Bhaja Govindam

ଭଜ ଗୋଵିନ୍ଦମ୍ (ମୋହ ମୁଦ୍ଗରମ୍)

ଶ୍ଲୋକ 1

ଭଜ ଗୋଵିନ୍ଦଂ ଭଜ ଗୋଵିନ୍ଦଂ

ଗୋଵିନ୍ଦଂ ଭଜ ମୂଢମତେ ।

ସମ୍ପ୍ରାପ୍ତେ ସନ୍ନିହିତେ କାଲେ

ନହି ନହି ରକ୍ଷତି ଡୁକୃଙ୍କରଣେ

ଶ୍ଲୋକ 2

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ମୂଢ ଜହୀହି ଧନାଗମତୃଷ୍ଣାଂ

କୁରୁ ସଦ୍ବୁଦ୍ଧିଂ ମନସି ଵିତୃଷ୍ଣାମ୍ ।

ଯଲ୍ଲଭସେ ନିଜକର୍ମୋପାତ୍ତଂ

ଵିତ୍ତଂ ତେନ ଵିନୋଦଯ ଚିତ୍ତମ୍

॥ 1 ॥

ଶ୍ଲୋକ 3

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ନାରୀସ୍ତନଭର-ନାଭୀଦେଶଂ

ଦୃଷ୍ଟ୍ଵା ମା ଗା ମୋହାଵେଶମ୍ ।

ଏତନ୍ମାଂସଵସାଦିଵିକାରଂ

ମନସି ଵିଚିନ୍ତଯ ଵାରଂ ଵାରମ୍

॥ 2 ॥

ଶ୍ଲୋକ 4

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ନଲିନୀଦଲ-ଗତଜଲମତିତରଲଂ

ତଦ୍ଵଜ୍ଜୀଵିତମତିଶଯ-ଚପଲମ୍ ।

ଵିଦ୍ଧି ଵ୍ଯାଧ୍ଯଭିମାନଗ୍ରସ୍ତଂ

ଲୋକଂ ଶୋକହତଂ ଚ ସମସ୍ତମ୍

॥ 3 ॥

ଶ୍ଲୋକ 5

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଯାଵଦ୍ଵିତ୍ତୋପାର୍ଜନସକ୍ତଃ

ତାଵନ୍ନିଜପରିଵାରୋ ରକ୍ତଃ ।

ପଶ୍ଚାଜ୍ଜୀଵତି ଜର୍ଜରଦେହେ

ଵାର୍ତାଂ କୋଽପି ନ ପୃଚ୍ଛତି ଗେହେ

॥ 4 ॥

ଶ୍ଲୋକ 6

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଯାଵତ୍ପଵନୋ ନିଵସତି ଦେହେ

ତାଵତ୍ପୃଚ୍ଛତି କୁଶଲଂ ଗେହେ ।

ଗତଵତି ଵାଯୌ ଦେହାପାଯେ

ଭାର୍ଯା ବିଭ୍ଯତି ତସ୍ମିନ୍କାଯେ

॥ 5 ॥

ଶ୍ଲୋକ 7

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ବାଲସ୍ତାଵତ୍କ୍ରୀଡାସକ୍ତଃ

ତରୁଣସ୍ତାଵତ୍ତରୁଣୀସକ୍ତଃ ।

ଵୃଦ୍ଧସ୍ତାଵଚ୍ଚିନ୍ତାସକ୍ତଃ

ପରମେ ବ୍ରହ୍ମଣି କୋଽପି ନ ସକ୍ତଃ

॥ 6 ॥

ଶ୍ଲୋକ 8

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

କା ତେ କାନ୍ତା କସ୍ତେ ପୁତ୍ରଃ

ସଂସାରୋଽଯମତୀଵ ଵିଚିତ୍ରଃ ।

କସ୍ଯ ତ୍ଵଂ କଃ କୁତ ଆଯାତଃ

ତତ୍ତ୍ଵଂ ଚିନ୍ତଯ ତଦିହ ଭ୍ରାତଃ

॥ 7 ॥

ଶ୍ଲୋକ 9

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ସତ୍ସଙ୍ଗତ୍ଵେ ନିସ୍ସଙ୍ଗତ୍ଵଂ

