భవానీ అష్టకమ్

భవానీ అష్టకమ్

శ్లోక 1

న తాతో న మాతా న బన్ధుర్న దాతా

న పుత్రో న పుత్రీ న భృత్యో న భర్తా

న జాయా న విద్యా న వృత్తిర్మమైవ

గతిస్త్వం గతిస్త్వం త్వమేకా భవాని

శ్లోక 2

భవాబ్ధావపారే మహాదుఃఖభీరు

పపాత ప్రకామీ ప్రలోభీ ప్రమత్తః

కుసంసారపాశప్రబద్ధః సదాహం

గతిస్త్వం గతిస్త్వం త్వమేకా భవాని

॥ 1 ॥

శ్లోక 3

న జానామి దానం న చ ధ్యానయోగం

న జానామి తన్త్రం న చ స్తోత్రమన్త్రమ్

న జానామి పూజాం న చ న్యాసయోగం

గతిస్త్వం గతిస్త్వం త్వమేకా భవాని

॥ 2 ॥

శ్లోక 4

న జానామి పుణ్యం న జానామి తీర్థం

న జానామి ముక్తిం లయం వా కదాచిత్

న జానామి భక్తిం వ్రతం వాపి మాతః

గతిస్త్వం గతిస్త్వం త్వమేకా భవాని

॥ 3 ॥

శ్లోక 5

కుకర్మీ కుసఙ్గీ కుబుద్ధిః కుదాసః

కులాచారహీనః కదాచారలీనః

కుదృష్టిః కువాక్యప్రబన్ధః సదాహం

గతిస్త్వం గతిస్త్వం త్వమేకా భవాని

॥ 4 ॥

శ్లోక 6

ప్రజేశం రమేశం మహేశం సురేశం

దినేశం నిశీథేశ్వరం వా కదాచిత్

న జానామి చాన్యత్ సదాహం శరణ్యే

గతిస్త్వం గతిస్త్వం త్వమేకా భవాని

॥ 5 ॥

శ్లోక 7

వివాదే విషాదే ప్రమాదే ప్రవాసే

జలే చానలే పర్వతే శత్రుమధ్యే

అరణ్యే శరణ్యే సదా మాం ప్రపాహి

గతిస్త్వం గతిస్త్వం త్వమేకా భవాని

॥ 6 ॥

శ్లోక 8

అనాథో దరిద్రో జరారోగయుక్తో

మహాక్షీణదీనః సదా జాడ్యవక్త్రః

విపత్తౌ ప్రవిష్టః ప్రనష్టః సదాహం

గతిస్త్వం గతిస్త్వం త్వమేకా భవాని

॥ 7 ॥

శ్లోక 9

॥ ఇతి శ్రీమదాదిశఙ్కరాచార్యవిరచితం భవాన్యష్టకం సమ్పూర్ణమ్ ॥