Brahma Samhita
Brahma Samhita
ବ୍ରହ୍ମ ସଂହିତା
ଈଶ୍ଵରଃ ପରମଃ କୃଷ୍ଣଃ ସଚ୍ଚିଦାନନ୍ଦଵିଗ୍ରହଃ ।
ଅନାଦିରାଦିର୍ଗୋଵିନ୍ଦଃ ସର୍ଵକାରଣକାରଣମ୍ ॥ 1 ॥
ସହସ୍ରପତ୍ରକମଲଂ ଗୋକୁଲାଖ୍ଯଂ ମହତ୍ପଦମ୍ ।
ତତ୍କର୍ଣିକାରଂ ତଦ୍ଧାମ ତଦନନ୍ତାଶସମ୍ଭଵମ୍ ॥ 2 ॥
କର୍ଣିକାରଂ ମହଦ୍ଯନ୍ତ୍ରଂ ଷଟ୍କୋଣଂ ଵଜ୍ରକୀଲକମ୍
ଷଡଙ୍ଗ ଷଟ୍ପଦୀସ୍ଥାନଂ ପ୍ରକୃତ୍ଯା ପୁରୁଷେଣ ଚ ।
ପ୍ରେମାନନ୍ଦମହାନନ୍ଦରସେନାଵସ୍ଥିତଂ ହି ଯତ୍
ଜ୍ଯୋତୀରୂପେଣ ମନୁନା କାମବୀଜେନ ସଙ୍ଗତମ୍ ॥ 3 ॥
ତତ୍କିଞ୍ଜଲ୍କଂ ତଦଂଶାନାଂ ତତ୍ପତ୍ରାଣି ଶ୍ରିଯାମପି ॥ 4 ॥
ଚତୁରସ୍ରଂ ତତ୍ପରିତଃ ଶ୍ଵେତଦ୍ଵୀପାଖ୍ଯମଦ୍ଭୁତମ୍ ।
ଚତୁରସ୍ରଂ ଚତୁର୍ମୂର୍ତେଶ୍ଚତୁର୍ଧାମ ଚତୁଷ୍କୃତମ୍ ।
ଚତୁର୍ଭିଃ ପୁରୁଷାର୍ଥୈଶ୍ଚ ଚତୁର୍ଭିର୍ହେତୁଭିର୍ଵୃତମ୍ ।
ଶୂଲୈର୍ଦଶଭିରାନଦ୍ଧମୂର୍ଧ୍ଵାଧୋ ଦିଗ୍ଵିଦିକ୍ଷ୍ଵପି ।
ଅଷ୍ଟଭିର୍ନିଧିଭିର୍ଜୁଷ୍ଟମଷ୍ଟଭିଃ ସିଦ୍ଧିଭିସ୍ତଥା ।
ମନୁରୂପୈଶ୍ଚ ଦଶଭିର୍ଦିକ୍ପାଲୈଃ ପରିତୋ ଵୃତମ୍ ।
ଶ୍ଯାମୈର୍ଗୌରୈଶ୍ଚ ରକ୍ତୈଶ୍ଚ ଶୁକ୍ଲୈଶ୍ଚ ପାର୍ଷଦର୍ଷଭୈଃ ।
ଶୋଭିତଂ ଶକ୍ତିଭିସ୍ତାଭିରଦ୍ଭୁତାଭିଃ ସମନ୍ତତଃ ॥ 5 ॥
ଏଵଂ ଜ୍ଯୋତିର୍ମଯୋ ଦେଵଃ ସଦାନନ୍ଦଂ ପରାତ୍ପରଃ ।
ଆତ୍ମାରାମସ୍ଯ ତସ୍ଯାସ୍ତି ପ୍ରକୃତ୍ଯା ନ ସମାଗମଃ ॥ 6 ॥
ମାଯଯାଽରମମାଣସ୍ଯ ନ ଵିଯୋଗସ୍ତଯା ସହ ।
ଆତ୍ମନା ରମଯା ରେମେ ତ୍ଯକ୍ତକାଲଂ ସିସୃକ୍ଷଯା ॥ 7 ॥
ନିଯତିଃ ସା ରମାଦେଵୀ ତତ୍ପ୍ରିଯା ତଦ୍ଵଶଂ ତଦା ।
ତଲ୍ଲିଙ୍ଗଂ ଭଗଵାନ୍ ଶମ୍ଭୁର୍ଜୋତିରୂପଃ ସନାତନଃ ।
ଯା ଯୋନିଃ ସାପରାଶକ୍ତିଃ କାମୋ ବୀଜଂ ମହଦ୍ଧରେଃ ॥ 8 ॥
ଲିଙ୍ଗଯୋନ୍ଯାତ୍ମିକା ଜାତା ଇମା ମାହେଶ୍ଵରୀ ପ୍ରଜାଃ ॥ 9 ॥
ଶକ୍ତିମାନ୍ ପୁରୁଷଃ ସୋଽଯଂ ଲିଙ୍ଗରୂପୀ ମହେଶ୍ଵରଃ ।
ତସ୍ମିନ୍ନାଵିରଭୂଲ୍ଲିଙ୍ଗେ ମହାଵିଷ୍ଣୁର୍ଜଗତ୍ପତିଃ ॥ 10 ॥
ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ।
ସହସ୍ରବାହୁର୍ଵିଶ୍ଵାତ୍ମା ସହସ୍ରାଂଶଃ ସହସ୍ରସୂଃ ॥ 11 ॥
