Bhaja Govindam
Bhaja Govindam
භජ ගෝවින්දම් (මෝහ මුද්ගරම්)
භජ ගෝවින්දං භජ ගෝවින්දං
ගෝවින්දං භජ මූඪමතේ .
සම්ප්රාප්තේ සන්නිහිතේ කාලේ
නහි නහි රක්ෂති ඩුකෘඞ්කරණේ .. 1 ..
භජ ගෝවින්දං භජ ගෝවින්දං ...
මූඪ ජහීහි ධනාගමතෘෂ්ණාං
කුරු සද්බුද්ධිං මනසි විතෘෂ්ණාම් .
යල්ලභසේ නිජකර්මෝපාත්තං
විත්තං තේන විනෝදය චිත්තම් .. 2 ..
භජ ගෝවින්දං භජ ගෝවින්දං ...
නාරීස්තනභර-නාභීදේශං
දෘෂ්ට්වා මා ගා මෝහාවේශම් .
ඒතන්මාංසවසාදිවිකාරං
මනසි විචින්තය වාරං වාරම් .. 3 ..
භජ ගෝවින්දං භජ ගෝවින්දං ...
නලිනීදල-ගතජලමතිතරලං
තද්වජ්ජීවිතමතිශය-චපලම් .
විද්ධි ව්යාධ්යභිමානග්රස්තං
ලෝකං ශෝකහතං ච සමස්තම් .. 4 ..
භජ ගෝවින්දං භජ ගෝවින්දං ...
යාවද්විත්තෝපාර්ජනසක්තඃ
තාවන්නිජපරිවාරෝ රක්තඃ .
පශ්චාජ්ජීවති ජර්ජරදේහේ
වාර්තාං කෝ(අ)පි න පෘච්ඡති ගේහේ .. 5 ..
භජ ගෝවින්දං භජ ගෝවින්දං ...
යාවත්පවනෝ නිවසති දේහේ
තාවත්පෘච්ඡති කුශලං ගේහේ .
ගතවති වායෞ දේහාපායේ
භාර්යා බිභ්යති තස්මින්කායේ .. 6 ..
භජ ගෝවින්දං භජ ගෝවින්දං ...
බාලස්තාවත්ක්රීඩාසක්තඃ
තරුණස්තාවත්තරුණීසක්තඃ .
වෘද්ධස්තාවච්චින්තාසක්තඃ
පරමේ බ්රහ්මණි කෝ(අ)පි න සක්තඃ .. 7 ..
භජ ගෝවින්දං භජ ගෝවින්දං ...
කා තේ කාන්තා කස්තේ පුත්රඃ
සංසාරෝ(අ)යමතීව විචිත්රඃ .
කස්ය ත්වං කඃ කුත ආයාතඃ
තත්ත්වං චින්තය තදිහ භ්රාතඃ .. 8 ..
භජ ගෝවින්දං භජ ගෝවින්දං ...
සත්සඞ්ගත්වේ නිස්සඞ්ගත්වං
නිස්සඞ්ගත්වේ නිර්මෝහත්වම් .
නිර්මෝහත්වේ නිශ්චලතත්ත්වං
නිශ්චලතත්ත්වේ ජීවන්මුක්තිඃ .. 9 ..
භජ ගෝවින්දං භජ ගෝවින්දං ...
වයසි ගතේ කඃ කාමවිකාරඃ
ශුෂ්කේ නීරේ කඃ කාසාරඃ .
ක්ෂීණේ විත්තේ කඃ පරිවාරඃ
ජ්ඤාතේ තත්ත්වේ කඃ සංසාරඃ .. 10 ..
භජ ගෝවින්දං භජ ගෝවින්දං ...
මා කුරු ධන-ජන-යෞවන-ගර්වං
හරති නිමේෂාත්කාලඃ සර්වම් .
මායාමයමිදමඛිලං හිත්වා
බ්රහ්මපදං ත්වං ප්රවිශ විදිත්වා .. 11 ..
භජ ගෝවින්දං භජ ගෝවින්දං ...
දිනයාමින්යෞ සායං ප්රාතඃ
ශිශිරවසන්තෞ පුනරායාතඃ .
කාලඃ ක්රීඩති ගච්ඡත්යායුඃ
තදපි න මුඤ්චත්යාශාවායුඃ .. 12 ..
භජ ගෝවින්දං භජ ගෝවින්දං ...
කා තේ කාන්තා ධනගතචින්තා
වාතුල කිං තව නාස්ති නියන්තා .
