Bhagavadgita Parayana

shrImadbhagavadgItA pArAyaNa - dhyAnashlokAH

shloka 1

OM shrI paramAtmane namaH

atha gItA dhyAna shlokAH

OM pArthAya pratibodhitAM bhagavatA nArAyaNena svayaM

vyAsena grathitAM purANamuninA madhye mahAbhAratam |

advaitAmRRitavarShiNIM bhagavatIM aShTAdashAdhyAyinIM

amba tvAM anusandadhAmi bhagavadgIte bhavadveShiNIm ||

namo.astute vyAsa vishAlabuddhe phullAravindAyatapatranetra |

yena tvayA bhArata tailapUrNaH prajvAlito j~nAnamayaH pradIpaH||

prapannapArijAtAya totravetraikapANaye |

j~nAnamudrAya kRRiShNAya gItAmRRitaduhe namaH ||

vasudevasutaM devaM kaMsachANUramardanam |

devakIparamAnandaM kRRiShNaM vande jagadgurum ||

bhIShmadroNataTA jayadrathajalA gAndhAranIlotpalA

shalyagrAhavatI kRRipeNa vahanI karNena velAkulA |

ashvatthAmavikarNaghoramakarA duryodhanAvartinI

sottIrNA khalu pANDavai raNanadI kaivartakaH keshavaH ||

pArAsharyavachaH sarojamamalaM gItArthagandhotkaTaM

nAnAkhyAnakakesaraM harikathA sambodhanAbodhitam |

loke sajjanaShaTpadairaharahaH pepIyamAnaM mudA

bhUyAdbhAratapa~NkajaM kalimala pradhvaMsinaH shreyase ||

mUkaM karoti vAchAlaM paNguM laNghayate girim |

yatkRRipA tamahaM vande paramAnandamAdhavam ||

shAntAkAraM bhujagashayanaM padmanAbhaM sureshaM

vishvAdhAraM gaganasadRRishaM meghavarNaM shubhA~Ngam |

lakShmIkAntaM kamalanayanaM yogihRRiddhyAnagamyaM

vande viShNuM bhavabhayaharaM sarva lokaikanAtham ||

yaM brahmAvaruNendrarudramarutaH stunvanti divyaiH stavaiH

vedaiH sA~NgapadakramopaniShadaiH gAyanti yaM sAmagAH |

dhyAnAvasthita tadgatena manasA pashyanti yaM yoginaH

yasyAntaM na vidussurAsuragaNAH devAya tasmai namaH ||

nArAyaNaM namaskRRitya nara~nchaiva narottamam |

devIM sarasvatIM vyAsaM tato jayamudIrayet ||

sachchidAnandarUpAya kRRiShNAyAkliShTakAriNe |

namo vedAntavedyAya gurave buddhisAkShiNe||

sarvopaniShado gAvaH dogdhA gopAlanandanaH |

pArtho vatsaH sudhIrbhoktA dugdhaM gItAmRRitaM mahat ||

gItAshAstramidaM puNyaM yaH paThet prayataH pumAn |

viShNoH padamavApnoti bhayashokAdi varjitaH ||

ekaM shAstraM devakIputragItaM eko devo devakIputra eva |

eko mantrastasya nAmAni yAni karmApyekaM tasya devasya sevA ||

|| OM shrI kRRiShNAya paramAtmane namaH ||