Arjuna Kruta Durga Stotram
Arjuna Kruta Durga Stotram
arjuna kRta zrI durgA stotram
zloka 1
arjuna uvAca |
namaste siddhasenAni Arye mandaravAsini |
kumAri kAli kApAli kapile kRSNapiGgale || 1 ||
bhadrakAli namastubhyaM mahAkAli namo'stu te |
caNDi caNDe namastubhyaM tAriNi varavarNini || 2 ||
kAtyAyani mahAbhAge karAli vijaye jaye |
zikhipiJchadhvajadhare nAnAbharaNabhUSite || 3 ||
aTTazUlapraharaNe khaDgakheTakadhAriNi |
gopendrasyAnuje jyeSThe nandagopakulodbhave || 4 ||
mahiSAsRkpriye nityaM kauziki pItavAsini |
aTTahAse kokamukhe namaste'stu raNapriye || 5 ||
ume zAkambhari zvete kRSNe kaiTabhanAzini |
hiraNyAkSi virUpAkSi sudhUmrAkSi namo'stu te || 6 ||
vedazrutimahApuNye brahmaNye jAtavedasi |
jambUkaTakacaityeSu nityaM sannihitAlaye || 7 ||
tvaM brahmavidyA vidyAnAM mahAnidrA ca dehinAm |
skandamAtarbhagavati durge kAntAravAsini || 8 ||
svAhAkAraH svadhA caiva kalA kASThA sarasvatI |
sAvitrI vedamAtA ca tathA vedAnta ucyate || 9 ||
stutAsi tvaM mahAdevi vizuddhenAntarAtmanA |
jayo bhavatu me nityaM tvatprasAdAdraNAjire || 10 ||
kAntArabhayadurgeSu bhaktAnAM cAlayeSu ca |
nityaM vasasi pAtAle yuddhe jayasi dAnavAn || 11 ||
tvaM jambhanI mohinI ca mAyA hrIH zrIstathaiva ca |
sandhyA prabhAvatI caiva sAvitrI jananI tathA || 12 ||
tuSTiH puSTirdhRtirdIptizcandrAdityavivardhinI |
bhUtirbhUtimatAM saGkhye vIkSyase siddhacAraNaiH || 13 ||
iti zrImanmahAbhArate bhISmaparvaNi trayoviMzo'dhyAye arjuna kRta zrI durgA stotram |
Related Scriptures
दकारादि दुर्गा अष्टोत्तर शत नामावलि
108 verses
देवी माहात्म्यं दुर्गा सप्तशति प्रथमोऽध्यायः
101 verses
देवी माहात्म्यं दुर्गा सप्तशति एकादशोऽध्यायः
55 verses
देवी माहात्म्यं दुर्गा सप्तशति द्वादशोऽध्यायः
41 verses
देवी माहात्म्यं दुर्गा सप्तशति द्वितीयोऽध्यायः
68 verses
देवी माहात्म्यं दुर्गा सप्तशति तृतीयोऽध्यायः
42 verses