Bhu Suktam

ଭୂ ସୂକ୍ତମ୍

ଶ୍ଲୋକ 1

ତୈତ୍ତିରୀଯ ସଂହିତା - 1.5.3

ତୈତ୍ତିରୀଯ ବ୍ରାହ୍ମଣମ୍ - 3.1.2

ଓମ୍ ॥ ଓ-ମ୍ଭୂମି॑ର୍ଭୂ॒ମ୍ନା ଦ୍ଯୌର୍ଵ॑ରି॒ଣା-ଽନ୍ତରି॑କ୍ଷ-ମ୍ମହି॒ତ୍ଵା ।

ଉ॒ପସ୍ଥେ॑ ତେ ଦେଵ୍ଯଦିତେ॒-ଽଗ୍ନିମ॑ନ୍ନା॒ଦ-ମ॒ନ୍ନାଦ୍ଯା॒ଯାଦ॑ଧେ ॥

ଆ-ଽଯଙ୍ଗୌଃ ପୃଶ୍ଞି॑ରକ୍ରମୀ॒-ଦସ॑ନନ୍ମା॒ତର॒-ମ୍ପୁନଃ॑ ।

ପି॒ତର॑-ଞ୍ଚ ପ୍ର॒ଯନ୍-ଥ୍ସୁଵଃ॑ ॥

ତ୍ରି॒ଗ୍ଂ॒ଶଦ୍ଧାମ॒ ଵିରା॑ଜତି॒ ଵାକ୍ପ॑ତ॒ଙ୍ଗାଯ॑ ଶିଶ୍ରିଯେ ।

ପ୍ରତ୍ଯ॑ସ୍ଯ ଵହ॒ଦ୍ଯୁଭିଃ॑ ॥

ଅ॒ସ୍ଯ ପ୍ରା॒ଣାଦ॑ପାନ॒ତ୍ଯ॑ନ୍ତଶ୍ଚ॑ରତି ରୋଚ॒ନା ।

ଵ୍ଯ॑ଖ୍ଯ-ନ୍ମହି॒ଷ-ସ୍ସୁଵଃ॑ ॥

ଯତ୍ତ୍ଵା᳚ କ୍ରୁ॒ଦ୍ଧଃ ପ॑ରୋ॒ଵପ॑ମ॒ନ୍ଯୁନା॒ ଯଦଵ॑ର୍ତ୍ଯା ।

ସୁ॒କଲ୍ପ॑ମଗ୍ନେ॒ ତତ୍ତଵ॒ ପୁନ॒ସ୍ତ୍ଵୋଦ୍ଦୀ॑ପଯାମସି ॥

ଯତ୍ତେ॑ ମ॒ନ୍ଯୁପ॑ରୋପ୍ତସ୍ଯ ପୃଥି॒ଵୀ-ମନୁ॑ଦଧ୍ଵ॒ସେ ।

ଆ॒ଦି॒ତ୍ଯା ଵିଶ୍ଵେ॒ ତଦ୍ଦେ॒ଵା ଵସ॑ଵଶ୍ଚ ସ॒ମାଭ॑ରନ୍ନ୍ ॥

ମେ॒ଦିନୀ॑ ଦେ॒ଵୀ ଵ॒ସୁନ୍ଧ॑ରା ସ୍ଯା॒ଦ୍ଵସୁ॑ଧା ଦେ॒ଵୀ ଵା॒ସଵୀ᳚ ।

ବ୍ର॒ହ୍ମ॒ଵ॒ର୍ଚ॒ସଃ ପି॑ତୃ॒ଣାଂ ଶ୍ରୋତ୍ର॒-ଞ୍ଚକ୍ଷୁ॒ର୍ମନଃ॑ ॥

ଦେ॒ଵୀ ହି॑ରଣ୍ଯଗ॒ର୍ଭିଣୀ॑ ଦେ॒ଵୀ ପ୍ର॑ସୋ॒ଦରୀ᳚ ।

ସଦ॑ନେ ସ॒ତ୍ଯାଯ॑ନେ ସୀଦ ।

ସ॒ମୁ॒ଦ୍ରଵ॑ତୀ ସାଵି॒ତ୍ରୀ ଆହ॒ନୋ ଦେ॒ଵୀ ମ॒ହ୍ଯ॑ଙ୍ଗୀ᳚ ।

ମ॒ହୋ ଧର॑ଣୀ ମ॒ହୋ-ଽତ୍ଯ॑ତିଷ୍ଠତ୍ ॥

ଶୃ॒ଙ୍ଗେ ଶୃ॑ଙ୍ଗେ ଯ॒ଜ୍ଞେ ଯ॑ଜ୍ଞେ ଵିଭୀ॒ଷଣୀ᳚ ଇନ୍ଦ୍ର॑ପତ୍ନୀ ଵ୍ଯା॒ପିନୀ॒ ସର॑ସିଜ ଇ॒ହ ।

ଵା॒ଯୁ॒ମତୀ॑ ଜ॒ଲଶଯ॑ନୀ ସ୍ଵ॒ଯ-ନ୍ଧା॒ରାଜା॑ ସ॒ତ୍ଯନ୍ତୋ॒ ପରି॑ମେଦିନୀ

ସୋ॒ପରି॑ଧତ୍ତଙ୍ଗାଯ ॥

ଵି॒ଷ୍ଣୁ॒ପ॒ତ୍ନୀ-ମ୍ମ॑ହୀ-ନ୍ଦେ॒ଵୀ᳚-ମ୍ମା॒ଧ॒ଵୀ-ମ୍ମା॑ଧଵ॒ପ୍ରିଯାମ୍ ।

