Ardha Nareeswara Stotram
Ardha Nareeswara Stotram
ଅର୍ଧ ନାରୀଶ୍ଵର ସ୍ତୋତ୍ରମ୍
ଶ୍ଲୋକ 1
ଚାମ୍ପେଯଗୌରାର୍ଧଶରୀରକାଯୈ
କର୍ପୂରଗୌରାର୍ଧଶରୀରକାଯ ।
ଧମ୍ମିଲ୍ଲକାଯୈ ଚ ଜଟାଧରାଯ
ନମଃ ଶିଵାଯୈ ଚ ନମଃ ଶିଵାଯ
ଶ୍ଲୋକ 2
କସ୍ତୂରିକାକୁଙ୍କୁମଚର୍ଚିତାଯୈ
ଚିତାରଜଃପୁଞ୍ଜ ଵିଚର୍ଚିତାଯ ।
କୃତସ୍ମରାଯୈ ଵିକୃତସ୍ମରାଯ
ନମଃ ଶିଵାଯୈ ଚ ନମଃ ଶିଵାଯ
॥ 1 ॥
ଶ୍ଲୋକ 3
ଝଣତ୍କ୍ଵଣତ୍କଙ୍କଣନୂପୁରାଯୈ
ପାଦାବ୍ଜରାଜତ୍ଫଣିନୂପୁରାଯ ।
ହେମାଙ୍ଗଦାଯୈ ଭୁଜଗାଙ୍ଗଦାଯ
ନମଃ ଶିଵାଯୈ ଚ ନମଃ ଶିଵାଯ
॥ 2 ॥
ଶ୍ଲୋକ 4
ଵିଶାଲନୀଲୋତ୍ପଲଲୋଚନାଯୈ
ଵିକାସିପଙ୍କେରୁହଲୋଚନାଯ ।
ସମେକ୍ଷଣାଯୈ ଵିଷମେକ୍ଷଣାଯ
ନମଃ ଶିଵାଯୈ ଚ ନମଃ ଶିଵାଯ
॥ 3 ॥
ଶ୍ଲୋକ 5
ମନ୍ଦାରମାଲାକଲିତାଲକାଯୈ
କପାଲମାଲାଙ୍କିତକନ୍ଧରାଯ ।
ଦିଵ୍ଯାମ୍ବରାଯୈ ଚ ଦିଗମ୍ବରାଯ
ନମଃ ଶିଵାଯୈ ଚ ନମଃ ଶିଵାଯ
॥ 4 ॥
ଶ୍ଲୋକ 6
ଅମ୍ଭୋଧରଶ୍ଯାମଲକୁନ୍ତଲାଯୈ
ତଟିତ୍ପ୍ରଭାତାମ୍ରଜଟାଧରାଯ ।
ନିରୀଶ୍ଵରାଯୈ ନିଖିଲେଶ୍ଵରାଯ
ନମଃ ଶିଵାଯୈ ଚ ନମଃ ଶିଵାଯ
॥ 5 ॥
ଶ୍ଲୋକ 7
ପ୍ରପଞ୍ଚସୃଷ୍ଟ୍ଯୁନ୍ମୁଖଲାସ୍ଯକାଯୈ
ସମସ୍ତସଂହାରକତାଣ୍ଡଵାଯ ।
ଜଗଜ୍ଜନନ୍ଯୈ ଜଗଦେକପିତ୍ରେ
ନମଃ ଶିଵାଯୈ ଚ ନମଃ ଶିଵାଯ
॥ 6 ॥
ଶ୍ଲୋକ 8
ପ୍ରଦୀପ୍ତରତ୍ନୋଜ୍ଜ୍ଵଲକୁଣ୍ଡଲାଯୈ
ସ୍ଫୁରନ୍ମହାପନ୍ନଗଭୂଷଣାଯ ।
ଶିଵାନ୍ଵିତାଯୈ ଚ ଶିଵାନ୍ଵିତାଯ
ନମଃ ଶିଵାଯୈ ଚ ନମଃ ଶିଵାଯ
॥ 7 ॥
ଶ୍ଲୋକ 9
ଏତତ୍ପଠେଦଷ୍ଟକମିଷ୍ଟଦଂ ଯୋ
ଭକ୍ତ୍ଯା ସ ମାନ୍ଯୋ ଭୁଵି ଦୀର୍ଘଜୀଵୀ ।
ପ୍ରାପ୍ନୋତି ସୌଭାଗ୍ଯମନନ୍ତକାଲଂ
ଭୂଯାତ୍ସଦା ତସ୍ଯ ସମସ୍ତସିଦ୍ଧିଃ
॥ 8 ॥