Brahma Samhita
Brahma Samhita
brahma saMhitA
IzvaraH paramaH kRSNaH saccidAnandavigrahaH |
anAdirAdirgovindaH sarvakAraNakAraNam || 1 ||
sahasrapatrakamalaM gokulAkhyaM mahatpadam |
tatkarNikAraM taddhAma tadanantAzasambhavam || 2 ||
karNikAraM mahadyantraM SaTkoNaM vajrakIlakam
SaDaGga SaTpadIsthAnaM prakRtyA puruSeNa ca |
premAnandamahAnandarasenAvasthitaM hi yat
jyotIrUpeNa manunA kAmabIjena saGgatam || 3 ||
tatkiJjalkaM tadaMzAnAM tatpatrANi zriyAmapi || 4 ||
caturasraM tatparitaH zvetadvIpAkhyamadbhutam |
caturasraM caturmUrtezcaturdhAma catuSkRtam |
caturbhiH puruSArthaizca caturbhirhetubhirvRtam |
zUlairdazabhirAnaddhamUrdhvAdho digvidikSvapi |
aSTabhirnidhibhirjuSTamaSTabhiH siddhibhistathA |
manurUpaizca dazabhirdikpAlaiH parito vRtam |
zyAmairgauraizca raktaizca zuklaizca pArSadarSabhaiH |
zobhitaM zaktibhistAbhiradbhutAbhiH samantataH || 5 ||
evaM jyotirmayo devaH sadAnandaM parAtparaH |
AtmArAmasya tasyAsti prakRtyA na samAgamaH || 6 ||
mAyayA'ramamANasya na viyogastayA saha |
AtmanA ramayA reme tyaktakAlaM sisRkSayA || 7 ||
niyatiH sA ramAdevI tatpriyA tadvazaM tadA |
talliGgaM bhagavAn zambhurjotirUpaH sanAtanaH |
yA yoniH sAparAzaktiH kAmo bIjaM mahaddhareH || 8 ||
liGgayonyAtmikA jAtA imA mAhezvarI prajAH || 9 ||
zaktimAn puruSaH so'yaM liGgarUpI mahezvaraH |
tasminnAvirabhUlliGge mahAviSNurjagatpatiH || 10 ||
sahasrazIrSA puruSaH sahasrAkSaH sahasrapAt |
sahasrabAhurvizvAtmA sahasrAMzaH sahasrasUH || 11 ||
nArAyaNaH sa bhagavAnApastasmAtsanAtanAt |
AvirAsItkAraNArNo nidhiH saGkarSaNAtmakaH |
yoganidrAM gatastasmin sahasrAMzaH svayaM mahAn || 12 ||
tadromabila jAleSu bIjaM saGkarSaNasya ca |
haimAnyaNDAni jAtAni mahAbhUtAvRtAni tu || 13 ||
pratyaNDamevamekAMzAdekAMzAdvizati svayam |
sahasramUrdhA vizvAtmA mahAviSNuH sanAtanaH || 14 ||
vAmAGgAdasRjadviSNuM dakSiNAGgAtprajApatim |
jyotirliGgamayaM zambhuM kUrcadezAdavAsRjat || 15 ||
ahaGkArAtmakaM vizvaM tasmAdetadvyajAyata || 16 ||
atha taistrividhairvezairlIlAmudvahataH kila |
yoganidrA bhagavatI tasya zrIriva saGgatA || 17 ||
sasRkSAyAM tato nAbhestasya padmaM viniryayau |
tannAlaM hemanalinaM brahmaNo lokamadbhutam || 18 ||
tattvAni pUrvarUDhAni kAraNAni parasparam |
samavAyAprayogAcca vibhinnAni pRthak pRthak |
cicchaktyA sajjamAno'tha bhagavAnAdipUruSaH |
yojayanmAyayA devo yoganidrAmakalpayat || 19 ||
yojayitvA tu tAnyeva praviveza svayaM guhAm |
guhAM praviSTe tasmiMstu jIvAtmA pratibudhyate || 20 ||
sa nityo nityasambandhaH prakRtizca paraiva sA || 21 ||
evaM sarvAtmasambandhaM nAbhyAM padmaM harerabhUt |
tatra brahmAbhavadbhUyazcaturvedI caturmukhaH || 22 ||
sa jAto bhagavacchaktyA tatkAlaM kila coditaH |
sisRkSAyAM matiM cakre pUrvasaMskArasaMskRtaH |
dadarza kevalaM dhvAntaM nAnyatkimapi sarvataH || 23 ||
