Chakshushopanishad (Chakshushmati Vidya)

chAkShuShopaniShad (chakShuShmatI vidyA)

shloka 1

asyAH chAkShuShIvidyAyAH ahirbudhnya RRiShiH | gAyatrI ChandaH | sUryo devatA | chakShuroganivRRittaye jape viniyogaH |

OM chakShushchakShushchakShuH tejaH sthiro bhava | mAM pAhi pAhi | tvaritaM chakShurogAn shamaya shamaya | mama jAtarUpaM tejo darshaya darshaya | yathAhaM andho na syAM tathA kalpaya kalpaya | kalyANaM kuru kuru | yAni mama pUrvajanmopArjitAni chakShuH pratirodhaka duShkRRitAni sarvANi nirmUlaya nirmUlaya |

OM namaH chakShustejodAtre divyAya bhAskarAya | OM namaH karuNAkarAyA.amRRitAya | OM namaH sUryAya | OM namo bhagavate sUryAyAkShitejase namaH | khecharAya namaH | mahate namaH | rajase namaH | tamase namaH | asato mA sadgamaya | tamaso mA jyotirgamaya | mRRityormA amRRitaM gamaya | uShNo bhagavAn shuchirUpaH | haMso bhagavAn shuchirapratirUpaH |

ya imAM chakShuShmatIM vidyAM brAhmaNo nityamadhIte na tasya akShirogo bhavati | na tasya kule andho bhavati | aShTau brAhmaNAn grAhayitvA vidyAsiddhirbhavati |

vishvarUpaM ghRRiNinaM jAtavedasaM hiraNmayaM puruShaM jyotIrUpaM tapantaM sahasrarashmiH shatadhAvartamAnaH | puraH prajAnAmudayatyeSha sUryaH |

OM namo bhagavate AdityAya akShitejase aho vAhini vAhini svAhA |