ନିସ୍ସଙ୍ଗତ୍ଵେ ନିର୍ମୋହତ୍ଵମ୍ ।

ନିର୍ମୋହତ୍ଵେ ନିଶ୍ଚଲତତ୍ତ୍ଵଂ

ନିଶ୍ଚଲତତ୍ତ୍ଵେ ଜୀଵନ୍ମୁକ୍ତିଃ

॥ 8 ॥

ଶ୍ଲୋକ 10

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଵଯସି ଗତେ କଃ କାମଵିକାରଃ

ଶୁଷ୍କେ ନୀରେ କଃ କାସାରଃ ।

କ୍ଷୀଣେ ଵିତ୍ତେ କଃ ପରିଵାରଃ

ଜ୍ଞାତେ ତତ୍ତ୍ଵେ କଃ ସଂସାରଃ

॥ 9 ॥

ଶ୍ଲୋକ 11

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ମା କୁରୁ ଧନ-ଜନ-ଯୌଵନ-ଗର୍ଵଂ

ହରତି ନିମେଷାତ୍କାଲଃ ସର୍ଵମ୍ ।

ମାଯାମଯମିଦମଖିଲଂ ହିତ୍ଵା

ବ୍ରହ୍ମପଦଂ ତ୍ଵଂ ପ୍ରଵିଶ ଵିଦିତ୍ଵା

॥ 10 ॥

ଶ୍ଲୋକ 12

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଦିନଯାମିନ୍ଯୌ ସାଯଂ ପ୍ରାତଃ

ଶିଶିରଵସନ୍ତୌ ପୁନରାଯାତଃ ।

କାଲଃ କ୍ରୀଡତି ଗଚ୍ଛତ୍ଯାଯୁଃ

ତଦପି ନ ମୁଞ୍ଚତ୍ଯାଶାଵାଯୁଃ

॥ 11 ॥

ଶ୍ଲୋକ 13

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

କା ତେ କାନ୍ତା ଧନଗତଚିନ୍ତା

ଵାତୁଲ କିଂ ତଵ ନାସ୍ତି ନିଯନ୍ତା ।

ତ୍ରିଜଗତି ସଜ୍ଜନସଙ୍ଗତିରେକା

ଭଵତି ଭଵାର୍ଣଵତରଣେ ନୌକା

॥ 12 ॥

ଶ୍ଲୋକ 14

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଦ୍ଵାଦଶ-ମଞ୍ଜରିକାଭିରଶେଷଃ

କଥିତୋ ଵୈଯାକରଣସ୍ଯୈଷଃ ।

ଉପଦେଶୋଽଭୂଦ୍ଵିଦ୍ଯା-ନିପୁଣୈଃ

ଶ୍ରୀମଚ୍ଛଙ୍କର-ଭଗଵଚ୍ଛରଣୈଃ

॥ 13 ॥

ଶ୍ଲୋକ 15

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଜଟିଲୋ ମୁଣ୍ଡୀ ଲୁଞ୍ଛିତକେଶଃ

କାଷାଯାମ୍ବର-ବହୁକୃତଵେଷଃ ।

ପଶ୍ଯନ୍ନପି ଚ ନ ପଶ୍ଯତି ମୂଢଃ

ଉଦରନିମିତ୍ତଂ ବହୁକୃତଵେଷଃ

॥ 14 ॥

ଶ୍ଲୋକ 16

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଅଙ୍ଗଂ ଗଲିତଂ ପଲିତଂ ମୁଣ୍ଡଂ

ଦଶନଵିହୀନଂ ଜାତଂ ତୁଣ୍ଡମ୍ ।

ଵୃଦ୍ଧୋ ଯାତି ଗୃହୀତ୍ଵା ଦଣ୍ଡଂ

ତଦପି ନ ମୁଞ୍ଚତ୍ଯାଶାପିଣ୍ଡମ୍

॥ 15 ॥

ଶ୍ଲୋକ 17

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଅଗ୍ରେ ଵହ୍ନିଃ ପୃଷ୍ଠେ ଭାନୁଃ

