Bhaja Govindam
Bhaja Govindam
bhaja govindam (moha mudgaram)
zloka 1
bhaja govindaM bhaja govindaM
govindaM bhaja mUDhamate |
samprApte sannihite kAle
nahi nahi rakSati DukRGkaraNe || 1 ||
bhaja govindaM bhaja govindaM ...
mUDha jahIhi dhanAgamatRSNAM
kuru sadbuddhiM manasi vitRSNAm |
yallabhase nijakarmopAttaM
vittaM tena vinodaya cittam || 2 ||
bhaja govindaM bhaja govindaM ...
nArIstanabhara-nAbhIdezaM
dRSTvA mA gA mohAvezam |
etanmAMsavasAdivikAraM
manasi vicintaya vAraM vAram || 3 ||
bhaja govindaM bhaja govindaM ...
nalinIdala-gatajalamatitaralaM
tadvajjIvitamatizaya-capalam |
viddhi vyAdhyabhimAnagrastaM
lokaM zokahataM ca samastam || 4 ||
bhaja govindaM bhaja govindaM ...
yAvadvittopArjanasaktaH
tAvannijaparivAro raktaH |
pazcAjjIvati jarjaradehe
vArtAM ko'pi na pRcchati gehe || 5 ||
bhaja govindaM bhaja govindaM ...
yAvatpavano nivasati dehe
tAvatpRcchati kuzalaM gehe |
gatavati vAyau dehApAye
bhAryA bibhyati tasminkAye || 6 ||
bhaja govindaM bhaja govindaM ...
bAlastAvatkrIDAsaktaH
taruNastAvattaruNIsaktaH |
vRddhastAvaccintAsaktaH
parame brahmaNi ko'pi na saktaH || 7 ||
bhaja govindaM bhaja govindaM ...
kA te kAntA kaste putraH
saMsAro'yamatIva vicitraH |
kasya tvaM kaH kuta AyAtaH
tattvaM cintaya tadiha bhrAtaH || 8 ||
bhaja govindaM bhaja govindaM ...
satsaGgatve nissaGgatvaM
nissaGgatve nirmohatvam |
nirmohatve nizcalatattvaM
nizcalatattve jIvanmuktiH || 9 ||
bhaja govindaM bhaja govindaM ...
vayasi gate kaH kAmavikAraH
zuSke nIre kaH kAsAraH |
kSINe vitte kaH parivAraH
jJAte tattve kaH saMsAraH || 10 ||
bhaja govindaM bhaja govindaM ...
mA kuru dhana-jana-yauvana-garvaM
harati nimeSAtkAlaH sarvam |
mAyAmayamidamakhilaM hitvA
brahmapadaM tvaM praviza viditvA || 11 ||
bhaja govindaM bhaja govindaM ...
dinayAminyau sAyaM prAtaH
ziziravasantau punarAyAtaH |
kAlaH krIDati gacchatyAyuH
tadapi na muJcatyAzAvAyuH || 12 ||
bhaja govindaM bhaja govindaM ...
kA te kAntA dhanagatacintA
vAtula kiM tava nAsti niyantA |
trijagati sajjanasaGgatirekA
bhavati bhavArNavataraNe naukA || 13 ||
bhaja govindaM bhaja govindaM ...
dvAdaza-maJjarikAbhirazeSaH
kathito vaiyAkaraNasyaiSaH |
upadezo'bhUdvidyA-nipuNaiH
zrImacchaGkara-bhagavaccharaNaiH || 14 ||
bhaja govindaM bhaja govindaM ...
jaTilo muNDI luJchitakezaH
kASAyAmbara-bahukRtaveSaH |
pazyannapi ca na pazyati mUDhaH
udaranimittaM bahukRtaveSaH || 15 ||
bhaja govindaM bhaja govindaM ...
aGgaM galitaM palitaM muNDaM
dazanavihInaM jAtaM tuNDam |
vRddho yAti gRhItvA daNDaM
tadapi na muJcatyAzApiNDam || 16 ||
bhaja govindaM bhaja govindaM ...
agre vahniH pRSThe bhAnuH
rAtrau cubuka-samarpita-jAnuH |
karatala-bhikSastarutalavAsaH
tadapi na muJcatyAzApAzaH || 17 ||
bhaja govindaM bhaja govindaM ...
