Bhu Suktam
Bhu Suktam
bhU sUktam
zloka 1
taittirIya saMhitA - 1.5.3
taittirIya brAhmaNam - 3.1.2
om || o-mbhUmi॑rbhU॒mnA dyaurva॑ri॒NA-'ntari॑kSa-mmahi॒tvA |
u॒pasthe॑ te devyadite॒-'gnima॑nnA॒da-ma॒nnAdyA॒yAda॑dhe ||
A-'yaGgauH pRzJi॑rakramI॒-dasa॑nanmA॒tara॒-mpunaH॑ |
pi॒tara॑-Jca pra॒yan-thsuvaH॑ ||
tri॒gM॒zaddhAma॒ virA॑jati॒ vAkpa॑ta॒GgAya॑ zizriye |
pratya॑sya vaha॒dyubhiH॑ ||
a॒sya prA॒NAda॑pAna॒tya॑ntazca॑rati roca॒nA |
vya॑khya-nmahi॒Sa-ssuvaH॑ ||
yattvA᳚ kru॒ddhaH pa॑ro॒vapa॑ma॒nyunA॒ yadava॑rtyA |
su॒kalpa॑magne॒ tattava॒ puna॒stvoddI॑payAmasi ||
yatte॑ ma॒nyupa॑roptasya pRthi॒vI-manu॑dadhva॒se |
A॒di॒tyA vizve॒ tadde॒vA vasa॑vazca sa॒mAbha॑rann ||
me॒dinI॑ de॒vI va॒sundha॑rA syA॒dvasu॑dhA de॒vI vA॒savI᳚ |
bra॒hma॒va॒rca॒saH pi॑tR॒NAM zrotra॒-JcakSu॒rmanaH॑ ||
de॒vI hi॑raNyaga॒rbhiNI॑ de॒vI pra॑so॒darI᳚ |
sada॑ne sa॒tyAya॑ne sIda |
sa॒mu॒drava॑tI sAvi॒trI Aha॒no de॒vI ma॒hya॑GgI᳚ |
ma॒ho dhara॑NI ma॒ho-'tya॑tiSThat ||
zR॒Gge zR॑Gge ya॒jJe ya॑jJe vibhI॒SaNI᳚ indra॑patnI vyA॒pinI॒ sara॑sija i॒ha |
vA॒yu॒matI॑ ja॒lazaya॑nI sva॒ya-ndhA॒rAjA॑ sa॒tyanto॒ pari॑medinI
so॒pari॑dhattaGgAya ||
vi॒SNu॒pa॒tnI-mma॑hI-nde॒vI᳚-mmA॒dha॒vI-mmA॑dhava॒priyAm |
lakSmI᳚-mpriyasa॑khI-nde॒vI॒-nna॒mA॒myacyu॑tava॒llabhAm ||
o-ndha॒nu॒rdha॒rAyai॑ vi॒dmahe॑ sarvasi॒ddhyai ca॑ dhImahi |
tanno॑ dharA praco॒dayA᳚t |
zR॒Nvanti॑ zro॒NAmamRta॑sya go॒pA-mpuNyA॑masyA॒ upa॑zRNomi॒ vAca᳚m |
ma॒hInde॒vIM-vi~SNu॑patnI majU॒ryA-mpratI॒cI॑menAgM ha॒viSA॑ yajAmaH ||
tre॒dhA viSNu॑-rurugA॒yo vica॑krame ma॒hI-ndiva॑-mpRthi॒vI-ma॒ntari॑kSam |
tacchro॒Naitrizava॑ i॒cchamA॑nA puNya॒gg॒ zlokaM॒-ya~ja॑mAnAya kRNva॒tI ||
syo॒nApR॑thivi॒bhavA॑nRkSa॒rAni॒veza॑nI yacchA॑na॒zzarma॑ sa॒prathAH᳚ ||
adi॑tirde॒vA ga॑ndha॒rvA ma॑nu॒SyAH᳚ pi॒taro su॑rAsteSAgM sa॒rva bhU॒tA॒nA᳚-mmA॒tA me॒dinI॑ mahatA ma॒hI |
sAvi॒trI gA॑ya॒trI jaga॑tyu॒rvI pR॒thvI ba॑hulA॒ vizvA॑ bhU॒tAka॒tamAkAyAsA sa॒tyetya॒mRte॑ti vasi॒SThaH ||
ikSuzAliyavasasyaphalADhye pArijAta taruzobhitamUle |
svarNa ratna maNi maNTapa madhye cintaye-thsakala lokadharitrIm ||
zyAmAM-vi~citrA-nnavaratna bhUSitA-JcaturbhujA-ntuGgapayodharAnvitAm |
indIvarAkSI-nnavazAli maJjarIM zuka-ndadhAnAM zaraNa-mbhajAmahe ||
saktu॑miva॒ tita॑unA punanto॒ yatra॒ dhIrA॒ mana॑sA॒ vAca॒ makra॑ta |
atrA॒ sakhA᳚ssa॒khyAni॑ jAnate bha॒draiSAM᳚-la~॒kSmIrni॑hi॒tAdhi॑vA॒ci ||
OM zAnti॒-zzAnti॒-zzAntiH॑ ||