Bhaja Govindam
Bhaja Govindam
Bhaja Govindam
bhaja govindam (moha mudgaram)
shloka 1
bhaja govindaM bhaja govindaM
govindaM bhaja mUDhamate |
samprApte sannihite kAle
nahi nahi rakShati DukRRi~NkaraNe || 1 ||
bhaja govindaM bhaja govindaM ...
mUDha jahIhi dhanAgamatRRiShNAM
kuru sadbuddhiM manasi vitRRiShNAm |
yallabhase nijakarmopAttaM
vittaM tena vinodaya chittam || 2 ||
bhaja govindaM bhaja govindaM ...
nArIstanabhara-nAbhIdeshaM
dRRiShTvA mA gA mohAvesham |
etanmAMsavasAdivikAraM
manasi vichintaya vAraM vAram || 3 ||
bhaja govindaM bhaja govindaM ...
nalinIdala-gatajalamatitaralaM
tadvajjIvitamatishaya-chapalam |
viddhi vyAdhyabhimAnagrastaM
lokaM shokahataM cha samastam || 4 ||
bhaja govindaM bhaja govindaM ...
yAvadvittopArjanasaktaH
tAvannijaparivAro raktaH |
pashchAjjIvati jarjaradehe
vArtAM ko.api na pRRichChati gehe || 5 ||
bhaja govindaM bhaja govindaM ...
yAvatpavano nivasati dehe
tAvatpRRichChati kushalaM gehe |
gatavati vAyau dehApAye
bhAryA bibhyati tasminkAye || 6 ||
bhaja govindaM bhaja govindaM ...
bAlastAvatkrIDAsaktaH
taruNastAvattaruNIsaktaH |
vRRiddhastAvachchintAsaktaH
parame brahmaNi ko.api na saktaH || 7 ||
bhaja govindaM bhaja govindaM ...
kA te kAntA kaste putraH
saMsAro.ayamatIva vichitraH |
kasya tvaM kaH kuta AyAtaH
tattvaM chintaya tadiha bhrAtaH || 8 ||
bhaja govindaM bhaja govindaM ...
satsaNgatve nissaNgatvaM
nissa~Ngatve nirmohatvam |
nirmohatve nishchalatattvaM
nishchalatattve jIvanmuktiH || 9 ||
bhaja govindaM bhaja govindaM ...
vayasi gate kaH kAmavikAraH
shuShke nIre kaH kAsAraH |
kShINe vitte kaH parivAraH
j~nAte tattve kaH saMsAraH || 10 ||
bhaja govindaM bhaja govindaM ...
mA kuru dhana-jana-yauvana-garvaM
harati nimeShAtkAlaH sarvam |
mAyAmayamidamakhilaM hitvA
brahmapadaM tvaM pravisha viditvA || 11 ||
bhaja govindaM bhaja govindaM ...
dinayAminyau sAyaM prAtaH
shishiravasantau punarAyAtaH |
kAlaH krIDati gachChatyAyuH
tadapi na mu~nchatyAshAvAyuH || 12 ||
bhaja govindaM bhaja govindaM ...
kA te kAntA dhanagatachintA
vAtula kiM tava nAsti niyantA |
trijagati sajjanasa~NgatirekA
bhavati bhavArNavataraNe naukA || 13 ||
bhaja govindaM bhaja govindaM ...
dvAdasha-ma~njarikAbhirasheShaH
kathito vaiyAkaraNasyaiShaH |
upadesho.abhUdvidyA-nipuNaiH
shrImachCha~Nkara-bhagavachCharaNaiH || 14 ||
bhaja govindaM bhaja govindaM ...
jaTilo muNDI lu~nChitakeshaH
kAShAyAmbara-bahukRRitaveShaH |
pashyannapi cha na pashyati mUDhaH
udaranimittaM bahukRRitaveShaH || 15 ||
bhaja govindaM bhaja govindaM ...
a~NgaM galitaM palitaM muNDaM
dashanavihInaM jAtaM tuNDam |
vRRiddho yAti gRRihItvA daNDaM
tadapi na mu~nchatyAshApiNDam || 16 ||
bhaja govindaM bhaja govindaM ...
agre vahniH pRRiShThe bhAnuH
rAtrau chubuka-samarpita-jAnuH |
karatala-bhikShastarutalavAsaH
tadapi na mu~nchatyAshApAshaH || 17 ||
bhaja govindaM bhaja govindaM ...
