Ayushya Suktam

ଆଯୁଷ୍ଯ ସୂକ୍ତମ୍

ଶ୍ଲୋକ 1

ଯୋ ବ୍ରହ୍ମା ବ୍ରହ୍ମଣ ଉ॑ଜ୍ଜହା॒ର ପ୍ରା॒ଣୈ-ଶ୍ଶି॒ରଃ କୃତ୍ତିଵାସାଃ᳚ ପିନା॒କୀ ।

ଈଶାନୋ ଦେଵ-ସ୍ସ ନ ଆଯୁ॑ର୍ଦଧା॒ତୁ॒ ତସ୍ମୈ ଜୁହୋମି ହଵିଷା॑ ଘୃତେ॒ନ

ଶ୍ଲୋକ 2

ଵିଭ୍ରାଜମାନ-ସ୍ସରିର॑ସ୍ଯ ମ॒ଧ୍ଯା॒-ଦ୍ରୋ॒ଚ॒ମା॒ନୋ ଘର୍ମରୁଚି॑ର୍ଯ ଆ॒ଗାତ୍ ।

ସ ମୃତ୍ଯୁପାଶାନପନୁ॑ଦ୍ଯ ଘୋ॒ରା॒ନି॒ହା॒ଯୁ॒ଷେ॒ଣୋ ଘୃତମ॑ତ୍ତୁ ଦେ॒ଵଃ

॥ 1 ॥

ଶ୍ଲୋକ 3

ବ୍ରହ୍ମଜ୍ଯୋତି-ର୍ବ୍ରହ୍ମ-ପତ୍ନୀ॑ଷୁ ଗ॒ର୍ଭଂ॒-ଯଁ॒ମା॒ଦ॒ଧା-ତ୍ପୁରୁରୂପ॑-ଞ୍ଜଯ॒ନ୍ତମ୍ ।

ସୁଵର୍ଣରମ୍ଭଗ୍ରହ-ମ॑ର୍କମ॒ର୍ଚ୍ଯ॒-ନ୍ତ॒ମା॒ଯୁ॒ଷେ ଵର୍ଧଯାମୋ॑ ଘୃତେ॒ନ

॥ 2 ॥

ଶ୍ଲୋକ 4

ଶ୍ରିଯଂ-ଲଁକ୍ଷ୍ମୀ-ମୌବଲା-ମମ୍ବିକା॒-ଙ୍ଗାଂ॒ ଷ॒ଷ୍ଠୀ-ଞ୍ଚ ଯା॒ମିନ୍ଦ୍ରସେନେ᳚ତ୍ଯୁଦା॒ହୁଃ ।

ତାଂ-ଵିଁଦ୍ଯା-ମ୍ବ୍ରହ୍ମଯୋନିଗ୍ଂ॑ ସରୂ॒ପା॒ମି॒ହା॒ଯୁ॒ଷେ ତର୍ପଯାମୋ॑ ଘୃତେ॒ନ

॥ 3 ॥

ଶ୍ଲୋକ 5

ଦାକ୍ଷାଯଣ୍ଯ-ସ୍ସର୍ଵଯୋନ୍ଯଃ॑ ସ ଯୋ॒ନ୍ଯ॒-ସ୍ସ॒ହ॒ସ୍ର॒ଶୋ ଵିଶ୍ଵରୂପା॑ ଵିରୂ॒ପାଃ ।

ସସୂନଵ-ସ୍ସପତଯଃ॑ ସଯୂ॒ଥ୍ଯା॒ ଆ॒ଯୁ॒ଷେ॒ଣୋ ଘୃତମିଦ॑-ଞ୍ଜୁଷ॒ନ୍ତାମ୍

॥ 4 ॥

ଶ୍ଲୋକ 6

ଦିଵ୍ଯା ଗଣା ବହୁରୂପାଃ᳚ ପୁରା॒ଣା॒ ଆଯୁଶ୍ଛିଦୋ ନଃ ପ୍ରମଥ୍ନ॑ନ୍ତୁ ଵୀ॒ରାନ୍ ।

ତେଭ୍ଯୋ ଜୁହୋମି ବହୁଧା॑ ଘୃତେ॒ନ॒ ମା॒ ନଃ॒ ପ୍ର॒ଜାଗ୍ଂ ରୀରିଷୋ ମୋ॑ତ ଵୀ॒ରାନ୍

॥ 5 ॥

ଶ୍ଲୋକ 7

ଏ॒କଃ॒ ପୁ॒ର॒ସ୍ତାତ୍ ଯ ଇଦ॑-ମ୍ବଭୂ॒ଵ॒ ଯତୋ ବଭୂଵ ଭୁଵନ॑ସ୍ଯ ଗୋ॒ପାଃ ।

ଯମପ୍ଯେତି ଭୁଵନଗ୍ଂ ସା᳚ମ୍ପରା॒ଯେ॒ ସ ନୋ ହଵିର୍ଘୃତ-ମିହାଯୁଷେ᳚ତ୍ତୁ ଦେ॒ଵଃ

॥ 6 ॥

ଶ୍ଲୋକ 8

ଵ॒ସୂ॒-ନ୍ରୁଦ୍ରା॑-ନାଦି॒ତ୍ଯା-ନ୍ମରୁତୋ॑-ଽଥ ସା॒ଧ୍ଯା॒ନ୍ ଋ॑ଭୂନ୍ ଯ॒କ୍ଷା॒-ନ୍ଗନ୍ଧର୍ଵାଗ୍‍ଶ୍ଚ ପିତୄଗ୍‍ଶ୍ଚ ଵି॒ଶ୍ଵାନ୍ ।

ଭୃଗୂନ୍ ସର୍ପାଗ୍‍ଶ୍ଚାଙ୍ଗିରସୋ॑-ଽଥ ସ॒ର୍ଵା॒-ନ୍ଘୃ॒ତ॒ଗ୍ଂ ହୁ॒ତ୍ଵା ସ୍ଵାଯୁଷ୍ଯା ମହଯା॑ମ ଶ॒ଶ୍ଵତ୍

॥ 7 ॥

ଶ୍ଲୋକ 9

ଵିଷ୍ଣୋ॒ ତ୍ଵ-ନ୍ନୋ॒ ଅନ୍ତ॑ମ॒ଶ୍ଶର୍ମ॑ଯଚ୍ଛ ସହନ୍ତ୍ଯ ।

ପ୍ରତେ॒ଧାରା॑ ମଧୁ॒ଶ୍ଚୁତ॒ ଉଥ୍ସ॑-ନ୍ଦୁହ୍ରତେ॒ ଅକ୍ଷି॑ତମ୍ ॥

॥ ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