Bhagavadgita Parayana

ශ්රීමද්භගවද්ගීතා පාරායණ - ධ්යානශ්ලෝකාඃ

ශ්ලොක 1

ඕං ශ්රී පරමාත්මනේ නමඃ

අථ ගීතා ධ්යාන ශ්ලෝකාඃ

ඕං පාර්ථාය ප්රතිබෝධිතාං භගවතා නාරායණේන ස්වයං

ව්යාසේන ග්රථිතාං පුරාණමුනිනා මධ්යේ මහාභාරතම් .

අද්වෛතාමෘතවර්ෂිණීං භගවතීං අෂ්ටාදශාධ්යායිනීං

අම්බ ත්වාං අනුසන්දධාමි භගවද්ගීතේ භවද්වේෂිණීම් ..

නමෝ(අ)ස්තුතේ ව්යාස විශාලබුද්ධේ ඵුල්ලාරවින්දායතපත්රනේත්ර .

යේන ත්වයා භාරත තෛලපූර්ණඃ ප්රජ්වාලිතෝ ජ්ඤානමයඃ ප්රදීපඃ..

ප්රපන්නපාරිජාතාය තෝත්රවේත්රෛකපාණයේ .

ජ්ඤානමුද්රාය කෘෂ්ණාය ගීතාමෘතදුහේ නමඃ ..

වසුදේවසුතං දේවං කංසචාණූරමර්දනම් .

දේවකීපරමානන්දං කෘෂ්ණං වන්දේ ජගද්ගුරුම් ..

භීෂ්මද්රෝණතටා ජයද්රථජලා ගාන්ධාරනීලෝත්පලා

ශල්යග්රාහවතී කෘපේණ වහනී කර්ණේන වේලාකුලා .

අශ්වත්ථාමවිකර්ණඝෝරමකරා දුර්යෝධනාවර්තිනී

සෝත්තීර්ණා ඛලු පාණ්ඩවෛ රණනදී කෛවර්තකඃ කේශවඃ ..

පාරාශර්යවචඃ සරෝජමමලං ගීතාර්ථගන්ධෝත්කටං

නානාඛ්යානකකේසරං හරිකථා සම්බෝධනාබෝධිතම් .

ලෝකේ සජ්ජනෂට්පදෛරහරහඃ පේපීයමානං මුදා

භූයාද්භාරතපඞ්කජං කලිමල ප්රධ්වංසිනඃ ශ්රේයසේ ..

මූකං කරෝති වාචාලං පඞ්ගුං ලඞ්ඝයතේ ගිරිම් .

යත්කෘපා තමහං වන්දේ පරමානන්දමාධවම් ..

ශාන්තාකාරං භුජගශයනං පද්මනාභං සුරේශං

විශ්වාධාරං ගගනසදෘශං මේඝවර්ණං ශුභාඞ්ගම් .

ලක්ෂ්මීකාන්තං කමලනයනං යෝගිහෘද්ධ්යානගම්යං

වන්දේ විෂ්ණුං භවභයහරං සර්ව ලෝකෛකනාථම් ..

යං බ්රහ්මාවරුණේන්ද්රරුද්රමරුතඃ ස්තුන්වන්ති දිව්යෛඃ ස්තවෛඃ

වේදෛඃ සාඞ්ගපදක්රමෝපනිෂදෛඃ ගායන්ති යං සාමගාඃ .

ධ්යානාවස්ථිත තද්ගතේන මනසා පශ්යන්ති යං යෝගිනඃ

යස්යාන්තං න විදුස්සුරාසුරගණාඃ දේවාය තස්මෛ නමඃ ..

නාරායණං නමස්කෘත්ය නරඤ්චෛව නරෝත්තමම් .

දේවීං සරස්වතීං ව්යාසං තතෝ ජයමුදීරයේත් ..

සච්චිදානන්දරූපාය කෘෂ්ණායාක්ලිෂ්ටකාරිණේ .

නමෝ වේදාන්තවේද්යාය ගුරවේ බුද්ධිසාක්ෂිණේ..

සර්වෝපනිෂදෝ ගාවඃ දෝග්ධා ගෝපාලනන්දනඃ .

පාර්ථෝ වත්සඃ සුධීර්භෝක්තා දුග්ධං ගීතාමෘතං මහත් ..

ගීතාශාස්ත්රමිදං පුණ්යං යඃ පඨේත් ප්රයතඃ පුමාන් .

විෂ්ණෝඃ පදමවාප්නෝති භයශෝකාදි වර්ජිතඃ ..

ඒකං ශාස්ත්රං දේවකීපුත්රගීතං ඒකෝ දේවෝ දේවකීපුත්ර ඒව .

ඒකෝ මන්ත්රස්තස්ය නාමානි යානි කර්මාප්යේකං තස්ය දේවස්ය සේවා ..

.. ඕං ශ්රී කෘෂ්ණාය පරමාත්මනේ නමඃ ..