Ardha Nareeswara Stotram

ardha nArIshvara stotram

shloka 1

chAmpeyagaurArdhasharIrakAyai

karpUragaurArdhasharIrakAya |

dhammillakAyai cha jaTAdharAya

namaH shivAyai cha namaH shivAya || 1 ||

kastUrikAku~NkumacharchitAyai

chitArajaHpu~nja vicharchitAya |

kRRitasmarAyai vikRRitasmarAya

namaH shivAyai cha namaH shivAya || 2 ||

jhaNatkvaNatka~NkaNanUpurAyai

pAdAbjarAjatphaNinUpurAya |

hemANgadAyai bhujagANgadAya

namaH shivAyai cha namaH shivAya || 3 ||

vishAlanIlotpalalochanAyai

vikAsipa~NkeruhalochanAya |

samekShaNAyai viShamekShaNAya

namaH shivAyai cha namaH shivAya || 4 ||

mandAramAlAkalitAlakAyai

kapAlamAlA~NkitakandharAya |

divyAmbarAyai cha digambarAya

namaH shivAyai cha namaH shivAya || 5 ||

ambhodharashyAmalakuntalAyai

taTitprabhAtAmrajaTAdharAya |

nirIshvarAyai nikhileshvarAya

namaH shivAyai cha namaH shivAya || 6 ||

prapa~nchasRRiShTyunmukhalAsyakAyai

samastasaMhArakatANDavAya |

jagajjananyai jagadekapitre

namaH shivAyai cha namaH shivAya || 7 ||

pradIptaratnojjvalakuNDalAyai

sphuranmahApannagabhUShaNAya |

shivAnvitAyai cha shivAnvitAya

namaH shivAyai cha namaH shivAya || 8 ||

etatpaThedaShTakamiShTadaM yo

bhaktyA sa mAnyo bhuvi dIrghajIvI |

prApnoti saubhAgyamanantakAlaM

bhUyAtsadA tasya samastasiddhiH || 9 ||