Arjuna Kruta Durga Stotram

ଅର୍ଜୁନ କୃତ ଶ୍ରୀ ଦୁର୍ଗା ସ୍ତୋତ୍ରମ୍

ଶ୍ଲୋକ 1

ଅର୍ଜୁନ ଉଵାଚ ।

ନମସ୍ତେ ସିଦ୍ଧସେନାନି ଆର୍ଯେ ମନ୍ଦରଵାସିନି ।

କୁମାରି କାଲି କାପାଲି କପିଲେ କୃଷ୍ଣପିଙ୍ଗଲେ

ଶ୍ଲୋକ 2

ଭଦ୍ରକାଲି ନମସ୍ତୁଭ୍ଯଂ ମହାକାଲି ନମୋଽସ୍ତୁ ତେ ।

ଚଣ୍ଡି ଚଣ୍ଡେ ନମସ୍ତୁଭ୍ଯଂ ତାରିଣି ଵରଵର୍ଣିନି

॥ 1 ॥

ଶ୍ଲୋକ 3

କାତ୍ଯାଯନି ମହାଭାଗେ କରାଲି ଵିଜଯେ ଜଯେ ।

ଶିଖିପିଞ୍ଛଧ୍ଵଜଧରେ ନାନାଭରଣଭୂଷିତେ

॥ 2 ॥

ଶ୍ଲୋକ 4

ଅଟ୍ଟଶୂଲପ୍ରହରଣେ ଖଡ୍ଗଖେଟକଧାରିଣି ।

ଗୋପେନ୍ଦ୍ରସ୍ଯାନୁଜେ ଜ୍ଯେଷ୍ଠେ ନନ୍ଦଗୋପକୁଲୋଦ୍ଭଵେ

॥ 3 ॥

ଶ୍ଲୋକ 5

ମହିଷାସୃକ୍ପ୍ରିଯେ ନିତ୍ଯଂ କୌଶିକି ପୀତଵାସିନି ।

ଅଟ୍ଟହାସେ କୋକମୁଖେ ନମସ୍ତେଽସ୍ତୁ ରଣପ୍ରିଯେ

॥ 4 ॥

ଶ୍ଲୋକ 6

ଉମେ ଶାକମ୍ଭରି ଶ୍ଵେତେ କୃଷ୍ଣେ କୈଟଭନାଶିନି ।

ହିରଣ୍ଯାକ୍ଷି ଵିରୂପାକ୍ଷି ସୁଧୂମ୍ରାକ୍ଷି ନମୋଽସ୍ତୁ ତେ

॥ 5 ॥

ଶ୍ଲୋକ 7

ଵେଦଶ୍ରୁତିମହାପୁଣ୍ଯେ ବ୍ରହ୍ମଣ୍ଯେ ଜାତଵେଦସି ।

ଜମ୍ବୂକଟକଚୈତ୍ଯେଷୁ ନିତ୍ଯଂ ସନ୍ନିହିତାଲଯେ

॥ 6 ॥

ଶ୍ଲୋକ 8

ତ୍ଵଂ ବ୍ରହ୍ମଵିଦ୍ଯା ଵିଦ୍ଯାନାଂ ମହାନିଦ୍ରା ଚ ଦେହିନାମ୍ ।

ସ୍କନ୍ଦମାତର୍ଭଗଵତି ଦୁର୍ଗେ କାନ୍ତାରଵାସିନି

॥ 7 ॥

ଶ୍ଲୋକ 9

ସ୍ଵାହାକାରଃ ସ୍ଵଧା ଚୈଵ କଲା କାଷ୍ଠା ସରସ୍ଵତୀ ।

ସାଵିତ୍ରୀ ଵେଦମାତା ଚ ତଥା ଵେଦାନ୍ତ ଉଚ୍ଯତେ

॥ 8 ॥

ଶ୍ଲୋକ 10

ସ୍ତୁତାସି ତ୍ଵଂ ମହାଦେଵି ଵିଶୁଦ୍ଧେନାନ୍ତରାତ୍ମନା ।

ଜଯୋ ଭଵତୁ ମେ ନିତ୍ଯଂ ତ୍ଵତ୍ପ୍ରସାଦାଦ୍ରଣାଜିରେ

॥ 9 ॥

ଶ୍ଲୋକ 11

କାନ୍ତାରଭଯଦୁର୍ଗେଷୁ ଭକ୍ତାନାଂ ଚାଲଯେଷୁ ଚ ।

ନିତ୍ଯଂ ଵସସି ପାତାଲେ ଯୁଦ୍ଧେ ଜଯସି ଦାନଵାନ୍

॥ 10 ॥

ଶ୍ଲୋକ 12

ତ୍ଵଂ ଜମ୍ଭନୀ ମୋହିନୀ ଚ ମାଯା ହ୍ରୀଃ ଶ୍ରୀସ୍ତଥୈଵ ଚ ।

ସନ୍ଧ୍ଯା ପ୍ରଭାଵତୀ ଚୈଵ ସାଵିତ୍ରୀ ଜନନୀ ତଥା

॥ 11 ॥

ଶ୍ଲୋକ 13

ତୁଷ୍ଟିଃ ପୁଷ୍ଟିର୍ଧୃତିର୍ଦୀପ୍ତିଶ୍ଚନ୍ଦ୍ରାଦିତ୍ଯଵିଵର୍ଧିନୀ ।

ଭୂତିର୍ଭୂତିମତାଂ ସଙ୍ଖ୍ଯେ ଵୀକ୍ଷ୍ଯସେ ସିଦ୍ଧଚାରଣୈଃ

॥ 12 ॥

ଶ୍ଲୋକ 14

ଇତି ଶ୍ରୀମନ୍ମହାଭାରତେ ଭୀଷ୍ମପର୍ଵଣି ତ୍ରଯୋଵିଂଶୋଽଧ୍ଯାଯେ ଅର୍ଜୁନ କୃତ ଶ୍ରୀ ଦୁର୍ଗା ସ୍ତୋତ୍ରମ୍ ।