Ayushya Suktam

AyuSya sUktam

zloka 1

yo brahmA brahmaNa u॑jjahA॒ra prA॒Nai-zzi॒raH kRttivAsAH᳚ pinA॒kI |

IzAno deva-ssa na Ayu॑rdadhA॒tu॒ tasmai juhomi haviSA॑ ghRte॒na || 1 ||

vibhrAjamAna-ssarira॑sya ma॒dhyA॒-dro॒ca॒mA॒no gharmaruci॑rya A॒gAt |

sa mRtyupAzAnapanu॑dya gho॒rA॒ni॒hA॒yu॒Se॒No ghRtama॑ttu de॒vaH || 2 ||

brahmajyoti-rbrahma-patnI॑Su ga॒rbhaM॒-ya~॒mA॒da॒dhA-tpururUpa॑-Jjaya॒ntam |

suvarNarambhagraha-ma॑rkama॒rcya॒-nta॒mA॒yu॒Se vardhayAmo॑ ghRte॒na || 3 ||

zriyaM-la~kSmI-maubalA-mambikA॒-GgAM॒ Sa॒SThI-Jca yA॒mindrasene᳚tyudA॒huH |

tAM-vi~dyA-mbrahmayonigM॑ sarU॒pA॒mi॒hA॒yu॒Se tarpayAmo॑ ghRte॒na || 4 ||

dAkSAyaNya-ssarvayonyaH॑ sa yo॒nya॒-ssa॒ha॒sra॒zo vizvarUpA॑ virU॒pAH |

sasUnava-ssapatayaH॑ sayU॒thyA॒ A॒yu॒Se॒No ghRtamida॑-JjuSa॒ntAm || 5 ||

divyA gaNA bahurUpAH᳚ purA॒NA॒ Ayuzchido naH pramathna॑ntu vI॒rAn |

tebhyo juhomi bahudhA॑ ghRte॒na॒ mA॒ naH॒ pra॒jAgM rIriSo mo॑ta vI॒rAn || 6 ||

e॒kaH॒ pu॒ra॒stAt ya ida॑-mbabhU॒va॒ yato babhUva bhuvana॑sya go॒pAH |

yamapyeti bhuvanagM sA᳚mparA॒ye॒ sa no havirghRta-mihAyuSe᳚ttu de॒vaH || 7 ||

va॒sU॒-nrudrA॑-nAdi॒tyA-nmaruto॑-'tha sA॒dhyA॒n R॑bhUn ya॒kSA॒-ngandharvAg‍zca pitRRg‍zca vi॒zvAn |

bhRgUn sarpAg‍zcAGgiraso॑-'tha sa॒rvA॒-nghR॒ta॒gM hu॒tvA svAyuSyA mahayA॑ma za॒zvat || 8 ||

viSNo॒ tva-nno॒ anta॑ma॒zzarma॑yaccha sahantya |

prate॒dhArA॑ madhu॒zcuta॒ uthsa॑-nduhrate॒ akSi॑tam ||

|| OM zAnti॒-zzAnti॒-zzAntiH॑ ||