Chakshushopanishad (Chakshushmati Vidya)
Chakshushopanishad (Chakshushmati Vidya)
চাক্ষুষোপনিষদ্ (চক্ষুষ্মতী বিদ্যা)
শ্লোক 1
অস্যাঃ চাক্ষুষীবিদ্যাযাঃ অহির্বুধ্ন্য ঋষিঃ । গাযত্রী ছন্দঃ । সূর্যো দেবতা । চক্ষুরোগনিবৃত্তযে জপে বিনিযোগঃ ।
ওঁ চক্ষুশ্চক্ষুশ্চক্ষুঃ তেজঃ স্থিরো ভব । মাং পাহি পাহি । ত্বরিতং চক্ষুরোগান্ শময শময । মম জাতরূপং তেজো দর্শয দর্শয । যথাহং অন্ধো ন স্যাং তথা কল্পয কল্পয । কল্যাণং কুরু কুরু । যানি মম পূর্বজন্মোপার্জিতানি চক্ষুঃ প্রতিরোধক দুষ্কৃতানি সর্বাণি নির্মূলয নির্মূলয ।
ওঁ নমঃ চক্ষুস্তেজোদাত্রে দিব্যায ভাস্করায । ওঁ নমঃ করুণাকরাযাঽমৃতায । ওঁ নমঃ সূর্যায । ওঁ নমো ভগবতে সূর্যাযাক্ষিতেজসে নমঃ । খেচরায নমঃ । মহতে নমঃ । রজসে নমঃ । তমসে নমঃ । অসতো মা সদ্গময । তমসো মা জ্যোতির্গময । মৃত্যোর্মা অমৃতং গময । উষ্ণো ভগবান্ শুচিরূপঃ । হংসো ভগবান্ শুচিরপ্রতিরূপঃ ।
য ইমাং চক্ষুষ্মতীং বিদ্যাং ব্রাহ্মণো নিত্যমধীতে ন তস্য অক্ষিরোগো ভবতি । ন তস্য কুলে অন্ধো ভবতি । অষ্টৌ ব্রাহ্মণান্ গ্রাহযিত্বা বিদ্যাসিদ্ধির্ভবতি ।
বিশ্বরূপং ঘৃণিনং জাতবেদসং হিরণ্মযং পুরুষং জ্যোতীরূপং তপন্তং সহস্ররশ্মিঃ শতধাবর্তমানঃ । পুরঃ প্রজানামুদযত্যেষ সূর্যঃ ।
ওঁ নমো ভগবতে আদিত্যায অক্ষিতেজসে অহো বাহিনি বাহিনি স্বাহা ।