ରାତ୍ରୌ ଚୁବୁକ-ସମର୍ପିତ-ଜାନୁଃ ।

କରତଲ-ଭିକ୍ଷସ୍ତରୁତଲଵାସଃ

ତଦପି ନ ମୁଞ୍ଚତ୍ଯାଶାପାଶଃ

॥ 16 ॥

ଶ୍ଲୋକ 18

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

କୁରୁତେ ଗଙ୍ଗାସାଗରଗମନଂ

ଵ୍ରତ-ପରିପାଲନମଥଵା ଦାନମ୍ ।

ଜ୍ଞାନଵିହୀନଃ ସର୍ଵମତେନ

ଭଜତି ନ ମୁକ୍ତିଂ ଜନ୍ମଶତେନ

॥ 17 ॥

ଶ୍ଲୋକ 19

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ସୁରମନ୍ଦିର-ତରୁ-ମୂଲ-ନିଵାସଃ

ଶଯ୍ଯା ଭୂତଲମଜିନଂ ଵାସଃ ।

ସର୍ଵ-ପରିଗ୍ରହ-ଭୋଗତ୍ଯାଗଃ

କସ୍ଯ ସୁଖଂ ନ କରୋତି ଵିରାଗଃ

॥ 18 ॥

ଶ୍ଲୋକ 20

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଯୋଗରତୋ ଵା ଭୋଗରତୋ ଵା

ସଙ୍ଗରତୋ ଵା ସଙ୍ଗଵିହୀନଃ ।

ଯସ୍ଯ ବ୍ରହ୍ମଣି ରମତେ ଚିତ୍ତଂ

ନନ୍ଦତି ନନ୍ଦତି ନନ୍ଦତ୍ଯେଵ

॥ 19 ॥

ଶ୍ଲୋକ 21

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଭଗଵଦ୍ଗୀତା କିଞ୍ଚିଦଧୀତା

ଗଙ୍ଗାଜଲ-ଲଵକଣିକା ପୀତା ।

ସକୃଦପି ଯେନ ମୁରାରିସମର୍ଚା

କ୍ରିଯତେ ତସ୍ଯ ଯମେନ ନ ଚର୍ଚା

॥ 20 ॥

ଶ୍ଲୋକ 22

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ପୁନରପି ଜନନଂ ପୁନରପି ମରଣଂ

ପୁନରପି ଜନନୀଜଠରେ ଶଯନମ୍ ।

ଇହ ସଂସାରେ ବହୁଦୁସ୍ତାରେ

କୃପଯାଽପାରେ ପାହି ମୁରାରେ

॥ 21 ॥

ଶ୍ଲୋକ 23

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ରଥ୍ଯାଚର୍ପଟ-ଵିରଚିତ-କନ୍ଥଃ

ପୁଣ୍ଯାପୁଣ୍ଯ-ଵିଵର୍ଜିତ-ପନ୍ଥଃ ।

ଯୋଗୀ ଯୋଗନିଯୋଜିତ-ଚିତ୍ତଃ

ରମତେ ବାଲୋନ୍ମତ୍ତଵଦେଵ

॥ 22 ॥

ଶ୍ଲୋକ 24

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

କସ୍ତ୍ଵଂ କୋଽହଂ କୁତ ଆଯାତଃ

କା ମେ ଜନନୀ କୋ ମେ ତାତଃ ।

ଇତି ପରିଭାଵଯ ସର୍ଵମସାରଂ

ଵିଶ୍ଵଂ ତ୍ଯକ୍ତ୍ଵା ସ୍ଵପ୍ନଵିଚାରମ୍

॥ 23 ॥

ଶ୍ଲୋକ 25

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ତ୍ଵଯି ମଯି ଚାନ୍ଯତ୍ରୈକୋ ଵିଷ୍ଣୁଃ