ନାରାଯଣଃ ସ ଭଗଵାନାପସ୍ତସ୍ମାତ୍ସନାତନାତ୍ ।
ଆଵିରାସୀତ୍କାରଣାର୍ଣୋ ନିଧିଃ ସଙ୍କର୍ଷଣାତ୍ମକଃ ।
ଯୋଗନିଦ୍ରାଂ ଗତସ୍ତସ୍ମିନ୍ ସହସ୍ରାଂଶଃ ସ୍ଵଯଂ ମହାନ୍ ॥ 12 ॥
ତଦ୍ରୋମବିଲ ଜାଲେଷୁ ବୀଜଂ ସଙ୍କର୍ଷଣସ୍ଯ ଚ ।
ହୈମାନ୍ଯଣ୍ଡାନି ଜାତାନି ମହାଭୂତାଵୃତାନି ତୁ ॥ 13 ॥
ପ୍ରତ୍ଯଣ୍ଡମେଵମେକାଂଶାଦେକାଂଶାଦ୍ଵିଶତି ସ୍ଵଯମ୍ ।
ସହସ୍ରମୂର୍ଧା ଵିଶ୍ଵାତ୍ମା ମହାଵିଷ୍ଣୁଃ ସନାତନଃ ॥ 14 ॥
ଵାମାଙ୍ଗାଦସୃଜଦ୍ଵିଷ୍ଣୁଂ ଦକ୍ଷିଣାଙ୍ଗାତ୍ପ୍ରଜାପତିମ୍ ।
ଜ୍ଯୋତିର୍ଲିଙ୍ଗମଯଂ ଶମ୍ଭୁଂ କୂର୍ଚଦେଶାଦଵାସୃଜତ୍ ॥ 15 ॥
ଅହଙ୍କାରାତ୍ମକଂ ଵିଶ୍ଵଂ ତସ୍ମାଦେତଦ୍ଵ୍ଯଜାଯତ ॥ 16 ॥
ଅଥ ତୈସ୍ତ୍ରିଵିଧୈର୍ଵେଶୈର୍ଲୀଲାମୁଦ୍ଵହତଃ କିଲ ।
ଯୋଗନିଦ୍ରା ଭଗଵତୀ ତସ୍ଯ ଶ୍ରୀରିଵ ସଙ୍ଗତା ॥ 17 ॥
ସସୃକ୍ଷାଯାଂ ତତୋ ନାଭେସ୍ତସ୍ଯ ପଦ୍ମଂ ଵିନିର୍ଯଯୌ ।
ତନ୍ନାଲଂ ହେମନଲିନଂ ବ୍ରହ୍ମଣୋ ଲୋକମଦ୍ଭୁତମ୍ ॥ 18 ॥
ତତ୍ତ୍ଵାନି ପୂର୍ଵରୂଢାନି କାରଣାନି ପରସ୍ପରମ୍ ।
ସମଵାଯାପ୍ରଯୋଗାଚ୍ଚ ଵିଭିନ୍ନାନି ପୃଥକ୍ ପୃଥକ୍ ।
ଚିଚ୍ଛକ୍ତ୍ଯା ସଜ୍ଜମାନୋଽଥ ଭଗଵାନାଦିପୂରୁଷଃ ।
ଯୋଜଯନ୍ମାଯଯା ଦେଵୋ ଯୋଗନିଦ୍ରାମକଲ୍ପଯତ୍ ॥ 19 ॥
ଯୋଜଯିତ୍ଵା ତୁ ତାନ୍ଯେଵ ପ୍ରଵିଵେଶ ସ୍ଵଯଂ ଗୁହାମ୍ ।
ଗୁହାଂ ପ୍ରଵିଷ୍ଟେ ତସ୍ମିଂସ୍ତୁ ଜୀଵାତ୍ମା ପ୍ରତିବୁଧ୍ଯତେ ॥ 20 ॥
ସ ନିତ୍ଯୋ ନିତ୍ଯସମ୍ବନ୍ଧଃ ପ୍ରକୃତିଶ୍ଚ ପରୈଵ ସା ॥ 21 ॥
ଏଵଂ ସର୍ଵାତ୍ମସମ୍ବନ୍ଧଂ ନାଭ୍ଯାଂ ପଦ୍ମଂ ହରେରଭୂତ୍ ।
ତତ୍ର ବ୍ରହ୍ମାଭଵଦ୍ଭୂଯଶ୍ଚତୁର୍ଵେଦୀ ଚତୁର୍ମୁଖଃ ॥ 22 ॥
ସ ଜାତୋ ଭଗଵଚ୍ଛକ୍ତ୍ଯା ତତ୍କାଲଂ କିଲ ଚୋଦିତଃ ।
ସିସୃକ୍ଷାଯାଂ ମତିଂ ଚକ୍ରେ ପୂର୍ଵସଂସ୍କାରସଂସ୍କୃତଃ ।
ଦଦର୍ଶ କେଵଲଂ ଧ୍ଵାନ୍ତଂ ନାନ୍ଯତ୍କିମପି ସର୍ଵତଃ ॥ 23 ॥
ଉଵାଚ ପୁରତସ୍ତସ୍ମୈ ତସ୍ଯ ଦିଵ୍ଯା ସରସ୍ଵତୀ ।
କାମଃ କୃଷ୍ଣାଯ ଗୋଵିନ୍ଦ ହେ ଗୋପୀଜନ ଇତ୍ଯପି ।
ଵଲ୍ଲଭାଯ ପ୍ରିଯା ଵହ୍ନେର୍ମନ୍ତ୍ରଂ ତେ ଦାସ୍ଯତି ପ୍ରିଯମ୍ ॥ 24 ॥
