Bhagya Suktam

ଭାଗ୍ଯ ସୂକ୍ତମ୍

ଶ୍ଲୋକ 1

ଓ-ମ୍ପ୍ରା॒ତର॒ଗ୍ନି-ମ୍ପ୍ରା॒ତରିନ୍ଦ୍ରଗ୍ଂ॑ ହଵାମହେ ପ୍ରା॒ତର୍ମି॒ତ୍ରା ଵରୁ॑ଣା ପ୍ରା॒ତର॒ଶ୍ଵିନା᳚ ।

ପ୍ରା॒ତର୍ଭଗ॑-ମ୍ପୂ॒ଷଣ॒-ମ୍ବ୍ରହ୍ମ॑ଣ॒ସ୍ପତି॑-ମ୍ପ୍ରା॒ତ-ସ୍ସୋମ॑ମୁ॒ତ ରୁ॒ଦ୍ରଗ୍ଂ ହୁ॑ଵେମ

ଶ୍ଲୋକ 2

ପ୍ରା॒ତ॒ର୍ଜିତ॒-ମ୍ଭ॑ଗମୁ॒ଗ୍ରଗ୍ଂ ହୁ॑ଵେମ ଵ॒ଯ-ମ୍ପୁ॒ତ୍ରମଦି॑ତେ॒ର୍ଯୋ ଵି॑ଧ॒ର୍ତା ।

ଆ॒ଦ୍ଧ୍ରଶ୍ଚି॒ଦ୍ଯ-ମ୍ମନ୍ଯ॑ମାନସ୍ତୁ॒ରଶ୍ଚି॒ଦ୍ରାଜା॑ ଚି॒ଦ୍ଯ-ମ୍ଭଗ॑-ମ୍ଭ॒କ୍ଷୀତ୍ଯାହ॑

॥ 1 ॥

ଶ୍ଲୋକ 3

ଭଗ॒ ପ୍ରଣେ॑ତ॒ର୍ଭଗ॒ ସତ୍ଯ॑ରାଧୋ॒ ଭଗେ॒ମା-ନ୍ଧିଯ॒ମୁଦ॑ଵ॒ଦଦ॑ନ୍ନଃ ।

ଭଗ॒ପ୍ରଣୋ॑ ଜନଯ॒ ଗୋଭି॒ରଶ୍ଵୈ॒ର୍ଭଗ॒ପ୍ରନୃଭି॑ର୍ନୃ॒ଵନ୍ତ॑ସ୍ସ୍ଯାମ

॥ 2 ॥

ଶ୍ଲୋକ 4

ଉ॒ତେଦାନୀ॒-ମ୍ଭଗ॑ଵନ୍ତସ୍ସ୍ଯାମୋ॒ତ ପ୍ରପି॒ତ୍ଵ ଉ॒ତ ମଧ୍ଯେ॒ ଅହ୍ନା᳚ମ୍ ।

ଉ॒ତୋଦି॑ତା ମଘଵ॒ନ୍​ଥ୍ସୂର୍ଯ॑ସ୍ଯ ଵ॒ଯ-ନ୍ଦେ॒ଵାନାଗ୍ଂ॑ ସୁମ॒ତୌ ସ୍ଯା॑ମ

॥ 3 ॥

ଶ୍ଲୋକ 5

ଭଗ॑ ଏ॒ଵ ଭଗ॑ଵାଗ୍ଂ ଅସ୍ତୁ ଦେଵା॒ସ୍ତେନ॑ ଵ॒ଯ-ମ୍ଭଗ॑ଵନ୍ତସ୍ସ୍ଯାମ ।

ତ-ନ୍ତ୍ଵା॑ ଭଗ॒ ସର୍ଵ॒ ଇଜ୍ଜୋ॑ହଵୀମି॒ ସନୋ॑ ଭଗ ପୁର ଏ॒ତା ଭ॑ଵେହ

॥ 4 ॥

ଶ୍ଲୋକ 6

ସମ॑ଧ୍ଵ॒ରାଯୋ॒ଷସୋ॑-ଽନମନ୍ତ ଦଧି॒କ୍ରାଵେ॑ଵ॒ ଶୁଚଯେ॑ ପ॒ଦାଯ॑ ।

ଅ॒ର୍ଵା॒ଚୀ॒ନଂ-ଵଁ॑ସୁ॒ଵିଦ॒-ମ୍ଭଗ॑ନ୍ନୋ॒ ରଥ॑ମି॒ଵା-ଽଶ୍ଵା॑ଵା॒ଜିନ॒ ଆଵ॑ହନ୍ତୁ

॥ 5 ॥

ଶ୍ଲୋକ 7

ଅଶ୍ଵା॑ଵତୀ॒ର୍ଗୋମ॑ତୀର୍ନ ଉ॒ଷାସୋ॑ ଵୀ॒ରଵ॑ତୀ॒ସ୍ସଦ॑ମୁଚ୍ଛନ୍ତୁ ଭ॒ଦ୍ରାଃ ।

ଘୃ॒ତ-ନ୍ଦୁହା॑ନା ଵି॒ଶ୍ଵତଃ॒ ପ୍ରପୀ॑ନା ଯୂ॒ଯ-ମ୍ପା॑ତ ସ୍ଵ॒ସ୍ତିଭି॒ସ୍ସଦା॑ ନଃ

॥ 6 ॥

ଶ୍ଲୋକ 8

ଯୋ ମା᳚-ଽଗ୍ନେ ଭା॒ଗିନଗ୍ଂ॑ ସ॒ନ୍ତମଥା॑ଭା॒ଗ॑-ଞ୍ଚିକୀ॑ଋଷତି ।

ଅଭା॒ଗମ॑ଗ୍ନେ॒ ତ-ଙ୍କୁ॑ରୁ॒ ମାମ॑ଗ୍ନେ ଭା॒ଗିନ॑-ଙ୍କୁରୁ

॥ 7 ॥

ଶ୍ଲୋକ 9

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