Ardha Nareeswara Stotram
అర్ధ నారీశ్వర స్తోత్రమ్
Ardha Nareeswara Stotram
అర్ధ నారీశ్వర స్తోత్రమ్
శ్లోక 1
చామ్పేయగౌరార్ధశరీరకాయై
కర్పూరగౌరార్ధశరీరకాయ ।
ధమ్మిల్లకాయై చ జటాధరాయ
నమః శివాయై చ నమః శివాయ
శ్లోక 2
కస్తూరికాకుఙ్కుమచర్చితాయై
చితారజఃపుఞ్జ విచర్చితాయ ।
కృతస్మరాయై వికృతస్మరాయ
నమః శివాయై చ నమః శివాయ
॥ 1 ॥
శ్లోక 3
ఝణత్క్వణత్కఙ్కణనూపురాయై
పాదాబ్జరాజత్ఫణినూపురాయ ।
హేమాఙ్గదాయై భుజగాఙ్గదాయ
నమః శివాయై చ నమః శివాయ
॥ 2 ॥
శ్లోక 4
విశాలనీలోత్పలలోచనాయై
వికాసిపఙ్కేరుహలోచనాయ ।
సమేక్షణాయై విషమేక్షణాయ
నమః శివాయై చ నమః శివాయ
॥ 3 ॥
శ్లోక 5
మన్దారమాలాకలితాలకాయై
కపాలమాలాఙ్కితకన్ధరాయ ।
దివ్యామ్బరాయై చ దిగమ్బరాయ
నమః శివాయై చ నమః శివాయ
॥ 4 ॥
శ్లోక 6
అమ్భోధరశ్యామలకున్తలాయై
తటిత్ప్రభాతామ్రజటాధరాయ ।
నిరీశ్వరాయై నిఖిలేశ్వరాయ
నమః శివాయై చ నమః శివాయ
॥ 5 ॥
శ్లోక 7
ప్రపఞ్చసృష్ట్యున్ముఖలాస్యకాయై
సమస్తసంహారకతాణ్డవాయ ।
జగజ్జనన్యై జగదేకపిత్రే
నమః శివాయై చ నమః శివాయ
॥ 6 ॥
శ్లోక 8
ప్రదీప్తరత్నోజ్జ్వలకుణ్డలాయై
స్ఫురన్మహాపన్నగభూషణాయ ।
శివాన్వితాయై చ శివాన్వితాయ
నమః శివాయై చ నమః శివాయ
॥ 7 ॥
శ్లోక 9
ఏతత్పఠేదష్టకమిష్టదం యో
భక్త్యా స మాన్యో భువి దీర్ఘజీవీ ।
ప్రాప్నోతి సౌభాగ్యమనన్తకాలం
భూయాత్సదా తస్య సమస్తసిద్ధిః
॥ 8 ॥