ତପସ୍ତ୍ଵଂ ତପ ଏତେନ ତଵ ସିଦ୍ଧିର୍ଭଵିଷ୍ଯତି ॥ 25 ॥
ଅଥ ତେପେ ସ ସୁଚିରଂ ପ୍ରୀଣନ୍ ଗୋଵିନ୍ଦମଵ୍ଯଯମ୍ ।
ଶ୍ଵେତଦ୍ଵୀପପତିଂ କୃଷ୍ଣଂ ଗୋଲୋକସ୍ଥଂ ପରାତ୍ପରମ୍ ।
ପ୍ରକୃତ୍ଯା ଗୁଣରୂପିଣ୍ଯା ରୂପିଣ୍ଯା ପର୍ଯୁପାସିତମ୍ ।
ସହସ୍ରଦଲସମ୍ପନ୍ନେ କୋଟିକିଞ୍ଜଲ୍କବୃଂହିତେ ।
ଭୂମିଶ୍ଚିନ୍ତାମଣିସ୍ତତ୍ର କର୍ଣିକାରେ ମହାସନେ ।
ସମାସୀନଂ ଚିଦାନନ୍ଦଂ ଜ୍ଯୋତିରୂପଂ ସନାତନମ୍ ।
ଶବ୍ଦବ୍ରହ୍ମମଯଂ ଵେଣୁଂ ଵାଦଯନ୍ତଂ ମୁଖାମ୍ବୁଜେ ।
ଵିଲାସିନୀଗଣଵୃତଂ ସ୍ଵୈଃ ସ୍ଵୈରଂଶୈରଭିଷ୍ଟୁତମ୍ ॥ 26 ॥
ଅଥ ଵେଣୁନିନାଦସ୍ଯ ତ୍ରଯୀମୂର୍ତିମଯୀ ଗତିଃ ।
ସ୍ଫୁରନ୍ତୀ ପ୍ରଵିଵେଶାଶୁ ମୁଖାବ୍ଜାନି ସ୍ଵଯମ୍ଭୁଵଃ ।
ଗାଯତ୍ରୀଂ ଗାଯତସ୍ତସ୍ମାଦଧିଗତ୍ଯ ସରୋଜଜଃ ।
ସଂସ୍କୃତଶ୍ଚାଦିଗୁରୁଣା ଦ୍ଵିଜତାମଗମତ୍ତତଃ ॥ 27 ॥
ତ୍ରଯ୍ଯା ପ୍ରବୁଦ୍ଧୋଽଥ ଵିଧିର୍ଵିଜ୍ଞାତତତ୍ତ୍ଵସାଗରଃ ।
ତୁଷ୍ଟାଵ ଵେଦସାରେଣ ସ୍ତୋତ୍ରେଣାନେନ କେଶଵମ୍ ॥ 28 ॥
ଚିନ୍ତାମଣିପ୍ରକରସଦ୍ମସୁ କଲ୍ପଵୃକ୍ଷ
ଲକ୍ଷାଵୃତେଷୁ ସୁରଭୀରଭିପାଲଯନ୍ତମ୍ ।
ଲକ୍ଷ୍ମୀସହସ୍ରଶତସମ୍ଭ୍ରମସେଵ୍ଯମାନଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 29 ॥
ଵେଣୁଂ କ୍ଵଣନ୍ତମରଵିନ୍ଦଦଲାଯତାକ୍ଷଂ
ବର୍ହାଵତଂସମସିତାମ୍ବୁଦସୁନ୍ଦରାଙ୍ଗମ୍ ।
କନ୍ଦର୍ପକୋଟିକମନୀଯଵିଶେଷଶୋଭଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 30 ॥
ଆଲୋଲଚନ୍ଦ୍ରକଲସଦ୍ଵନମାଲ୍ଯଵଂଶୀ-
-ରତ୍ନାଙ୍ଗଦଂ ପ୍ରଣଯକେଲିକଲାଵିଲାସମ୍ ।
ଶ୍ଯାମଂ ତ୍ରିଭଙ୍ଗଲଲିତଂ ନିଯତପ୍ରକାଶଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 31 ॥
ଅଙ୍ଗାନି ଯସ୍ଯ ସକଲେନ୍ଦ୍ରିଯଵୃତ୍ତିମନ୍ତି
ପଶ୍ଯନ୍ତି ପାନ୍ତି କଲଯନ୍ତି ଚିରଂ ଜଗନ୍ତି ।
ଆନନ୍ଦଚିନ୍ମଯସଦୁଜ୍ଜ୍ଵଲଵିଗ୍ରହସ୍ଯ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 32 ॥
ଅଦ୍ଵୈତମଚ୍ଯୁତମନାଦିମନନ୍ତରୂପଂ
ଆଦ୍ଯଂ ପୁରାଣପୁରୁଷଂ ନଵଯୌଵନଂ ଚ ।
