Arjuna Kruta Durga Stotram

arjuna kRRita shrI durgA stotram

shloka 1

arjuna uvAcha |

namaste siddhasenAni Arye mandaravAsini |

kumAri kAli kApAli kapile kRRiShNapi~Ngale || 1 ||

bhadrakAli namastubhyaM mahAkAli namo.astu te |

chaNDi chaNDe namastubhyaM tAriNi varavarNini || 2 ||

kAtyAyani mahAbhAge karAli vijaye jaye |

shikhipi~nChadhvajadhare nAnAbharaNabhUShite || 3 ||

aTTashUlapraharaNe khaDgakheTakadhAriNi |

gopendrasyAnuje jyeShThe nandagopakulodbhave || 4 ||

mahiShAsRRikpriye nityaM kaushiki pItavAsini |

aTTahAse kokamukhe namaste.astu raNapriye || 5 ||

ume shAkambhari shvete kRRiShNe kaiTabhanAshini |

hiraNyAkShi virUpAkShi sudhUmrAkShi namo.astu te || 6 ||

vedashrutimahApuNye brahmaNye jAtavedasi |

jambUkaTakachaityeShu nityaM sannihitAlaye || 7 ||

tvaM brahmavidyA vidyAnAM mahAnidrA cha dehinAm |

skandamAtarbhagavati durge kAntAravAsini || 8 ||

svAhAkAraH svadhA chaiva kalA kAShThA sarasvatI |

sAvitrI vedamAtA cha tathA vedAnta uchyate || 9 ||

stutAsi tvaM mahAdevi vishuddhenAntarAtmanA |

jayo bhavatu me nityaM tvatprasAdAdraNAjire || 10 ||

kAntArabhayadurgeShu bhaktAnAM chAlayeShu cha |

nityaM vasasi pAtAle yuddhe jayasi dAnavAn || 11 ||

tvaM jambhanI mohinI cha mAyA hrIH shrIstathaiva cha |

sandhyA prabhAvatI chaiva sAvitrI jananI tathA || 12 ||

tuShTiH puShTirdhRRitirdIptishchandrAdityavivardhinI |

bhUtirbhUtimatAM sa~Nkhye vIkShyase siddhachAraNaiH || 13 ||

iti shrImanmahAbhArate bhIShmaparvaNi trayoviMsho.adhyAye arjuna kRRita shrI durgA stotram |