ଵ୍ଯର୍ଥଂ କୁପ୍ଯସି ମଯ୍ଯସହିଷ୍ଣୁଃ ।

ଭଵ ସମଚିତ୍ତଃ ସର୍ଵତ୍ର ତ୍ଵଂ

ଵାଞ୍ଛସ୍ଯଚିରାଦ୍ଯଦି ଵିଷ୍ଣୁତ୍ଵମ୍

॥ 24 ॥

ଶ୍ଲୋକ 26

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଶତ୍ରୌ ମିତ୍ରେ ପୁତ୍ରେ ବନ୍ଧୌ

ମା କୁରୁ ଯତ୍ନଂ ଵିଗ୍ରହସନ୍ଧୌ ।

ସର୍ଵସ୍ମିନ୍ନପି ପଶ୍ଯାତ୍ମାନଂ

ସର୍ଵତ୍ରୋତ୍ସୃଜ ଭେଦାଜ୍ଞାନମ୍

॥ 25 ॥

ଶ୍ଲୋକ 27

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

କାମଂ କ୍ରୋଧଂ ଲୋଭଂ ମୋହଂ

ତ୍ଯକ୍ତ୍ଵାଽଽତ୍ମାନଂ ପଶ୍ଯତି ସୋଽହମ୍ ।

ଆତ୍ମଜ୍ଞାନଵିହୀନା ମୂଢାଃ

ତେ ପଚ୍ଯନ୍ତେ ନରକନିଗୂଢାଃ

॥ 26 ॥

ଶ୍ଲୋକ 28

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଗେଯଂ ଗୀତା-ନାମସହସ୍ରଂ

ଧ୍ଯେଯଂ ଶ୍ରୀପତି-ରୂପମଜସ୍ରମ୍ ।

ନେଯଂ ସଜ୍ଜନ-ସଙ୍ଗେ ଚିତ୍ତଂ

ଦେଯଂ ଦୀନଜନାଯ ଚ ଵିତ୍ତମ୍

॥ 27 ॥

ଶ୍ଲୋକ 29

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ସୁଖତଃ କ୍ରିଯତେ କାମାଭୋଗଃ

ପଶ୍ଚାଦନ୍ତ ଶରୀରେ ରୋଗଃ ।

ଯଦ୍ଯପି ଲୋକେ ମରଣଂ ଶରଣଂ

ତଦପି ନ ମୁଞ୍ଚତି ପାପାଚରଣମ୍

॥ 28 ॥

ଶ୍ଲୋକ 30

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଅର୍ଥମନର୍ଥଂ ଭାଵଯ ନିତ୍ଯଂ

ନାସ୍ତିତତଃ ସୁଖଲେଶଃ ସତ୍ଯମ୍ ।

ପୁତ୍ରାଦପି ଧନଭାଜାଂ ଭୀତିଃ

ସର୍ଵତ୍ରୈଷା ଵିହିତା ରୀତିଃ

॥ 29 ॥

ଶ୍ଲୋକ 31

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ପ୍ରାଣାଯାମଂ ପ୍ରତ୍ଯାହାରଂ

ନିତ୍ଯାନିତ୍ଯ ଵିଵେକଵିଚାରମ୍ ।

ଜାପ୍ଯସମେତସମାଧିଵିଧାନଂ

କୁର୍ଵଵଧାନଂ ମହଦଵଧାନମ୍

॥ 30 ॥

ଶ୍ଲୋକ 32

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଗୁରୁଚରଣାମ୍ବୁଜ-ନିର୍ଭରଭକ୍ତଃ

ସଂସାରାଦଚିରାଦ୍ଭଵ ମୁକ୍ତଃ ।

ସେନ୍ଦ୍ରିଯମାନସ-ନିଯମାଦେଵଂ

ଦ୍ରକ୍ଷ୍ଯସି ନିଜହୃଦଯସ୍ଥଂ ଦେଵମ୍

॥ 31 ॥

ଶ୍ଲୋକ 33

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ମୂଢଃ କଶ୍ଚନ ଵୈଯାକରଣୋ

ଡୁଃକୃଙ୍କରଣାଧ୍ଯଯନଧୁରୀଣଃ ।

ଶ୍ରୀମଚ୍ଛଙ୍କର-ଭଗଵଚ୍ଛିଷ୍ଯୈଃ

ବୋଧିତ ଆସୀଚ୍ଛୋଧିତ-କରଣଃ

॥ 32 ॥

ଶ୍ଲୋକ 34

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...

ଭଜ ଗୋଵିନ୍ଦଂ ଭଜ ଗୋଵିନ୍ଦଂ

ଗୋଵିନ୍ଦଂ ଭଜ ମୂଢମତେ ।

ନାମସ୍ମରଣାଦନ୍ଯମୁପାଯଂ

ନହି ପଶ୍ଯାମୋ ଭଵତରଣେ

॥ 33 ॥

ଶ୍ଲୋକ 35

ଭଜ ଗୋଵିନ୍ଦଂ ଭଜ ଗୋଵିନ୍ଦଂ ...