ଵେଦେଷୁ ଦୁର୍ଲଭମଦୁର୍ଲଭମାତ୍ମଭକ୍ତୌ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 33 ॥
ପନ୍ଥାସ୍ତୁ କୋଟିଶତଵତ୍ସରସମ୍ପ୍ରଗମ୍ଯୋ
ଵାଯୋରଥାପି ମନସୋ ମୁନିପୁଙ୍ଗଵାନାମ୍ ।
ସୋଽପ୍ଯସ୍ତି ଯତ୍ପ୍ରପଦସୀମ୍ନ୍ଯଵିଚିନ୍ତ୍ଯତତ୍ତ୍ଵେ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 34 ॥
ଏକୋଽପ୍ଯସୌ ରଚଯିତୁଂ ଜଗଦଣ୍ଡକୋଟିଂ
ଯଚ୍ଛକ୍ତିରସ୍ତି ଜଗଦଣ୍ଡଚଯା ଯଦନ୍ତଃ ।
ଅଣ୍ଡାନ୍ତରସ୍ଥପରମାଣୁଚଯାନ୍ତରସ୍ଥଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 35 ॥
ଯଦ୍ଭାଵଭାଵିତଧିଯୋ ମନୁଜାସ୍ତଥୈଵ
ସମ୍ପ୍ରାପ୍ଯ ରୂପମହିମାସନଯାନଭୂଷାଃ ।
ସୂକ୍ତୈର୍ଯମେଵ ନିଗମପ୍ରଥିତୈଃ ସ୍ତୁଵନ୍ତି
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 36 ॥
ଆନନ୍ଦଚିନ୍ମଯରସପ୍ରତିଭାଵିତାଭି-
-ସ୍ତାଭିର୍ଯ ଏଵ ନିଜରୂପତଯା କଲାଭିଃ ।
ଗୋଲୋକ ଏଵ ନିଵସତ୍ଯଖିଲାତ୍ମଭୂତୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 37 ॥
ପ୍ରେମାଞ୍ଜନଚ୍ଛୁରିତଭକ୍ତିଵିଲୋଚନେନ
ସନ୍ତଃ ସଦୈଵ ହୃଦଯେଷୁ ଵିଲୋକଯନ୍ତି ।
ଯଂ ଶ୍ଯାମସୁନ୍ଦରମଚିନ୍ତ୍ଯଗୁଣସ୍ଵରୂପଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 38 ॥
ରାମାଦିମୂର୍ତିଷୁ କଲାନିଯମେନ ତିଷ୍ଠନ୍
ନାନାଵତାରମକରୋଦ୍ଭୁଵନେଷୁ କିନ୍ତୁ ।
କୃଷ୍ଣଃ ସ୍ଵଯଂ ସମଭଵତ୍ପରମଃ ପୁମାନ୍ ଯୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 39 ॥
ଯସ୍ଯ ପ୍ରଭା ପ୍ରଭଵତୋ ଜଗଦଣ୍ଡକୋଟି-
-କୋଟିଷ୍ଵଶେଷଵସୁଧାଦି ଵିଭୂତିଭିନ୍ନମ୍ ।
ତଦ୍ବ୍ରହ୍ମ ନିଷ୍କଲମନନ୍ତମଶେଷଭୂତଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 40 ॥
ମାଯା ହି ଯସ୍ଯ ଜଗଦଣ୍ଡଶତାନି ସୂତେ
ତ୍ରୈଗୁଣ୍ଯତଦ୍ଵିଷଯଵେଦଵିତାଯମାନା ।
ସତ୍ତ୍ଵାଵଲମ୍ବିପରସତ୍ତ୍ଵଂ ଵିଶୁଦ୍ଧସତ୍ତ୍ଵଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 41 ॥
