Chakshushopanishad (Chakshushmati Vidya)

cAkSuSopaniSad (cakSuSmatI vidyA)

zloka 1

asyAH cAkSuSIvidyAyAH ahirbudhnya RSiH | gAyatrI chandaH | sUryo devatA | cakSuroganivRttaye jape viniyogaH |

OM cakSuzcakSuzcakSuH tejaH sthiro bhava | mAM pAhi pAhi | tvaritaM cakSurogAn zamaya zamaya | mama jAtarUpaM tejo darzaya darzaya | yathAhaM andho na syAM tathA kalpaya kalpaya | kalyANaM kuru kuru | yAni mama pUrvajanmopArjitAni cakSuH pratirodhaka duSkRtAni sarvANi nirmUlaya nirmUlaya |

OM namaH cakSustejodAtre divyAya bhAskarAya | OM namaH karuNAkarAyA'mRtAya | OM namaH sUryAya | OM namo bhagavate sUryAyAkSitejase namaH | khecarAya namaH | mahate namaH | rajase namaH | tamase namaH | asato mA sadgamaya | tamaso mA jyotirgamaya | mRtyormA amRtaM gamaya | uSNo bhagavAn zucirUpaH | haMso bhagavAn zucirapratirUpaH |

ya imAM cakSuSmatIM vidyAM brAhmaNo nityamadhIte na tasya akSirogo bhavati | na tasya kule andho bhavati | aSTau brAhmaNAn grAhayitvA vidyAsiddhirbhavati |

vizvarUpaM ghRNinaM jAtavedasaM hiraNmayaM puruSaM jyotIrUpaM tapantaM sahasrarazmiH zatadhAvartamAnaH | puraH prajAnAmudayatyeSa sUryaH |

OM namo bhagavate AdityAya akSitejase aho vAhini vAhini svAhA |