Aruna Prasna

අරුණප්රශ්නඃ

ශ්ලොක 1

තෛත්තිරීය ආරණ්යක 1

හ॒රිඃ॒ ඕම් ..

භා॒ස්ක॒රාය॑ වි॒ද්මහේ॑ මහද්ද්යුතික॒රාය॑ ධීමහි .

තන්නෝ॑ ආදිත්යඃ ප්රචෝ॒දයා᳚ත් ..

ඕ-ම්භ॒ද්ර-ඞ්කර්ණේ॑භි-ශ්ශෘණු॒යාම॑ දේවාඃ . භ॒ද්ර-ම්ප॑ශ්යේමා॒ක්ෂභි॒-ර්යජ॑ත්රාඃ . ස්ථි॒රෛරඞ්ගෛ᳚ස්තුෂ්ටු॒වාග්ං ස॑ස්ත॒නූභිඃ॑ . ව්යශේ॑ම දේ॒වහි॑තං॒-යँදායුඃ॑ . ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ . ස්ව॒ස්ති නඃ॑ පූ॒ෂා වි॒ශ්වවේ॑දාඃ . ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ . ස්ව॒ස්ති නෝ॒ බෘහ॒ස්පති॑-ර්දධාතු ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..

අනුවාකඃ 1

භ॒ද්ර-ඞ්කර්ණේ॑භි-ශ්ශෘණු॒යාම॑ දේවාඃ . භ॒ද්ර-ම්ප॑ශ්යේමා॒ක්ෂභි॒-ර්යජ॑ත්රාඃ . ස්ථි॒රෛරඞ්ගෛ᳚ස්තුෂ්ටු॒වාග්ං ස॑ස්ත॒නූභිඃ॑ . ව්යශේ॑ම දේ॒වහි॑තං॒-යँදායුඃ॑ . ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ . ස්ව॒ස්ති නඃ॑ පූ॒ෂා වි॒ශ්වවේ॑දාඃ . ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ . ස්ව॒ස්ති නෝ॒ බෘහ॒ස්පති॑-ර්දධාතු . ආප॑මාපාම॒ප-ස්සර්වාඃ᳚ . අ॒ස්මා-ද॒ස්මා-දි॒තෝ-(අ)මුතඃ॑ .. 1 ..

අ॒ග්නිර්වා॒යුශ්ච॒ සූර්ය॑ශ්ච . ස॒හ ස॑ඤ්ච-ස්ක॒රර්ධි॑යා . වා॒ය්වශ්වා॑ රශ්මි॒පත॑යඃ . මරී᳚ච්යාත්මානෝ॒ අද්රු॑හඃ . දේ॒වී-ර්භු॑වන॒ සූව॑රීඃ . පු॒ත්ර॒ව॒ත්වාය॑ මේ සුත . මහානාම්නී-ර්ම॑හාමා॒නාඃ . ම॒හ॒සෝ ම॑හස॒-ස්ස්වඃ॑ . දේ॒වීඃ ප॑ර්ජන්ය॒ සූව॑රීඃ . පු॒ත්ර॒ව॒ත්වාය॑ මේ සුත .. 2 ..

අ॒පාශ්න්යු॑ෂ්ණි-ම॒පා රක්ෂඃ॑ . අ॒පාශ්න්යු॑ෂ්ණි-ම॒පා රඝ᳚ම් . අපා᳚ඝ්රා॒මප॑ චා॒වර්ති᳚ම් . අප॑ දේ॒වීරි॒තෝ හි॑ත . වජ්ර॑-න්දේ॒වීරජී॑තාග්​ශ්ච . භුව॑න-න්දේව॒සූව॑රීඃ . ආ॒දි॒ත්යානදි॑ති-න්දේ॒වීම් . යෝනි॑නෝර්ධ්ව-මු॒දීෂ॑ත . ශි॒වා න॒-ශ්ශන්ත॑මා භවන්තු . දි॒ව්යා ආප॒ ඕෂ॑ධයඃ . සු॒මෘ॒ඩී॒කා සර॑ස්වති . මා තේ॒ ව්යෝ॑ම ස॒න්දෘශි॑ .. 3 ..

(අ॒මුතඃ॑ - සු॒ - තෞෂ॑ධයෝ॒ ද්වේ ච॑ )

අනුවාකඃ 2

ස්මෘතිඃ॑ ප්ර॒ත්යක්ෂ॑-මෛති॒හ්ය᳚ම් . අනු॑මාන-ශ්චතුෂ්ට॒යම් . ඒ॒තෛරාදි॑ත්ය මණ්ඩලම් . සර්වෛ॑රේව॒ විධා᳚ස්යතේ . සූර්යෝ॒ මරී॑චි॒මාද॑ත්තේ . සර්වස්මා᳚-ද්භුව॑නාද॒ධි . තස්යාඃ පාක වි॑ශේෂේ॒ණ . ස්මෘ॒ත-ඞ්කා॑ල වි॒ශේෂ॑ණම් .. න॒දීව॒ ප්රභ॑වා-ත්කා॒චිත් . අ॒ක්ෂය්යා᳚-ථ්ස්යන්ද॒තේ ය॑ථා .. 4 ..

තාන්නද්යෝ-(අ)භි ස॑මාය॒න්ති . සෝ॒රු-ස්සතී॑ න නි॒වර්ත॑තේ . ඒ॒වන්නා॒නා ස॑මුත්ථා॒නාඃ . කා॒ලා-ස්සං॑​වँථ්ස॒රග්ග්​ ශ්රි॑තාඃ . අණුශශ්ච ම॑හශ॒ශ්ච . සර්වේ॑ සමව॒යන්ත්රි॑ තම් . ස තෛ᳚-ස්ස॒ර්වෛ-ස්ස॑මාවි॒ෂ්ටඃ . ඌ॒රු-ස්ස॑න්න නි॒වර්ත॑තේ . අධිසං​වँථ්ස॑රං-විँ॒ද්යාත් . තදේව॑ ලක්ෂ॒ණේ .. 5 ..

අණුභිශ්ච ම॑හද්භි॒ශ්ච . ස॒මාරූ॑ඪඃ ප්ර॒දෘශ්ය॑තේ . සං​වँථ්සරඃ ප්ර॑ත්යක්ෂේ॒ණ . නා॒ධිස॑වඃ ප්ර॒දෘශ්ය॑තේ . ප॒ටරෝ॑ වික්ලි॑ධඃ පි॒ඞ්ගඃ . ඒ॒ත-ද්ව॑රුණ॒ ලක්ෂ॑ණම් . යත්රෛත॑-දුප॒දෘශ්ය॑තේ . ස॒හස්ර॑-න්තත්ර॒ නීය॑තේ . ඒකග්ං හි ශිරෝ නා॑නා මු॒ඛේ . කෘ॒ථ්ස්න-න්ත॑දෘත॒ ලක්ෂ॑ණම් .. 6 ..

උභයත-ස්සප්තේ᳚න්ද්රියා॒ණි . ජ॒ල්පිත॑-න්ත්වේව॒ දිහ්ය॑තේ . ශුක්ලකෘෂ්ණේ සං​වँ॑ථ්සර॒ස්ය . දක්ෂිණ වාම॑යෝඃ පා॒ර්​ශ්වයෝඃ . තස්යෛ॒ෂා භව॑ති .. ශු॒ක්ර-න්තේ॑ අ॒න්යද්ය॑ජ॒ත-න්තේ॑ අ॒න්යත් . විෂු॑රූපේ॒ අහ॑නී॒ ද්යෞරි॑වාසි . විශ්වා॒ හි මා॒යා අව॑සි ස්වධාවඃ . භ॒ද්රා තේ॑ පූෂන්නි॒හ රා॒තිර॒ස්ත්විති॑ . නාත්ර॒ භුව॑නම් . න පූ॒ෂා . න ප॒ශවඃ॑ . නාදිත්ය-ස්සං​වँථ්සර ඒව ප්රත්යක්ෂේණ ප්රියත॑මං-විँ॒ද්යාත් . ඒතද්වෛ සං​වँථ්සරස්ය ප්රියත॑මග්ං රූ॒පම් . යෝ-(අ)ස්ය මහානර්ථ උත්පථ්ස්යමා॑නෝ භ॒වති . ඉද-ම්පුණ්ය-ඞ්කු॑රුෂ්වේ॒ති . තමාහර॑ණ-න්ද॒ද්යාත් .. 7 ..

(ය॒ථා॒ - ල॒ක්ෂ॒ණ - ඍ॑තු॒ලක්ෂ॑ණං॒ - භුව॑නග්ං ස॒ප්ත ච॑)

අනුවාකඃ 3

සා॒ක॒ඤ්ජානාග්ං॑ ස॒ප්තථ॑මාහු-රේක॒ජම් . ෂඩු॑ද්ය॒මා ඍෂ॑යෝ දේව॒ජා ඉති॑ . තේෂා॑මි॒ෂ්ටානි॒ විහි॑තානි ධාම॒ශඃ . ස්ථා॒ත්රේ රේ॑ජන්තේ॒ විකෘ॑තානි රූප॒ශඃ . කෝනු॑ මර්යා॒ අමි॑ථිතඃ . සඛා॒ සඛා॑යමබ්රවීත් . ජහා॑කෝ අ॒ස්මදී॑ෂතේ . යස්ති॒ත්යාජ॑ සඛි॒විද॒ග්ං॒ සඛා॑යම් . න තස්ය॑ වා॒ච්යපි॑ භා॒ගෝ අ॑ස්ති . යදීග්ං॑ ශෘ॒ණෝත්ය॒ලකග්ං॑ ශෘණෝති .. 8 ..

න හි ප්ර॒වේද॑ සුකෘ॒තස්ය॒ පන්ථා॒මිති॑ . ඍ॒තුර්-ඍ॑තුනා නු॒ද්යමා॑නඃ . වින॑නාදා॒භිධා॑වඃ . ෂෂ්ටිශ්ච ත්රිග්ංශ॑කා ව॒ල්ගාඃ . ශු॒ක්ලකෘ॑ෂ්ණෞ ච॒ ෂාෂ්ටි॑කෞ . සා॒රා॒ග॒ව॒ස්ත්රෛ-ර්ජ॒රද॑ක්ෂඃ . ව॒ස॒න්තෝ වසු॑භි-ස්ස॒හ . සං॒​වँ॒ථ්ස॒රස්ය॑ සවි॒තුඃ . ප්රෛ॒ෂ॒කෘ-ත්ප්ර॑ථ॒ම-ස්ස්මෘ॑තඃ . අ॒මූනා॒දය॑-තේත්ය॒න්යාන් .. 9 ..

අ॒මූග්​ශ්ච॑ පරි॒රක්ෂ॑තඃ . ඒ॒තා වා॒චඃ ප්ර॑යුජ්ය॒න්තේ . යත්රෛ ත॑දුප॒දෘශ්ය॑තේ .. ඒ॒තදේ॒ව වි॑ජානී॒යාත් . ප්ර॒මාණ॑-ඞ්කාල॒පර්ය॑යේ . වි॒ශේ॒ෂ॒ණ-න්තු॑ වක්ෂ්යා॒මඃ . ඍ॒තූනා᳚-න්තන්නි॒බෝධ॑ත .. ශුක්ලවාසා॑ රුද්ර॒ගණඃ . ග්රී॒ෂ්මේණා॑වර්ත॒තේ ස॑හ . නි॒ජහ॑-න්පෘථි॑වීග්ං ස॒ර්වාම් .. 10 ..

ජ්යෝ॒තිෂා᳚ (අ)ප්රති॒ඛ්යේන॑ සඃ . වි॒ශ්ව॒රූ॒පාණි॑ වාසා॒ග්ං॒සි . ආ॒දි॒ත්යානා᳚-න්නි॒බෝධ॑ත . සං​වँථ්සරීණ॑-ඞ්කර්ම॒ඵලම් . වර්​ෂාභි-ර්ද॑දතා॒ග්ං॒ සහ . අදුඃඛෝ॑ දුඃඛ ච॑ක්ෂුරි॒ව . තද්මා॑ පීත ඉව॒ දෘශ්ය॑තේ . ශීතේනා᳚ ව්යථ॑යන්නි॒ව . රු॒රුද॑ක්ෂ ඉව॒ දෘශ්ය॑තේ .. හ්ලාදයතේ᳚ ජ්වල॑තශ්චෛ॒ව . ශා॒ම්යත॑ශ්චාස්ය॒ චක්ෂු॑ෂී . යාවෛ ප්රජා භ්ර॑ග්ග්​ශ්ය॒න්තේ . සං​වँථ්සරාත්තා භ්ර॑ග්ග්​ශ්ය॒න්තේ .. යාඃ॒ ප්රති॑තිෂ්ඨ॒න්ති . සං​වँථ්සරේ තාඃ ප්රති॑තිෂ්ඨ॒න්ති . ව॒ර්॒ෂාභ්ය॑ ඉත්ය॒ර්ථඃ .. 11 ..

(ශෘ॒ණෝ॒ - ත්ය॒න්යාන්ථ් - ස॒ර්වා - මේ॒ව ෂට්ච॑)

අනුවාකඃ 4

අක්ෂි॑දුඃ॒ඛෝත්ථි॑තස්යෛ॒ව . වි॒ප්රස॑න්නේ ක॒නීනි॑කේ . ආඞ්ක්තේ චාද්ග॑ණ-න්නා॒ස්ති . ඍ॒භූණා᳚-න්තන්නි॒බෝධ॑ත . ක॒න॒කා॒භානි॑ වාසා॒ග්ං॒සි . අ॒හතා॑නි නි॒බෝධ॑ත . අන්නමශ්ර්නීත॑ මෘජ්මී॒ත . අ॒හං-වෝँ॑ ජීව॒නප්ර॑දඃ . ඒ॒තා වා॒චඃ ප්ර॑යුජ්ය॒න්තේ . ශ॒රද්ය॑ත්රෝප॒ දෘශ්ය॑තේ .. 12 ..

අභිධූන්වන්තෝ-(අ)භිඝ්න॑න්ත ඉ॒ව . වා॒තව॑න්තෝ ම॒රුද්ග॑ණාඃ . අමුතෝ ජේතුමිෂුමු॑ඛමි॒ව . සන්නද්ධා-ස්සහ ද॑දෘශේ॒ හ . අපද්ධ්වස්තෛ-ර්වස්තිව॑ර්ණෛරි॒ව . වි॒ශි॒ඛාසඃ॑ කප॒ර්දිනඃ .අක්රුද්ධස්ය යෝථ්ස්ය॑මාන॒ස්ය . කෘ॒ද්ධස්යේ॑ව॒ ලෝහි॑නී . හේමතශ්චක්ෂු॑ෂී වි॒ද්යාත් . අ॒ක්ෂ්ණයෝඃ᳚, ක්ෂිප॒ණෝරි॑ව .. 13 ..

දුර්භික්ෂ-න්දේව॑ලෝකේ॒ෂු . ම॒නූනා॑මුද॒ක-ඞ්ගෘ॑හේ . ඒ॒තා වා॒චඃ ප්ර॑වද॒න්තීඃ . වෛ॒ද්යුතෝ॑ යාන්ති॒ ශෛශි॑රීඃ . තා අ॒ග්නිඃ පව॑මානා॒ අන්වෛ᳚ක්ෂත . ඉ॒හ ජී॑වි॒කාම-ප॑රිපශ්යන්න් . තස්යෛ॒ෂා භව॑ති . ඉ॒හේහ වඃ॑ ස්වත॒පසඃ . මරු॑ත॒-ස්සූර්ය॑ත්වචඃ . ශර්ම॑ ස॒ප්රථා॒ ආවෘ॑ණේ .. 14 ..

(දෘශ්ය॑ත - ඉ॒වා - වෘ॑ණේ)

අනුවාකම්ජ් 5

අති॑ තා॒ම්රාණි॑ වාසා॒ග්ං॒සි . අ॒ෂ්ටිව॑ජ්රි ශ॒තඝ්නි॑ ච . විශ්වේ දේවා විප්ර॑හර॒න්ති . අ॒ග්නිජි॑හ්ව අ॒සශ්ච॑ත . නෛව දේවෝ॑ න ම॒ර්ත්යඃ . න රාජා ව॑රුණෝ॒ විභුඃ . නාග්නි-ර්නේන්ද්රෝ න ප॑වමා॒නඃ . මා॒තෘක්ක॑ච්ච න॒ විද්ය॑තේ . දි॒ව්යස්යෛකා॒ ධනු॑රාර්ත්නිඃ . පෘ॒ථි॒ව්යාමප॑රා ශ්රි॒තා .. 15 ..