ත්රිජගති සජ්ජනසඞ්ගතිරේකා
භවති භවාර්ණවතරණේ නෞකා .. 13 ..
භජ ගෝවින්දං භජ ගෝවින්දං ...
ද්වාදශ-මඤ්ජරිකාභිරශේෂඃ
කථිතෝ වෛයාකරණස්යෛෂඃ .
උපදේශෝ(අ)භූද්විද්යා-නිපුණෛඃ
ශ්රීමච්ඡඞ්කර-භගවච්ඡරණෛඃ .. 14 ..
භජ ගෝවින්දං භජ ගෝවින්දං ...
ජටිලෝ මුණ්ඩී ලුඤ්ඡිතකේශඃ
කාෂායාම්බර-බහුකෘතවේෂඃ .
පශ්යන්නපි ච න පශ්යති මූඪඃ
උදරනිමිත්තං බහුකෘතවේෂඃ .. 15 ..
භජ ගෝවින්දං භජ ගෝවින්දං ...
අඞ්ගං ගලිතං පලිතං මුණ්ඩං
දශනවිහීනං ජාතං තුණ්ඩම් .
වෘද්ධෝ යාති ගෘහීත්වා දණ්ඩං
තදපි න මුඤ්චත්යාශාපිණ්ඩම් .. 16 ..
භජ ගෝවින්දං භජ ගෝවින්දං ...
අග්රේ වහ්නිඃ පෘෂ්ඨේ භානුඃ
රාත්රෞ චුබුක-සමර්පිත-ජානුඃ .
කරතල-භික්ෂස්තරුතලවාසඃ
තදපි න මුඤ්චත්යාශාපාශඃ .. 17 ..
භජ ගෝවින්දං භජ ගෝවින්දං ...
කුරුතේ ගඞ්ගාසාගරගමනං
ව්රත-පරිපාලනමථවා දානම් .
ජ්ඤානවිහීනඃ සර්වමතේන
භජති න මුක්තිං ජන්මශතේන .. 18 ..
භජ ගෝවින්දං භජ ගෝවින්දං ...
සුරමන්දිර-තරු-මූල-නිවාසඃ
ශය්යා භූතලමජිනං වාසඃ .
සර්ව-පරිග්රහ-භෝගත්යාගඃ
කස්ය සුඛං න කරෝති විරාගඃ .. 19 ..
භජ ගෝවින්දං භජ ගෝවින්දං ...
යෝගරතෝ වා භෝගරතෝ වා
සඞ්ගරතෝ වා සඞ්ගවිහීනඃ .
යස්ය බ්රහ්මණි රමතේ චිත්තං
නන්දති නන්දති නන්දත්යේව .. 20 ..
භජ ගෝවින්දං භජ ගෝවින්දං ...
භගවද්ගීතා කිඤ්චිදධීතා
ගඞ්ගාජල-ලවකණිකා පීතා .
සකෘදපි යේන මුරාරිසමර්චා
ක්රියතේ තස්ය යමේන න චර්චා .. 21 ..
භජ ගෝවින්දං භජ ගෝවින්දං ...
පුනරපි ජනනං පුනරපි මරණං
පුනරපි ජනනීජඨරේ ශයනම් .
ඉහ සංසාරේ බහුදුස්තාරේ
කෘපයා(අ)පාරේ පාහි මුරාරේ .. 22 ..
භජ ගෝවින්දං භජ ගෝවින්දං ...
රථ්යාචර්පට-විරචිත-කන්ථඃ
පුණ්යාපුණ්ය-විවර්ජිත-පන්ථඃ .
යෝගී යෝගනියෝජිත-චිත්තඃ
රමතේ බාලෝන්මත්තවදේව .. 23 ..
භජ ගෝවින්දං භජ ගෝවින්දං ...
කස්ත්වං කෝ(අ)හං කුත ආයාතඃ
කා මේ ජනනී කෝ මේ තාතඃ .
ඉති පරිභාවය සර්වමසාරං
විශ්වං ත්යක්ත්වා ස්වප්නවිචාරම් .. 24 ..
භජ ගෝවින්දං භජ ගෝවින්දං ...
ත්වයි මයි චාන්යත්රෛකෝ විෂ්ණුඃ
ව්යර්ථං කුප්යසි මය්යසහිෂ්ණුඃ .
භව සමචිත්තඃ සර්වත්ර ත්වං
වාඤ්ඡස්යචිරාද්යදි විෂ්ණුත්වම් .. 25 ..
භජ ගෝවින්දං භජ ගෝවින්දං ...
ශත්රෞ මිත්රේ පුත්රේ බන්ධෞ
මා කුරු යත්නං විග්රහසන්ධෞ .