uvAca puratastasmai tasya divyA sarasvatI |
kAmaH kRSNAya govinda he gopIjana ityapi |
vallabhAya priyA vahnermantraM te dAsyati priyam || 24 ||
tapastvaM tapa etena tava siddhirbhaviSyati || 25 ||
atha tepe sa suciraM prINan govindamavyayam |
zvetadvIpapatiM kRSNaM golokasthaM parAtparam |
prakRtyA guNarUpiNyA rUpiNyA paryupAsitam |
sahasradalasampanne koTikiJjalkabRMhite |
bhUmizcintAmaNistatra karNikAre mahAsane |
samAsInaM cidAnandaM jyotirUpaM sanAtanam |
zabdabrahmamayaM veNuM vAdayantaM mukhAmbuje |
vilAsinIgaNavRtaM svaiH svairaMzairabhiSTutam || 26 ||
atha veNuninAdasya trayImUrtimayI gatiH |
sphurantI pravivezAzu mukhAbjAni svayambhuvaH |
gAyatrIM gAyatastasmAdadhigatya sarojajaH |
saMskRtazcAdiguruNA dvijatAmagamattataH || 27 ||
trayyA prabuddho'tha vidhirvijJAtatattvasAgaraH |
tuSTAva vedasAreNa stotreNAnena kezavam || 28 ||
cintAmaNiprakarasadmasu kalpavRkSa
lakSAvRteSu surabhIrabhipAlayantam |
lakSmIsahasrazatasambhramasevyamAnaM
govindamAdipuruSaM tamahaM bhajAmi || 29 ||
veNuM kvaNantamaravindadalAyatAkSaM
barhAvataMsamasitAmbudasundarAGgam |
kandarpakoTikamanIyavizeSazobhaM
govindamAdipuruSaM tamahaM bhajAmi || 30 ||
AlolacandrakalasadvanamAlyavaMzI-
-ratnAGgadaM praNayakelikalAvilAsam |
zyAmaM tribhaGgalalitaM niyataprakAzaM
govindamAdipuruSaM tamahaM bhajAmi || 31 ||
aGgAni yasya sakalendriyavRttimanti
pazyanti pAnti kalayanti ciraM jaganti |
Anandacinmayasadujjvalavigrahasya
govindamAdipuruSaM tamahaM bhajAmi || 32 ||
advaitamacyutamanAdimanantarUpaM
AdyaM purANapuruSaM navayauvanaM ca |
vedeSu durlabhamadurlabhamAtmabhaktau
govindamAdipuruSaM tamahaM bhajAmi || 33 ||
panthAstu koTizatavatsarasampragamyo
vAyorathApi manaso munipuGgavAnAm |
so'pyasti yatprapadasImnyavicintyatattve
govindamAdipuruSaM tamahaM bhajAmi || 34 ||
eko'pyasau racayituM jagadaNDakoTiM
yacchaktirasti jagadaNDacayA yadantaH |
aNDAntarasthaparamANucayAntarasthaM
govindamAdipuruSaM tamahaM bhajAmi || 35 ||
yadbhAvabhAvitadhiyo manujAstathaiva
samprApya rUpamahimAsanayAnabhUSAH |
sUktairyameva nigamaprathitaiH stuvanti
govindamAdipuruSaM tamahaM bhajAmi || 36 ||
AnandacinmayarasapratibhAvitAbhi-
-stAbhirya eva nijarUpatayA kalAbhiH |
goloka eva nivasatyakhilAtmabhUto
govindamAdipuruSaM tamahaM bhajAmi || 37 ||
premAJjanacchuritabhaktivilocanena
santaH sadaiva hRdayeSu vilokayanti |
yaM zyAmasundaramacintyaguNasvarUpaM
govindamAdipuruSaM tamahaM bhajAmi || 38 ||
rAmAdimUrtiSu kalAniyamena tiSThan
nAnAvatAramakarodbhuvaneSu kintu |
kRSNaH svayaM samabhavatparamaH pumAn yo
govindamAdipuruSaM tamahaM bhajAmi || 39 ||
yasya prabhA prabhavato jagadaNDakoTi-
-koTiSvazeSavasudhAdi vibhUtibhinnam |
tadbrahma niSkalamanantamazeSabhUtaM
govindamAdipuruSaM tamahaM bhajAmi || 40 ||
mAyA hi yasya jagadaNDazatAni sUte