තස්යේන්ද්රෝ වම්රි॑රූපේ॒ණ . ධ॒නුර්ජ්යා॑-මඡි॒නථ්ස්ව॑යම් . තදි॑න්ද්ර॒ධනු॑රිත්ය॒ජ්යම් . අ॒භ්රව॑ර්ණේෂු॒ චක්ෂ॑තේ . ඒතදේව ශං​යෝँ-ර්බාර්​හ॑ස්පත්ය॒ස්ය . ඒ॒ත-ද්රු॑ද්රස්ය॒ ධනුඃ . රු॒ද්රස්ය॑ ත්වේව॒ ධනු॑රාර්ත්නිඃ . ශිර॒ උත්පි॑පේෂ . ස ප්ර॑ව॒ර්ග්යෝ॑-(අ)භවත් . තස්මා॒-ද්ය-ස්සප්ර॑ව॒ර්ග්යේණ॑ ය॒ජ්ඤේන॒ යජ॑තේ . රු॒ද්රස්ය॒ ස ශිරඃ॒ ප්රති॑දධාති . නෛනග්ං॑ රු॒ද්ර ආරු॑කෝ භවති . ය ඒ॒වං-වේँද॑ .. 16 ..

(ශ්රි॒තා - යජ॑තේ॒ ත්රීණි॑ ච)

අනුවාකඃ 6

අ॒ත්යූ॒ර්ධ්වා॒ක්ෂෝ-(අ)ති॑රශ්චාත් . ශිශි॑රඃ ප්ර॒දෘශ්ය॑තේ . නෛව රූප-න්න॑ වාසා॒ග්ං॒සි . න චක්ෂුඃ॑ ප්රති॒දෘශ්ය॑තේ . අ॒න්යෝන්ය॒-න්තු න॑ හිග්ග්​ස්රා॒තඃ . ස॒ත ස්ත॑-ද්දේව॒ලක්ෂ॑ණම් . ලෝහිතෝ-(අ)ක්ෂ්ණි ශා॑රශී॒ර්​ෂ්ණිඃ . සූ॒ර්යස්යෝ॑දය॒න-ම්ප්ර॑ති . ත්ව-ඞ්කරෝෂි॑ න්යඤ්ජ॒ලිකාම් . ත්ව॒-ඞ්කරෝ॑ෂි නි॒ජානු॑කාම් .. 17 ..

නිජානුකාමේ᳚ න්යඤ්ජ॒ලිකා . අමී වාච-මුපාස॑තාමි॒ති . තස්මෛ සර්ව ඍතවෝ॑ නම॒න්තේ . මර්යාදා කරත්වා-ත්ප්ර॑පුරෝ॒ධාම් . බ්රාහ්මණ॑ ආප්නෝ॒ති . ය ඒ॑වං-වේँ॒ද . ස ඛලු සං​වँථ්සර ඒතෛ-ස්සේනානී॑භි-ස්ස॒හ . ඉන්ද්රාය සර්වාන්-කාමාන॑භිව॒හති . ස ද්ර॒ඵ්සඃ . තස්යෛ॒ෂා භව॑ති .. 18 ..

අව॑ ද්ර॒ඵ්සෝ අග්ං॑ශ॒මතී॑මතිෂ්ඨත් . ඉ॒යා॒නඃ කෘ॒ෂ්ණෝ ද॒ශභිඃ॑ ස॒හස්රෛඃ᳚ . ආව॒ර්ත-මින්ද්ර॒-ශ්ශච්යා॒ ධම॑න්තම් . උපස්නුහි ත-න්නෘමණා-මථ॑ද්රාමි॒ති . ඒතයෛ වේන්ද්ර-ස්සලා වෘ॑ක්යා ස॒හ . අසුරා-න්ප॑රිවෘ॒ශ්චති . පෘථි॑ව්ය॒ග්ං॒ ශුම॑තී . තාම॒න්ව-ව॑ස්ථිත-ස්සං​වँථ්ස॒රෝ දි॒වඤ්ච॑ . නෛවං-විँදුෂා-(අ)(අ)චාර්යා᳚-න්තේවා॒සිනෞ . අන්යෝන්යස්මෛ᳚ ද්රුහ්යා॒තාම් . යෝ ද්රු॒හ්යති . භ්රශ්යතේ ස්ව॑ර්ගා-ල්ලෝ॒කාත් . ඉත්යෘතු ම॑ණ්ඩලා॒නි . සූර්ය මණ්ඩලා᳚ න්යාඛ්යා॒යිකාඃ . අත ඌර්ධ්වග්ංස॑නිර්ව॒චනාඃ .. 19 ..

(නි॒ජානු॑කාං॒ - භව॑ති - ද්රුහ්යා॒තා-ම්පඤ්ච॑ ච)

අනුවාකඃ 7

ආරෝගෝ භ්රාජඃ පටරඃ॑ පත॒ඞ්ගඃ . ස්වර්ණරෝ ජ්යෝතිෂීමාන්॑. විභා॒සඃ . තේ අස්මෛ සර්වේ දිවමා॑තප॒න්ති . ඌර්ජ-න්දුහානා අනපස්ඵුර॑න්ත ඉ॒ති . කශ්ය॑පෝ-(අ)ෂ්ට॒මඃ . ස මහාමේරු-න්න॑ ජහා॒ති . තස්යෛ॒ෂා භව॑ති . යත්තේ॒ ශිල්ප॑-ඞ්කශ්යප රෝච॒නාව॑ත් . ඉ॒න්ද්රි॒යාව॑-ත්පුෂ්ක॒ල-ඤ්චි॒ත්රභා॑නු . යස්මි॒-න්ථ්සූර්යා॒ අර්පි॑තා-ස්ස॒ප්ත සා॒කම් .. 20 ..

තස්මි-න්රාජාන-මධිවිශ්රයේ॑මමි॒ති . තේ අස්මෛ සර්වේ කශ්යපා-ජ්ජ්යෝති॑-ර්ලභ॒න්තේ . තාන්​ථ්සෝමඃ කශ්යපාදධි॑ නිර්ධ॒මති . භ්රස්තා කර්ම කෘ॑දිවෛ॒වම් .. ප්රාණෝ ජීවානීන්ද්රිය॑ ජීවා॒නි . සප්ත ශීර්​ෂ॑ණ්යාඃ ප්රා॒ණාඃ . සූර්යා ඉ॑ත්යාචා॒ර්යාඃ . අපශ්යමහ මේතාන්-ථ්සප්ත සූ᳚ර්යානි॒ති . පඤ්චකර්ණෝ॑ වාථ්ස්යා॒යනඃ . සප්තකර්ණ॑ශ්ච ප්ලා॒ක්ෂිඃ .. 21 ..

ආනුශ්රවික ඒව නෞ කශ්ය॑ප ඉ॒ති . උභෞ॑ වේද॒යිතේ . න හි ශේකුමිව මහාමේ॑රු-ඞ්ග॒න්තුම් . අපශ්යමහමේත-ථ්සූර්යමණ්ඩල-ම්පරිව॑ර්තමා॒නම් . ගා॒ර්ග්යඃ ප්රා॑ණත්රා॒තඃ . ගච්ඡන්ත ම॑හාමේ॒රුම් . ඒක॑ඤ්චාජ॒හතම් . භ්රාජපටර පත॑ඞ්ගා නි॒හනේ . තිෂ්ඨන්නා॑තප॒න්ති . තස්මා॑දි॒හ තප්ත්රි॑ තපාඃ .. 22 ..

අ॒මුත්රේ॒තරේ . තස්මා॑දි॒හා තප්ත්රි॑ තපාඃ . තේෂා॑මේෂා॒ භව॑ති . ස॒ප්ත සූර්යා॒ දිව॒-මනු॒ ප්රවි॑ෂ්ටාඃ . තාන॒න්වේති॑ ප॒ථිභි॑-ර්දක්ෂි॒ණාවාන්॑ . තේ අස්මෛ සර්වේ ඝෘතමා॑තප॒න්ති . ඌර්ජ-න්දුහානා අනපස්ඵුර॑න්ත ඉ॒ති .. සප්තර්ත්විජ-ස්සූර්යා ඉ॑ත්යාචා॒ර්යාඃ . තේෂා॑මේෂා॒ භව॑ති . ස॒ප්ත දිශෝ॒ නානා॑ සූර්යාඃ .. 23 ..

ස॒ප්ත හෝතා॑ර ඍ॒ත්විජඃ॑ . දේවා ආදිත්යා॑ යේ ස॒ප්ත . තේභි-ස්සෝමාභී රක්ෂ॑ණ ඉ॒ති . තද॑ප්යාම්නා॒යඃ . දිග්භ්රාජ ඍතූ᳚න් කරෝ॒ති . ඒත॑යෛවා॒වෘතා (අ)(අ)සහස්රසූර්යතායා ඉති වෛ॑ශම්පා॒යනඃ . තස්යෛ॒ෂා භව॑ති . යද්ද්යාව॑ ඉන්ද්ර තේ ශ॒තග්ං ශ॒ත-ම්භූමීඃ᳚ . උ॒ත ස්යුඃ . න ත්වා॑ වජ්රින්​-ථ්ස॒හස්ර॒ග්ං॒ සූර්යාඃ᳚ . 24 ..

අනු න ජාතමෂ්ට රෝද॑සී ඉ॒ති . නානා ලිඞ්ගත්වා-දෘතූනා-න්නානා॑ සූර්ය॒ත්වම් .. අෂ්ටෞ තු ව්යවසි॑තා ඉ॒ති . සූර්යමණ්ඩලා-න්යෂ්ටා॑ත ඌ॒ර්ධ්වම් . තේෂා॑මේෂා॒ භව॑ති .. චි॒ත්ර-න්දේ॒වානා॒-මුද॑ගා॒දනී॑කම් . චක්ෂු॑-ර්මි॒ත්රස්ය॒ වරු॑ණස්යා॒ග්නේඃ . ආ-(අ)ප්රා॒ ද්යාවා॑ පෘථි॒වී අ॒න්තරි॑ක්ෂම් . සූර්ය ආත්මා ජගතස්තස්ථු॑ෂශ්චේ॒ති .. 25 ..

(සා॒කං - ප්ලා॒ක්ෂි - ස්තප්ත්රි॑තපා॒ - නානා॑සූර්යාඃ॒ - සූර්යා॒ - +නව॑ ච)

අනුවාකඃ 8

ක්වේදමභ්ර॑-න්නිවි॒ශතේ . ක්වායග්ං॑ සං​වँථ්ස॒රෝ මි॑ථඃ . ක්වාහඃ ක්වේය-න්දේ॑ව රා॒ත්රී . ක්ව මාසා ඍ॑තව॒-ශ්ශ්රිතාඃ .. අර්ධමාසා॑ මුහූ॒ර්තාඃ . නිමේෂාස්තු॑ටිභිඃ॒ (නිමේෂාස්ත්ර॑ටිභිඃ॒) සහ . ක්වේමා ආපෝ නි॑විශ॒න්තේ . ය॒දීතෝ॑ යාන්ති॒ සම්ප්ර॑ති .. කාලා අඵ්සු නි॑විශ॒න්තේ . ආ॒ප-ස්සූර්යේ॑ ස॒මාහි॑තාඃ . 26 .

අභ්රා᳚ණ්ය॒පඃ ප්ර॑පද්ය॒න්තේ . වි॒ද්යුථ්සූර්යේ॑ ස॒මාහි॑තා . අනවර්ණේ ඉ॑මේ භූ॒මී . ඉ॒යඤ්චා॑සෞ ච॒ රෝද॑සී . කිග්ග්​ ස්විදත්රාන්ත॑රා භූ॒තම් . යේ॒නේමේ වි॑ධෘතේ॒ උභේ . වි॒ෂ්ණුනා॑ විධෘ॑තේ භූ॒මී . ඉ॒ති ව॑ථ්සස්ය॒ වේද॑නා . ඉරා॑වතී ධේනු॒මතී॒ හි භූ॒තම් . සූ॒ය॒ව॒සිනී॒ මනු॑ෂේ දශ॒ස්යේ᳚ . 27 .

ව්ය॑ෂ්ටභ්නා॒-ද්රෝද॑සී॒ විෂ්ණ॑වේ॒තේ . දා॒ධර්ථ॑ පෘථි॒වී-ම॒භිතෝ॑ ම॒යූඛෛඃ᳚ . කින්ත-ද්විෂ්ණෝ ර්බල॑මා॒හුඃ . කා॒ දීප්තිඃ॑ කි-ම්ප॒රාය॑ණම් . ඒකෝ॑ ය॒ද්ධා-ර॑ය ද්දේ॒වඃ . රේ॒ජතී॑ රෝද॒සී උ॑භේ . වාතාද්විෂ්ණෝ-ර්බ॑ල මා॒හුඃ . අ॒ක්ෂරා᳚-ද්දීප්ති॒ රුච්ය॑තේ . ත්රි॒පදා॒ද්ධාර॑ය-ද්දේ॒වඃ . යද්විෂ්ණෝ॑රේක॒-මුත්ත॑මම් .. 28 ..

අ॒ග්නයෝ॑ වාය॑වශ්චෛ॒ව . ඒ॒තද॑ස්ය ප॒රාය॑ණම් . පෘච්ඡාමි ත්වා ප॑ර-ම්මෘ॒ත්යුම් . අ॒වම॑-ම්මද්ධ්ය॒මඤ්ච॑තුම් . ලෝ॒කඤ්ච॒ පුණ්ය॑පාපා॒නාම් . ඒ॒ත-ත්පෘ॑ච්ඡාමි॒ සම්ප්ර॑ති .. අ॒මුමා॑හුඃ ප॑ර-ම්මෘ॒ත්යුම් . ප॒වමා॑න-න්තු॒ මද්ධ්ය॑මම් . අ॒ග්නිරේ॒වාව॑මෝ මෘ॒ත්යුඃ . ච॒න්ද්රමා᳚-ශ්චතු॒රුච්ය॑තේ .. 29 ..

අ॒නා॒භෝ॒ගාඃ ප॑ර-ම්මෘ॒ත්යුම් . පා॒පා-ස්සං॑​යँන්ති॒ සර්ව॑දා . ආභෝගාස්ත්වේව॑ සං​යँ॒න්ති . ය॒ත්ර පු॑ණ්යකෘ॒තෝ ජ॑නාඃ . තතෝ॑ ම॒ද්ධ්යම॑මාය॒න්ති . ච॒තුම॑ග්නිඤ්ච॒ සම්ප්ර॑ති . පෘච්ඡාමි ත්වා॑ පාප॒කෘතඃ . ය॒ත්ර යා॑තය॒තේ ය॑මඃ . ත්වන්නස්ත--ද්බ්රහ්ම॑-න්ප්රබ්රූ॒හි . ය॒දි වේ᳚ත්ථා-(අ)ස॒තෝ ගෘ॑හාන් .. 30 ..

ක॒ශ්යපා॑ දුදි॑තා-ස්සූ॒ර්යාඃ . පා॒පාන්නි॑ර්ඝ්නන්ති॒ සර්ව॑දා . රෝදස්යෝරන්ත॑-ර්දේශේ॒ෂු . තත්ර න්යස්යන්තේ॑ වාස॒වෛඃ . තේ (අ)ශරීරාඃ ප්ර॑පද්ය॒න්තේ . ය॒ථා (අ)පු॑ණ්යස්ය॒ කර්ම॑ණඃ . අපා᳚ණ්ය॒පාද॑ කේශා॒සඃ . ත॒ත්ර තේ॑-(අ)යෝනි॒ජා ජ॑නාඃ . මෘත්වා පුනර්මෘත්යු-මා॑පද්ය॒න්තේ . අ॒ද්යමා॑නා-ස්ස්ව॒කර්ම॑භිඃ . 31 .

ආශාතිකාඃ ක්රිම॑ය ඉ॒ව . තතඃ පූයන්තේ॑ වාස॒වෛඃ . අපෛ॑ත-ම්මෘ॒ත්යු-ඤ්ජ॑යති . ය ඒ॒වං-වේँද॑ . ස ඛල්වෛවං॑-විँද්බ්රා॒හ්මණඃ . දී॒ර්ඝශ්රු॑ත්තමෝ॒ භව॑ති . කශ්ය॑ප॒ස්යාති॑ථි॒-ස්සිද්ධග॑මන॒-ස්සිද්ධාග॑මනඃ . තස්යෛ॒ෂා භව॑ති .. ආයස්මින්᳚-ථ්ස॒ප්ත වා॑ස॒වාඃ . රෝහ॑න්ති පූ॒ර්ව්යා॑ රුහඃ॑ . 32 .

ඍෂි॑ර්​හ දීර්ඝ॒ශ්රුත්ත॑මඃ . ඉන්ද්රස්ය ඝර්මෝ අති॑ථිරි॒ති . කශ්යපඃ පශ්ය॑කෝ භ॒වති . යථ්සර්ව-ම්පරිපශ්යතී॑ති සෞ॒ක්ෂ්ම්යාත් . අථාග්නේ॑රෂ්ටපු॑රුෂ॒ස්ය . තස්යෛ॒ෂා භව॑ති . අග්නේ॒ නය॑ සු॒පථා॑ රා॒යේ අ॒ස්මාන් . විශ්වා॑නි දේව ව॒යුනා॑නි වි॒ද්වාන් . යු॒යෝ॒ද්ධ්ය॑ස්ම-ජ්ජු॑හුරා॒ණමේනඃ॑ . භූයිෂ්ඨාන්තේ නම උක්තිං-විँ॑ධේමේ॒ති .. 33 ..