ଲକ୍ଷ୍ମୀ᳚-ମ୍ପ୍ରିଯସ॑ଖୀ-ନ୍ଦେ॒ଵୀ॒-ନ୍ନ॒ମା॒ମ୍ଯଚ୍ଯୁ॑ତଵ॒ଲ୍ଲଭାମ୍ ॥

ଓ-ନ୍ଧ॒ନୁ॒ର୍ଧ॒ରାଯୈ॑ ଵି॒ଦ୍ମହେ॑ ସର୍ଵସି॒ଦ୍ଧ୍ଯୈ ଚ॑ ଧୀମହି ।

ତନ୍ନୋ॑ ଧରା ପ୍ରଚୋ॒ଦଯା᳚ତ୍ ।

ଶୃ॒ଣ୍ଵନ୍ତି॑ ଶ୍ରୋ॒ଣାମମୃତ॑ସ୍ଯ ଗୋ॒ପା-ମ୍ପୁଣ୍ଯା॑ମସ୍ଯା॒ ଉପ॑ଶୃଣୋମି॒ ଵାଚ᳚ମ୍ ।

ମ॒ହୀନ୍ଦେ॒ଵୀଂ-ଵିଁଷ୍ଣୁ॑ପତ୍ନୀ ମଜୂ॒ର୍ଯା-ମ୍ପ୍ରତୀ॒ଚୀ॑ମେନାଗ୍ଂ ହ॒ଵିଷା॑ ଯଜାମଃ ॥

ତ୍ରେ॒ଧା ଵିଷ୍ଣୁ॑-ରୁରୁଗା॒ଯୋ ଵିଚ॑କ୍ରମେ ମ॒ହୀ-ନ୍ଦିଵ॑-ମ୍ପୃଥି॒ଵୀ-ମ॒ନ୍ତରି॑କ୍ଷମ୍ ।

ତଚ୍ଛ୍ରୋ॒ଣୈତ୍ରିଶଵ॑ ଇ॒ଚ୍ଛମା॑ନା ପୁଣ୍ଯ॒ଗ୍ଗ୍॒ ଶ୍ଲୋକଂ॒-ଯଁଜ॑ମାନାଯ କୃଣ୍ଵ॒ତୀ ॥

ସ୍ଯୋ॒ନାପୃ॑ଥିଵି॒ଭଵା॑ନୃକ୍ଷ॒ରାନି॒ଵେଶ॑ନୀ ଯଚ୍ଛା॑ନ॒ଶ୍ଶର୍ମ॑ ସ॒ପ୍ରଥାଃ᳚ ॥

ଅଦି॑ତିର୍ଦେ॒ଵା ଗ॑ନ୍ଧ॒ର୍ଵା ମ॑ନୁ॒ଷ୍ଯାଃ᳚ ପି॒ତରୋ ସୁ॑ରାସ୍ତେଷାଗ୍ଂ ସ॒ର୍ଵ ଭୂ॒ତା॒ନା᳚-ମ୍ମା॒ତା ମେ॒ଦିନୀ॑ ମହତା ମ॒ହୀ ।

ସାଵି॒ତ୍ରୀ ଗା॑ଯ॒ତ୍ରୀ ଜଗ॑ତ୍ଯୁ॒ର୍ଵୀ ପୃ॒ଥ୍ଵୀ ବ॑ହୁଲା॒ ଵିଶ୍ଵା॑ ଭୂ॒ତାକ॒ତମାକାଯାସା ସ॒ତ୍ଯେତ୍ଯ॒ମୃତେ॑ତି ଵସି॒ଷ୍ଠଃ ॥

ଇକ୍ଷୁଶାଲିଯଵସସ୍ଯଫଲାଢ୍ଯେ ପାରିଜାତ ତରୁଶୋଭିତମୂଲେ ।

ସ୍ଵର୍ଣ ରତ୍ନ ମଣି ମଣ୍ଟପ ମଧ୍ଯେ ଚିନ୍ତଯେ-ଥ୍ସକଲ ଲୋକଧରିତ୍ରୀମ୍ ॥

ଶ୍ଯାମାଂ-ଵିଁଚିତ୍ରା-ନ୍ନଵରତ୍ନ ଭୂଷିତା-ଞ୍ଚତୁର୍ଭୁଜା-ନ୍ତୁଙ୍ଗପଯୋଧରାନ୍ଵିତାମ୍ ।

ଇନ୍ଦୀଵରାକ୍ଷୀ-ନ୍ନଵଶାଲି ମଞ୍ଜରୀଂ ଶୁକ-ନ୍ଦଧାନାଂ ଶରଣ-ମ୍ଭଜାମହେ ॥

ସକ୍ତୁ॑ମିଵ॒ ତିତ॑ଉନା ପୁନନ୍ତୋ॒ ଯତ୍ର॒ ଧୀରା॒ ମନ॑ସା॒ ଵାଚ॒ ମକ୍ର॑ତ ।

ଅତ୍ରା॒ ସଖା᳚ସ୍ସ॒ଖ୍ଯାନି॑ ଜାନତେ ଭ॒ଦ୍ରୈଷାଂ᳚-ଲଁ॒କ୍ଷ୍ମୀର୍ନି॑ହି॒ତାଧି॑ଵା॒ଚି ॥

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