traiguNyatadviSayavedavitAyamAnA |
sattvAvalambiparasattvaM vizuddhasattvaM
govindamAdipuruSaM tamahaM bhajAmi || 41 ||
AnandacinmayarasAtmatayA manaHsu
yaH prANinAM pratiphalan smaratAmupetya |
lIlAyitena bhuvanAni jayatyajasraM
govindamAdipuruSaM tamahaM bhajAmi || 42 ||
golokanAmni nijadhAmni tale ca tasya
devi mahezaharidhAmasu teSu teSu |
te te prabhAvanicayA vihitAzca yena
govindamAdipuruSaM tamahaM bhajAmi || 43 ||
sRSTisthitipralayasAdhanazaktirekA
chAyeva yasya bhuvanAni bibharti durgA |
icchAnurUpamapi yasya ca ceSTate sA
govindamAdipuruSaM tamahaM bhajAmi || 44 ||
kSIraM yathA dadhi vikAravizeSayogAt
saJjAyate na hi tataH pRthagasti hetoH |
yaH zambhutAmapi tathA samupaiti kAryA-
-dgovindamAdipuruSaM tamahaM bhajAmi || 45 ||
dIpArcireva hi dazAntaramabhyupetya
dIpAyate vivRtahetusamAnadharmA |
yastAdRgeva hi ca viSNutayA vibhAti
govindamAdipuruSaM tamahaM bhajAmi || 46 ||
yaH kAraNArNavajale bhajati sma yoga-
-nidrAmanantajagadaNDasaromakUpaH |
AdhArazaktimavalambya parAM svamUrtiM
govindamAdipuruSaM tamahaM bhajAmi || 47 ||
yasyaikanizvasitakAlamathAvalambya
jIvanti lomabilajA jagadaNDanAthAH |
viSNurmahAn sa iha yasya kalAvizeSo
govindamAdipuruSaM tamahaM bhajAmi || 48 ||
bhAsvAn yathAzmazakaleSu nijeSu tejaH
svIyaM kiyatprakaTayatyapi tadvadatra |
brahmA ya eSa jagadaNDavidhAnakartA
govindamAdipuruSaM tamahaM bhajAmi || 49 ||
yatpAdapallavayugaM vinidhAya kumbha-
-dvandve praNAmasamaye sa gaNAdhirAjaH |
vighnAn vihantumalamasya jagattrayasya
govindamAdipuruSaM tamahaM bhajAmi || 50 ||
agnirmahI gaganamambu maruddizazca
kAlastathAtmamanasIti jagattrayANi |
yasmAdbhavanti vibhavanti vizanti yaM ca
govindamAdipuruSaM tamahaM bhajAmi || 51 ||
yaccakSureSa savitA sakalagrahANAM
rAjA samastasuramUrtirazeSatejAH |
yasyAjJayA bhramati sambhRtakAlacakro
govindamAdipuruSaM tamahaM bhajAmi || 52 ||
dharmo'tha pApanicayaH zrutayastapAMsi
brahmAdikITapatagAvadhayazca jIvAH |
yaddatamAtravibhavaprakaTaprabhAvA
govindamAdipuruSaM tamahaM bhajAmi || 53 ||
yastvindragopamathavendramaho svakarma-
-bandhAnurUpaphalabhAjanamAtanoti |
karmANi nirdahati kintu ca bhaktibhAjAM
govindamAdipuruSaM tamahaM bhajAmi || 54 ||
yaM krodhakAmasahajapraNayAdibhIti-
-vAtsalyamohagurugauravasevyabhAvaiH |
saJcintya tasya sadRzIM tanumApurete
govindamAdipuruSaM tamahaM bhajAmi || 55 ||
zriyaH kAntAH kAntaH paramapuruSaH kalpataravo
drumA bhUmizcintAmaNigaNamayi toyamamRtam |
kathA gAnaM nATyaM gamanamapi vaMzI priyasakhi
cidAnandaM jyotiH paramapi tadAsvAdyamapi ca |
sa yatra kSIrAbdhiH sravati surabhIbhyazca sumahAn
nimeSArdhAkhyo vA vrajati na hi yatrApi samayaH |
bhaje zvetadvIpaM tamahamiha golokamiti yaM
vidantaste santaH kSitiviralacArAH katipaye || 56 ||
athovAca mahAviSNurbhagavantaM prajApatim |