(ස॒මාහි॑තා - දශ॒ස්යේ॑ - උත්ත॑ම॒-මුච්ය॑තේ-ගෘහාන්-ථ්ස්ව॒කර්ම॑භිඃ-පූ॒ර්ව්යා॑ රුහ॑-ඉ॒ති)

අනුවාකඃ 9

අග්නිශ්ච ජාත॑වේදා॒ශ්ච . සහෝජා අ॑ජිරා॒ප්රභුඃ . වෛශ්වානරෝ න॑ර්යාපා॒ශ්ච . ප॒ඞ්ක්තිරා॑ධාශ්ච॒ සප්ත॑මඃ . විසර්පේවා-(අ)ෂ්ට॑මෝ-(අ)ග්නී॒නාම් . ඒතේ-(අ)ෂ්ටෞ වසවඃ, ක්ෂි॑තා ඉ॒ති . යථර්ත්වේ-වාග්නේ-රර්චිර්වර්ණ॑ විශේ॒ෂාඃ . නීලාර්චිශ්ච පීතකා᳚ර්චිශ්චේ॒ති . අථ වායෝ-රේකාදශ-පුරුෂස්යෛකාදශ॑ස්ත්රීක॒ස්ය . ප්රභ්රාජමානා ව්ය॑වදා॒තාඃ .. 34 ..

යාශ්ච වාසු॑කි වෛ॒ද්යුතාඃ . රජතාඃ පරු॑ෂා-ශ්ශ්යා॒මාඃ . කපිලා අ॑තිලෝ॒හිතාඃ . ඌර්ධ්වා අවප॑තන්තා॒ශ්ච . වෛද්යුත ඉ॑ත්යේකා॒දශ . නෛනං-වෛँද්යුතෝ॑ හින॒ස්ති . ය ඒ॑වං-වේँ॒ද . ස හෝවාච ව්යාසඃ පා॑රාශ॒ර්යඃ . විද්යුද්වධමේවාහ-ම්මෘත්යුමෛ᳚ච්ඡමි॒ති . න ත්වකා॑මග්ං හ॒න්ති .. 35 ..

ය ඒ॑වං-වේँ॒ද . අථ ග॑න්ධර්ව॒ගණාඃ . ස්වාන॒ භ්රාට් . අඞ්ඝා॑රි॒-ර්බම්භා॑රිඃ . හස්ත॒-ස්සුහ॑ස්තඃ . කෘශා॑නුර්​වි॒ශ්වාව॑සුඃ . මූර්ධන්වාන්-ථ්සූ᳚ර්යව॒ර්චාඃ . කෘතිරිත්යේකාදශ ග॑න්ධර්ව॒ගණාඃ . දේවාශ්ච ම॑හාදේ॒වාඃ . රශ්මයශ්ච දේවා॑ ගර॒ගිරඃ .. 36 ..

නෛන-ඞ්ගරෝ॑ හින॒ස්ති . ය ඒ॑වං-වේँ॒ද . ගෞ॒රී මි॑මාය සලි॒ලානි॒ තක්ෂ॑තී . ඒක॑පදී ද්වි॒පදී॒ සා චතු॑ෂ්පදී . අ॒ෂ්ටාප॑දී॒ නව॑පදී බභූ॒වුෂී᳚ . සහස්රාක්ෂරා පරමේ ව්යෝ॑මන්නි॒ති . වාචෝ॑ විශේ॒ෂණම් . අථ නිගද॑ව්යාඛ්යා॒තාඃ . තානනුක්ර॑මිෂ්යා॒මඃ . ව॒රාහවඃ॑-ස්වත॒පසඃ .. 37 ..

වි॒ද්යු-න්ම॑හසෝ॒ ධූප॑යඃ . ශ්වාපයෝ ගෘහමේධා᳚ශ්චේත්යේ॒තේ . යේ॒ චේමේ-(අ)ශි॑මිවි॒ද්විෂඃ . පර්ජන්යා-ස්සප්ත පෘථිවීමභිව॑ර්​ෂ॒න්ති . වෘෂ්ටි॑භිරි॒ති . ඒතයෛව විභක්ති වි॑පරී॒තාඃ . ස॒ප්තභි॒ර්වාතෛ॑ රුදී॒රිතාඃ . අමූං-ලෝँකා-නභිව॑ර්​ෂ॒න්ති . තේෂා॑මේෂා॒ භව॑ති . ස॒මා॒න-මේ॒තදුද॑කම් .. 38 ..

උ॒ච්චෛත්ය॑ව॒ චාහ॑භිඃ . භූමි॑-ම්ප॒ර්ජන්යා॒ ජින්ව॑න්ති . දිව-ඤ්ජින්වන්-ත්යග්න॑ය ඉ॒ති . යදක්ෂ॑ර-ම්භූ॒තකෘ॑තම් . විශ්වේ॑ දේවා උ॒පාස॑තේ . ම॒හර්​ෂි॑මස්ය ගෝ॒ප්තාර᳚ම් . ජ॒මද॑ග්නි॒-මකු॑ර්වත . ජ॒මද॑ග්නි॒-රාප්යා॑යතේ . ඡන්දෝ॑භි-ශ්චතුරුත්ත॒රෛඃ . රාජ්ඤ॒-ස්සෝම॑ස්ය තෘ॒ප්තාසඃ॑ .. 39 ..

බ්රහ්ම॑ණා වී॒ර්යා॑වතා . ශි॒වා නඃ॑ ප්ර॒දිශෝ॒ දිශඃ॑ .. තච්ඡං॒​යෝँරා වෘ॑ණීමහේ . ගා॒තුං-යँ॒ජ්ඤාය॑ . ගා॒තුං-යँ॒ජ්ඤප॑තයේ . දෛවී᳚ ස්ව॒ස්තිර॑ස්තු නඃ . ස්ව॒ස්ති-ර්මානු॑ෂේභ්යඃ . ඌ॒ර්ධ්ව-ඤ්ජි॑ගාතු භේෂ॒ජම් . ශන්නෝ॑ අස්තු ද්වි॒පදේ᳚ . ශඤ්චතු॑ෂ්පදේ . සෝමපා(3) අසෝමපා(3) ඉති නිගද॑ව්යාඛ්යා॒තාඃ .. 40 ..

(ව්ය॒ව॒දා॒තා - හ॒න්ති-ග॑ර॒ගිර - ස්ත॒පස - උද॑කං - තෘප්තාස॒ - ශ්වතු॑ෂ්පද॒ ඒක॑-ඤ්ච)

අනුවාකඃ 10

ස॒හ॒ස්ර॒වෘදි॑ය-ම්භූ॒මිඃ . ප॒රං-ව්යෝँ॑ම ස॒හස්ර॑වෘත් . අ॒ශ්විනා॑ භුජ්යූ॑ නාස॒ත්යා . වි॒ශ්වස්ය॑ ජග॒තස්ප॑තී .. ජායා භූමිඃ ප॑තිර්ව්යෝ॒ම . මි॒ථුන॑න්තා අ॒තුර්ය॑ථුඃ . පුත්රෝ බෘහස්ප॑තී රු॒ද්රඃ . ස॒රමා॑ ඉති॑ ස්ත්රීපු॒මම් .. ශු॒ක්රං-වාँ॑ම॒න්යද්ය॑ජ॒තං-වාँ॑ම॒න්යත් . විෂු॑රූපේ॒ අහ॑නී॒ ද්යෞරි॑ව ස්ථඃ .. 41 ..

විශ්වා॒ හි මා॒යා අව॑ථ-ස්ස්වධාවන්තෞ . භ॒ද්රා වා᳚-ම්පූෂණාවි॒හ රා॒තිර॑ස්තු . වාසා᳚ත්යෞ චි॒ත්රෞ ජග॑තෝ නි॒ධානෞ᳚ . ද්යාවා॑භූමී ච॒රථඃ॑ ස॒ග්ං॒ සඛා॑යෞ . තාව॒ශ්විනා॑ රා॒සභා᳚ශ්වා॒ හව॑-ම්මේ . ශු॒භ॒ස්ප॒තී॒ ආ॒ගතග්ං॑ සූ॒ර්යයා॑ ස॒හ . ත්යුග්රෝ॑ හ භු॒ජ්යු-ම॑ශ්විනෝද මේ॒ඝේ . ර॒යින්න කශ්චි॑-න්මමෘ॒වාँ(2) අවා॑හාඃ . තමූ॑හථු-ර්නෞ॒භිරා᳚ත්ම॒න්-වතී॑භිඃ . අ॒න්ත॒රි॒ක්ෂ॒ ප්රුඩ්භි॒ර-පෝ॑දකාභිඃ .. 42 ..

ති॒ස්රඃ, ක්ෂප॒ස්ත්රිරහා॑ (අ)ති॒ව්රජ॑ද්භිඃ . නාස॑ත්යා භු॒ජ්යුමූ॑හථුඃ පත॒ඞ්ගෛඃ . ස॒මු॒ද්රස්ය॒ ධන්ව॑න්නා॒ර්ද්රස්ය॑ පා॒රේ . ත්රි॒භී රථෛ᳚-ශ්ශ॒තප॑ද්භි॒-ෂ්ෂඩ॑ශ්වෛඃ . ස॒වි॒තාරං॒-විँත॑න්වන්තම් . අනු॑බද්ධ්නාති ශාම්බ॒රඃ . ආපපූර්​ෂං-බ॑රශ්චෛ॒ව . ස॒විතා॑ (අ)රේප॒සෝ॑ (අ)භවත් . ත්යග්ං සුතෘප්තං-විँ॑දිත්වෛ॒ව . බ॒හුසෝ॑ම ගි॒රං-වँ॑ශී .. 43 ..

අන්වේති තුග්රෝ ව॑ක්රියා॒න්තම් . ආයසූයාන්-ථ්සෝම॑තෘඵ්සු॒ෂු . ස සඞ්ග්රාම-ස්තමෝ᳚ද්යෝ-(අ)ත්යෝ॒තඃ . වාචෝ ගාඃ පි॑පාති॒ තත් . ස තද්ගෝභි-ස්ස්තවා᳚ (අ)ත්යේත්ය॒න්යේ . ර॒ක්ෂසා॑ (අ)නන්වි॒තාශ්ච॑ යේ . අ॒න්වේති॒ පරි॑වෘත්ත්යා॒-(අ)ස්තඃ . ඒ॒වමේ॒තෞ ස්ථෝ॑ අශ්විනා . තේ ඒ॒තේ ද්යුඃ॑ පෘථි॒ව්යෝඃ . අහ॑රහ॒-ර්ගර්භ॑න්දධාථේ .. 44 ..

තයෝ॑ රේ॒තෞ ව॒ථ්සා ව॑හෝරා॒ත්රේ . පෘ॒ථි॒ව්යා අහඃ॑ . දි॒වෝ රාත්රිඃ॑ . තා අවි॑සෘෂ්ටෞ . දම්ප॑තී ඒ॒ව භ॑වතඃ .. තයෝ॑ රේ॒තෞ ව॒ථ්සෞ . අ॒ග්නිශ්චා॑-දි॒ත්යශ්ච॑ . රා॒ත්රේර්ව॒ථ්සඃ . ශ්වේ॒ත ආ॑දි॒ත්යඃ . අහ්නෝ॒-(අ)ග්නිඃ .. 45 ..

තා॒ම්රෝ අ॑රු॒ණඃ . තා අවි॑සෘෂ්ටෞ . දම්ප॑තී ඒ॒ව භ॑වතඃ .. තයෝ॑ රේ॒තෞ ව॒ථ්සෞ . වෘ॒ත්රශ්ච॑ වෛද්යු॒තශ්ච॑ . අ॒ග්නේර්වෘ॒ත්රඃ . වෛ॒ද්යුත॑ ආදි॒ත්යස්ය॑ . තා අවි॑සෘෂ්ටෞ . දම්ප॑තී ඒ॒ව භ॑වතඃ .. තයෝ॑ රේ॒තෞ ව॒ථ්සෞ .. 46 ..

උ॒ෂ්මා ච॑ නීහා॒රශ්ච॑ . වෘ॒ත්රස්යෝ॒ෂ්මා . වෛ॒ද්යු॒තස්ය॑ නීහා॒රඃ . තෞ තාවේ॒ව ප්රති॑පද්යේතේ .. සේයග්ං රාත්රී॑ ග॒ර්භිණී॑ පු॒ත්රේණ॒ සං​වँ॑සති . තස්යා॒ වා ඒ॒තදු॒ල්බණ᳚ම් . යද්රාත්රෞ॑ ර॒ශ්මයඃ॑ . යථා॒ ගෝර්ග॒ර්භිණ්යා॑ උ॒ල්බණ᳚ම් . ඒ॒වමේ॒තස්යා॑ උ॒ල්බණ᳚ම් . ප්රජයිෂ්ණුඃ ප්රජයා ච පශුභි॑ශ්ච භ॒වති . ය ඒ॑වං-වේँ॒ද . ඒතමුද්යන්ත-මපිය॑න්තඤ්චේ॒ති . ආදිත්යඃ පුණ්ය॑ස්ය ව॒ථ්සඃ . අථ පවි॑ත්රාඞ්ගි॒රසඃ .. 47 ..

(ස්ථෝ - (අ)පෝ॑දකාභි--ර් වශී - දධාථේ - අ॒ග්නි - ස්තයෝ॑ රේ॒තෞ ව॒ථ්සෞ - භ॒වති ච॒ත්වාරි॑ ච)

අනුවාකඃ 11

ප॒විත්ර॑වන්තඃ॒ පරි॒වාජ॒මාස॑තේ . පි॒තෛෂා᳚-ම්ප්ර॒ත්නෝ අ॒භිර॑ක්ෂති ව්ර॒තම් . ම॒හස්ස॑මු॒ද්රං-වँරු॑ණ ස්ති॒රෝද॑ධේ . ධීරා॑ ඉච්ඡේකු॒ර්​ද්ධරු॑ණේෂ්වා॒රභ᳚ම් . ප॒විත්ර॑-න්තේ॒ විත॑ත॒-ම්බ්රහ්ම॑ණ॒ස්පතේ᳚ . ප්රභු॒ර්ගාත්රා॑ණි॒ පර්යේ॑ෂි වි॒ශ්වතඃ॑ . අත॑ප්තතනූ॒-ර්න තදා॒මෝ අ॑ශ්නුතේ . ශෘ॒තාස॒ ඉද්වහ॑න්-ත॒ස්ත-ථ්සමා॑ශත . බ්ර॒හ්මා දේ॒වානා᳚ම් . අස॑ත-ස්ස॒ද්යේ තත॑ක්ෂුඃ .. 48 ..

ඍෂ॑ය-ස්ස॒ප්තාත්රි॑ශ්ච॒ යත් . සර්වේ-(අ)ත්රයෝ අ॑ගස්ත්ය॒ශ්ච . නක්ෂ॑ත්රෛ॒-ශ්ශඞ්කෘ॑තෝ (අ)වසන්න් . අථ॑ සවිතු॒-ශ්ශ්යාවාශ්ව॒ස්යා (අ)වර්ති॑කාමස්ය . අ॒මී ය ඍක්ෂා॒ නිහි॑තා ස උ॒ච්චා . නක්ත॒-න්දදෘ॑ශ්රේ॒ කුහ॑චි॒ද්දිවේ॑යුඃ . අද॑බ්ධානි॒ වරු॑ණස්ය ව්ර॒තානි॑ . වි॒චා॒කශ॑-ච්ච॒න්ද්රමා॒ නක්ෂ॑ත්රමේති . ත-ථ්ස॑වි॒තු-ර්වරේ᳚ණ්යම් . භර්ගෝ॑ දේ॒වස්ය॑ ධීමහි .. 49 .

ධියෝ॒ යෝ නඃ॑ ප්රචෝ॒දයා᳚ත් .. තථ්ස॑වි॒තු-ර්වෘ॑ණීමහේ . ව॒ය-න්දේ॒වස්ය॒ භෝජ॑නම් . ශ්රේෂ්ඨග්ං॑ සර්ව॒ධාත॑මම් . තුර॒-ම්භග॑ස්ය ධීමහි . අපා॑ගූහත සවිතා॒ තෘභීන්॑ . සර්වා᳚-න්දි॒වෝ අන්ධ॑සඃ . නක්ත॑න්ත;॒තාන්ය॑භව-න්දෘ॒ශේ . අස්ථ්ය॒ස්ථ්නා සම්භ॑විෂ්යාමඃ .. නාම॒ නාමෛ॒ව නා॒ම මේ᳚ .. 50 ..

