||

phalazrutiH

etaddhi kavacaM divyaM bhukti mukti pradAyakam |

yaH paThecchRNuyAdvApi sarvatra vijayI bhavet || 6 ||

|| iti zrIcandra kavacaM sampUrNam ||