ഭവാനീ അഷ്ടകമ്

ഭവാനീ അഷ്ടകമ്

ശ്ലോക 1

ന താതോ ന മാതാ ന ബന്ധുര്ന ദാതാ

ന പുത്രോ ന പുത്രീ ന ഭൃത്യോ ന ഭര്താ

ന ജായാ ന വിദ്യാ ന വൃത്തിര്മമൈവ

ഗതിസ്ത്വം ഗതിസ്ത്വം ത്വമേകാ ഭവാനി

ശ്ലോക 2

ഭവാബ്ധാവപാരേ മഹാദുഃഖഭീരു

പപാത പ്രകാമീ പ്രലോഭീ പ്രമത്തഃ

കുസംസാരപാശപ്രബദ്ധഃ സദാഹം

ഗതിസ്ത്വം ഗതിസ്ത്വം ത്വമേകാ ഭവാനി

॥ 1 ॥

ശ്ലോക 3

ന ജാനാമി ദാനം ന ച ധ്യാനയോഗം

ന ജാനാമി തന്ത്രം ന ച സ്തോത്രമന്ത്രമ്

ന ജാനാമി പൂജാം ന ച ന്യാസയോഗം

ഗതിസ്ത്വം ഗതിസ്ത്വം ത്വമേകാ ഭവാനി

॥ 2 ॥

ശ്ലോക 4

ന ജാനാമി പുണ്യം ന ജാനാമി തീര്ഥം

ന ജാനാമി മുക്തിം ലയം വാ കദാചിത്

ന ജാനാമി ഭക്തിം വ്രതം വാപി മാതഃ

ഗതിസ്ത്വം ഗതിസ്ത്വം ത്വമേകാ ഭവാനി

॥ 3 ॥

ശ്ലോക 5

കുകര്മീ കുസങ്ഗീ കുബുദ്ധിഃ കുദാസഃ

കുലാചാരഹീനഃ കദാചാരലീനഃ

കുദൃഷ്ടിഃ കുവാക്യപ്രബന്ധഃ സദാഹം

ഗതിസ്ത്വം ഗതിസ്ത്വം ത്വമേകാ ഭവാനി

॥ 4 ॥

ശ്ലോക 6

പ്രജേശം രമേശം മഹേശം സുരേശം

ദിനേശം നിശീഥേശ്വരം വാ കദാചിത്

ന ജാനാമി ചാന്യത് സദാഹം ശരണ്യേ

ഗതിസ്ത്വം ഗതിസ്ത്വം ത്വമേകാ ഭവാനി

॥ 5 ॥

ശ്ലോക 7

വിവാദേ വിഷാദേ പ്രമാദേ പ്രവാസേ

ജലേ ചാനലേ പര്വതേ ശത്രുമധ്യേ

അരണ്യേ ശരണ്യേ സദാ മാം പ്രപാഹി

ഗതിസ്ത്വം ഗതിസ്ത്വം ത്വമേകാ ഭവാനി

॥ 6 ॥

ശ്ലോക 8

അനാഥോ ദരിദ്രോ ജരാരോഗയുക്തോ

മഹാക്ഷീണദീനഃ സദാ ജാഡ്യവക്ത്രഃ

വിപത്തൌ പ്രവിഷ്ടഃ പ്രനഷ്ടഃ സദാഹം

ഗതിസ്ത്വം ഗതിസ്ത്വം ത്വമേകാ ഭവാനി

॥ 7 ॥

ശ്ലോക 9

॥ ഇതി ശ്രീമദാദിശങ്കരാചാര്യവിരചിതം ഭവാന്യഷ്ടകം സമ്പൂര്ണമ് ॥