Bruhaspati Kavacham (Guru Kavacham)

bRhaspati kavacam (guru kavacam)

zloka 1

asya zrIbRhaspati kavacamahA mantrasya, Izvara RSiH,

anuSTup chandaH, bRhaspatirdevatA,

gaM bIjaM, zrIM zaktiH, klIM kIlakam,

bRhaspati prasAda siddhyarthe jape viniyogaH ||

dhyAnam

abhISTaphaladaM vande sarvajJaM surapUjitam |

akSamAlAdharaM zAntaM praNamAmi bRhaspatim ||

atha bRhaspati kavacam

bRhaspatiH ziraH pAtu lalATaM pAtu me guruH |

karNau suraguruH pAtu netre mebhISTadAyakaH || 1 ||

jihvAM pAtu surAcAryaH nAsaM me vedapAragaH |

mukhaM me pAtu sarvajJaH kaNThaM me devatAguruH || 2 ||

bhujA vaGgIrasaH pAtu karau pAtu zubhapradaH |

stanau me pAtu vAgIzaH kukSiM me zubhalakSaNaH || 3 ||

nAbhiM devaguruH pAtu madhyaM pAtu sukhapradaH |

kaTiM pAtu jagadvandyaH UrU me pAtu vAkpatiH || 4 ||

jAnujaGghe surAcAryaH pAdau vizvAtmakaH sadA |

anyAni yAni cAGgAni rakSenme sarvato guruH || 5 ||

phalazRtiH

ityetatkavacaM divyaM trisandhyaM yaH paThennaraH |

sarvAn kAmAnavApnoti sarvatra vijayI bhavet ||

|| iti zrI bRhaspati kavacam ||