brahman mahattvavijJAne prajAsarge ca cenmatiH |
paJcazlokImimAM vidyAM vatsa dattAM nibodha me || 57 ||
prabuddhe jJAnabhaktibhyAmAtmanyAnandacinmayI |
udetyanuttamA bhaktirbhagavatpremalakSaNA || 58 ||
pramANaistat sadAcAraistadabhyAsairnirantaram |
bodhayanAtmanAtmAnaM bhaktimapyuttamAM labhet || 59 ||
yasyAH zreyaskaraM nAsti yayA nirvRtimApnuyAt |
yA sAdhayati mAmeva bhaktiM tAmeva sAdhayet || 60 ||
dharmAnanyAn parityajya mAmekaM bhaja vizvasan |
yAdRzI yAdRzI zraddhA siddhirbhavati tAdRzI |
kurvannirantaraM karma loko'yamanuvartate |
tenaiva karmaNA dhyAyanmAM parAM bhaktimicchati || 61 ||
ahaM hi vizvasya carAcarasya
bIjaM pradhAnaM prakRtiH pumAMzca |
mayAhitaM teja idaM bibharSi
vidhe vidhehi tvamatho jaganti || 62 ||
iti zrI brahma saMhitA sampUrNam |
About This Stotram
Overview
The Brahma Samhita is a Sanskrit samhita of 62 verses presented as hymns sung by Lord Brahma to Lord Krishna, describing the supreme nature of Krishna as the original Personality of Godhead (Adi Purusha) and the transcendental realm of Goloka Vrindavan. The text is a foundational scripture of Gaudiya Vaishnavism and is particularly revered within that tradition.
What are the benefits of chanting Brahma Samhita?
- Development of devotional love (bhakti) for Lord Krishna
- Spiritual knowledge about the nature of the Supreme and the transcendental realm
- Purification of the mind and heart
- Guidance toward liberation and eternal association with the divine
When is the best time to recite this?
The Brahma Samhita may be recited during morning and evening spiritual practice. It is especially recommended during festivals associated with Lord Krishna, such as Janmashtami and Radhashtami, and during periods of focused spiritual study within the Vaishnava tradition.
What is the historical and traditional background?
The Brahma Samhita holds a central place in the Gaudiya Vaishnava tradition established by Sri Chaitanya Mahaprabhu in the 15th century. The most widely accepted version consists of 62 verses and was rediscovered by Sri Chaitanya Mahaprabhu in South India, after which it was disseminated throughout his movement. Scholars debate the text's antiquity, but within Gaudiya Vaishnavism it is considered an ancient scripture predating many Puranic texts. The text systematically presents the theology of Krishna as the supreme source of all existence and bhakti-yoga as the path to spiritual perfection.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Gopala Tapani Upanishad — a minor Upanishad also central to Gaudiya Vaishnavism that describes the worship of Krishna
- Srimad Bhagavatam — the primary Puranic scripture of the Vaishnava tradition, containing the most detailed account of Krishna's life and theology