kurute gaGgAsAgaragamanaM
vrata-paripAlanamathavA dAnam |
jJAnavihInaH sarvamatena
bhajati na muktiM janmazatena || 18 ||
bhaja govindaM bhaja govindaM ...
suramandira-taru-mUla-nivAsaH
zayyA bhUtalamajinaM vAsaH |
sarva-parigraha-bhogatyAgaH
kasya sukhaM na karoti virAgaH || 19 ||
bhaja govindaM bhaja govindaM ...
yogarato vA bhogarato vA
saGgarato vA saGgavihInaH |
yasya brahmaNi ramate cittaM
nandati nandati nandatyeva || 20 ||
bhaja govindaM bhaja govindaM ...
bhagavadgItA kiJcidadhItA
gaGgAjala-lavakaNikA pItA |
sakRdapi yena murArisamarcA
kriyate tasya yamena na carcA || 21 ||
bhaja govindaM bhaja govindaM ...
punarapi jananaM punarapi maraNaM
punarapi jananIjaThare zayanam |
iha saMsAre bahudustAre
kRpayA'pAre pAhi murAre || 22 ||
bhaja govindaM bhaja govindaM ...
rathyAcarpaTa-viracita-kanthaH
puNyApuNya-vivarjita-panthaH |
yogI yoganiyojita-cittaH
ramate bAlonmattavadeva || 23 ||
bhaja govindaM bhaja govindaM ...
kastvaM ko'haM kuta AyAtaH
kA me jananI ko me tAtaH |
iti paribhAvaya sarvamasAraM
vizvaM tyaktvA svapnavicAram || 24 ||
bhaja govindaM bhaja govindaM ...
tvayi mayi cAnyatraiko viSNuH
vyarthaM kupyasi mayyasahiSNuH |
bhava samacittaH sarvatra tvaM
vAJchasyacirAdyadi viSNutvam || 25 ||
bhaja govindaM bhaja govindaM ...
zatrau mitre putre bandhau
mA kuru yatnaM vigrahasandhau |
sarvasminnapi pazyAtmAnaM
sarvatrotsRja bhedAjJAnam || 26 ||
bhaja govindaM bhaja govindaM ...
kAmaM krodhaM lobhaM mohaM
tyaktvA''tmAnaM pazyati so'ham |
AtmajJAnavihInA mUDhAH
te pacyante narakanigUDhAH || 27 ||
bhaja govindaM bhaja govindaM ...
geyaM gItA-nAmasahasraM
dhyeyaM zrIpati-rUpamajasram |
neyaM sajjana-saGge cittaM
deyaM dInajanAya ca vittam || 28 ||
bhaja govindaM bhaja govindaM ...
sukhataH kriyate kAmAbhogaH
pazcAdanta zarIre rogaH |
yadyapi loke maraNaM zaraNaM
tadapi na muJcati pApAcaraNam || 29 ||
bhaja govindaM bhaja govindaM ...
arthamanarthaM bhAvaya nityaM
nAstitataH sukhalezaH satyam |
putrAdapi dhanabhAjAM bhItiH
sarvatraiSA vihitA rItiH || 30 ||
bhaja govindaM bhaja govindaM ...
prANAyAmaM pratyAhAraM
nityAnitya vivekavicAram |
jApyasametasamAdhividhAnaM
kurvavadhAnaM mahadavadhAnam || 31 ||
bhaja govindaM bhaja govindaM ...
gurucaraNAmbuja-nirbharabhaktaH
saMsArAdacirAdbhava muktaH |
sendriyamAnasa-niyamAdevaM
drakSyasi nijahRdayasthaM devam || 32 ||
bhaja govindaM bhaja govindaM ...
mUDhaH kazcana vaiyAkaraNo
DuHkRGkaraNAdhyayanadhurINaH |
zrImacchaGkara-bhagavacchiSyaiH
bodhita AsIcchodhita-karaNaH || 33 ||
bhaja govindaM bhaja govindaM ...
bhaja govindaM bhaja govindaM
govindaM bhaja mUDhamate |
nAmasmaraNAdanyamupAyaM
nahi pazyAmo bhavataraNe || 34 ||
bhaja govindaM bhaja govindaM ...