ଆନନ୍ଦଚିନ୍ମଯରସାତ୍ମତଯା ମନଃସୁ
ଯଃ ପ୍ରାଣିନାଂ ପ୍ରତିଫଲନ୍ ସ୍ମରତାମୁପେତ୍ଯ ।
ଲୀଲାଯିତେନ ଭୁଵନାନି ଜଯତ୍ଯଜସ୍ରଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 42 ॥
ଗୋଲୋକନାମ୍ନି ନିଜଧାମ୍ନି ତଲେ ଚ ତସ୍ଯ
ଦେଵି ମହେଶହରିଧାମସୁ ତେଷୁ ତେଷୁ ।
ତେ ତେ ପ୍ରଭାଵନିଚଯା ଵିହିତାଶ୍ଚ ଯେନ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 43 ॥
ସୃଷ୍ଟିସ୍ଥିତିପ୍ରଲଯସାଧନଶକ୍ତିରେକା
ଛାଯେଵ ଯସ୍ଯ ଭୁଵନାନି ବିଭର୍ତି ଦୁର୍ଗା ।
ଇଚ୍ଛାନୁରୂପମପି ଯସ୍ଯ ଚ ଚେଷ୍ଟତେ ସା
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 44 ॥
କ୍ଷୀରଂ ଯଥା ଦଧି ଵିକାରଵିଶେଷଯୋଗାତ୍
ସଞ୍ଜାଯତେ ନ ହି ତତଃ ପୃଥଗସ୍ତି ହେତୋଃ ।
ଯଃ ଶମ୍ଭୁତାମପି ତଥା ସମୁପୈତି କାର୍ଯା-
-ଦ୍ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 45 ॥
ଦୀପାର୍ଚିରେଵ ହି ଦଶାନ୍ତରମଭ୍ଯୁପେତ୍ଯ
ଦୀପାଯତେ ଵିଵୃତହେତୁସମାନଧର୍ମା ।
ଯସ୍ତାଦୃଗେଵ ହି ଚ ଵିଷ୍ଣୁତଯା ଵିଭାତି
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 46 ॥
ଯଃ କାରଣାର୍ଣଵଜଲେ ଭଜତି ସ୍ମ ଯୋଗ-
-ନିଦ୍ରାମନନ୍ତଜଗଦଣ୍ଡସରୋମକୂପଃ ।
ଆଧାରଶକ୍ତିମଵଲମ୍ବ୍ଯ ପରାଂ ସ୍ଵମୂର୍ତିଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 47 ॥
ଯସ୍ଯୈକନିଶ୍ଵସିତକାଲମଥାଵଲମ୍ବ୍ଯ
ଜୀଵନ୍ତି ଲୋମବିଲଜା ଜଗଦଣ୍ଡନାଥାଃ ।
ଵିଷ୍ଣୁର୍ମହାନ୍ ସ ଇହ ଯସ୍ଯ କଲାଵିଶେଷୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 48 ॥
ଭାସ୍ଵାନ୍ ଯଥାଶ୍ମଶକଲେଷୁ ନିଜେଷୁ ତେଜଃ
ସ୍ଵୀଯଂ କିଯତ୍ପ୍ରକଟଯତ୍ଯପି ତଦ୍ଵଦତ୍ର ।
ବ୍ରହ୍ମା ଯ ଏଷ ଜଗଦଣ୍ଡଵିଧାନକର୍ତା
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 49 ॥
ଯତ୍ପାଦପଲ୍ଲଵଯୁଗଂ ଵିନିଧାଯ କୁମ୍ଭ-
