Arjuna Kruta Durga Stotram

අර්ජුන කෘත ශ්රී දුර්ගා ස්තෝත්රම්

ශ්ලොක 1

අර්ජුන උවාච .

නමස්තේ සිද්ධසේනානි ආර්යේ මන්දරවාසිනි .

කුමාරි කාලි කාපාලි කපිලේ කෘෂ්ණපිඞ්ගලේ .. 1 ..

භද්රකාලි නමස්තුභ්යං මහාකාලි නමෝ(අ)ස්තු තේ .

චණ්ඩි චණ්ඩේ නමස්තුභ්යං තාරිණි වරවර්ණිනි .. 2 ..

කාත්යායනි මහාභාගේ කරාලි විජයේ ජයේ .

ශිඛිපිඤ්ඡධ්වජධරේ නානාභරණභූෂිතේ .. 3 ..

අට්ටශූලප්රහරණේ ඛඩ්ගඛේටකධාරිණි .

ගෝපේන්ද්රස්යානුජේ ජ්යේෂ්ඨේ නන්දගෝපකුලෝද්භවේ .. 4 ..

මහිෂාසෘක්ප්රියේ නිත්යං කෞශිකි පීතවාසිනි .

අට්ටහාසේ කෝකමුඛේ නමස්තේ(අ)ස්තු රණප්රියේ .. 5 ..

උමේ ශාකම්භරි ශ්වේතේ කෘෂ්ණේ කෛටභනාශිනි .

හිරණ්යාක්ෂි විරූපාක්ෂි සුධූම්රාක්ෂි නමෝ(අ)ස්තු තේ .. 6 ..

වේදශ්රුතිමහාපුණ්යේ බ්රහ්මණ්යේ ජාතවේදසි .

ජම්බූකටකචෛත්යේෂු නිත්යං සන්නිහිතාලයේ .. 7 ..

ත්වං බ්රහ්මවිද්යා විද්යානාං මහානිද්රා ච දේහිනාම් .

ස්කන්දමාතර්භගවති දුර්ගේ කාන්තාරවාසිනි .. 8 ..

ස්වාහාකාරඃ ස්වධා චෛව කලා කාෂ්ඨා සරස්වතී .

සාවිත්රී වේදමාතා ච තථා වේදාන්ත උච්යතේ .. 9 ..

ස්තුතාසි ත්වං මහාදේවි විශුද්ධේනාන්තරාත්මනා .

ජයෝ භවතු මේ නිත්යං ත්වත්ප්රසාදාද්රණාජිරේ .. 10 ..

කාන්තාරභයදුර්ගේෂු භක්තානාං චාලයේෂු ච .

නිත්යං වසසි පාතාලේ යුද්ධේ ජයසි දානවාන් .. 11 ..

ත්වං ජම්භනී මෝහිනී ච මායා හ්රීඃ ශ්රීස්තථෛව ච .

සන්ධ්යා ප්රභාවතී චෛව සාවිත්රී ජනනී තථා .. 12 ..

තුෂ්ටිඃ පුෂ්ටිර්ධෘතිර්දීප්තිශ්චන්ද්රාදිත්යවිවර්ධිනී .

භූතිර්භූතිමතාං සඞ්ඛ්යේ වීක්ෂ්යසේ සිද්ධචාරණෛඃ .. 13 ..

ඉති ශ්රීමන්මහාභාරතේ භීෂ්මපර්වණි ත්රයෝවිංශෝ(අ)ධ්යායේ අර්ජුන කෘත ශ්රී දුර්ගා ස්තෝත්රම් .