නපුග්ංස॑ක॒-ම්පුමා॒ග්॒ස්ත්ර්ය॑ස්මි . ස්ථාව॑රෝ-(අ)ස්ම්යථ॒ ජඞ්ග॑මඃ . ය॒ජේ-(අ)යක්ෂි॒ යෂ්ටා॒හේ ච॑ . මයා॑ භූ॒තාන්ය॑යක්ෂත . ප॒ශවෝ॑ මම॑ භූතා॒නි . අනූබන්ධ්යෝ (අ)ස්ම්ය॑හං-විँ॒භුඃ . ස්ත්රියඃ॑ ස॒තීඃ . තා උ॑ මේ පු॒ග්ං॒ස ආ॑හුඃ . පශ්ය॑දක්ෂ॒ණ්වාන්න-විචේ॑තද॒න්ධඃ . ක॒විර්යඃ පු॒ත්ර-ස්ස ඉ॒මා චි॑කේත .. 51 ..

යස්තා වි॑ජා॒නා-ථ්ස॑වි॒තුඃ පි॒තා-(අ)ස॑ත් . අ॒න්ධෝ මණිම॑වින්දත් . තම॑නඞ්ගුලි॒-රාව॑යත් . අ॒ග්රී॒වඃ ප්රත්ය॑මුඤ්චත් . තමජි॑හ්ව අ॒සශ්ච॑ත . ඌර්ධ්වමූල-ම॑වාක්ඡා॒ඛම් . වෘ॒ක්ෂං-යාँ॑ වේද॒ සම්ප්ර॑ති . න ස ජාතු ජනඃ॑ ශ්රද්ද॒ද්ධ්යාත් . මෘ॒ත්යුර්මා॑ මාර॒යාදි॑තිඃ . හසිතග්ං රුදි॑තඞ්ගී॒තම් .. 52 ..

වීණා॑ පණ ව॒ලාසි॑තම් . මෘ॒තඤ්ජී॒වඤ්ච॑ යත්කි॒ඤ්චිත් . අ॒ඞ්ගානි॑ ස්නේව॒ විද්ධි॑ තත් . අතෘ॑ෂ්ය॒ග්ග්॒ස්තෘෂ්ය॑ ධ්යායත් . අ॒ස්මාජ්ජා॒තා මේ॑ මිථූ॒ චරන්න්॑ . පුත්රෝ නිර්-ඍත්යා॑ වෛදේ॒හඃ . අ॒චේතා॑ යශ්ච॒ චේත॑නඃ . ස॒ ත-ම්මණිම॑වින්දත් . සෝ॑-(අ)නඞ්ගුලි॒රාව॑යත් . සෝ॒-(අ)ග්රී॒වඃ ප්රත්ය॑මුන්චත් .. 53 .

සෝ-(අ)ජි॑හ්වෝ අ॒සශ්ච॑ත . නෛතමෘෂිං-විँදිත්වා නග॑ර-ම්ප්ර॒විශේත් . ය॑දි ප්ර॒විශේත් . මි॒ථෞ චරි॑ත්වා ප්ර॒විශේත් . තථ්සම්භව॑ස්ය ව්ර॒තම් . ආ॒ තම॑ග්නේ ර॒ථන්ති॑ෂ්ඨ . ඒකා᳚ශ්වමේක॒ යෝජ॑නම් . ඒකචක්ර॑-මේක॒ධුරම් . වා॒ත ධ්රා॑ජි ග॒තිං-විँ॑භෝ . න॒ රි॒ෂ්යති॑ න ව්ය॒ථතේ .. 54 ..

නා॒ස්යාක්ෂෝ॑ යාතු॒ සජ්ජ॑ති . යච්ඡ්වේතා᳚-න්රෝහි॑තාග්​ශ්චා॒ග්නේඃ . ර॒ථේ යු॑ක්ත්වා-(අ)ධි॒තිෂ්ඨ॑ති . ඒකයා ච දශභිශ්ච॑ ස්වභූ॒තේ . ද්වාභ්යා මිෂ්ටයේ විග්ං॑ශත්යා॒ ච . තිසෘභිශ්ච වහසේ ත්රිග්ං॑ශතා॒ ච . නියුද්භි-ර්වායවිහ තා॑ විමු॒ඤ්ච .. 55 ..

(තත॑ක්ෂු--ර් ධීමහි - නා॒ම මේ॑ - චිකේත - ගී॒තං - ප්රත්ය॑මුඤ්ච-ද්- ව්ය॒ථතේ - +ස॒ප්ත ච॑)

අනුවාකඃ 12

ආත॑නුෂ්ව॒ ප්රත॑නුෂ්ව . උ॒ද්ධමාධ॑ම॒ සන්ධ॑ම . ආදිත්යේ චන්ද්ර॑වර්ණා॒නාම් . ගර්භ॒ මා ධේ॑හි॒ යඃ පුමාන්॑ . ඉ॒ත-ස්සි॒ක්තග්ං සූර්ය॑ගතම් . ච॒න්ද්රම॑සේ॒ රස॑ඞ්කෘධි . වාරාද-ඤ්ජන॑යා-ග්රේ॒-(අ)ග්නිම් . ය ඒකෝ॑ රුද්ර॒ උච්ය॑තේ . අ॒ස॒-ඞ්ඛ්යා॒තා-ස්ස॑හස්රා॒ණි . ස්ම॒ර්යතේ॑ න ච॒ දෘශ්ය॑තේ .. 56 ..

ඒ॒වමේ॒තන්නි॑බෝධත . ආ ම॒න්ද්රෛ-රි॑න්ද්ර॒ හරි॑භිඃ . යා॒ හි ම॒යූර॑-රෝමභිඃ . මාත්වා කේචින්නියේ මුරි॑න්න පා॒ශිනඃ . ද॒ධ॒න්වේව॒ තා ඉ॑හි . මා ම॒න්ද්රෛ-රි॑න්ද්ර॒ හරි॑භිඃ . යා॒මි ම॒යූර॑ රෝමභිඃ . මා මා කේචින්නියේ මුරි॑න්න පා॒ශිනඃ . නි॒ධ॒න්වේව॒ තාँ(2) ඉ॑මි . අණුභිශ්ච ම॑හද්භි॒ශ්ච .. 57 ..

නි॒ඝෘෂ්වෛ॑ රස॒මායු॑තෛඃ . කාලෛර්-හරිත්ව॑මාප॒න්නෛඃ . ඉන්ද්රායා॑හි ස॒හස්ර॑ යුක් . අ॒ග්නි-ර්වි॒භ්රාෂ්ටි॑ වසනඃ . වා॒යු-ශ්ශ්වේත॑සිකද්රු॒කඃ . සං॒​වँ॒ථ්ස॒රෝ වි॑ෂූ॒ වර්ණෛඃ᳚ . නිත්යා॒ස්තේ (අ)නුච॑රාස්ත॒ව . සුබ්රහ්මණ්යෝග්ං සුබ්රහ්මණ්යෝග්ං සු॑බ්රහ්ම॒ණ්යෝම් . ඉන්ද්රාගච්ඡ හරිව ආගච්ඡ මේ॑ධාති॒ථේඃ . මේෂ වෘෂණශ්ව॑ස්ය මේ॒නේ .. 58 ..

ගෞරාවස්කන්දින්න-හල්යා॑යෛ ජා॒ර . කෞශික-බ්රාහ්මණ ගෞතම॑බ්රුවා॒ණ . අ॒රු॒ණාශ්වා॑ ඉ॒හාග॑තාඃ . වස॑වඃ පෘථිවි॒ ක්ෂිතඃ॑ . අ॒ෂ්ටෞ දි॒ග්වාස॑සෝ॒ (අ)ග්නයඃ॑ . අග්නිශ්ච ජාතවේදා᳚ශ්චේත්යේ॒තේ . තාම්රාශ්වා᳚-ස්තාම්ර॒රථාඃ . තාම්රවර්ණා᳚ ස්තථා॒-(අ)සිතාඃ . දණ්ඩහස්තාඃ᳚ ඛාද॒ග්දතඃ . ඉතෝ රුද්රාඃ᳚ පරා॒ඞ්ගතාඃ . 59 .

උක්තග්ග්​ ස්ථාන-ම්ප්රමාණඤ්ච॑ පුර॒ ඉත . බෘහ॒ස්පති॑ශ්ච සවි॒තා ච॑ . වි॒ශ්වරූ॑පෛ-රි॒හාග॑තාම් . රථේ॑නෝදක॒වර්ත්ම॑නා . අ॒ඵ්සුෂා॑ ඉති॒ තද්ද්ව॑යෝඃ . උක්තෝ වේෂෝ॑ වාසා॒ග්ං॒සි ච . කාලාවයවානා-මිතඃ॑ ප්රතී॒ජ්යා . වාසාත්යා॑ ඉත්ය॒ශ්විනෝඃ . කෝ-(අ)න්තරික්ෂේ ශබ්දඞ්ක॑රෝතී॒ති . වාසිෂ්ඨ රෞහිණෝ මීමාග්ං॑සා-ඤ්ච॒ක්රේ . තස්යෛ॒ෂා භව॑ති .. වා॒ශ්රේව॑ වි॒ද්යුදිති॑ .. බ්රහ්ම॑ණ උ॒දර॑ණමසි . බ්රහ්ම॑ණ උදී॒රණ॑මසි .බ්රහ්ම॑ණ ආ॒ස්තර॑ණමසි . බ්රහ්ම॑ණ උප॒ස්තර॑ණමසි .. 60 ..

(දෘශ්ය॑තේ॒ - ච - මේ॒නේ - ප॑රා॒-ඞ්ගතා - ශ්ච॒ක්රේ ෂට් ච॑)

අනුවාකඃ 13 [අප॑ක්රාමත ගර්භි॒ණ්යඃ॑ ]

අ॒ෂ්ටයෝ॑නී-ම॒ෂ්ටපු॑ත්රාම් . අ॒ෂ්ටප॑ත්නී-මි॒මා-ම්මහී᳚ම් . අ॒හං-වේँද॒ න මේ॑ මෘත්යුඃ . න චාමෘ॑ත්යුර॒ඝාහ॑රත් . අ॒ෂ්ටයෝ᳚න්ය॒ෂ්ට පු॑ත්රම් . අ॒ෂ්ටප॑දි॒ද-ම॒න්තරි॑ක්ෂම් . අ॒හං-වේँද॒ න මේ॑ මෘත්යුඃ . න චාමෘ॑ත්යුර॒ඝාහ॑රත් . අ॒ෂ්ටයෝ॑නී-ම॒ෂ්ටපු॑ත්රාම් . අ॒ෂ්ටප॑ත්නී-ම॒මූන්දිව᳚ම් .. 61 ..

අ॒හං-වේँද॒ න මේ॑ මෘත්යුඃ . න චාමෘ॑ත්යුර॒ඝාහ॑රත් . සු॒ත්රාමා॑ණ-ම්ම॒හීමූ॒ෂු . අදි॑ති॒ර්ද්යෞ-රදි॑ති-ර॒න්තරි॑ක්ෂම් . අදි॑ති ර්මා॒තා ස පි॒තා ස පු॒ත්රඃ . විශ්වේ॑ දේ॒වා අදි॑තිඃ॒ පඤ්ච॒ ජනාඃ᳚ . අදි॑ති-ර්ජා॒ත-මදි॑ති॒-ර්ජනි॑ත්වම් . අ॒ෂ්ටෞ පු॒ත්රාසෝ॒ අදි॑තේඃ . යේ ජා॒තා ස්ත॒න්වඃ॑ පරි॑ . දේ॒වාँ (2) උප॑ප්රෛ-ථ්ස॒ප්තභිඃ॑ .. 62 ..

ප॒රා॒ මා॒ර්තා॒ණ්ඩමාස්ය॑ත් . ස॒ප්තභිඃ॑ පු॒ත්රෛ-රදි॑තිඃ . උප॒ ප්රෛ-ත්පූ॒ර්ව්යං॑-යුँග᳚ම් . ප්ර॒ජායෛ॑ මෘ॒ත්යවේ ත॑ත් . ප॒රා॒ මා॒ර්තා॒ණ්ඩ-මාභ॑ර॒දිති॑ . තානනුක්ර॑මිෂ්යා॒මඃ . මි॒ත්රශ්ච॒ වරු॑ණශ්ච . ධා॒තා චා᳚ර්ය॒මා ච॑ . අග්ංශ॑ශ්ච॒ භග॑ශ්ච . ඉන්ද්රශ්ච විවස්වාග්॑ශ්චේත්යේ॒තේ . හි॒ර॒ණ්ය॒ග॒ර්භෝ හ॒ග්ං॒සස්ශු॑චි॒ෂත් . බ්රහ්ම॑ ජජ්ඤා॒න-න්තදි-ත්ප॒දමිති॑ . ග॒ර්භඃ ප්රා॑ජාප॒ත්යඃ . අථ॒ පුරු॑ෂ-ස්ස॒ප්තපුරු॑ෂඃ .. 63 ..

(අ॒මූ-න්දිවග්ං॑ - ස॒ප්තභි॑ - රේ॒තේ ච॒ත්වාරි॑ ච)

අනුවාකඃ 14

යෝ-(අ)සෞ॑ ත॒පන්නු॒දේති॑ . ස සර්වේ॑ෂා-ම්භූ॒තානා᳚-ම්ප්රා॒ණානා॒දායෝ॒දේති॑ . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණානා॒දායෝද॑ගාඃ . අ॒සෞ යෝ᳚ (අ)ස්ත॒මේති॑ . ස සර්වේ॑ෂා-ම්භූ॒තානා᳚-ම්ප්රා॒ණානා॒දායා॒ස්තමේති॑ . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණානා॒දායා ස්ත॑ඞ්ගාඃ . අ॒සෞ ය ආ॒පූර්ය॑ති . ස සර්වේ॑ෂා-ම්භූ॒තානා᳚-ම්ප්රා॒ණෛ රා॒පූර්ය॑ති . 64 .

මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛ-රා॒පූරි॑ෂ්ඨාඃ . අ॒සෞ යෝ॑-(අ)ප॒ක්ෂීය॑ති . ස සර්වේ॑ෂා-ම්භූ॒තානා᳚-ම්ප්රා॒ණෛ-රප॑ක්ෂීයති . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛ-රප॑ක්ෂේෂ්ඨාඃ . අ॒මූනි॒ නක්ෂ॑ත්රාණි . සර්වේ॑ෂා-ම්භූ॒තානා᳚-ම්ප්රා॒ණෛරප॑ ප්රසර්පන්ති॒ චෝථ්ස॑ර්පන්ති ච . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛරප॑ ප්රසෘපත॒ මෝථ්සෘ॑පත .. 65 ..

ඉ॒මේ මාසා᳚-ශ්චාර්ධමා॒සාශ්ච॑ . සර්වේ॑ෂා-ම්භූ॒තානා᳚-ම්ප්රා॒ණෛරප॑ ප්රසර්පන්ති॒ චෝථ්ස॑ර්පන්ති ච . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛරප॑ ප්රසෘපත॒ මෝථ්සෘ॑පත . ඉ॒ම ඍ॒තවඃ॑ . සර්වේ॑ෂා-ම්භූ॒තානා᳚-ම්ප්රා॒ණෛරප॑ ප්රසර්පන්ති॒ චෝථ්ස॑ර්පන්ති ච . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛරප॑ ප්රසෘපත॒ මෝථ්සෘ॑පත . අ॒යග්ං සං॑​වँථ්ස॒රඃ . සර්වේ॑ෂා-ම්භූ॒තානා᳚-ම්ප්රා॒ණෛරප॑ ප්රසර්පති॒ චෝථ්ස॑ර්පති ච .. 66 ..

මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛරප॑ ප්රසෘප॒ මෝථ්සෘ॑ප . ඉ॒දමහඃ॑ . සර්වේ॑ෂා-ම්භූ॒තානා᳚-ම්ප්රා॒ණෛ-රප॑ ප්රසර්පති॒ චෝථ්ස॑ර්පති ච . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛරප॑ ප්රසෘප॒ මෝථ්සෘ॑ප . ඉ॒යග්ං රාත්රිඃ॑ . සර්වේ॑ෂා-ම්භූ॒තානා᳚-ම්ප්රා॒ණෛ-රප॑ ප්රසර්පති॒ චෝථ්ස॑ර්පති ච . මා මේ᳚ ප්ර॒ජායා॒ මා ප॑ශූ॒නාම් . මා මම॑ ප්රා॒ණෛරප॑ ප්රසෘප॒ මෝථ්සෘ॑ප . ඖ-ම්භූර්භුව॒ස්ස්වඃ॑ . ඒතද්වෝ මිථුන-ම්මා නෝ මිථු॑නග්ං රී॒ඪ්වම් .. 67 ..