-ଦ୍ଵନ୍ଦ୍ଵେ ପ୍ରଣାମସମଯେ ସ ଗଣାଧିରାଜଃ ।
ଵିଘ୍ନାନ୍ ଵିହନ୍ତୁମଲମସ୍ଯ ଜଗତ୍ତ୍ରଯସ୍ଯ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 50 ॥
ଅଗ୍ନିର୍ମହୀ ଗଗନମମ୍ବୁ ମରୁଦ୍ଦିଶଶ୍ଚ
କାଲସ୍ତଥାତ୍ମମନସୀତି ଜଗତ୍ତ୍ରଯାଣି ।
ଯସ୍ମାଦ୍ଭଵନ୍ତି ଵିଭଵନ୍ତି ଵିଶନ୍ତି ଯଂ ଚ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 51 ॥
ଯଚ୍ଚକ୍ଷୁରେଷ ସଵିତା ସକଲଗ୍ରହାଣାଂ
ରାଜା ସମସ୍ତସୁରମୂର୍ତିରଶେଷତେଜାଃ ।
ଯସ୍ଯାଜ୍ଞଯା ଭ୍ରମତି ସମ୍ଭୃତକାଲଚକ୍ରୋ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 52 ॥
ଧର୍ମୋଽଥ ପାପନିଚଯଃ ଶ୍ରୁତଯସ୍ତପାଂସି
ବ୍ରହ୍ମାଦିକୀଟପତଗାଵଧଯଶ୍ଚ ଜୀଵାଃ ।
ଯଦ୍ଦତମାତ୍ରଵିଭଵପ୍ରକଟପ୍ରଭାଵା
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 53 ॥
ଯସ୍ତ୍ଵିନ୍ଦ୍ରଗୋପମଥଵେନ୍ଦ୍ରମହୋ ସ୍ଵକର୍ମ-
-ବନ୍ଧାନୁରୂପଫଲଭାଜନମାତନୋତି ।
କର୍ମାଣି ନିର୍ଦହତି କିନ୍ତୁ ଚ ଭକ୍ତିଭାଜାଂ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 54 ॥
ଯଂ କ୍ରୋଧକାମସହଜପ୍ରଣଯାଦିଭୀତି-
-ଵାତ୍ସଲ୍ଯମୋହଗୁରୁଗୌରଵସେଵ୍ଯଭାଵୈଃ ।
ସଞ୍ଚିନ୍ତ୍ଯ ତସ୍ଯ ସଦୃଶୀଂ ତନୁମାପୁରେତେ
ଗୋଵିନ୍ଦମାଦିପୁରୁଷଂ ତମହଂ ଭଜାମି ॥ 55 ॥
ଶ୍ରିଯଃ କାନ୍ତାଃ କାନ୍ତଃ ପରମପୁରୁଷଃ କଲ୍ପତରଵୋ
ଦ୍ରୁମା ଭୂମିଶ୍ଚିନ୍ତାମଣିଗଣମଯି ତୋଯମମୃତମ୍ ।
କଥା ଗାନଂ ନାଟ୍ଯଂ ଗମନମପି ଵଂଶୀ ପ୍ରିଯସଖି
ଚିଦାନନ୍ଦଂ ଜ୍ଯୋତିଃ ପରମପି ତଦାସ୍ଵାଦ୍ଯମପି ଚ ।
ସ ଯତ୍ର କ୍ଷୀରାବ୍ଧିଃ ସ୍ରଵତି ସୁରଭୀଭ୍ଯଶ୍ଚ ସୁମହାନ୍
ନିମେଷାର୍ଧାଖ୍ଯୋ ଵା ଵ୍ରଜତି ନ ହି ଯତ୍ରାପି ସମଯଃ ।
ଭଜେ ଶ୍ଵେତଦ୍ଵୀପଂ ତମହମିହ ଗୋଲୋକମିତି ଯଂ
ଵିଦନ୍ତସ୍ତେ ସନ୍ତଃ କ୍ଷିତିଵିରଲଚାରାଃ କତିପଯେ ॥ 56 ॥
ଅଥୋଵାଚ ମହାଵିଷ୍ଣୁର୍ଭଗଵନ୍ତଂ ପ୍ରଜାପତିମ୍ ।
ବ୍ରହ୍ମନ୍ ମହତ୍ତ୍ଵଵିଜ୍ଞାନେ ପ୍ରଜାସର୍ଗେ ଚ ଚେନ୍ମତିଃ ।