සර්වස්මින්නපි පශ්යාත්මානං
සර්වත්රෝත්සෘජ භේදාජ්ඤානම් .. 26 ..
භජ ගෝවින්දං භජ ගෝවින්දං ...
කාමං ක්රෝධං ලෝභං මෝහං
ත්යක්ත්වා(අ)(අ)ත්මානං පශ්යති සෝ(අ)හම් .
ආත්මජ්ඤානවිහීනා මූඪාඃ
තේ පච්යන්තේ නරකනිගූඪාඃ .. 27 ..
භජ ගෝවින්දං භජ ගෝවින්දං ...
ගේයං ගීතා-නාමසහස්රං
ධ්යේයං ශ්රීපති-රූපමජස්රම් .
නේයං සජ්ජන-සඞ්ගේ චිත්තං
දේයං දීනජනාය ච විත්තම් .. 28 ..
භජ ගෝවින්දං භජ ගෝවින්දං ...
සුඛතඃ ක්රියතේ කාමාභෝගඃ
පශ්චාදන්ත ශරීරේ රෝගඃ .
යද්යපි ලෝකේ මරණං ශරණං
තදපි න මුඤ්චති පාපාචරණම් .. 29 ..
භජ ගෝවින්දං භජ ගෝවින්දං ...
අර්ථමනර්ථං භාවය නිත්යං
නාස්තිතතඃ සුඛලේශඃ සත්යම් .
පුත්රාදපි ධනභාජාං භීතිඃ
සර්වත්රෛෂා විහිතා රීතිඃ .. 30 ..
භජ ගෝවින්දං භජ ගෝවින්දං ...
ප්රාණායාමං ප්රත්යාහාරං
නිත්යානිත්ය විවේකවිචාරම් .
ජාප්යසමේතසමාධිවිධානං
කුර්වවධානං මහදවධානම් .. 31 ..
භජ ගෝවින්දං භජ ගෝවින්දං ...
ගුරුචරණාම්බුජ-නිර්භරභක්තඃ
සංසාරාදචිරාද්භව මුක්තඃ .
සේන්ද්රියමානස-නියමාදේවං
ද්රක්ෂ්යසි නිජහෘදයස්ථං දේවම් .. 32 ..
භජ ගෝවින්දං භජ ගෝවින්දං ...
මූඪඃ කශ්චන වෛයාකරණෝ
ඩුඃකෘඞ්කරණාධ්යයනධුරීණඃ .
ශ්රීමච්ඡඞ්කර-භගවච්ඡිෂ්යෛඃ
බෝධිත ආසීච්ඡෝධිත-කරණඃ .. 33 ..
භජ ගෝවින්දං භජ ගෝවින්දං ...
භජ ගෝවින්දං භජ ගෝවින්දං
ගෝවින්දං භජ මූඪමතේ .
නාමස්මරණාදන්යමුපායං
නහි පශ්යාමෝ භවතරණේ .. 34 ..
භජ ගෝවින්දං භජ ගෝවින්දං ...
About This Stotram
Overview
Bhaja Govindam is a 34-verse Sanskrit stotram attributed to Adi Shankaracharya, also known by its alternate title Mohamudgara (the hammer that crushes delusion). The text addresses Govinda, a name of Lord Vishnu/Krishna, and presents core Advaita Vedanta teachings on the impermanence of worldly life and the primacy of devotion and detachment.
What are the benefits of chanting Bhaja Govindam?
- Cultivation of detachment from transient worldly concerns
- Development of spiritual knowledge and philosophical clarity
- Peace of mind through reflection on life's impermanence
- Guidance toward liberation from the cycle of birth and death
When is the best time to recite this?
Bhaja Govindam may be recited during morning or evening practice. It is particularly useful during periods of doubt, anxiety, or philosophical reflection, as its verses directly address the tendency to become absorbed in worldly pursuits at the expense of spiritual progress.
What is the historical and traditional background?
Bhaja Govindam is attributed to Adi Shankaracharya, the 8th-century philosopher credited with consolidating the Advaita Vedanta school of Hindu philosophy and establishing monastic centers across India. The text is considered an independent didactic composition rather than a chapter from a larger Purana or Upanishad. Its verses are sung as devotional songs across many traditions, and its accessibility has made it one of the most widely recognized compositions in the Vedantic canon.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Vivekachudamani — a longer Advaita Vedanta treatise also attributed to Adi Shankaracharya
- Atmabodha — a short Sanskrit text by Shankaracharya on self-knowledge and non-duality