(ප්රා॒ණෛරා॒පූර්ය॑ති॒-මෝථ්සෘ॑පත॒-චෝථ්ස॑ර්පති ච॒ - මෝථ්සෘ॑ප॒ ද්වේ ච॑)

අනුවාකඃ 15

අථාදිත්යස්යාෂ්ට පු॑රුෂ॒ස්ය . වසූනා මාදිත්යානාග්​ ස්ථානේ ස්වතේජ॑සා භා॒නි . රුද්රාණා-මාදිත්යානාග්​ ස්ථානේ ස්වතේජ॑සා භා॒නි . ආදිත්යානා-මාදිත්යානාග්​ ස්ථානේ ස්වතේජ॑සා භා॒නි . සතාග්ං॑සත්යා॒නාම් . ආදිත්යානාග්​ ස්ථානේ ස්වතේජ॑සා භා॒නි . අභිධූන්වතා॑-මභි॒ඝ්නතාම් . වාතව॑තා-ම්ම॒රුතාම් . ආදිත්යානාග්​ ස්ථානේ ස්වතේජ॑සා භා॒නි . ඍභූණා-මාදිත්යානාග්​ ස්ථානේ ස්වතේජ॑සා භා॒නි . විශ්වේෂා᳚-න්දේවා॒නාම් . ආදිත්යානාග්​ ස්ථානේ ස්වතේජ॑සා භා॒නි . සං​වँථ්සර॑ස්ය ස॒විතුඃ . ආදිත්යස්ය ස්ථානේ ස්වතේජ॑සා භා॒නි . ඖ-ම්භූර්භුව॒ස්ස්වඃ॑ . රශ්මයෝ වෝ මිථුන-ම්මා නෝ මිථු॑නග්ං රී॒ඪ්වම් .. 68 ..

(ඍභූණාමාදිත්යානාග්​ ස්ථානේ ස්වතේජ॑සා භා॒නි ෂට්ච॑)

අනුවාකඃ 16

ආරෝගස්ය ස්ථානේ ස්වතේජ॑සා භා॒නි . භ්රාජස්ය ස්ථානේ ස්වතේජ॑සා භා॒නි . පටරස්ය ස්ථානේ ස්වතේජ॑සා භා॒නි . පතඞ්ගස්ය ස්ථානේ ස්වතේජ॑සා භා॒නි . ස්වර්ණරස්ය ස්ථානේ ස්වතේජ॑සා භා॒නි . ජ්යෝතිෂීමතස්ය ස්ථානේ ස්වතේජ॑සා භා॒නි . විභාසස්ය ස්ථානේ ස්වතේජ॑සා භා॒නි . කශ්යපස්ය ස්ථානේ ස්වතේජ॑සා භා॒නි . ඖ-ම්භූර්භුව॒ස්ස්වඃ॑ . ආපෝ වෝ මිථුන-ම්මා නෝ මිථු॑නග්ං රී॒ඪ්වම් .. 69 ..

(ආරෝගස්ය දශ॑)

අනුවාකඃ 17

අථ වායෝ-රේකාදශ-පුරුෂස්යෛකාදශ॑-ස්ත්රීක॒ස්ය .

ප්රභ්රාජමානානාග්ං රුද්රාණාග්​ ස්ථානේ ස්වතේජ॑සා භා॒නි .

ව්යවදාතානාග්ං රුද්රාණාග්​ ස්ථානේ ස්වතේජ॑සා භා॒නි .

වාසුකිවෛද්යුතානාග්ං රුද්රාණාග්​ ස්ථානේ ස්වතේජ॑සා භා॒නි .

රජතානාග්ං රුද්රාණාග්​ ස්ථානේ ස්වතේජ॑සා භා॒නි .

පරුෂාණාග්ං රුද්රාණාග්​ ස්ථානේ ස්වතේජ॑සා භා॒නි .

ශ්යාමානාග්ං රුද්රාණාග්​ ස්ථානේ ස්වතේජ॑සා භා॒නි .

කපිලානාග්ං රුද්රාණාග්​ ස්ථානේ ස්වතේජ॑සා භා॒නි .

අතිලෝහිතානාග්ං රුද්රාණාග්​ ස්ථානේ ස්වතේජ॑සා භා॒නි .

ඌර්ධ්වානාග්ං රුද්රාණාග්​ ස්ථානේ ස්වතේජ॑සා භා॒නි .. 70 ..

අවපතන්තානාග්ං රුද්රාණාග්​ ස්ථානේ ස්වතේජ॑සා භා॒නි .

වෛද්යුතානාග්ං රුද්රාණාග්​ ස්ථානේ ස්වතේජ॑සා භා॒නි .

ප්රභ්රාජමානීනාග්ං රුද්රාණීනාග්​ ස්ථානේ ස්වතේජ॑සා භා॒නි .

ව්යවදාතීනාග්ං රුද්රාණීනාග්​ ස්ථානේ ස්වතේජ॑සා භා॒නි .

වාසුකිවෛද්යුතීනාග්ං රුද්රාණීනාග්​ ස්ථානේ ස්වතේජ॑සා භා॒නි .

රජතානාග්ං රුද්රාණීනාග්​ ස්ථානේ ස්වතේජ॑සා භා॒නි .

පරුෂාණාග්ං රුද්රාණීනාග්​ ස්ථානේ ස්වතේජ॑සා භා॒නි .

ශ්යාමානාග්ං රුද්රාණීනාග්​ ස්ථානේ ස්වතේජ॑සා භා॒නි .

කපිලානාග්ං රුද්රාණීනාග්​ ස්ථානේ ස්වතේජ॑සා භා॒නි .

අතිලෝහිතීනාග්ං රුද්රාණීනාග්​ ස්ථානේ ස්වතේජ॑සා භා॒නි .

ඌර්ධ්වානාග්ං රුද්රාණීනාග්​ ස්ථානේ ස්වතේජ॑සා භා॒නි .

අවපතන්තීනාග්ං රුද්රාණීනාග්​ ස්ථානේ ස්වතේජ॑සා භා॒නි .

වෛද්යුතීනාග්ං රුද්රාණීනාග්​ ස්ථානේ ස්වතේජ॑සා භා॒නි .

ඖ-ම්භූර්භුව॒ස්ස්වඃ॑ .

රූපාණි වෝ මිථුන-ම්මා නෝ මිථු॑නග්ං රී॒ඪ්වම් .. 71 ..

(ඌර්ධ්වානාග්ං රුද්රාණාග්​ ස්ථානේ ස්වතේජ॑සා භා॒ - න්යතිලෝහිතීනාග්ං රුද්රාණීනාග්​ ස්ථානේ ස්වතේජ॑සා භා॒නි පඤ්ච॑ ච)

අනුවාකඃ 18

අථාග්නේ॑රෂ්ට පු॑රුෂ॒ස්ය .. අග්නේඃ පූර්ව-දිශ්යස්ය ස්ථානේ ස්වතේජ॑සා භා॒නි .

ජාතවේදස උපදිශ්යස්ය ස්ථානේ ස්වතේජ॑සා භා॒නි .

සහෝජසෝ දක්ෂිණ-දිශ්යස්ය ස්ථානේ ස්වතේජ॑සා භා॒නි .

අජිරාප්රභව උපදිශ්යස්ය ස්ථානේ ස්වතේජ॑සා භා॒නි .

වෛශ්වානරස්යාපරදිශ්යස්ය ස්ථානේ ස්වතේජ॑සා භා॒නි .

නර්යාපස උපදිශ්යස්ය ස්ථානේ ස්වතේජ॑සා භා॒නි .

පඞ්ක්තිරාධස උදග්​දිශ්යස්ය ස්ථානේ ස්වතේජ॑සා භා॒නි .

විසර්පිණ උපදිශ්යස්ය ස්ථානේ ස්වතේජ॑සා භා॒නි .

ඖ-ම්භූර්භුව॒ස්ස්වඃ॑ .

දිශෝ වෝ මිථුන-ම්මා නෝ මිථු॑නග්ං රී॒ඪ්වම් .. 72 ..

(ස්ව॑රේක॑-ඤ්ච)

අනුවාකඃ 19

දක්ෂිණපූර්ව-ස්යාන්දිශි විස॑ර්පී න॒රකඃ . තස්මාන්නඃ ප॑රිපා॒හි . දක්ෂිණා-පරස්යා-න්දිශ්ය විස॑ර්පී න॒රකඃ . තස්මාන්නඃ ප॑රිපා॒හි . උත්තර-පූර්වස්යා-න්දිශි විෂා॑දී න॒රකඃ . තස්මාන්නඃ ප॑රිපා॒හි . උත්තරා-පරස්යා-න්දිශ්ය විෂා॑දී න॒රකඃ . තස්මාන්නඃ ප॑රිපා॒හි . ආ යස්මින්ථ්​සප්ත වාසවා ඉන්ද්රියාණි ශතක්රත॑ විත්යේ॒තේ .. 73 ..

(දක්ෂිණපූර්වස්යා-න්නව॑)

අනුවාකඃ 20

ඉ॒න්ද්ර॒ ඝෝ॒ෂා වෝ॒ වසු॑භිඃ පු॒රස්තා॒-දුප॑දධතාම් .

මනෝ॑ජවසෝ වඃ පි॒තෘභි॑-ර්දක්ෂිණ॒ත උප॑දධතාම් .

ප්රචේ॑තා වෝ රු॒ද්රෛඃ ප॒ශ්චා-දුප॑දධතාම් .

වි॒ශ්වක॑ර්මා ව ආදි॒ත්යෛ-රු॑ත්තර॒ත උප॑දධතාම් .

ත්වෂ්ටා॑ වෝ රූ॒පෛ-රු॒පරි॑ෂ්ටා॒-දුප॑දධතාම් . ස්

අඤ්ජ්ඤානං-වඃ ँප॑ශ්චාදි॒ති . ආ॒දි॒ත්ය-ස්සර්වෝ॒-(අ)ග්නිඃ පෘ॑ථි॒ව්යාම් . වා॒යුර॒න්තරි॑ක්ෂේ . සූර්යෝ॑ දි॒වි . ච॒න්ද්රමා॑ දි॒ක්ෂු . නක්ෂ॑ත්රාණි॒ ස්වලෝ॒කේ . ඒ॒වා හ්යේ॑ව . ඒ॒වා හ්ය॑ග්නේ . ඒ॒වා හි වා॑යෝ . ඒ॒වා හී᳚න්ද්ර . ඒ॒වා හි පූ॑ෂන්න් . ඒ॒වා හි දේ॑වාඃ .. 74 ..

(දි॒ක්ෂු ස॒ප්ත ච॑)

අනුවාකඃ 21

ආප॑මාපාම॒ප-ස්සර්වාඃ᳚ . අ॒ස්මා-ද॒ස්මාදි॒තෝ-(අ)මුතඃ॑ . අ॒ග්නිර්වා॒යුශ්ච॒ සූර්ය॑ශ්ච . ස॒හ ස॑ඤ්චස්ක॒රර්ධි॑යා . වා॒ය්වශ්වා॑ රශ්මි॒ පත॑යඃ . මරී᳚ච්යාත්මානෝ॒ අද්රු॑හඃ . දේ॒වී ර්භු॑වන॒ සූව॑රීඃ . පු॒ත්ර॒ව॒වාය॑ මේ සුත . මහානාම්නී-ර්ම॑හාමා॒නාඃ . ම॒හ॒සෝ ම॑හස॒ස්ස්වඃ॑ .. 75 ..

දේ॒වීඃ ප॑ර්ජන්ය॒ සූව॑රීඃ . පු॒ත්ර॒ව॒වාය॑ මේ සුත . අ॒පාශ්න්යු॑ෂ්ණි-ම॒පා රක්ෂඃ॑ . අ॒පාශ්න්යු॑ෂ්ණි-ම॒පා රඝ᳚ම් . අපා᳚ඝ්රා॒මප॑ චා॒වර්ති᳚ම් . අප॑ දේ॒වීරි॒තෝ හි॑ත . වජ්ර॑-න්දේ॒වීරජී॑තාග්​ශ්ච . භුව॑න-න්දේව॒ සූව॑රීඃ . ආ॒දි॒ත්යානදි॑ති-න්දේ॒වීම් . යෝනි॑නෝර්ධ්ව-මු॒දීෂ॑ත .. 76 ..

භ॒ද්ර-ඞ්කර්ණේ॑භි-ශ්ශෘණු॒යාම॑ දේවාඃ . භ॒ද්ර-ම්ප॑ශ්යේමා॒ක්ෂභි॒-ර්යජ॑ත්රාඃ . ස්ථි॒රෛරඞ්ගෛ᳚ ස්තුෂ්ටු॒වාග්ං ස॑ස්ත॒නූභිඃ॑ . ව්යශේ॑ම දේ॒වහි॑තං॒-යँදායුඃ॑ . ස්ව॒ස්ති න॒ ඉන්ද්රෝ॑ වෘ॒ද්ධශ්ර॑වාඃ . ස්ව॒ස්ති නඃ॑ පූ॒ෂා වි॒ශ්වවේ॑දාඃ . ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ . ස්ව॒ස්ති නෝ॒ බෘහ॒ස්පති॑-ර්දධාතු . කේ॒තවෝ॒ අරු॑ණාසශ්ච . ඍ॒ෂ॒යෝ වාත॑රශ॒නාඃ. ප්ර॒ති॒ෂ්ඨාග්ං ශ॒තධා॑ හි . ස॒මාහි॑තාසෝ සහස්ර॒ධාය॑සම් .. ශි॒වා න॒-ශ්ශන්ත॑මා භවන්තු . දි॒ව්යා ආප॒ ඕෂ॑ධයඃ .. සු॒මෘ॒ඩී॒කා සර॑ස්වති . මාතේ॒ ව්යෝ॑ම ස॒න්දෘශි॑ .. 77 ..

(ස්ව॑ - රු॒දීෂ॑ත॒ - වාත॑රශ॒නා-ෂ්ෂට්ච॑)

අනුවාකඃ 22

යෝ॑-(අ)පා-ම්පුෂ්පං॒-වේँද॑ . පුෂ්ප॑වා-න්ප්ර॒ජාවා᳚-න්පශු॒මා-න්භ॑වති . ච॒න්ද්රමා॒ වා අ॒පා-ම්පුෂ්ප᳚ම් . පුෂ්ප॑වා-න්ප්ර॒ජාවා᳚-න්පශු॒මා-න්භ॑වති . ය ඒ॒වං-වේँද॑ .. යෝ॑-(අ)පාමා॒යත॑නං॒-වේँද॑ . ආ॒යත॑නවා-න්භවති . අ॒ග්නිර්වා අ॒පාමා॒යත॑නම් . ආ॒යත॑නවා-න්භවති . යෝ᳚-(අ)ග්නේරා॒යත॑නං॒-වේँද॑ .. 78 ..

ආ॒යත॑නවා-න්භවති . ආපෝ॒ වා අ॒ග්නේරා॒යත॑නම් . ආ॒යත॑නවා-න්භවති . ය ඒ॒වං-වේँද॑ . යෝ॑-(අ)පාමා॒යත॑නං॒-වේँද॑ . ආ॒යත॑නවා-න්භවති . වා॒යුර්වා අ॒පාමා॒යත॑නම් . ආ॒යත॑නවා-න්භවති . යෝ වා॒යෝරා॒යත॑නං॒-වේँද॑ . ආ॒යත॑නවා-න්භවති .. 79 ..

ආපෝ॒ වෛ වා॒යෝරා॒යත॑නම් . ආ॒යත॑නවා-න්භවති . ය ඒ॒වං-වේँද॑ .. යෝ॑-(අ)පාමා॒යත॑නං॒-වේँද॑ . ආ॒යත॑නවා-න්භවති . අ॒සෞ වෛ තප॑න්න॒පා-මා॒යත॑නම් . ආ॒යත॑නවා-න්භවති . යෝ॑-(අ)මුෂ්ය॒-තප॑ත ආ॒යත॑නං॒-වේँද॑ . ආ॒යත॑නවා-න්භවති . ආපෝ॒වා අ॒මුෂ්ය॒-තප॑ත ආ॒යත॑නම් .. 80 ..

ආ॒යත॑නවා-න්භවති . ය ඒ॒වං-වේँද॑ . යෝ॑-(අ)පාමා॒යත॑නං॒-වේँද॑ . ආ॒යත॑නවා-න්භවති . ච॒න්ද්රමා॒ වා අ॒පාමා॒යත॑නම් . ආ॒යත॑නවා-න්භවති . යශ්ච॒න්ද්රම॑ස ආ॒යත॑නං॒-වේँද॑ . ආ॒යත॑නවා-න්භවති . ආපෝ॒ වෛ ච॒න්ද්රම॑ස ආ॒යත॑නම් . ආ॒යත॑නවා-න්භවති .. 81 ..