ପଞ୍ଚଶ୍ଲୋକୀମିମାଂ ଵିଦ୍ଯାଂ ଵତ୍ସ ଦତ୍ତାଂ ନିବୋଧ ମେ ॥ 57 ॥
ପ୍ରବୁଦ୍ଧେ ଜ୍ଞାନଭକ୍ତିଭ୍ଯାମାତ୍ମନ୍ଯାନନ୍ଦଚିନ୍ମଯୀ ।
ଉଦେତ୍ଯନୁତ୍ତମା ଭକ୍ତିର୍ଭଗଵତ୍ପ୍ରେମଲକ୍ଷଣା ॥ 58 ॥
ପ୍ରମାଣୈସ୍ତତ୍ ସଦାଚାରୈସ୍ତଦଭ୍ଯାସୈର୍ନିରନ୍ତରମ୍ ।
ବୋଧଯନାତ୍ମନାତ୍ମାନଂ ଭକ୍ତିମପ୍ଯୁତ୍ତମାଂ ଲଭେତ୍ ॥ 59 ॥
ଯସ୍ଯାଃ ଶ୍ରେଯସ୍କରଂ ନାସ୍ତି ଯଯା ନିର୍ଵୃତିମାପ୍ନୁଯାତ୍ ।
ଯା ସାଧଯତି ମାମେଵ ଭକ୍ତିଂ ତାମେଵ ସାଧଯେତ୍ ॥ 60 ॥
ଧର୍ମାନନ୍ଯାନ୍ ପରିତ୍ଯଜ୍ଯ ମାମେକଂ ଭଜ ଵିଶ୍ଵସନ୍ ।
ଯାଦୃଶୀ ଯାଦୃଶୀ ଶ୍ରଦ୍ଧା ସିଦ୍ଧିର୍ଭଵତି ତାଦୃଶୀ ।
କୁର୍ଵନ୍ନିରନ୍ତରଂ କର୍ମ ଲୋକୋଽଯମନୁଵର୍ତତେ ।
ତେନୈଵ କର୍ମଣା ଧ୍ଯାଯନ୍ମାଂ ପରାଂ ଭକ୍ତିମିଚ୍ଛତି ॥ 61 ॥
ଅହଂ ହି ଵିଶ୍ଵସ୍ଯ ଚରାଚରସ୍ଯ
ବୀଜଂ ପ୍ରଧାନଂ ପ୍ରକୃତିଃ ପୁମାଂଶ୍ଚ ।
ମଯାହିତଂ ତେଜ ଇଦଂ ବିଭର୍ଷି
ଵିଧେ ଵିଧେହି ତ୍ଵମଥୋ ଜଗନ୍ତି ॥ 62 ॥
ଇତି ଶ୍ରୀ ବ୍ରହ୍ମ ସଂହିତା ସମ୍ପୂର୍ଣମ୍ ।
About This Stotram
Overview
The Brahma Samhita is a Sanskrit samhita of 62 verses presented as hymns sung by Lord Brahma to Lord Krishna, describing the supreme nature of Krishna as the original Personality of Godhead (Adi Purusha) and the transcendental realm of Goloka Vrindavan. The text is a foundational scripture of Gaudiya Vaishnavism and is particularly revered within that tradition.
What are the benefits of chanting Brahma Samhita?
- Development of devotional love (bhakti) for Lord Krishna
- Spiritual knowledge about the nature of the Supreme and the transcendental realm
- Purification of the mind and heart
- Guidance toward liberation and eternal association with the divine
When is the best time to recite this?
The Brahma Samhita may be recited during morning and evening spiritual practice. It is especially recommended during festivals associated with Lord Krishna, such as Janmashtami and Radhashtami, and during periods of focused spiritual study within the Vaishnava tradition.
What is the historical and traditional background?
The Brahma Samhita holds a central place in the Gaudiya Vaishnava tradition established by Sri Chaitanya Mahaprabhu in the 15th century. The most widely accepted version consists of 62 verses and was rediscovered by Sri Chaitanya Mahaprabhu in South India, after which it was disseminated throughout his movement. Scholars debate the text's antiquity, but within Gaudiya Vaishnavism it is considered an ancient scripture predating many Puranic texts. The text systematically presents the theology of Krishna as the supreme source of all existence and bhakti-yoga as the path to spiritual perfection.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Gopala Tapani Upanishad — a minor Upanishad also central to Gaudiya Vaishnavism that describes the worship of Krishna
- Srimad Bhagavatam — the primary Puranic scripture of the Vaishnava tradition, containing the most detailed account of Krishna's life and theology