kurute ga~NgAsAgaragamanaM
vrata-paripAlanamathavA dAnam |
j~nAnavihInaH sarvamatena
bhajati na muktiM janmashatena || 18 ||
bhaja govindaM bhaja govindaM ...
suramandira-taru-mUla-nivAsaH
shayyA bhUtalamajinaM vAsaH |
sarva-parigraha-bhogatyAgaH
kasya sukhaM na karoti virAgaH || 19 ||
bhaja govindaM bhaja govindaM ...
yogarato vA bhogarato vA
saNgarato vA saNgavihInaH |
yasya brahmaNi ramate chittaM
nandati nandati nandatyeva || 20 ||
bhaja govindaM bhaja govindaM ...
bhagavadgItA ki~nchidadhItA
ga~NgAjala-lavakaNikA pItA |
sakRRidapi yena murArisamarchA
kriyate tasya yamena na charchA || 21 ||
bhaja govindaM bhaja govindaM ...
punarapi jananaM punarapi maraNaM
punarapi jananIjaThare shayanam |
iha saMsAre bahudustAre
kRRipayA.apAre pAhi murAre || 22 ||
bhaja govindaM bhaja govindaM ...
rathyAcharpaTa-virachita-kanthaH
puNyApuNya-vivarjita-panthaH |
yogI yoganiyojita-chittaH
ramate bAlonmattavadeva || 23 ||
bhaja govindaM bhaja govindaM ...
kastvaM ko.ahaM kuta AyAtaH
kA me jananI ko me tAtaH |
iti paribhAvaya sarvamasAraM
vishvaM tyaktvA svapnavichAram || 24 ||
bhaja govindaM bhaja govindaM ...
tvayi mayi chAnyatraiko viShNuH
vyarthaM kupyasi mayyasahiShNuH |
bhava samachittaH sarvatra tvaM
vA~nChasyachirAdyadi viShNutvam || 25 ||
bhaja govindaM bhaja govindaM ...
shatrau mitre putre bandhau
mA kuru yatnaM vigrahasandhau |
sarvasminnapi pashyAtmAnaM
sarvatrotsRRija bhedAj~nAnam || 26 ||
bhaja govindaM bhaja govindaM ...
kAmaM krodhaM lobhaM mohaM
tyaktvA.a.atmAnaM pashyati so.aham |
Atmaj~nAnavihInA mUDhAH
te pachyante narakanigUDhAH || 27 ||
bhaja govindaM bhaja govindaM ...
geyaM gItA-nAmasahasraM
dhyeyaM shrIpati-rUpamajasram |
neyaM sajjana-sa~Nge chittaM
deyaM dInajanAya cha vittam || 28 ||
bhaja govindaM bhaja govindaM ...
sukhataH kriyate kAmAbhogaH
pashchAdanta sharIre rogaH |
yadyapi loke maraNaM sharaNaM
tadapi na mu~nchati pApAcharaNam || 29 ||
bhaja govindaM bhaja govindaM ...
arthamanarthaM bhAvaya nityaM
nAstitataH sukhaleshaH satyam |
putrAdapi dhanabhAjAM bhItiH
sarvatraiShA vihitA rItiH || 30 ||
bhaja govindaM bhaja govindaM ...
prANAyAmaM pratyAhAraM
nityAnitya vivekavichAram |
jApyasametasamAdhividhAnaM
kurvavadhAnaM mahadavadhAnam || 31 ||
bhaja govindaM bhaja govindaM ...
gurucharaNAmbuja-nirbharabhaktaH
saMsArAdachirAdbhava muktaH |
sendriyamAnasa-niyamAdevaM
drakShyasi nijahRRidayasthaM devam || 32 ||
bhaja govindaM bhaja govindaM ...
mUDhaH kashchana vaiyAkaraNo
DuHkRRi~NkaraNAdhyayanadhurINaH |
shrImachCha~Nkara-bhagavachChiShyaiH
bodhita AsIchChodhita-karaNaH || 33 ||
bhaja govindaM bhaja govindaM ...
bhaja govindaM bhaja govindaM
govindaM bhaja mUDhamate |
nAmasmaraNAdanyamupAyaM
nahi pashyAmo bhavataraNe || 34 ||
bhaja govindaM bhaja govindaM ...