ය ඒ॒වං-වේँද॑ .. යෝ॑-(අ)පාමා॒යත॑නං॒-වේँද॑ . ආ॒යත॑නවා-න්භවති . නක්ෂ॑ත්රාණි॒ වා අ॒පාමා॒යත॑නම් . ආ॒යත॑නවා-න්භවති . යෝ නක්ෂ॑ත්රාණා-මා॒යත॑නං॒-වේँද॑ . ආ॒යත॑නවා-න්භවති . ආපෝ॒ වෛ නක්ෂ॑ත්රාණා-මා॒යත॑නම් . ආ॒යත॑නවා-න්භවති . ය ඒ॒වං-වේँද॑ .. 82 ..

යෝ॑-(අ)පාමා॒යත॑නං॒-වේँද॑ . ආ॒යත॑නවා-න්භවති . ප॒ර්ජන්යෝ॒ වා අ॒පාමා॒යත॑නම් . ආ॒යත॑නවා-න්භවති . යඃ ප॒ර්ජන්ය॑-ස්යා॒යත॑නං॒-වේँද॑ . ආ॒යත॑නවා-න්භවති . ආපෝ॒ වෛ ප॒ර්ජන්ය॑-ස්යා॒යත॑නම් . ආ॒යත॑නවා-න්භවති . ය ඒ॒වං-වේँද॑ . යෝ॑-(අ)පාමා॒යත॑නං॒-වේँද॑ .. 83 ..

ආ॒යත॑නවා-න්භවති . සං॒​වँ॒ථ්ස॒රෝ වා අ॒පාමා॒යත॑නම් . ආ॒යත॑නවා-න්භවති . ය-ස්සං॑​වँථ්ස॒ර-ස්යා॒යත॑නං॒-වේँද॑ . ආ॒යත॑නවා-න්භවති . ආපෝ॒ වෛ සං॑​වँථ්ස॒ර-ස්යා॒යත॑නම් . ආ॒යත॑නවා-න්භවති . ය ඒ॒වං-වේँද॑ . යෝ᳚-(අ)ඵ්සු නාව॒-ම්ප්රති॑ෂ්ඨිතාං॒-වේँද॑ . ප්රත්යේ॒ව ති॑ෂ්ඨති . 84 .

ඉ॒මේ වෛ ලෝ॒කා අ॒ඵ්සු ප්රති॑ෂ්ඨිතාඃ . තදේ॒ෂා-(අ)භ්යනූ᳚ක්තා .

අ॒පාග්ං රස॒මුද॑යග්ංසන්න් . සූර්යේ॑ ශු॒ක්රග්ං ස॒මාභෘ॑තම් . අ॒පාග්ං රස॑ස්ය॒ යෝ රසඃ॑ . තං-වෝँ॑ ගෘහ්ණා-ම්යුත්ත॒මමිති॑ . ඉ॒මේ වෛ ලෝ॒කා අ॒පාග්ං රසඃ॑ . තේ॑-(අ)මුෂ්මි॑-න්නාදි॒ත්යේ ස॒මාභ॑තාඃ . ජා॒නු॒ද॒ඝ්නී-මු॑ත්තර-වේ॒දීඞ්ඛා॒ත්වා . අ॒පා-ම්පූ॑රයි॒ත්වා ගු॑ල්ඵද॒ඝ්නම් .. 85 .

පුෂ්කරපර්ණෛඃ පුෂ්කරදණ්ඩෛඃ පුෂ්කරෛශ්ච॑ සග්ග්​ස්තී॒ර්ය . තස්මි॑න්. විහා॒යසේ . අ॒ග්නි-ම්ප්ර॒ණීයෝ॑ප-සමා॒ධාය॑ . බ්ර॒හ්ම॒වා॒දිනෝ॑ වදන්ති . කස්මා᳚-ත්ප්රණී॒තේ-(අ)ය-ම॒ග්නිශ්චී॒යතේ᳚ . සාප්ප්ර॑ණී॒තේ-(අ)යම॒ඵ්සු හ්යය॑ඤ්චී॒යතේ᳚ . අ॒සෞ භුව॑නේ॒-(අ)ප්ය-නා॑හිතාග්නි-රේ॒තාඃ . තම॒භිත॑ ඒ॒තා අ॒භීෂ්ට॑කා॒ උප॑දධාති . අ॒ග්නි॒හෝ॒ත්රේ ද॑ර්​ශපූර්ණ-මා॒සයෝඃ᳚ . ප॒ශු॒බ॒න්ධේ චා॑තුර්මා॒ස්යේෂු॑ .. 86 ..

අථෝ॑ ආහුඃ . සර්වේ॑ෂු යජ්ඤක්ර॒තුෂ්විති॑ . ඒ॒තද්ධ॑ ස්ම॒ වා ආ॑හු-ශ්ශණ්ඩි॒ලාඃ . කම॒ග්නිඤ්චි॑නුතේ . ස॒ත්රි॒ය-ම॒ග්නිඤ්චි॑න්වා॒නඃ . සං॒​වँ॒ථ්ස॒ර-ම්ප්ර॒ත්යක්ෂේ॑ණ . කම॒ග්නිඤ්චි॑නුතේ . සා॒වි॒ත්ර-ම॒ග්නිඤ්චි॑න්වා॒නඃ . අ॒මුමා॑දි॒ත්ය-ම්ප්ර॒ත්යක්ෂේ॑ණ .. කම॒ග්නිඤ්චි॑නුතේ .. 87 .

නා॒චි॒කේ॒ත-ම॒ග්නිඤ්චි॑න්වා॒නඃ . ප්රා॒ණා-න්ප්ර॒ත්යක්ෂේ॑ණ . කම॒ග්නිඤ්චි॑නුතේ . චා॒තු॒ර්॒හෝ॒ත්රි॒ය-ම॒ග්නිඤ්චි॑න්වා॒නඃ . බ්රහ්ම॑ ප්ර॒ත්යක්ෂේ॑ණ .. කම॒ග්නිඤ්චි॑නුතේ . වෛ॒ශ්ව॒සෘ॒ජ-ම॒ග්නිඤ්චි॑න්වා॒නඃ . ශරී॑ර-ම්ප්ර॒ත්යක්ෂේ॑ණ . කම॒ග්නිඤ්චි॑නුතේ . උ॒පා॒නු॒වා॒ක්ය॑මා॒ශු-ම॒ග්නිඤ්චි॑න්වා॒නඃ .. 88 ..

ඉ॒මාන් ँලෝ॒කා-න්ප්ර॒ත්යක්ෂේ॑ණ .. කම॒ග්නිඤ්චි॑නුතේ . ඉ॒මමා॑රුණ-කේතුක-ම॒ග්නිඤ්චි॑න්වා॒න ඉති॑ . ය ඒ॒වාසෞ . ඉ॒තශ්චා॒-මුත॑ශ්චා-ව්යතීපා॒තී . තමිති॑ .. යෝ᳚-(අ)ග්නේර්මි॑ථූ॒යා වේද॑ . මි॒ථු॒න॒වා-න්භ॑වති . ආපෝ॒ වා අ॒ග්නේර්මි॑ථූ॒යාඃ . මි॒ථු॒න॒වා-න්භ॑වති . ය ඒ॒වං-වේँද॑ .. 89 ..

(වේද॑ - භව - ත්යා॒යත॑නං - භවති॒ - වේද॒ - වේද॑ - තිෂ්ඨති - ගුල්ඵද॒ඝ්නං - චා॑තුර්මා॒ස්යේ - ෂ්ව॒මුමා॑දි॒ත්ය-ම්ප්ර॒ත්යක්ෂේ॑ණ॒ කම॒ග්නි-ඤ්චි॑නුත - උපානුවා॒ක්ය॑මා॒ශුම॒ග්නි-ඤ්චි॑න්වා॒නෝ - මි॑ථූ॒යා මි॑ථුන॒වා-න්භ॑ව॒ත්යේක॑-ඤ්ච)

අනුවාකඃ 23

ආපෝ॒ වා ඉ॒දමා॑සන්-ථ්සලි॒ලමේ॒ව . ස ප්ර॒ජාප॑ති॒රේකඃ॑ පුෂ්කරප॒ර්ණේ සම॑භවත් . තස්යාන්ත॒-ර්මන॑සි කාම॒-ස්සම॑වර්තත . ඉ॒දග්ං සෘ॑ජේය॒මිති॑ . තස්මා॒ද්ය-ත්පුරු॑ෂෝ॒ මන॑සා-(අ)භි॒ගච්ඡ॑ති . තද්වා॒චා ව॑දති . තත්කර්ම॑ණා කරෝති . තදේ॒ෂා (අ)භ්යනූ᳚ක්තා . කාම॒ස්තදග්රේ॒ සම॑වර්ත॒තාධි॑ . මන॑සෝ॒ රේතඃ॑ ප්රථ॒මං-යँදාසී᳚ත් .. 90 ..

ස॒තෝ බන්ධු॒මස॑ති॒ නිර॑වින්දන්න් . හෘ॒දි ප්ර॒තීෂ්යා॑ ක॒වයෝ॑ මනී॒ෂේති॑ . උපෛ॑න॒න්තදුප॑නමති . ය-ත්කා॑මෝ॒ භව॑ති . ය ඒ॒වං-වේँද॑ . ස තපෝ॑-(අ)තප්යත . ස තප॑ස්ත॒ප්ත්වා . ශරී॑රමධූනුත . තස්ය॒ ය-න්මා॒ග්ං॒සමාසී᳚ත් . තතෝ॑-(අ)රු॒ණාඃ කේ॒තවෝ॒ වාත॑රශ॒නා ඍෂ॑ය॒ උද॑තිෂ්ඨන්න් .. 91 ..

යේ නඛාඃ᳚ . තේ වෛ॑ඛාන॒සාඃ . යේ වාලාඃ᳚ . තේ වා॑ලඛි॒ල්යාඃ . යෝ රසඃ॑ . සෝ॑-(අ)පාම් . අ॒න්ත॒ර॒තඃ කූ॒ර්ම-ම්භූ॒තග්ං සර්ප॑න්තම් . තම॑බ්රවීත් . මම॒ වෛ ත්වං-මා॒ග්ං॒සා . සම॑භූත් .. 92 ..

නේත්ය॑බ්රවීත් . පූර්ව॑මේ॒වාහ-මි॒හාස॒මිති॑ . තත්පුරු॑ෂස්ය පුරුෂ॒ත්වම් . ස ස॒හස්ර॑ශීර්​ෂා॒ පුරු॑ෂඃ . ස॒හ॒ස්රා॒ක්ෂ-ස්ස॒හස්ර॑පාත් . භූ॒ත්වෝද॑තිෂ්ඨත් . තම॑බ්රවීත් . ත්වං-වෛँ පූර්වග්ං॑ සම॑භූඃ . ත්වමි॒ද-ම්පූර්වඃ॑ කුරු॒ෂ්වේති॑ . ස ඉ॒ත ආ॒දායාපඃ॑ .. 93 ..

අ॒ඤ්ජ॒ලිනා॑ පු॒රස්තා॑-දු॒පාද॑ධාත් . ඒ॒වා හ්යේ॒වේති॑ . තත॑ ආදි॒ත්ය උද॑තිෂ්ඨත් . සා ප්රාචී॒ දික් . අථා॑රු॒ණඃ කේ॒තු-ර්ද॑ක්ෂිණ॒ත උ॒පාද॑ධාත් . ඒ॒වා හ්යග්න॒ ඉති॑ . තතෝ॒ වා අ॒ග්නිරුද॑තිෂ්ඨත් . සා ද॑ක්ෂි॒ණා දික් . අථා॑රු॒ණඃ කේ॒තුඃ ප॒ශ්චාදු॒පාද॑ධාත් . ඒ॒වා හි වායෝ॒ ඉති॑ .. 94 ..

තතෝ॑ වා॒යුරුද॑තිෂ්ඨත් . සා ප්ර॒තීචී॒ දික් . අථා॑රු॒ණඃ කේ॒තු-රු॑ත්තර॒ත උ॒පාද॑ධාත් . ඒ॒වා හීන්ද්රේති॑ . තතෝ॒ වා ඉන්ද්ර॒ උද॑තිෂ්ඨත් . සෝදී॑චී॒ දික් . අථා॑රු॒ණඃ කේ॒තු-ර්මද්ධ්ය॑ උ॒පාද॑ධාත් . ඒ॒වා හි පූෂ॒න්නිති॑ . තතෝ॒ වෛ පූ॒ෂෝද॑තිෂ්ඨත් . සේයන්දික් . 95 .

අථා॑රු॒ණඃ කේ॒තුරු॒පරි॑ෂ්ටා-දු॒පාද॑ධාත් . ඒ॒වා හි දේවා॒ ඉති॑ . තතෝ॑ දේව මනු॒ෂ්යාඃ පි॒තරඃ॑ . ග॒න්ධ॒ර්වා॒-ඵ්ස॒රස॒ ශ්චෝද॑-තිෂ්ඨන්න් . සෝර්ධ්වා දික් . යා වි॒ප්රුෂෝ॑ වි॒පරා॑පතන්න් . තාභ්යෝ-(අ)සු॑රා॒ රක්ෂාග්ං॑සි පිශා॒චාශ්චෝ-ද॑තිෂ්ඨන්න් . තස්මා॒ත්තේ පරා॑භවන්න් . වි॒ප්රුඩ්භ්යෝ॒ හි තේ සම॑භවන්න් . තදේ॒ෂා-(අ)භ්යනූ᳚ක්තා .. 96 ..

ආපෝ॑ හ॒ ය-ද්බෘ॑හ॒තී-ර්ගර්භ॒මායන්න්॑ . දක්ෂ॒-න්දධා॑නා ජ॒නය॑න්තී-ස්ස්වය॒ම්භුම් . තත॑ ඉ॒මේ-(අ)ද්ධ්ය-සෘ॑ජ්යන්ත॒ සර්ගාඃ᳚ . අද්භ්යෝ॒ වා ඉ॒දග්ං සම॑භූත් . තස්මා॑දි॒දග්ං සර්ව॒-ම්බ්රහ්ම॑ ස්වය॒භ්වින්ති॑ . තස්මා॑දි॒දග්ං සර්ව॒ග්ං॒ ශිථි॑ල-මි॒වා ධ්රුව॑-මිවාභවත් . ප්ර॒ජාප॑ති॒-ර්වාව තත් . ආ॒ත්මනා॒-(අ)(අ)ත්මානං॑-විँ॒ධාය॑ . තදේ॒වානු॒ ප්රාවි॑ශත් .. තදේ॒ෂා-(අ)භ්යනූ᳚ක්තා .. 97 ..

වි॒ධාය॑ ලෝ॒කාන්. වි॒ධාය॑ භූ॒තානි॑ . වි॒ධාය॒ සර්වාඃ᳚ ප්ර॒දිශෝ॒ දිශ॑ශ්ච . ප්ර॒ජාප॑තිඃ ප්රථම॒ජා ඍ॒තස්ය॑ . ආ॒ත්මනා॒-(අ)(අ)ත්මා-න॑ම॒භි-සං​විँ॑වේ॒ශේති॑ . සර්ව॑මේ॒වේදමා॒ප්ත්වා . සර්ව॑-මව॒රුද්ධ්ය॑ . තදේ॒වානු॒ ප්රවි॑ශති . ය ඒ॒වං-වේँද॑ .. 98 ..

(ආසී॑ - දතිෂ්ඨන් - නභූ॒ - දපෝ॒ - වායෝ॒ ඉති - සේය-න්දිග॒ - භ්යනූ᳚ක්තා॒ - (අ)භ්යනූ᳚ක්තා॒ -+-(අ)ෂ්ටෞ ච॑)

අනුවාකඃ 24

චතු॑ෂ්ටය්ය॒ ආපෝ॑ ගෘහ්ණාති . ච॒ත්වාරි॒ වා අ॒පාග්ං රූ॒පාණි॑ . මේඝෝ॑ වි॒ද්යුත් . ස්ත॒න॒යි॒ත්නු-ර්වෘ॒ෂ්ටිඃ . තාන්යේ॒වා ව॑රුන්ධේ . ආ॒තප॑ති॒ වර්​ෂ්යා॑ ගෘහ්ණාති . තාඃ පු॒රස්තා॒-දුප॑දධාති . ඒ॒තා වෛ බ්ර॑හ්මවර්ච॒ස්යා ආපඃ॑ . මු॒ඛ॒ත ඒ॒ව බ්ර॑හ්මවර්ච॒ස-මව॑රුන්ධේ . තස්මා᳚-න්මුඛ॒තෝ බ්ර॑හ්මවර්ච॒සිත॑රඃ .. 99 ..

කූප්යා॑ ගෘහ්ණාති . තා ද॑ක්ෂිණ॒ත උප॑දධාති . ඒ॒තා වෛ තේ॑ජ॒ස්විනී॒රාපඃ॑ . තේජ॑ ඒ॒වාස්ය॑ දක්ෂිණ॒තෝ ද॑ධාති . තස්මා॒-ද්දක්ෂි॒ණෝර්ධ॑ (අ)ස්තේජ॒ස්විත॑රඃ . ස්ථා॒ව॒රා ගෘ॑හ්ණාති . තාඃ ප॒ශ්චාදුප॑දධාති . ප්රති॑ෂ්ඨිතා॒ වෛ ස්ථා॑ව॒රාඃ . ප॒ශ්චාදේ॒ව ප්රති॑තිෂ්ඨති . වහ॑න්තී-ර්ගෘහ්ණාති .. 100 ..

තා උ॑ත්තර॒ත උප॑දධාති . ඕජ॑සා॒ වා ඒ॒තා වහ॑න්තීරි॒වෝ-ද්ග॑තීරි॒ව ආකූජ॑තීරි॒ව ධාව॑න්තීඃ . ඕජ॑ ඒ॒වාස්යෝ᳚ත්තර॒තෝ ද॑ධාති . තස්මා॒දුත්ත॒රෝ-(අ)ද්ධ॑ ඕජ॒ස්විත॑රඃ .. ස॒භාං॒ර්යා ගෘ॑හ්ණාති . තා මද්ධ්ය॒ උප॑දධාති . ඉ॒යං-වෛँ ස॑භාං॒ර්යාඃ . අ॒ස්යාමේ॒ව ප්රති॑තිෂ්ඨති . ප॒ල්ව॒ල්යා ගෘ॑හ්ණාති . තා උ॒පරි॑ෂ්ටා-දු॒පාද॑ධාති .. 101 .

අ॒සෞ වෛ ප॑ල්ව॒ල්යාඃ . අ॒මුෂ්යා॑මේ॒ව ප්රති॑තිෂ්ඨති . දි॒ක්ෂූප॑දධාති . දි॒ක්ෂු වා ආපඃ॑ . අන්නං॒-වාँ ආපඃ॑ . අ॒ද්භ්යෝ වා අන්න॑ඤ්ජායතේ . යදේ॒වාද්භ්යෝ-(අ)න්න॒-ඤ්ජාය॑තේ . තදව॑රුන්ධේ . තං-වාँ ඒ॒තම॑රු॒ණාඃ කේ॒තවෝ॒ වාත॑රශ॒නා ඍෂ॑යෝ-(අ)චින්වන්න් . තස්මා॑-දාරුණ කේ॒තුකඃ॑ ..තදේ॒ෂා-(අ)භ්යනූ᳚ක්තා .. කේ॒තවෝ॒ අරු॑ණාසශ්ච . ඍ॒ෂ॒යෝ වාත॑රශ॒නාඃ . ප්ර॒ති॒ෂ්ඨාග්ං ශ॒තධා॑ හි . ස॒මාහි॑තාසෝ සහස්ර॒ධාය॑ස॒මිති॑ . ශ॒තශ॑ශ්චෛ॒ව (අ)ස॒හස්ර॑ශශ්ච॒ ප්රති॑තිෂ්ඨති . ය ඒ॒තම॒ග්නිඤ්චි॑නු॒තේ . ය උ॑චෛනමේ॒වං-වේँද॑ .. 102 ..

(බ්ර॒හ්ම॒ව॒ර්ච॒සිත॑රෝ॒ - වහ॑න්තී-ර්ගෘහ්ණාති॒ - තා උ॒පරි॑ෂ්ටාදු॒පාද॑ධා - ත්යාරුණකේ॒තුකෝ॒-(අ)ෂ්ටෞ ච॑)

අනුවාකඃ 25

ජා॒නු॒ද॒ඝ්නී-මු॑ත්තරවේ॒දීඞ්ඛා॒ත්වා . අ॒පා-ම්පූ॑රයති . අ॒පාග්ං ස॑ර්ව॒ත්වාය॑ . පු॒ෂ්ක॒ර॒ප॒ර්ණග්ං රු॒ක්ම-ම්පුරු॑ෂ॒-මිත්යුප॑දධාති . තපෝ॒ වෛ පු॑ෂ්කරප॒ර්ණම් . ස॒ත්යග්ං රු॒ක්මඃ . අ॒මෘත॒-ම්පුරු॑ෂඃ . ඒ॒තාව॒ද්වා වා᳚ස්ති . යාව॑දේ॒තත් . යාව॑දේ॒වාස්ති॑ .. 103 ..

තදව॑රුන්ධේ . කූ॒ර්මමුප॑දධාති . අ॒පාමේ॒ව මේධ॒මව॑රුන්ධේ . අථෝ᳚ ස්ව॒ර්ගස්ය॑ ලෝ॒කස්ය॒ සම॑ෂ්ට්යෛ . ආප॑මාපාම॒ප-ස්සර්වාඃ᳚ . අ॒ස්මාද॒ස්මා දි॒තෝ-(අ)මුතඃ॑ . අ॒ග්නිර්වා॒යුශ්ච॒ සූර්ය॑ශ්ච . ස॒හ ස॑ඤ්චස්ක॒රර්ධි॑යා॒ ඉති॑ . වා॒ය්වශ්ව॑ රශ්මි॒පත॑යඃ . ලෝ॒ක-ම්පෘ॑ණච්ඡි॒ද්ර-ම්පෘ॑ණ .. 104 ..

යාස්ති॒ස්රඃ ප॑රම॒ජාඃ . ඉ॒න්ද්ර॒ඝෝ॒ෂා වෝ॒ වසු॑භිරේ॒වා හ්යේ॒වේති॑ . පඤ්ච॒ චිත॑ය॒ උප॑දධාති . පාඞ්ක්ත॒-(අ)ග්නිඃ . යාවා॑නේ॒වාග්නිඃ . තඤ්චි॑නුතේ . ලෝ॒ක-ම්පෘ॑ණයා ද්වි॒තීයා॒-මුප॑දධාති . පඤ්ච॑පදා॒ වෛ වි॒රාට් . තස්යා॒ වා ඉ॒ය-ම්පාදඃ॑ . අ॒න්තරි॑ක්ෂ॒-ම්පාදඃ॑ . ද්යෞඃ පාදඃ॑ . දිශඃ॒ පාදඃ॑ . ප॒රෝර॑ජාඃ॒ පාදඃ॑ . වි॒රාජ්යේ॒ව ප්රති॑තිෂ්ඨති . ය ඒ॒තම॒ග්නිඤ්චි॑නු॒තේ . ය උ॑චෛනමේ॒වං-වේँද॑ .. 105 ..

(අස්ති॑ - පෘණා॒ - න්තරි॑ක්ෂ॒-ම්පාද॒-ෂ්ෂට්ච॑)

අනුවාකඃ 26

අ॒ග්නි-ම්ප්ර॒ණීයෝ॑ප-සමා॒ධාය॑ . තම॒භිත॑ ඒ॒තා අ॒භීෂ්ට॑කා॒ උප॑දධාති . අ॒ග්නි॒හෝ॒ත්රේ ද॑ර්​ශපූර්ණ-මා॒සයෝඃ᳚ . ප॒ශු॒බ॒න්ධේ චා॑තුර්මා॒ස්යේෂු॑ . අථෝ॑ ආහුඃ . සර්වේ॑ෂු යජ්ඤක්ර॒තුෂ්විති॑ . අථ॑ හස්මා හාරු॒ණ-ස්ස්වා॑ය॒ම්භුවඃ॑ . සා॒වි॒ත්ර-ස්සර්වෝ॒-(අ)ග්නි-රිත්යන॑නුෂඞ්ග-ම්මන්යාමහේ . නානා॒ වා ඒ॒තේෂාං᳚-වීँ॒ර්යා॑ණි .. කම॒ග්නිඤ්චි॑නුතේ .. 106 ..

ස॒ත්රි॒ය ම॒ග්නිඤ්චි॑න්වා॒නඃ . කම॒ග්නිඤ්චි॑නුතේ . සා॒වි॒ත්ර ම॒ග්නිඤ්චි॑න්වා॒නඃ . කම॒ග්නිඤ්චි॑නුතේ . නා॒චි॒කේ॒ත ම॒ග්නිඤ්චි॑න්වා॒නඃ . කම॒ග්නිඤ්චි॑නුතේ . චා॒තු॒ර්॒ හෝ॒ත්රි॒ය-ම॒ග්නිඤ්චි॑න්වා॒නඃ . කම॒ග්නිඤ්චි॑නුතේ . වෛ॒ශ්ව॒සෘ॒ජ ම॒ග්නිඤ්චි॑න්වා॒නඃ . කම॒ග්නිඤ්චි॑නුතේ .. 107 ..

උ॒පා॒නු॒වා॒ක්ය॑-මා॒ශු ම॒ග්නිඤ්චි॑න්වා॒නඃ . කම॒ග්නිඤ්චි॑නුතේ . ඉ॒මමා॑රුණ-කේතුක ම॒ග්නිඤ්චි॑න්වා॒න ඉති॑ .. වෘෂා॒ වා අ॒ග්නිඃ . වෘෂා॑ණෞ॒ සග්ග්​ස්ඵා॑ලයේත් . හ॒න්යේතා᳚ස්ය ය॒ජ්ඤඃ . තස්මා॒න්නානු॒ෂජ්යඃ॑ .. සෝත්ත॑රවේ॒දිෂු॑ ක්ර॒තුෂු॑ චින්වීත . උ॒ත්ත॒ර॒වේ॒ද්යාග්​ හ්ය॑ග්නිශ්චී॒යතේ᳚ .. ප්ර॒ජාකා॑මශ්චින්වීත . 108 .

ප්රා॒ජා॒ප॒ත්යෝ වා ඒ॒ෂෝ᳚-(අ)ග්නිඃ . ප්රා॒ජා॒ප॒ත්යාඃ ප්ර॒ජාඃ . ප්ර॒ජාවා᳚-න්භවති . ය ඒ॒වං-වේँද॑ . ප॒ශුකා॑මශ්චින්වීත . ස॒ඤ්ජ්ඤානං॒-වාँ ඒ॒ත-ත්ප॑ශූ॒නාම් . යදාපඃ॑ . ප॒ශූ॒නාමේ॒ව ස॒ජ්ඤාන්නේ॒ (අ)ග්නිඤ්චි॑නුතේ . ප॒ශු॒මා-න්භ॑වති . ය ඒ॒වං-වේँද॑ .. 109 ..

වෘෂ්ටි॑කාමශ්චින්වීත . ආපෝ॒ වෛ වෘෂ්ටිඃ॑ . ප॒ර්ජන්යෝ॒ වර්​ෂු॑කෝ භවති . ය ඒ॒වං-වේँද॑ . ආ॒ම॒යා॒වී චි॑න්වීත . ආපෝ॒ වෛ භේ॑ෂ॒ජම් . භේ॒ෂ॒ජ-මේ॒වාස්මෛ॑ කරෝති . සර්ව॒මායු॑රේති . අ॒භි॒චරග්ග්॑ ශ්චින්වීත . වජ්රෝ॒ වා ආපඃ॑ .. 110 ..

වජ්ර॑මේ॒ව භ්රාතෘ॑ව්යේභ්යඃ॒ ප්රහ॑රති . ස්තෘ॒ණු॒ත ඒ॑නම් . තේජ॑ස්කාමෝ॒ යශ॑ස්කාමඃ . බ්ර॒හ්ම॒ව॒ර්ච॒සකා॑ම-ස්ස්ව॒ර්ගකා॑මශ්චින්වීත . ඒ॒තා ව॒ද්වා වා᳚ස්ති . යාව॑දේ॒තත් . යාව॑දේ॒වාස්ති॑ . තදව॑රුන්ධේ . තස්යෛ॒ තද්ව්ර॒තම් . වර්​ෂ॑ති॒ න ධා॑වේත් .. 111 ..

අ॒මෘතං॒-වාँ ආපඃ॑ . අ॒මෘත॒ස්යා-න॑න්තරිත්යෛ .. නාඵ්සු-මූත්ර॑පුරී॒ෂඞ්කු॑ර්යාත් . න නිෂ්ඨී॑වේත් . න වි॒වස॑න-ස්ස්නායාත් . ගුහ්යෝ॒ වා ඒ॒ෂෝ᳚-(අ)ග්නිඃ . ඒ॒තස්යා॒ග්නේ රන॑ති දාහාය .. න පු॑ෂ්කරප॒ර්ණානි॒ හිර॑ණ්යං॒-වාँ-(අ)ධි॒තිෂ්ඨේ᳚ත් . ඒ॒තස්යා॒ග්නේ-රන॑භ්යාරෝහාය .. න කූර්ම॒ස්යාශ්ඤී॑යාත් . නෝද॒කස්යා॒-ඝාතු॑කා॒න්යේන॑-මෝද॒කානි॑ භවන්ති . අ॒ඝාතු॑කා॒ ආපඃ॑ . ය ඒ॒තම॒ග්නිඤ්චි॑නු॒තේ . ය උ॑චෛනමේ॒වං-වේँද॑ .. 112 ..

(චි॒නු॒තේ॒ - චි॒නු॒තේ॒ - ප්ර॒ජාකා॑මශ්චින්වීත॒-ය ඒ॒වං-වේँදා-පෝ॑-ධාවේ॒-දශ්ඤී॑යාච්ච॒ත්වාරි॑ ච)

අනුවාකඃ 27

ඉ॒මා නු॑ක॒-ම්භුව॑නා සීෂධේම . ඉන්ද්ර॑ශ්ච॒ විශ්වේ॑ච දේ॒වාඃ . ය॒ජ්ඤඤ්ච॑ නස්ත॒න්වඤ්ච॑ ප්ර॒ජාඤ්ච॑ . ආ॒දි॒ත්යෛරින්දඃ॑ ස॒හ සී॑ෂධාතු . ආ॒දි॒ත්යෛරින්ද්ර॒-ස්සග॑ණෝ-ම॒රුද්භිඃ॑ . අ॒ස්මාක॑-ම්භූත්වවි॒තා ත॒නූනා᳚ම් .. ආප්ල॑වස්ව॒ ප්රප්ල॑වස්ව . ආ॒ණ්ඩී භ॑ව ජ॒ මා මු॒හුඃ . සුඛාදීන්දුඃ॑ ඛනි॒ධනාම් . ප්රති॑මුඤ්චස්ව॒ ස්වා-ම්පු॒රම් .. 113 ..

මරී॑චය-ස්ස්වායම්භු॒වාඃ . යේ ශ॑රී॒රාණ්ය॑ කල්පයන්න් . තේ තේ॑ දේ॒හඞ්ක॑ල්පයන්තු . මා ච॑ තේ॒ ඛ්යා ස්ම॑ තීරිෂත් . උත්ති॑ෂ්ඨත॒ මා ස්ව॑ප්ත . අ॒ග්නි-මි॑ච්ඡද්ධ්ව॒-ම්භාර॑තාඃ . රාජ්ඤ॒-ස්සෝම॑ස්ය තෘ॒ප්තාසඃ॑ . සූර්යේ॑ණ ස॒යුජෝ॑ෂසඃ .. යුවා॑ සු॒වාසාඃ᳚ . අ॒ෂ්ටාච॑ක්රා॒ නව॑ද්වාරා .. 114 ..

දේ॒වානා॒-ම්පූර॑යෝ॒ද්ධ්යා . තස්යාග්ං॑ හිරණ්ම॑යඃ කෝ॒ශඃ . ස්ව॒ර්ගෝ ලෝ॒කෝ ජ්යෝති॒ෂා (අ)(අ)වෘ॑තඃ . යෝ වෛ තා᳚-ම්බ්රහ්ම॑ණෝ වේ॒ද . අ॒මෘතේ॑නාවෘ॒තා-ම්පු॑රීම් . තස්මෛ᳚ බ්රහ්ම ච॑ බ්රහ්මා॒ ච . ආ॒යුඃ කීර්ති॑-ම්ප්ර॒ජාන්ද॑දුඃ .. වි॒භ්රාජ॑මානා॒ග්ං॒ හරි॑ණීම් . ය॒ශසා॑ සම්ප॒රීවෘ॑තාම් . පුරග්ං॑ හිරණ්ම॑යී-ම්බ්ර॒හ්මා .. 115 ..

වි॒වේශා॑ප॒රාජි॑තා .. පරාඞ්ගේත්ය॑ (පරාංඅත්ය॑) ජ්යාම॒යී . පරාඞ්ගේත්ය॑ (පරාංඅත්ය॑) නාශ॒කී . ඉ॒හ චා॑මුත්ර॑ චාන්වේ॒ති . වි॒ද්වා-න්දේ॑වාසු॒රානු॑භ॒යාන් . යත්කු॑මා॒රී ම॒න්ද්රය॑තේ . ය॒ද්යෝ॒ෂිද්ය-ත්ප॑ති॒ව්රතා᳚ . අරි॑ෂ්ටං॒-යँත්කිඤ්ච॑ ක්රි॒යතේ᳚ . අ॒ග්නි-ස්තදනු॑ වේධති . අ॒ශෘතා॑ස-ශ්ශෘ॑තාස॒ශ්ච .. 116 ..

ය॒ජ්වානෝ॒ යේ-(අ)ප්ය॑ය॒ජ්වනඃ॑ . ස්ව॑ර්යන්තෝ॒ නාපේ᳚ක්ෂන්තේ . ඉන්ද්ර॑-ම॒ග්නිඤ්ච॑ යේ වි॒දුඃ . සික॑තා ඉව සං॒​යँන්ති॑ . ර॒ශ්මිභිඃ॑-සමු॒දීරි॑තාඃ . අ॒ස්මා-ල්ලෝ॒කාද॑-මුෂ්මා॒ච්ච . ඍ॒ෂිභි॑-රදාත්-පෘ॒ශ්නිභිඃ॑ . අපේ॑ත॒ වීත॒ වි ච॑ සර්ප॒තාතඃ॑ . යේ-(අ)ත්ර॒ ස්ථ පු॑රා॒ණා යේ ච॒ නූත॑නාඃ . අහෝ॑භි-ර॒ද්භි-ර॒ක්තුභි॒-ර්ව්ය॑ක්තම් .. 117 ..

ය॒මෝ ද॑දාත්ව-ව॒සාන॑මස්මෛ . නෘ මු॑ණන්තු නෘ පා॒ත්වර්යඃ॑ . අ॒කෘ॒ෂ්ටා යේ ච॒ කෘෂ්ට॑ජාඃ . කු॒මාරී॑ෂු ක॒නීනී॑ෂු . ජා॒රිණී॑ෂු ච॒ යේ හි॒තාඃ . රේතඃ॑ පීතා॒ ආණ්ඩ॑පීතාඃ . අඞ්ගා॑රේෂු ච॒ යේ හු॒තාඃ . උ॒භයා᳚-න්පුත්ර॑ පෞත්ර॒කාන් . යු॒වේ॒-(අ)හං-යँ॒මරාජ॑ගාන් . ශ॒තමින්නු ශ॒රදඃ॑ . අදෝ॒ යද්බ්රහ්ම॑ විල॒බම් . පි॒තෘ॒ණාඤ්ච॑ ය॒මස්ය॑ ච . වරු॑ණ॒-ස්යාශ්වි॑නෝ-ර॒ග්නේඃ . ම॒රුතා᳚ඤ්ච වි॒හාය॑සාම් . කා॒ම॒ප්ර॒යව॑ණ-ම්මේ අස්තු . ස හ්යේ॑වාස්මි॑ ස॒නාත॑නඃ . ඉති නාකෝ බ්රහ්මිශ්රවෝ॑ රායෝ॒ ධනම් . පු॒ත්රානාපෝ॑ දේ॒වීරි॒හාහි॑තා .. 118 ..

(පු॒රං - නව॑ද්වාරා - බ්ර॒හ්මා - ච - ව්ය॑ක්තග්ං - ශ॒රදෝ॒-(අ)ෂ්ටෞ ච॑)

අනුවාකඃ 28

විශී᳚ර්​ෂ්ණී॒-ඞ්ගෘද්ධ්ර॑-ශීර්​ෂ්ණීඤ්ච . අපේතෝ॑ නිර්-ඍ॒තිග්ං හ॑ථඃ . පරිබාධග්ග්​ ශ්වේ॑තකු॒ක්ෂම් . නි॒ජඞ්ඝග්ං॑ ශබ॒ලෝද॑රම් . ස॒ තාන්. වා॒ච්යාය॑යා ස॒හ . අග්නේ॒ නාශ॑ය ස॒න්දෘශඃ॑ . ඊ॒ර්​ෂ්යා॒සූ॒යේ බු॑භු॒ක්ෂාම් . ම॒න්යු-ඞ්කෘ॒ත්යා-ඤ්ච॑ දීධිරේ . රථේ॑න කිග්ංශු॒කාව॑තා . අග්නේ॒ නාශ॑ය ස॒න්දෘශඃ॑ .. 119 ..

(විශී᳚ර්​ෂ්ණී॒-න්දශ॑)

අනුවාකඃ 29

ප॒ර්ජන්යා॑ය॒ ප්රගා॑යත . දි॒වස්පු॒ත්රාය॑ මී॒ඪුෂේ᳚ . ස නෝ॑ ය॒වස॑මිච්ඡතු . ඉ॒දං-වँචඃ॑ ප॒ර්ජන්යා॑ය ස්ව॒රාජේ᳚ . හෘ॒දෝ අ॒ස්ත්වන්ත॑ර॒න්ත-ද්යු॑යෝත . ම॒යෝ॒භූර්වාතෝ॑ වි॒ශ්වකෘ॑ෂ්ටය-ස්සන්ත්ව॒ස්මේ . සු॒පි॒ප්ප॒ලා ඕෂ॑ධී-ර්දේ॒වගෝ॑පාඃ . යෝ ගර්භ॒-මෝෂ॑ධීනාම් . ගවා᳚ඞ්කෘ॒ණෝත්යර්ව॑තාම් . ප॒ර්ජන්යඃ॑ පුරු॒ෂීණා᳚ම් .. 120 ..

(ප॒ර්ජන්යා॑ය॒ දශ॑)

අනුවාකඃ 30

පුන॑ර්මාමෛත්වින්ද්රි॒යම් . පුන॒රායුඃ॒ පුන॒ර්භගඃ॑ . පුන॒-ර්බ්රාහ්ම॑ණ-මෛතු මා . පුන॒-ර්ද්රවි॑ණ මෛතු මා . යන්මේ॒-(අ)ද්ය රේතඃ॑ පෘථි॒වීමස්කාන්॑ . යදෝෂ॑ධීර॒ප්යස॑ර॒-ද්යදාපඃ॑ . ඉ॒දන්ත-ත්පුන॒රාද॑දේ . දී॒ර්ඝා॒යු॒ත්වාය॒ වර්ච॑සේ . යන්මේ॒ රේතඃ॒ ප්රසි॑ච්යතේ . යන්ම॒ ආජා॑යතේ॒ පුනඃ॑ . තේන॑ මාම॒මෘත॑-ඞ්කුරු . තේන॑ සුප්ර॒ජස॑ඞ්කුරු .. 121 ..

(පුන॒ර්ද්වේ ච॑)

අනුවාකඃ 31

අ॒ද්භය-ස්තිරෝ॒ධා ජා॑යත . තව॑ වෛශ්රව॒ණ-ස්ස॑දා . තිරෝ॑ ධේහි සප॒ත්නාන්නඃ॑ . යේ අපෝ॒-(අ)ශ්නන්ති॑ කේච॒න . ත්වා॒ෂ්ට්රී-ම්මා॒යාං-වँ᳚ශ්රව॒ණඃ . රථග්ං॑ සහස්ර॒ වන්ධු॑රම් . පු॒රු॒ශ්ච॒ක්රග්ං සහ॑ස්රාශ්වම් . ආස්ථා॒ යායා॑හි නෝ බ॒ලිම් . යස්මෛ॑ භූ॒තානි॑ බ॒ලිමාව॑හන්ති . ධන॒ඞ්ගාවෝ॒ හස්ති॒ හිර॑ණ්ය॒මශ්වාන්॑ .. 122 ..

අසා॑ම සුම॒තෞ ය॒ජ්ඤිය॑ස්ය . ශ්රිය॒-ම්බිභ්ර॒තෝ (අ)න්න॑මුඛීං-විँ॒රාජ᳚ම් . සු॒ද॒ර්॒ශ॒නේ ච॑ ක්රෞ॒ඤ්චේ ච॑ . මෛ॒නා॒ගේ ච॑ ම॒හාගි॑රෞ . ශ॒තද්වා॒ට්ටර॑ගම॒න්තා (ස॒තද්වා॒ට්ටර॑ගම॒න්තා) . ස॒ග්ං॒හාර්ය॒-න්නග॑ර॒-න්තව॑ . ඉති මන්ත්රාඃ᳚ . කල්පෝ॑-(අ)ත ඌ॒ර්ධ්වම් .. යදි॒ බලි॒ග්ං॒ හරේ᳚ත් . හි॒ර॒ණ්ය॒නා॒භයේ॑ විතු॒දයේ॑ කෞබේ॒රායා॒ය-ම්බ॑ලිඃ .. 123 ..

සර්වභූතාධිපතයේ න॑ම ඉ॒ති . අථ බලිග්ං හෘත්වෝප॑තිෂ්ඨේ॒ත . ක්ෂ॒ත්ර-ඞ්ක්ෂ॒ත්රං-වෛँ᳚ශ්රව॒ණඃ . බ්රාහ්මණා॑ වය॒ග්ග්॒ ස්මඃ . නම॑ස්තේ අස්තු॒ මා මා॑ හිග්ංසීඃ . අස්මා-ත්ප්රවිශ්යාන්න॑මද්ධී॒ති . අථ තමග්නි-මා॑දධී॒ත . යස්මින්නේ තත්කර්ම ප්ර॑යුඤ්ජී॒ත . ති॒රෝධා॒ භූඃ . ති॒රෝධා॒ භුවඃ॑ .. 124 ..

ති॒රෝධා॒-ස්ස්වඃ॑ . ති॒රෝධා॒ භූර්භුව॒ස්ස්වඃ॑ . සර්වේෂාං-ලෝँකානා-මාධිපත්යේ॑ සීදේ॒ති . අථ තමග්නි॑-මින්ධී॒ත . යස්මින්නේ තත්කර්ම ප්ර॑යුඤ්ජී॒ත . ති॒රෝධා॒ භූ-ස්ස්වාහා᳚ . ති॒රෝධා॒ භුව॒-ස්ස්වාහා᳚ . ති॒රෝධා॒-ස්ස්වඃ॑ ස්වාහා᳚ . ති॒රෝධා॒ භූර්භුව॒ස්ස්ව॑ස්ස්වාහා᳚ . යස්මින්නස්ය කාලේ සර්වා ආහුතීර්-හුතා॑ භවේ॒යුඃ .. 125 ..

අපි බ්රාහ්මණ॑මුඛී॒නාඃ . තස්මින්නහ්නඃ කාලේ ප්ර॑යුඤ්ජී॒ත . පරඃ॑ සු॒ප්තජ॑නාද්වේ॒පි . මා ස්ම ප්රමාද්යන්ත॑ මාද්ධ්යා॒පයේත් . සර්වාර්ථා᳚-ස්සිද්ධ්ය॒න්තේ . ය ඒ॑වං-වේँ॒ද . ක්ෂුද්ධ්ය-න්නිද॑මජා॒නතාම් . සර්වාර්ථා න॑ සිද්ධ්ය॒න්තේ . යස්තේ॑ වි॒ඝාතු॑කෝ භ්රා॒තා . මමාන්තර්-හෘ॑දයේ॒ ශ්රිතඃ .. 126 ..

තස්මා॑ ඉ॒මමග්ර॒ පිණ්ඩ॑ඤ්ජුහෝමි . ස මේ᳚-(අ)ර්ථා॒-න්මා විව॑ධීත් . මයි॒ ස්වාහා᳚ .. රා॒ජා॒ධි॒රා॒ජාය॑ ප්රසහ්ය සා॒හිනේ᳚ . නමෝ॑ ව॒යං-වෛँ᳚ශ්රව॒ණාය॑ කුර්මහේ . ස මේ॒ කාමා॒න් කාම॒ කාමා॑ය॒ මහ්ය᳚ම් . කා॒මේ॒ශ්ව॒රෝ වෛ᳚ශ්රව॒ණෝ ද॑දාතු . කු॒බේ॒රාය॑ වෛශ්රව॒ණාය॑ . ම॒හා॒රා॒ජාය॒ නමඃ॑ . කේ॒තවෝ॒ අරු॑ණාසශ්ච . ඍ॒ෂ॒යෝ වාත॑රශ॒නාඃ . ප්ර॒ති॒ෂ්ඨාග්ං ශ॒තධා॑ හි . ස॒මාහි॑තාසෝ සහස්ර॒ධාය॑සම් . ශි॒වා න॒-ශ්ශන්ත॑මා භවන්තු . දි॒ව්යා ආප॒ ඕෂ॑ධයඃ . සු॒මෘ॒ඩී॒කා සර॑ස්වති . මා තේ॒ ව්යෝ॑ම ස॒න්දෘශි॑ .. 127 ..

(අශ්වා᳚න්-බලි॒-ර්භුවෝ॑ - භවේ॒යුඃ - ශ්රිත - ශ්ච॑ ස॒ප්ත ච॑)

අනුවාකඃ 32

සං​වँථ්සරමේත॑-ද්ව්රත॒ඤ්චරේත් . ද්වෞ॑ වා මා॒සෞ . නියම-ස්ස॑මාසේ॒න . තස්මි-න්නියම॑ විශේ॒ෂාඃ . ත්රිෂවණ-මුදකෝ॑පස්ප॒ර්॒ශී . චතුර්ථ කාලපාන॑භක්ත॒-ස්ස්යාත් . අහරහර්වා භෛක්ෂ॑මශ්න॒යාත් . ඖදුම්බරීභි-ස්සමිද්භි-රග්නි॑-ම්පරි॒චරේත් . පුනර්මා මෛත්වින්ද්රිය-මිත්යේතේනා-(අ)නු॑වාකේ॒න . උද්ධෘත පරිපූතාභිරද්භිඃ කාර්ය॑-ඞ්කුර්වී॒ත .. 128 ..

අ॑සඤ්ච॒යවාන් . අග්නයේ වායවේ॑ සූර්යා॒ය . බ්රහ්මණේ ප්ර॑ජාප॒තයේ . චන්ද්රමසේ න॑ක්ෂත්රේ॒භ්යඃ . ඍතුභ්ය-ස්සං​වँ॑ථ්සරා॒ය . වරුණා-යාරුණායේති ව්ර॑තහෝ॒මාඃ . ප්ර॒ව॒ර්ග්යව॑දාදේ॒ශඃ . අරුණාඃ කා᳚ණ්ඩ ඍ॒ෂයඃ .. අරණ්යේ॑-(අ)ධීයී॒රන්න් . භද්රඞ්කර්ණේභිරිති ද්වේ॑ ජපි॒ත්වා .. 129 ..

මහානාම්නීභි-රුදකග්ං සග්ග්॑ස්ප॒ර්​ශ්ය . තමාචා᳚ර්යෝ ද॒ද්යාත් . ශිවාන-ශ්ශන්තමේ-ත්යෝෂධී॑රාල॒භතේ . සුමෘඩීකේ॑ති භූ॒මිම් . ඒවම॑පව॒ර්ගේ . ධේ॑නු-ර්ද॒ක්ෂිණා . කග්ං සං​වාँස॑ශ්ච ක්ෂෞ॒මම් . අන්ය॑ද්වා ශු॒ක්ලම් . ය॑ථා ශ॒ක්ති වා . ඒවග්ග්​ ස්වාද්ධ්යාය॑ ධර්මේ॒ණ . අරණ්යේ॑-(අ)ධීයී॒ත . තපස්වී පුණ්යෝ භවති තපස්වී පු॑ණ්යෝ භ॒වති .. 130 ..

(කු॒ර්වී॒ත - ජ॑පි॒ත්වා - ස්වාද්ධ්යාය॑ධර්මේ॒ණ ද්වේ ච॑)

අනුවාකානි

(භ॒ද්රග්ග්​ - ස්මෘතිඃ॑ - සාක॒ජාන්නා॒ - මක්ෂ්ය- ති॑තා॒ම්රා - ණ්ය॑ත්යුර්ධ්වා॒ක්ෂ - ආරෝගඃ - ක්වේද - මග්නිශ්ච - ස॑හස්ර॒වෘත් - ප॒විත්ර॑වන්ත॒ -ආත॑නුෂ්වා॒ -ෂ්ටයෝ॑නීං॒ - ँයෝ-(අ)සා॒ - වථාදිත්ය - ස්යාරෝග-ස්යාථ වායෝ- රථාග්නේ॒--ර් දක්ෂිණපූර්වස්යා - මි॑න්ද්රඝෝ॒ෂා ව॒-ආප॑මාපාං॒​යෝँ॑-(අ)පා - මාපෝ॒ වෛ - චතු॑ෂ්ටය්යෝ - ජානුද॒ඝ්නී - ම॒ග්නි-ම්ප්ර॒ණීයේ॒ - මා නු॑ කං॒ - ँවිශී᳚ර්​ෂ්ණීං - ප॒ර්ජන්යා॑ය॒ - පුන॑ - ර॒ද්භ්යඃ -සං​වँථ්සර-න්ද්වාත්රිග්ං॑ශත්)

(භද්රං - තපස්වී පුණ්යෝ භවති තපස්වී පු॑ණ්යෝ භ॒වති)

.. හරිඃ॑ ඕම් ..

.. කෘෂ්ණ යජුර්වේදීය තෛත්තිරීය ආරණ්යකේ ප්රථමඃ ප්රපාඨකඃ (අරුණප්රශ්නඃ) සමාප්තඃ ..